استثمار 50 مليون ستنيم

[hassina06]

السلام عليكم
أريد من الأخوة الأفاضل أن تزودوني بأفكار كي أستثمر هذا المبلغ فمن لديه أي فكرة لا تبخلوا علي و شكرا

[khaled40]

كل مشروع لا زم دراسة انا ارى ان كان لديك محل او للكراء موجود في موقع جيد و آهل بالسكان و قريبة من متوسطة او ثانوية اعملي مكتبة ديري فيها فليكسي لانو المكتبة حوايجها مايفسدوش و تقدري اذا قدر الله تليكيدي السلعة نتاعك و تردي دراهمك

[LOUNIS HOUAS]

خبيها و زيدي عليها 50 مدير والو

[hassina06]

كل مشروع لا زم دراسة انا ارى ان كان لديك محل او للكراء موجود في موقع جيد و آهل بالسكان و قريبة من متوسطة او ثانوية اعملي مكتبة ديري فيها فليكسي لانو المكتبة حوايجها مايفسدوش و تقدري اذا قدر الله تليكيدي السلعة نتاعك و تردي دراهمك
شكرا جزيلا على الإقتراح

[hassina06]

خبيها و زيدي عليها 50 مدير والو
أولا شكرا و ثانيا اسمحلي أنا أعرف ناسا بدأوا بمليون و الأن هم من أكبر التجار

[là bOùrGeOise]

أولا صحيح أختي 50 مليون إذا طاحت في يد واحد تخمامو محدود ماديرلو والو
بصح كاين ناس يجمدو الما في يديهم كيما نقولوها بالعامية..
ثانيا أنا مبعد نسأل ناس ذوي خبرة لأني حقيقة ماخممتش من قبل ندير مشروع هكذا
و ربي يوفقك ختي لعزيزة حبيت برك نقوللك علي الهمة لأنو أي مشروع يبدأ بداية صعبة ممكن حتى يفشل
بصح بالعزم و شوية تمخميخ و بربي ان شاء الله ماتندميش..الله المستعان

[رابحي نـائل]

وعليكم السلام ورحمة الله...
50 مليون الله يبارك...تقدر تشريها خرفان أو نعجة
فقط المتابعة الجيدة....والفائدة مضمونة ان شاء الله

[أم احمد3]

مكتبة مليحة...........

[hassina06]

شكرا لكم إخواني على التشجيع فقط أريد أن أطرح فكرتي و هي محل لبيع مواد صنع الحلويات خصوصا لاحظت كثرة المحلات لصنع الحلويات خصوصا الماكثات في البيت و الأمر الذي شجعني أنه يوجد محل واحد فقط في منطفتنا ما رأيكم قد لا يكفيني المبلغ لكن سهل تدبيره

[ZORRO__DZ]

أي مشروع يبدأ بفكرة، وأي مشروع يلزمه دراسة والدراسة تكونها عناصر إذا تكاملت كمل المشروع وأصبح جاهزاً للتجسيد.


لنبدأ بالفكرة، هناك أفكار كثيرة وكل شخص له رأيته الخاصة فهنك من يحب التجارة.وأخرى يحب الخدمات وأخر يحب الإنتاج Fabrication وتحويل المواد. هذه هي أهم الأفكار

إذا انت أخترتي التجارة المباشرة يعني تشتري سلعة ما ولك هامش محدد من الربح

كل فكرة ذكرتها سابقاً لها ميزة عن الأخرى, وهنا يلزم انت تحضر الخبرة والنظرة المستقبلة للمشروع.

يتبع....

[nidabaize]

صحيح اختى محل بيع الحلويات يدر دخلا خاصة ادا كانت الحلوى جميلة لازملك ديبلوم او ممكن ديري حرفية ادا كنتى تعرفى تخدمى الحلوى اقتربي الى اقرب تكوين وشاركى فى مسابقة الحلويات ويعطوك ديبلوم بيهتفتحى محل وممكن تقري البنات كدالك

بالتوفيق

[ZORRO__DZ]

صحيح اختى محل بيع الحلويات يدر دخلا خاصة ادا كانت الحلوى جميلة لازملك ديبلوم او ممكن ديري حرفية ادا كنتى تعرفى تخدمى الحلوى اقتربي الى اقرب تكوين وشاركى فى مسابقة الحلويات ويعطوك ديبلوم بيهتفتحى محل وممكن تقري البنات كدالك

