تخزين الجلبانة (سوئال)

[تاج النور@]

سلام عليكم

:mh92::mh92::mh92:

كيف حالكم أن شاء الله لباس

قصدكم حباباتي ونتمنى نلقا جواب من عندكم

عندي كم من الجلبانة كمية بزايد. وحبيت نغزنها :rolleyes:

وحبيت نسقسيكم ونستفيد منكم بجاه ربي متبخلوش عليا

هكذا كذالك لي تحب تستفيد تستفيد

سلام:):)

[R I A D]

شوفي هذه الطريقة بالاك تعجبك و تفيدك

http://www.djelfa.info/vb/showthread.php?t=935090

[khansa23]

شوفي ختي انا اول وحدة نرد عليك شوفي نمدلك طريقتي في تجميد الجلبانة شوفي نقيها وحطيها في قرع تاع السعيدة وحطيها في المجمد وقت ما تحبي استعمليها بصح بشرط كي تحبي اطيبيها اجبديها قبل ب 1/2سا الى 1سا وخلليها في عقلها تدوب ونحي الكمية اللي رايحا اديريها ورجعي الباقي الى المجمد وهاد
ديك اللي نحيتيلها كبيلها ماء سخون وخلليها تركح وفوريها او كيما تحبي طيبيها في الكوكوط

[ام مريم اسراء]

انا طريقتي نقيها و نغسلها مليح في بسينة نفرغ الماء و نعاود نشللها و نصفيها في كسكاس و نفورها ل 5 د غير يظربها الفوار نحيها و نخبيها في اكياس نتاع حليب لحظة او ساشيات الشفافين و كنطيب كنقلي اللحم او الدجاج نحطها مباشرة و نحليها تتقلا بعض دقائق و نمرق عادي

[ام ياسينو]

احسن طريقة هي طريقة القرعة الي قالت عليها الاخت انا شخصيا مجربتها و تمد نتيجة هايلة تاكلو بصحتكم

[titina]

السلام عليكم
اختي بعدما تنقي الجلبانة اغسليها مليح وخليها تقطر مليح مليح بعدها حطيها في قارورات الماء وحطيها في المجمد
ووقت ما تحبي تخدمي بيها خرجيها بوقت

[أمة الله 12]

أنا نظن لازم تطبخيها لدقائق قليلة أو تفوريها كيما قالت الاخت. و من بعد تخزنيها في ساشي و لا قرعة. كيما تحبي

[بريق الامل&]

طريقتي مختلفة
انا انقيها ولازم ما تمسهاش قطرة ماء ونعمرها في اكياس شفافين ونخرج الهوا قيس ما نحتاج في طبخة وحدة واذا ضياف تجبدي شحال من كيس
وكتخرجيها حطيها في ماء ومغرف سكر ديكنجلا وشلييلها في كسكاس و استعمليها عادي
ومرة وحدة وراتلي قالتلي كونجليها هكاكا بلاما تقشريها في ساشي طبعا وكتحبي تستعمليها دكو نجليها بساعة مثلا ونقي واغسلي وطيبي وجربتها ماما وعجبتها