الليزر

[مشكلتي]

السلام عليكم

أشكركم على الصرح الي اتاحلي نعرض مشكلتي .. انا شاب عندي مشكلة وهي أثار حب الشباب يا جماعة متقدروش تصورو معاناتي لدرجة مانقدرش نتوضأ قدام المراية ... نتعقد كي نحكي مع الناس لدرجة التلعثم في الكلام نحشم من وجهي بزاف .. المشكلة مش حب الشباب خاطر مرة ينوض مرة لالا ولكن في الأثار تاعو مشكلتي انا شاب وأحرج من الكريمات وهادو الامور تاع البنات ولاتلي عقدة رحت نداوي زعما عطاوني دوا تاع 6 شهر بصح مانمنش بهادو الخرافات تاع الادوية والكريمات على خاطر راهم هف برك ولذلك حبيت ندير الليزر بصح مانعرفش وين يديروه حابكم تعطوني العنوان القريب في ولايات الوسط والسومة شحال إذا غالية ولا لا وشحال من مرة ... راني حاير عقدني وجهي خلاص .. حفر وبقع وندبات وحبوب وتضاريس وخرائط لدرجة اني منعرفش لون بشرتي الأصلي ... عاونوني راني مجتنب الهدرة مع الناس خلاااااااااص

[eBusiness]

كان الله في عونك أخي الكريم، لا تيأس وكن قوي الشخصية يا رجل وان شاء الله محنتك تزول في أقرب الاجال يا رب :)
بالنسبة للكريمات فلا عيب إن استخدمتها إن كانت لها نتيجة فلا عيب أن تستعملها لغرض طبي وأغلب الكريمات حينما توضع على الوجه يختفي لونها لأنها شفافة وقد حدث في الماضي أنني أصبت بحروق طفيفة من جراء الشمس لأنني مكتت وقتا طويلا تحت الشمس وطلب مني الطبيب استخدام كريمة مضادة للشمس، كنت مثلك احرجت في استخدامها لكني للضرورة استخدمتها وهي في الغالب تصبح شفافة والحمد لله تجاوزت الأمر واختفت الحروق وهذا هو الأهم يا أخي الكريم لهذا أنصحك أن تستخدم الكريمات إن كانت لها فائدة قبل أن تتطرق لأمر الليزر لأنه يستحب أن يبقى اخر الحلول و يا أخي إن كنت محرجا من الكريمات ضعها في الليل حينما تنام أو حينما تكون في المنزل وبكل صراحة يمكنك أن تضعها حتى في وضح النهار والأمر واضح للكل أنك تستخدم الكريمات لعلاج بشرتك فلا تخجل يا رجل لأن الأهم هو علاج بشرتك، تشجع أخي الكريم وعالج نفسك بعيدا عن كل التراهات وكن قوي الشخصية وواجه الناس كما أنت عليه الان وصدقني هذا ان شاء الله سيزيد من ثقتك بنفسك لأن أمرك لا يقف على مشكل بشرة بل في شخصيتك يا رجل :)

[رحمة 20]

والله الادوية تنفع بزاف عن تجربة وهذا مرض ولازم داويه علاش الراجل عيب يداوي؟من الاحسن تستعملها في اليل لحل قدامك ونت تعاني

[naamane3]

ربي يشفيك
اوملا تجنب اكل الدهون لانها من اول اسباب الحبوب
ثانيا ابحث عن نوعية بشرتك دهنية ام جافة لكي تعالج
ثالثا النت مليئ بالوصفات الطبيعية للعلاج
لكن جرب الوصفات اللتي عليها شكر كثير ممن جربوها
وربي يشفيك مرة اخرى

[يسمينة البجائية]

السلام عليكم و رحمة الله و بركاته

انا نحكي لك تجربتي و الله اليوم الحمد لله وجهي تغير و شفيت

انا كنت ضحية من ضحايا حب الشباب . كنت نعاني منذ كان عمري 13 سنة و دورك نحسب 11 سنة من المعانات . رحت بارتو ..... عند خبراء التجميل . اطباء بروفيسيونيل زعما .... و صرفت ما يعد 6 و لا 7 ملاين بدون ما نحسب مصروف الحصص عندهم . كرهت ..كرهت ...كرهت
زيد نفسيا كنت نعتزل الناس و ما نروحش الاعراس و المناسبات و نبقى في الدار .

انا عانيت كيما انت حب شباب + بقع سوداء+ ندبات كبيرة+ اكزيما .... و الله شفت ابتلاء جامي ننساه و ندعي ربي ما يعانوش ابنائي في المستقبل .

