هل استطيع التفوق رغم ضيق الوقت

[ikram403]

:dj_17:
ارجوكم انصحوني كيف استطيع السهر لاراجع فانا لا اتجاوز الساعة التاسعة
وهل المدة المتبقية تكفيني لاتفوق
ارجوكم ساعدوني

[Lovely_girl]

ههههه ما عجب من سمعك انا ال10 عينيا يتبلعو
انا ننصحك تولفي روحك كل يوم سيفي على روحك وزيدي ساعة حتى توالفي
بالنسبة للتفوق كاين بزااف اللي جابو الباك قالولي الخدمة تاع الصح تكون في الشهر التالي بشرط تكوني كملتي الحفظة
زيري روحك ختي و ربي يوفقك و ينجحك و ينجحنا كامل

[الجزائرية 2010]

والله انا كيفك
دخلت وراني نستنى بقية الزملاء ينصحونا

[hanna25]

والله نفس مشكلتي وراني رايحة نهبل نرقد بزاف ونتعب بزاف
رايحة نهبل
ربي يعاونا برك

[Sadinne]

السلام عليكم
اختي صدقيني بالارادة و توفيق الله عز و جل يمكنك تحقيق المستحيل
لقد اجتزت امتحان البكالوريا العام الماضي و توفت امي في 8 ماي ثلاثة اسابيع على الاكثر من امتحان البكالوريا
و لكنني عزمت على ان اجتاز الامتحان و صدقيني انجزت الكثير الكثير في وقت قياسي الاتصال العصبي, مجال الخلية و الطاقة, التفاعلات حمض اساس, الاسترة, الميكانيك, كلها دروس لم اكن اتقنها و لكن الحمد لله الممت بكل ما هو مهم في ذلك الوقت القياسي و تحصلت على معدل 14.67 و انا ادرس صيدلة و الحمد لله
و الامر الذي يجب ان يتفهمه جميع الطلاب هو انه يجب ان تحاول الالمام بجميع ما درسنه و لكن لا قدر الله ان لم تستطع فعل ذلك فانها ليست نهاية العالم يعني البكالوريا ما هوش لااح بجي فيها كل الدروس بالتفصيل الممل فالواحد اذا حصرو الوقت يحاول يكون ذكي في المراجعة نتاعو و اهم حاجة الحفاظ على الهدوووووء يوم الامتحان, اتذكر يوم الفلسفة جاو 3 مقالات مو انا ما قريت حتى وحدة فيهم الغاشي يبكي و يخرج برى و حالتهم حالة و انا و الله رغم حالتي النفسية في تلك الايام و الله هزيتها بضحكة واحد 15 دقيقة و مبعد عادي خيرت في عقلي و بديت نكتب و جبت 12.5 في الفلسفة
و العكس صحيح يوم الرياضيات رحت مخلوعة على جال 2 قوانين نسيتهم و هوما ديما يجيبوهم لدرجة كي مدولي المواضيق ما قريتهومش و رحت نحوس على السسؤال تاع هادوك القوانين و ما جاوش لا في الاول لا في الموضوع الثاني و لكن بقات فيا هديك الخلعة و بديت نخلط حتى الاخير عاودت راجعت و صلحت غلطاتي و جبت 14.5 رغم انه ما مسيتش الرياضيات لاكثر من شهر و نصف يعني موضوع البكالوريا كان اول موضوع نحلو منذ شهر و نصف من الانقطاع
حطي مليح في بالك بلي راكي عام كامل و انت تقراي يعني حتى جاتك حاجة في الباك ز انت ماكيش مراجعتيها مش معناها ما تقدريش تجاوبي عليها فهي حتما فاتت عليك و انت تقراي عام كامل
و اهم حاجة راني نقول و نعاود الهدوووووووووء و حسن استغلال الوقت في المراجعة و خلال الامتحان و الله صدقيني امر سهل جداا و باذن الله تنجحي و تفرحي والديك
و حاولي تبقاي ايجابية و ما تقلقيش والديك لانه كاين حوايج اهم من البكالوريا كي نتفكر الايام الي كنت نبكي عند ماما على جال الباك نندم بزاااف خلاص لانه حاجة تتعوض و مع اني جبتو و درت الشعبة الي حبيتها ما يعوضليش ماما فكوني عقلانية و ان شلء الله كلش يفوت بخير و اذا تحتاجي ملخصاتي عاونوني بزاف ولا نصائح نمدلك الفايسسبوك نتاعي

و ربي يوفقك ^^

[la floule]

....................rire diri el kouraje ana mani hafeda walou apar iktisad wache ha ndire fi chehare ma3labalich
??????????esouale yebka yetrahe nafsou

[imi mimi]

Sadinne (http://www.djelfa.info/vb/member.php?u=353756)

شكرا جزييلااااااااااا لك سوف أبدأ من الآن بإذن الله
عقدنا العزم

[A.maroua15]

okhti SADINE ma3lich tmdili face book ta3ek

[Sadinne]

Oui bien sur

https://www.face-book.com/Scarlet.Letter.x3

Envoie moi un message, je vais t'ajouter
^^

[A.maroua15]

sorry mal9itkch okhti

[Sadinne]

Pas grave
Passe moi ton face-book je vais t'ajouter
^^

[van king]

اختي المواد الادبية في الصباح (5 صباحا) اما مواد الاساسية باقي اليوم

[ابن غارداية]

أختي الكريمة , لا أنصحكِ بالسهر من أجل المراجعة لأنّ العقل لا يتحمل كل الضغوطات في اليوم و تزيدي تجهدي نفسك في الليل

لا أنصحكِ بذلك لكن , أفضل وقت للمراجعة هو الصباح الباكر , ماشاء الله نامي بكري و نوضي بكري راجعي

في هذه الحالة يكون عقلك مرتاح و ستستوعبين ما ستراجعينه من الدروس

موفقة إن شاء الله

[ايمان06]

هذي ليست بالمشكلة صدقيني المهم انكي تقراي ................