بالتوفيق

هي تريد بيع مواد صناعة الحلويات

[nidabaize]

هي تريد بيع مواد صناعة الحلويات



تبيع الحلويات او مواد صناعة الحلويات كلاهما مشروع جيد للمرأة انصحك انك عندما تشترى البضاعة اشترى دات جودة


بالتوفيق

[soumay12]

انصحك ببيع القنادر خاصة تاع الدار انت جربي الفكرة بزوج ملايين ورايحة تشوفي الفائدة

وشخصيا بامكاني تزويدك بالقنادر وباخر مودلات وبسعر جيد

خاصة حسب البروفيل راكي معلمة غير تبيعي للمعلمات رايحة تكون فائدة

ولا يقتصر المشروع على القنادر ايضا استطيع تزويد بفراشات بيت القعدة عصرية وبنوع جيد للقماش

ايضا الريدوات العصرية

شخصيا امتهن هذه الحرفة والحمد لله ماشية مليح بامكانك البيع مباشرة من بيتك دون الحاجة الى كراء

او اذا كان عندك امكانية الكراء تقدري تحطي وحدة تبيعلك

وبالتوفيق هذا ال...سك...يب travail.admin

[LOUNIS HOUAS]

السلام عليكم اختي الكريمة صدقيني المكتبة ما فيهاش هامش ربح كبير و مع الوقت راح تضطري للغلق نتاعها انت اصبري شوية و كبري راسمالك او لا لازملك تأجير محل و الـاجير في الأماكن التجارية راه غالي بزاف و ثانيا رايحة تضطري للشراء اللوازم و الأدوات الخاصة بتأهيل المحل و بعد ذلك شراء السلع و البضائع انا ننصحك ادا كان عندك حرفة كالخياطة او اي حرفة تقدري تخدمي اما محل فصدقيني اصبري و خبي

[hassina06]

السلام عليكم اختي الكريمة صدقيني المكتبة ما فيهاش هامش ربح كبير و مع الوقت راح تضطري للغلق نتاعها انت اصبري شوية و كبري راسمالك او لا لازملك تأجير محل و الـاجير في الأماكن التجارية راه غالي بزاف و ثانيا رايحة تضطري للشراء اللوازم و الأدوات الخاصة بتأهيل المحل و بعد ذلك شراء السلع و البضائع انا ننصحك ادا كان عندك حرفة كالخياطة او اي حرفة تقدري تخدمي اما محل فصدقيني اصبري و خبي
شكرا أخي و لكن ليس لدي أي حرفة

[ميمي مانو]

مبلغ 50 مليون كبداية مبلغ جيد خاصة اذا كان عندك مكان تبداي منو انت شوفي اهم هواية عندك ولا حرفة
لي عودة نعطيك اقتراحات ان شاء الله

[khatraoui]

لدي ورشة خياطة الالبسة ساءقوم بتوسيع الورشة باءضافة الات الكترونية

لدي اليد العاملة


احتاج لشركاء بعقد قانوني للتواصل اختي


https://www.f a c e b o o k.com/ahmed.beo1

[محمد الصالح]

ربي يوفقك ...
راني كيفك محتار!!!!

[khatraoui]

لدي ورشة خياطة الالبسة ساءقوم بتوسيع الورشة باءضافة الات الكترونية

لدي اليد العاملة


احتاج لشركاء بعقد قانوني للتواصل اختي


https://www.f a c e b o o k.com/ahmed.beo1

[younes39]

محل ملابس نسائية واطفال + ملابس داخلية+ مواد تجميل

[alcapone19661]

اذا كان عندك مكان للعمل + 50 مليون عندي لك اقتراح يمكنك ان تفتحي محل لبيع الحلويات المنزلية بالتجزئة و بالجملة يعني للزبائن و للمحلات
أو يمكنكي فتح ورشة خياطة و اذا كنتي لا تحسنين هذه الحرفة قومي بتوضيف 3 عاملات
و يمكنكي ايضا فتح محل لبيع مستلزمات الاعراس أو فتح حلاقة و توضيف 3 حلاقات

[ابو الحسنين علي]

أنصحك بمحل لبيع العطور وادوات التجميل ربحها مضمون

[lotfi yousfi]