المهم هاذ العام كتب ربي الشفاء و الحمد لله . و السبب كان الرقية الشرعية و الحجامة .نعم الحجامة و امبعد نقولك وعلاش.
بالاك تضحك علي و لا ما تامنش ..... والله كنت نضحك على الناس لي قالو لي هذا عين او حسد . و الله كنت نتجاهلهم و قلت هذي خرافات و انتم تخلطو كلشي .. قلت لهم هذا طبيعي حب شباب الناس كاع صرات لهم كيما هاك . بصح من اليوم لي قالولي هذي الكلمة . صراحة ما ارتحتش هههههههههههه و زيد نخمم بزاف على العين و السحر و الحسد. قلت في روحي حب الشباب و الاثار صعيب العلاج وعلاش ؟ لازم ندرس الاعراض مليح و نشوف

في فيفري 2014 نسيت اليوم بالذات . كانت عندي صاحبتي تخدم حجامة مع زوجها .. هوما درسو هذه المهنة في السعودية .. و ما شاء الله عندهم كلينيك و معرفة كبيرة في الرقية الشرعية و الحجامة زيد هما طلاب علم

قلت لها في التيليفون شو علاقة الحجامة و العين و الحسد مع اثار حب الشباب ؟ لي حب الشباب هي مشاكل هرمونات و ميكروبات تعمر الحبوب و تخلي اثار و بقع بسبب الشمس و لكن 70 بالمئة سببها الاصابة بالعين او الحسد اذا كانت عندك اعراض كشحوب الوجه و التشوه المفرط و عدم توازن لون البشرة .
انا ما امنتش .. و قالت لي ارقي روحك ما خسرتي والو و شوفي في الاخير .
و الحجامة هي تنشيط الدورة الدموية في الراس و الاطباء يعطيو دواء كيميائية لتنشيط الدورة و بهذه الطريقة تختفي البقع السوداء و تتفتح الجلد و تختفي 90 بالمئة من الاثار . و لكن الحجامة اقوى من الدواء الكيميائيو زيد طبيعي مو كميائي و لا يضر للصحة بالعكس هناك لاعبين امريكين و فرنسيين يحتجمو في دبي و السعودية . لان الحجامة تنحي الدم القذر و المسموم و تنشط الجسم .
و رحت ارقيت روحي عند زوجها و لقيت عندي عين و سحر خفيف .. و الله شوكيت و بكيت كثيرا . بديت برنامج العلاج و هو كالتالي
الغسل بماء مقروء
الدهن بالزيت مقروء مخلوط بالاعشاب النافعة للجلد و يجب ان يكون دهن خفيف يعني بكمبة قليلة في اليد و تدهن و تمسح يالقطن هذا في الليل برك و ما تخاف على بالي تقول زيت فوق بشرة دهنية ؟ ...انا نقول بالعكس خبراء التجميل ينصحون بزيت الزيتون لانو ينظف البشرة الدهنية و هذه حقيقة شوف في google
les bienfait de lhuile d'olive sur peau grasse
كملت العلاج بالغسل و الشرب و الدهن و تكرار سورة الفلق 100 مرة او 200 مرة شفت عيني تبكي بزاف و ننعس و نحس بدوران في الراس و حكة في اليد اليمنى و 3 ايام برك الوحه تغير . كنت نشرب 2 ليترات ماء في اليوم و عصير برتقال مع جزر . و الله وجهي تغير و ربي شاهد على ما اقول .
و درت حجامة ايضا و ارتح بزاف و الله تنورت حياتي .

[djamel123]

هناك موضوع قرأته في الماضي في هذا المنتدى عن فتاة ذهبت لمركز ليزر في وهران لازالة آثار حب الشباب ولم ينجح معها الأمر لأن هذه العمليات بغض النظر عن ثمنها العالي فيلزمها أطباء ماهرون في إستخدام الأجهزة كما يجب أن تكون الجلسات في فترات معينة من السنة لا يكون فيها الجو حار مثل هذه الفترة الحالية من السنة لأن التعرض للحرارة خطير جدا بعد هذه العمليات كما أنها يمكن أن تنجح مع شخص ولا تنجح مع الآخر.
- أنا نصيحتي أن تفكر في الوقاية أكثر من العلاج وأهم شئ تبدأ به هو أن تريح نفسك نفسيا وهذا مهم جدا للعلاج، ولا تفكر في المرض وتحاول ان تتقبل نفسك وتحتم على نفسك مواجهة الناس بدون اي عقد، ولا تنطوي على نفسك وتقلق وتحزن لأن هذا يضاعف أي مرض في الدنيا مهما كان، وأن تذهب الى طبيب مشهور في الأمراض الجلدية حتى لو تطلب الأمر ان تسافر الى ولاية أخرى حتى يعطيك مضادات حيوية ومراهم خاصة ببشرتك ويعطيك نصائح للعلاج وكما قلت لك أهم شئ هو الراحة النفسية وعدم القلق.

