اللي تعرف تساعدني [الأرشيف] - منتديات الجلفة لكل الجزائريين و العرب

oum sabrin

2014-04-30, 13:00

السلام عليكم ورحمة الله
درت وليمة و بقالي بزاف الخبز
من فضلكم اللي عندها كيفية حلوى بالخبز تساعدني
شكرا

hadjer hadjora

2014-04-30, 14:25

السلام عليكم
اولا اختي كلشي مبروك و بنسبة للخبز يابس روحي تاع الاخت وهرانية1 راهي حاطة كلش على الخبز اليابس و سمحيلي مانعرفش نحط الروابط
ربي يوفقك

روحي لقسم الطبخ و المؤكولات راهم مثبتين جميع الروابط الاخوات في مكتبة الفحلات و شكرا لهم

oum sabrin

2014-04-30, 18:43

زوجة الغول

2014-04-30, 22:10

شوفي يا ختي تقدري تخليه ييبس ومبعد ترحيه وتخبيه تديري بيه كفتة مثلا

بريق الدجى

2014-04-30, 22:49

كاينة وصفة لفارس جيدي شيزكايك بالخبز مرحي في بلاصة البسكوي
تلقايها في اليوتيوب

oum sabrin

2014-05-01, 14:19

شوفي يا ختي تقدري تخليه ييبس ومبعد ترحيه وتخبيه تديري بيه كفتة مثلا

شكرا أختي على الفكرة وعلى الرد

oum sabrin

2014-05-01, 14:21

كاينة وصفة لفارس جيدي شيزكايك بالخبز مرحي في بلاصة البسكوي
تلقايها في اليوتيوب
شكرا أختي بريق الدجى على الفكرة و على الرد

خيط الروح

2014-05-01, 14:44

السلام عليكم
ان شاء اله نفيدك بالفكرة تاعي
كي يصبحلي الخبز نقطعو على شكل شرائح بالعرض
او نقطعو بالطول
ندخلو شوية في الفور
ثم ناخد سنة ثوم نقسمها على زوج ونحك بيها قطع الخبز من فوق
يعني نمسح الجهة العليا للخبز بالثوم
ماتخافيش مايطلقش الريحة بزاف . يدير برك البنة
ثم نزيد نجوز عليهم شوية زبدة
والان لكي الاختيار :
انا مرات ندير شرائح طماطم و نقطع عليها زيتون
ومرات كي يبقالي فلفل مشوي او مقلي نقطعو ونحطو من فوق
.كل مرة على حسب واش يكون عندي..........
لكن في الاخيردائما نختم برشة من زيت الزيتون و الجبن المبشور
ونعاود ندخلهم للفور شوية
يجوني هايلين في بلاصت البيتزا
انا زوجي بسلامتو ذواق للماكلة .. مايحبش اي حاجة
لكن هاذي تعجبو بزاف
وكي نديرها نزيد معاها غالبا حساء او شوربة .. عدس ...
كثرت الهدرة عليك .... لكن نتمنى اني افدتك

oum sabrin

2014-05-01, 14:47

شكرا جزيلا أختي أكيد أنك أفدتيني تبان هايلة