ههههههههههه النا ثاني عندي 60 مليون و ناقصتني40 مليون علي المشروع تاعي عندي فكرة واش رايك نروح انا للهند ندي الجنسية الهندية و تجي نتي تخطبيني و تعطيلي لمهر تاعي ماتخافيش مانشرطش بزاف غير 50 مليون و مباعد نولوا للبلاد و نديرو فيها مشروع و نعيشوا بسعادة و هناء + ادا ماعجباتكش هاذ الفكرة افتحي حانوت قش نساء ولا ولاد صغار عندي عمي قبل 3 سنين كان يقولي سلفلي شوي دراهم درك او يدور ب 308 جديدة الله يبارك و سلام

[SevoreK]

ربي يفرج علينا كامل

[mtoussa]

عجبني كلام الاخ خالد

الاساس في المشروع دراسة الاخطار او الاخطار المحسوبة او تسيير القروض هو احد اسباب نجاح المشاريع

خلي المشروع يخلص قرض راس المال تاعو هذي هدة مليحة

الاخ خالد بالمناسبة الرقم 40 في اسم المستخدم تاعك ماشي من الولاية رقم 40

[abdou AMG]

أختي احسن طريقة للإستثمار هي التجارة
اذا عندك محل تقدري تخدمي مع شريكة في بيع الحلويات
يعني الصناعة و البيع لأنه فيه فائدة معتبرة ( للاشارة النساء لي يخدموا في البيت يدوا فائدة قليلة و البائع راه يدي اضعاف الفائدة)
او بيع الملابس النسائية
قبل بدء المشروع لازم تدرسي طبيعة المكان
وجود المنافسة التجارية
و قبل كل شيء التوكل على الله و الاستخارة

[lame]

أولا شكرا و ثانيا اسمحلي أنا أعرف ناسا بدأوا بمليون و الأن هم من أكبر التجار


احب اسمع قصص الي بداو بمليون واثنين ونجحو ياريت تكتبي لنا قصص الي تعرفيهم وجزاك الله خير

[ilhemnanous]

شخصيا افضل مشروع الخرفان لكن لازملهم عناية ومتابعة

[Business.pro2100]

جميل عملك أخي .. ألف تحية .

[الوردة الندى]

افكار رائعة الله يبارك

[youcefas07]

50 مليون نتاعك هذي ديري مزية خيتي اعططيهالي وخلاص هههههههههههههه



شوفي نتي طموحاتك وهوايتك وفكرريمليح خيتي

[qasseml2003]

احب اسمع قصص الي بداو بمليون واثنين ونجحو ياريت تكتبي لنا قصص الي تعرفيهم وجزاك الله خير

موقع الجلفة بدا باستضافة رخيصة جدا اي اقل من خمس الاف دينار سنويا وهو الان من اكبر المواقع في العالم .. فيه ربح كبير .. وكفانا استهزاء بالاخرين ..

[soumia124]

اقترح عليك سيبار كافي و فليكسي
شعب نتاع هدرة

[mehdi46]

محل الخياطة او بيع الحلويات

[hassina06]

اخواني أنا 50 مليون تاعي راهي ولات أكثر من 200 مليون ,كنت أستورد الأحذية من إسبانيا و أبيعها بالجملة لأصحاب المحلات و الحمد لله الأن أصبحت لدي طلبات من عدة و لايات و شكرا لكل من ساهم بإقتراحة و بارك الله فيكم و حظ وفير للجميع

[hassina06]

احب اسمع قصص الي بداو بمليون واثنين ونجحو ياريت تكتبي لنا قصص الي تعرفيهم وجزاك الله خير
لدي أخي بدأ ب ناقص مليون استلفه من عند صديق و تفاهم مع صاحب المحل على أن يدفع الكراءاخر الشهر ,أما العمل فكان ببيع الفواكه,كذلك كان يدفع نهاية كل أسبوع و هكذا,,,,,و الان بعد 5 سنوات يملك سوبيرات و محل بيع أدوات الإعلام الالي و الحمد لله و كل هذا بالمثابرة و العزيمة فهي أكبر رأس مال

[hicham43002]

اخواني أنا 50 مليون تاعي راهي ولات أكثر من 200 مليون ,كنت أستورد الأحذية من إسبانيا و أبيعها بالجملة لأصحاب المحلات و الحمد لله الأن أصبحت لدي طلبات من عدة و لايات و شكرا لكل من ساهم بإقتراحة و بارك الله فيكم و حظ وفير للجميع