[أناييس الربيع]

شوفي خويا أنا نعرف طبيب جلد رائع "علواني شرف الدين "بولاية سطيف

صدقني لي عالجو كامل رتاحو صح هو الشفابيد ربي ولكن هذا الطبيب

الكل يشكر فيه .

وأما اذا كنت تبحث عن علاج بالليزر افضل نعرف واحد أيضاً بولاية سطيف

اسمو مريان وكاين كذلك كلينيك تخدم بالليزر "مصطفاي"

وأما الثمن فهو 4000دج اربعة مئة الف دينار للجلسة الواحدة


واسأل الله العظيم لك ولجميع المرضى الشفاء

[lachiche]

السلام عليكم و رحمة الله وبركاته
سبحان الله قبيل برك شفت لافتة نتاع طبيب يخدم بالليزر
المهم في ولاية برج بورعريريج في حي إسمه الكوشة سقسي الناس راهم يوريولك
ربي يشفيك

[مناد بوفلجة]

ربي يشافيـــــــــــــك

[bila86]

السلام عليكم
أخي نمدلك معلومات خاصة بالليزر لعلاج ندوب حب الشباب لتكون لديك فكرة عامة على الموضوع

الليزر المستعمل هو

Laser co2 MultiscanTM

-تختلف عدد الجلسات حسب العلاج
-تختلف درجة الليزر حسب الضرر (درجة خفيفة، متوسطة، قوية....)
- يختلف السعر حسب درجة الليزر المستعملة (من 4000دج إلى 8000دج)
- يجب أن تكون الجلسات في فصل الشتاء أي يجب أن لا يكون الجو حارًا
- يوجد ألم أثناء الجلسة ويستمر 15د بعد الجلسة
- الإحمرار يدوم تقريبا أسبوع (حسب درجة الليزر المستعملة) يعني
يجب أن تبقى في المنزل ولا تخرج إلا للضرورة
-لا تنتظر نتيجة فورية فهي ستظهر تدريجيا بعد شهر ونصف تقريبا


أما بالنسبة لأفضل طبيب مختص في أمراض الجلد والليزر
في ولاية بجاية يوجد في أقبو
إن كنت مهتما أعطيك اسمه وعنوانه بالتحديد

نصيحة لك أخي لا تستعمل كريمات من تلقاء نفسك
فلربما تكون مضرة لبشرتك المهم يجب أن تكون بوصفة طبية
وأتمنى لك الشفاء

[jojo dj]

يا اخي علاج حب الشباب لازمو ستة اشهر الى عام كي تبدا العلاج راه يزيد الحب في وجهك لانو يخرج كامل من تحت الجلد ومبعد يبدا يروح مع العلاج والله ياسر لي نعرفهم عالجو كي نشوفهم ضرك مانامنش كان فيهم حب الشباب وادا كان في وجهك اثار انتاع الحب برك كاين زوج وصفات يشكرو فيهم الاولى العسل الحر مع القرفة والثانية قشرة الرمان تكون مرحية غبرة مع العسل وربي يشفيك

[melissa lola]

السلام اخي الله يشافيك ويشافي جميع مرضى المسلمين بالنسبة لمشكلتك بزاف ناس تعاني منها ماراكش وحدك لازم تقوي ثقتك بنفسك بالنسبة للعلاج ننصحك اتبع عند طبيب وتدير علاج طويل المدى ونتاءجه ان شاء الله مضمونة احسن من الليزر اللي مانعرفوش اثاره الجانبية نحكيلك هاذي كانت تقرا معانا وحدة تعاني من هاذ المشكل لدرجة انه وجهها كان محفر من اثار هذا الحب تبعت عند طبيبة مليحة اعطاتلها واحد الدوا شرباته ثلاثة اشهر ولا اكثر منبعد اللي يشوفها يكذب باللي كانت تعاني من حب الشباب لازم الصبر كاين حاجات يطولو ولكن نخبرك باللي هذاك الدواء كانت عنده تاثيرات جانبية تتمثل في جفاف البشرة لحد التقشر ولكن صبرت ونالت ننصحك بواحد الطبيبة انا رحت ليها كان عندي مشكل تساقط الشعر ،،،، جاية في القليعة مقابلة المدفع في وسط المدينة راحلي اسمها وتليفونها المهم ان شاء الله يفيدوك ناس القليعة وعندها غاشي كبير كنت عندها الخمسة انتاع الصباح وكانو10 قبلي بالشفاء عليك ان شاء الله

