سااعدوني

[مشكلتي]

سلام عليكم

فتاة عمري 16 اولى ثانوي

كنت عاقلة مربية نحشم

خاطيني كل شي
الفصل لول بديت ننحرف من 14 في سيام ديت 11.64

و مبعد فثل الثاني ديت 9.96

خلاص فشلت كي نتفكر نبكي الدم

وليت ندير مكياج

خسرت تبدلت

انا و راني حايرة في روحي علاه صرالي هكا

استرجعت في الفصل الثالث و الاخير

بصح كي نتفكر نفشلل

مرة هاك و مرة هاكك

و الكارثة اليوم بابا شاف المكياااااج نتاعي كسرو و بهدلني ثالي مكيش

بنتي راني باري منك

و منيش رضصي عليك

كلامو هزني و ندمت وو عدت نفسي منزيديش نمكيي و نرجع كيما زماااااان

بصح كيفاه نطلب السماح من بابا


معنديش الجراة والله كون نوقف قدامو برك نبكي

نخمم فيها برك نبكيي
انا ختكم بنتكم عاونوني

كيفاه ندير و زعما هاد الفصل نقدر ندي بون موايان

نفهم المواد العلمية لاباس بيا

تخصني شوية ثقة بالنفس

حابة نسلك البروبلام نتاع بابا

و مبعد نرجع لقرايتي

انصحوني بلييييز

[knives66]

اه يا بنتي ارجعي لطريق وانجحي في قرايتك وخلي بباك حتي يرتاح مليح وريح معها

حولي تتقربي منوا واطلبي سماح

لانوا اذا بقاء هكذا موش راضي عليك غير موت افضل

روحي اجري اطلبي سماح وخلاص

[agro44]

السلام عليكم

اختي الكريمة
مزالك صغيرة والحمد لله السمعة انتاعك متقاستش *** بالنسبة للمعدل عادي لان بين المتوسط واليسي فارق وهذا يخليك تتراجعي في المستوى بصح ماشي في الاخلاق

المهم

1- المكياج تهناي منوا - وهنينا منوا- و ولي للطريق الصحيح وذلك ب حبسي رفقاء السوء اذا ماكيش دايرة الحجاب ديري
2- انت متحتاجيش معدل كبير للنتقال للسنة الموالية امالا متخميش بالمعدل الكبير المهم انتقلي


انا بغيت نقلك كلمتان فيهما المفيد

ابوك متطلبيش منو السماح بالكلام لانه لن يثق فيك بعد ان تشوهت صورتك في راسه *** بينلوا بالافعال والاخلاق بلي انت هي البنت المثالية

[safira2014]

الحمد لله مازلت صغيرة ورجعت لعقلك تقربي من باباك قوليلو يابابا سامحني وواوعديه بلي ماترجعيش واش كنت وتهلاي في قرايك باجتهادك راكي راح تتقربي لباباك كي يشوفك حاطة راسك غير لقراتك مكانش لميغلطش ومتخالطيش بنات السوء ........
مهما يكون باباك مش راح يسمح في كبدة نتاعو لي هية نتي هو تصرف معاك هكاك باش ترجعي لصوابك ونمنى تتصالحو في اقرب وبتوفييييييييييق .......

[.kiki]

السلام عليكم و رحمة الله
يا أخيّتي الحبيبة الحمد لله أنّك أفقت قبل فوات الأوان، الحمد لله
أولا حبيبتي عليك بالتوبة الى الله، فمن أصلح علاقته مع الله صلح له كل شيء، صلّ صلاتك في وقتها و جاهدي نفسك في ذلك حتّى تتعلّقي بها فتصبح لك كالهواء الذي تتنفسينه.. و باذن الله ستطمئنّ نفسك عندها.
ثانيا و هو أمر في غاااية الأهمية ان كنت صادقة في توبتك عليك أن تبتعدي نهائيا عن صديقات السوء الذي كنت معهن في تلك الفترة (فترة الانحراف كما سميتها) و الله يا أختي هذا مهم جدا و لا تقولي سأبقى معهن و لكن لن أفعل ما يفعلونه، أنت بذلك تخدعين نفسك فالصاحب ساحب، قل لي من هو صديقك أقل لك من انت
لذا اوصيك أن تبتعدي عنهن كليا، تجاهليهم، لا تجلسي معهم أو تتحدثي اليهم، لا تردّي على مكالماتهم.. فقط اقطعي علاقتك بهم و سيعوّضك الله خيرا منهن ان شاء الله
ثالثا، دراستك، بما أنك كنت متفوقة فباذن الله لن تجدي صعوبة في الرجوع الى كنت عليه، فقط عليك بالانظباط و المراجعة المكثفة، توكّلي على الله و ثقي بأن الله لا يضيع أجر المحسنين..
رابعا و أخيرا.. والدك، ذلك الرجل الذي لم يحبك أحد في الدنيا كما يحبك هو، صدقيني، لن تجدي أحدا يحرض عليك كما يفعل أبوك.. فاحمدي الله عى نعمة وجوده في حياتك. قبل أن تتكلمي اليه أثبتي له انك تغيرت عن طريق ما قلته لك سابقا.. سيلاحظ الفرق و يدرك أن ابنته قد عادت الى رشدها.. أسبوع واحد كفيل بان يغيّر رأيه فيك و تكبري في عينه مرة أخرى و يزيد حبه لك. ثمّ اذهبي اليه و لا تقولى لا أستطيع بل عليك أن تجدي القوة لفعل ذلك.. تذكري انه أبوك و هو أحق الناس بأن تعامليه بأفضل معاملة، اخبريه أنك آسفة و أنك تعلمت الدرس و أنك ستعوضين ما فات.. لا بأس ان بكيت.. ذلك طبيعي.. لن اطلبي منه أن يسامحك فرضى الله من رضى الوالدين.