ماشاء الله الله يبارك
هل تقصدين انه اصبح لك مكتب تصدير واستراد ام انك طلبت من احد مكاتب الاستراد والتصدير ان يستوردوا لك السلع من اسبانيا
فمنذ عام كنت تستفسرين والان اصبحت تملكين بعض الاجوبة فاذا لم يكن هناك احراج فالرجاء افادتنا ببعض تجاربك
بارك الله فيك وفي مالك

[hassina06]

ماشاء الله الله يبارك
هل تقصدين انه اصبح لك مكتب تصدير واستراد ام انك طلبت من احد مكاتب الاستراد والتصدير ان يستوردوا لك السلع من اسبانيا
فمنذ عام كنت تستفسرين والان اصبحت تملكين بعض الاجوبة فاذا لم يكن هناك احراج فالرجاء افادتنا ببعض تجاربك
بارك الله فيك وفي مالك
السلام عليكم
يا أخي أنا أستورد عن طريق transitaire و لدي تجار أتعامل معهم

[nani86]

السلام عليكم
يا أخي أنا أستورد عن طريق transitaire و لدي تجار أتعامل معهم

ممكن تشرح لنا كيفية التعامل لان الفكرة اعجبتني وممكن اقوم بها

[hassina06]

ممكن تشرح لنا كيفية التعامل لان الفكرة اعجبتني وممكن اقوم بها
السلام عليكم و رحمة الله تعالى و بركاته
أنا في الأول كنت أجد الأمر صعبا و لكن ما إن قمت بالخطوة الأولى رحت أجد العملية سهلة , فقط يجب أن يكون لديك تاجر أو إثنان حتى لا تتكدس البضاعة , أما عن الكيفية فسهلة عندما تشتري البضاعة عند بائعي الجملة هم يقومون بارسالها الى الشحن ثم يعطوك رمزا حتى تستقبل سلعك في الجزائر و تدفع ثمن الايصال و لمعلومات أكثر اتصل بي على samantha501 @ live. com

[jongar]

السلام عليكم ورحمة الله وبركاته


اذا كان لديك مبلغ كهذا ولم تعرف كيف تستثمره يا اخي انظر حولك قم بالتالي:
اشتري كراس وقلم وقم بجزلة في مدينتك ودون الاشياء الناقصة في ولايتك مثلا محلات بيع اشياء غير موجودة في ولايتك
ثم اخي اذهب الى الجزائر او وهران اوسطيف يعني الولايات الكبرى وقم بجولة هناك عن محلات تجارة ما لا توجد في ولايتك
وهنا تسقط عليك بعض الافكار وقم بالتفكير جيدا وتوكل على الله
توجد مثلا تجارة الباهارات والاعشاب الطبية تعتبر كذلك مشروع تجاري مدر للربح ونحن على ابواب شهر رمضان الكريم
لكن اخي يجب ان يكون المحل التجاري بطريقة عصرية والهدف من ذلك جذب الزبائن
مثلا 50 مليون اذا كان لديك محل تجاري فالمحل سيمتلا ان اخره بالسلع
وفي الاخير
بالتوفيق للجميع ان شاء الله

[nani86]

السلام عليكم و رحمة الله تعالى و بركاته
أنا في الأول كنت أجد الأمر صعبا و لكن ما إن قمت بالخطوة الأولى رحت أجد العملية سهلة , فقط يجب أن يكون لديك تاجر أو إثنان حتى لا تتكدس البضاعة , أما عن الكيفية فسهلة عندما تشتري البضاعة عند بائعي الجملة هم يقومون بارسالها الى الشحن ثم يعطوك رمزا حتى تستقبل سلعك في الجزائر و تدفع ثمن الايصال و لمعلومات أكثر اتصل بي على samantha501 @ live. Com

لقد بعث لك رسالة في الايمايل. ممكن معرفة اسعار الاحدية التي عندك

[sana eli]

محل الأدوات الكهرومنزلية

[staress]

احدية النساء و الاطفال بجميع انواعها اقصد احدية الصيف و احدية الشتاء ... مشروع لا يتطلب محل كبير و لا دراية كبيرة و لا مال كثير

[Izake]