[bellaluna]

أنصحك أن تبدأ بالطرق الطبيعية و أن لا تلتجئ لليزر إلاّ في الحالة القصوى..و هذه بعض النّصائح العملية في حالتك :
- شرب ليترين من الماء يوميا.
- الإمتناع نهائيا عن أكل الزبدة و الأكلات الدّهنية و المقلي و الشيبس
-إستعمال واقي الشمس عند التعرّض للشمس و من المستحسن تجديده كلّ ساعتين و إختيار واقي درجة 70°
-تقليل لمس الوجه لأقصى درجة ممكنة لأنّ الحبوب و البكتيريا تنتقل من منطقة لأخرى
- إستعمال غسول وجه (من الصيدلية) قبل النّوم
- شرب عصير الليمون 3 أيّام في الأسبوع على الرّيق
عدم النّظر لوجهك في المرآة في الليل أو في الضوء الخافت
و ربّي يشفيك و يشفي جميع المسلمين و المسلمات.

[{ٲُمّنيَــ㋡ ـــــةٌ}]

الحمد لله الي ربي شفاك با اختي عندي سؤال عاى الحجامة ا
موقع الحجامة الي درتي في الوجه او الكتيفين او اين درتبها

[malika38]

ربي يشافيك
لاتقلق اخي لانه مرض جلدي موقت
وعلاجه موجود عليك بالمداومة فقط
كما انصحك بالعلاج الطبيعي

[Chaima Queen]

ربي اجبلك الضفاء العاجل
و اعلم اخي ان الجمال جمال الروح و الادب و الاخلاق

[hichamben34]

السلام عليكم

[hichamben34]

هنالك بعض الادوية نافعة جدا اخي الكريم

[وليد1990]

يا اخي احسنت فيما قررت حيث لا حل إلا في الليزر صدقني هو الحل المضمون ولكنه غالي جدا مع ذلك يلزمك ضحي اذا حبيت تبرا

أوياك تسمعلهم واخطيك من هاذي الاخلاط العشبية والسحور والتفاهات هاذو يديرو فيهم ناس فارغة الشغل

المساكن تبعوهم سنوات وبعد اكتشفوا حقيقتهم

الدليل روح شوف في غوغل شحال من وصفة عشبية مهمش متفقين على وصفة وحدة لانهم يجيبو من روسهم برك لا علم لاهم يحزنون وكل واحد يلعبها فاهم هات انا نقلك وصفة ههههههه روح جيب الخردل والجقدل وزيت القمح ووالنعناع والسمسم وزيت البصل وحبات اللوز وقشور الموز واخلطهم وطلس بيهم وجهك ههههههههههه هذو الوصفات يفكروك في الطلاسم السحرية صدقني لوكان تبعهم يصحلك التعب وخسارة الدراهم ومش بعيد ترهج روحك هذو الي يبيعو في الاخاليط الطبيعية يتفيقهوا حاطين زيت الزيتون يداوي قاع الامراض كش دوا يداوي قاع الامراض لوكان ماجاش البدع

اما الكريمات والسموم هاذوك راهم تجارة برك دايرينهم باه يتاجرو بيهم الناس تسرطنو منهم ومايخدعوكش الاشهارات والدعايات
المهم اطباء الجلود عدنا راهم ماينفعوك ما والو وقاع اطباء تاع الدزارر ماكش تشوف في المرضى ينقزو من طبيب لطبيب في سياحة علاجية . كشما مرة شفت طبيب يتكيف ياخويا ماعندنش طب في الدزاير

ننصحك بعلاج الليرز لانه تدخل فيزيائي بحــــت

[hodahodahoda]

اظن الطب البديل احسن

[djazia87holi]

ربي يشافيك منو

[رثاآء]

اخي كان الله في عونك
استعمل كريم اسمه Cutacnyl
يستعمل في الليل فقط ونتائجه مضمونة بإذن الله
أخي التغذية الجيدة أيضا تلعب دور وحافظ على نظافة بشرتك ولا متلاعيش حب الشباب
ما تعقدش روحك لان هذي مرحلة وتفوت بحول الله اغلب الناس فاتو فيها
وقبل ما تستعمل الليور حاول مع الكريمات لان فيهم النافع
الله يسهل