أسأل الله أن يوفقك أخيّتي و يسدّد خطاك و يحفظك من الفتن ما ظهر منها و ما بطن

في امان الله

[naamane3]

اعلمي ان اباك يحبك وكلامه للتخويف فقط
لذا عليك اولا ان تنجحي بمعدل عال
ثم تقلعي عن ما يغضب ابيك الا اذا كان اثم اوقطيعة رحم
ثم عندما تنجحين بالمعدل العال ويراه ابوك
مع هندامك الذي يرضى به وطلب السماح منه
ووعده بانك لن ترجعي لهذه الطريق ابدا
سيضمك اليه ويقبل راسك ويخبرك انه يحبك ويحاف عليك
لذا بدر منه ما بدر

[عمر المعتز]

وعليكم السلام
اختي توبي الى الله عسى ان يغفر لك وبالنسبة لابيك ان لم تستطيعي مواجهته خلي امك تكون الوسيط بينك وبينو ومهما قال ومهما فعل اكيد يبقى يحبك والكلام اللي قالو كان في لحظة غضب وربي يجيب اللي فيه الخير

[بنت لبحر]

وعليكم السلام

مازلتي صغيرة على لحوايج هادو والحمد لله كي فقتي بروحك

اختي اطلبي السماح من باباك و باباك من الغش تاعك علىبيها هدرلك هكاك ماشي من قلبو العكس من خوفو عليك

استغفري ربي و اطلبي السماح من باباك و اوعديه تجيي معدل مليح هكا باش يرضى عليك

ربي ينجحك

[kamel76]

أبوك سيسامحك و يرضى عليك إذا تحصلت على معدل جيد ، و لتتحصلي على معدل جيد أنصحك بالإبتعاد عن الصديقات الفاشلات و لا تقلديهم و صاحبي الفتيات المجتهدات . ما هي إلا أسابيع و تنقضي السنة فاجتهدي و صلي وقتك و سيوفقك الله كوني متأكدة من ذلك .

[julien2013]

مازالك صغيرة
و كامل يداوسوهوم أهلهم
يعني في هاذ السن نورمال يزقي عليك باباك ولا خوك ولا ماماك
بصح لازم تدي الدرس و الفائدة
ربي نشالله يهنيك و يعطيك الحكمة و العقل مش كيما بنات الافلام و المسلسسلات التركية
معليش ارجعي لقرايتك و حطي راسك مليح مليح راكي تنجحي و ادعي ربي سبحانو
و اعملي بالنصائح لي قدموهالك الاخوة لهنا.
و بالتوفيق

[you92cef]

خليكي كيما راكي راكي مليحة !!!

[خالد عنابي]

كي حبست فالماكياج فقط الامر هين بشرط ان لا تعيدي وابوكي مهما قال فهو لا يقصد ذلك وهو يراقبكي لا تذهبي وتفتحي الموضوع فقط اثبتي له بتصرفاتك انكي نادمة وحاولي الحصول على معدل جيد وهذا اكبر اثبات على عودتكي لجادة الصواب

[hodahodahoda]

و الله انت امراة فيك خير
قاومي نفسك باستمرار
الله معاك

[hichamben34]

السلام عليكم

[hichamben34]

عودى لى لله تجدين راحتك

[amine eco]

فترة مراهقة برك ههههه

[مريم الصابرة]

السلام عليكم اختي
الحمد لله راكي تحسي بالندم لكن الهدرة وحدها ما تكفيش مزيا لحقت روحك وندمت ووالدك تصدم فيه الىن ما فاتش الوقت
اولا روحي طلبي السماح من باباك حتى يضرى عليك راه باباك ولو يسمعك كلام قاسي معليش حليه وعنقيه وبكيلو راح يسامحك وهذا ما يعنيش تعاودي واش راكي ديري الأامر الثاني اي امر عندو علاقة بالماكياجوالتبرج ارمي عليك والله راه عندي 34 اكبر منك اضعاف وجامي درتو او خرجت به للشارع كيفاه حتى إنت صغيرة وشكون شراهولك الله يهديك
اولا بدلي كل مظهرك كان ماديريش حجاب ديري كان دايراتو ربع حجاب نحي عليك وبدلي روحك ديري شرعي يعني غيري من نفسك بزاف راح والدك ينخلع ويعرف إنك فعلا تبدلت وصدقيني تجيك فرحة كبيرة لما تتبدلي وخاة الحجاب الشرعي يمدلك قوة كبيرة وإحترام وين تروحي
اختي بدلي حياتك قبل ما يدو الناس عليك نظرة مش مليحة ويروح مستقبلك ويهدرو على باباك وخاوتك ما توصليهمش لهذي
وقرايتك شدي العزم هي كل شي معليش راح الماضي نهدرو منا وجاي
لازم تعزمي تبدلي وبداي ديري واش قتلك تحسي براحة كبيرة وما تستنايش إبداي بالتغيير حالا موفقة

[dilaboni]

ياأختاه بالله عليك
هل يوما ما تصفحك كتاب القرآن
هل اتجهك نحو القبلة لسماعك الآذان
هل وهل وهل ...........
احذري ثم احذري لا أريدك ان تصبحي من بقايا الشارع

[baalache]

اخطيك من رفقة السوء ترجعي احسن من الاول