السلام عليكم و رحمة الله تعالى و بركاته
أنا في الأول كنت أجد الأمر صعبا و لكن ما إن قمت بالخطوة الأولى رحت أجد العملية سهلة , فقط يجب أن يكون لديك تاجر أو إثنان حتى لا تتكدس البضاعة , أما عن الكيفية فسهلة عندما تشتري البضاعة عند بائعي الجملة هم يقومون بارسالها الى الشحن ثم يعطوك رمزا حتى تستقبل سلعك في الجزائر و تدفع ثمن الايصال و لمعلومات أكثر اتصل بي على samantha501 @ live. com

الله يبارك عجبتيني أختي هاكّا نساء ولا خلي :19:، ربي يوفقك... كنت سقسيت زوجي على الإستيراد من الخارج، قاليّ لازملك سجل تجاري تاع l'importation وإلا فهذا أمر ممنوع، و يمكن يسيزيولك البضاعة فالبور. والمشكل أنو باش الديري هذا السجل لازم يكون عندك مليار!!! ؟ مارأيك أختي في هذا الكلام؟ وهل الطريقة التي ذكرتها للإستيراد لاخوف منها كما ذكرت سابقا؟؟ لأني أملك مبلغ محدود جدا ونخاف نريسكي... ولازم تروحي شخصيا للخارج؟ نتمنى تجاوبيني أختي... ربي يسهل لكل مسلم...

[youcefas07]

بالتوفيق لازمك دير دراسة جدوى

1/ موهبتك او امكانياتك
2/ امكانياتك الثانوية دونحساب المال ( المحل المواد .......)
امور اخرى

[mouradettaje]

50 مليون ؟؟؟؟ ليس المهم كم المبلغ المهم دراسة المشروع جيدا

[oussamarobert]

أختي هناك تجارة مربحة وقليلة هي بيع الحيوانات الأليفة وكل مستلزماتها ابحتي في هدا الأمر واسئلي أهل التخصص

[chouchaoui16]

انا نسكن في الشراقة الجزائر كاين ليلله الفايدة فور بزاف راهم دايرين حوانت نتاع الفطير يطيييب الفطير سخون 30 دينار للوحدة والله ما تصحلك غير بلاشان وا

[chouchaoui16]

السلام انا من الشراقة الجزائر العاصة عندي سجل تجاري لبيع الزيوت والشحوم الصناعية + بطاقة الاعتماد agrie من شركة نفطال حيث استطيع شراعء جميع مواد نفطال + العجلات + ماء مبرد السيارات + لاسيد البطاريات الشنبوان +....... لمن يهمه الامر الاتصال

[alaabiskra2007]

هناك فرق ، إذا كنت تحوس على مشروع براس مال صغير لازم توقف عليه وتتعب كما يقولوا تجار اليمن القدامى ( أهل حضر موت ) اللي سبقك بالفلوس اسبقو بالجلوس أي المداومة و السهر على ذلك العمل و البقاء منشغلا به ، أنا أظن أن أحسن مشروع ليك لكن يحوس على واحد واقف وفحل ، مشروع تسمين الخرفان للعيد أو لغيره من المناسبات و هكذا مشاريع فلاحية أو زراعية والله الموفق

[الاسد الابيض]

cyber café , playstation, flexy

[2015]

أولا شكرا و ثانيا اسمحلي أنا أعرف ناسا بدأوا بمليون و الأن هم من أكبر التجار

ملا نقلك نعرف واحد بدا بطابلة صغيؤة تع محارق

ضكا راه الله يبارك

[yassintenes]

ربي يوفق جميع

[صنوبر]

السلام عليكم
هل الوثائق غير مطلوبة في هذه المشاريع؟؟؟

[" رَائِد المًسْتَقْبَـــل "]

تستطيع العمل و لو بـ 0 مليون
انظر الى كثير من الناجحين في الحياة بدأ من 0
المهم في العقل و الافكار

[aythamlartist]

السلام عليكم
أريد من الأخوة الأفاضل أن تزودوني بأفكار كي أستثمر هذا المبلغ فمن لديه أي فكرة لا تبخلوا علي و شكرا

أنا لدي لك فكرة جيدة و قد يصل الربح فيها إلى 15-20 مليون في الشهر
فكرتي جد رائعة و أظن أن الـ50 مليون تكفي و زيادة ( العمال موجودين )
إذا يمكنك مراسلتي أرسلي رسالة خاصة فيها السـ,ـكايب أو الفيـ,ـسـ,ـبووك

+
فكرة سيبار و راهو جاي رمضان و الناس تسهر بزاااف على النت

[imane mina]

ربي يسهلنا ويسهل للجميع اات شاء الله