المساعد الشخصي الرقمي

مشاهدة النسخة كاملة : شكون عندها غسالة اوتوماتيك lg

أم تسنيم ومعاد
2014-04-21, 18:06
شكون عندها غسالة الملابس الاوتوماتيكية أل جي تع 7 او 8 كيلو ؟؟؟

اعطوني رايكم فيها راني حابة نشري وحدة بصح لقيتهم غاليين شوية : 5 ملاين ، خفت نشري وحدة ومع اللخر ما تغسليش مليح ولا تكرفصلي الحوايج .....ماذا بيا تعاونوني بالنصيحة .

أعطوني مميزاتها ....و عيوبها باه ناخذ فكرة عليها .
أم تسنيم ومعاد
2014-04-22, 20:53
ألوووووو.اين انتم ؟؟؟؟؟؟
لميس اميرة
2014-04-22, 22:19
انا عندي وحدة نوميريك

تغسل عادي و كيما قلتي تكرفص لحوايج يخرجو مكمشين

و دار شيخي شراو مشينة آل ج نوميريك بلاستيك بمليون و نصف تغسل روووووووووووووووووعة و بالصابون لي تحبي تاع الغسالة او العادي و تخرج القش روعة و حتى يخرج معصور للىخر تقريبا ناشف

لهذا اختي ننصحك تشري تاع البلاستيك احسن

و خالتي عندها هي ايضا وحدة بلاستيك تاع 12 كيلو الله اعلم مليون و نصف او مليون و سبعمية تغسل فيها لي كوات و الزور نتاع زوج بلايص منحية عليهاالغمة
أم تسنيم ومعاد
2014-04-23, 19:32
شكرا على الإهتمام ....بصح حبيت نستفسر اكثر على الماشينة تع دار شيخك ، قلتيلي آل جي تع البلاستيك و هي نوميريك ........

من كلامك فهمت بلي المشينة هاذي فيها جيها للغسيل وجيهة للعصير ........يعني ماشي اوتوماتيك ............أنا راني حابة ماشينة نبروقراميها ونروح ونخليها تدير كلش .......ويلا حبت حتى تطويهم وتديرهم فالخزانة مانقولهاش لالا .
لميس اميرة
2014-04-23, 21:26
لا لا اختي

مشينة عادي

تتفتح من فوق تعمري الملابس و تغلقي و تخليها تغسل وحدها و حتى ما طولش مثل الغسالات الاخرى تاخذ ساعتين تماما حتى ولو الملابس نظيفة

هاذي تاخذ وقت اقل و يغسلو فيها كلش يبروقراميو و يروحو يخرجو القش معصور و تقريبا شايح ينشروه فقط فوق الباب
أم تسنيم ومعاد
2014-04-23, 21:56
يعطيك الصحة وطولة العمر ...........هكذا فدتيني بزاف .............نروح نحوس على هاذي المشينة بصح قلتيلي ......أل جي بلاستيك و تنحل مالفوق .......وهي اوتوماتيك ...........أنا لقيت وحدة بصح تع إينوكس وتسوى فوق ال5 ملاين ..........كيفاش هوما شراوها بمليون ونص ؟؟؟
راكي متأكدة بلي ماركتها أل جي ؟؟؟ ..........الله يرضى عليك حطيلي صورتها من فضلك .........علابالي بلي كثرت عليك ......اسمحيلي .....وراني فالانتظار ...........
farawla01
2014-04-25, 09:56
شوفي اختي انا عندي غسالة الجي 7كلغ عندها 5سنين راه منحيا علي التعب لكبير متكرفص لحوايج فيها برنامج يخرجلك الملابس تقولي محدا http://im59.gulfup.com/ZXBJ5X.jpg (http://www.gulfup.com/?f6aZXr)

اشريتها 4ملايين وربعمياتلف برفاصيليتي
أم تسنيم ومعاد
2014-04-25, 14:41
ربي يجازيك يا اختي ويجمعك مع زوجك في جنة الفردوس
ام ولي
2014-05-01, 13:33
انا عندي غسالة الجي تاع 7kg هايلة وعندها برنامج لي باش ما يخرجوش لحوايج مكرفسين
رحيق الايمان
2014-05-11, 12:11
bnat t3icho lg tarkib ta3ha fi bladna wala hora rahi habletni machina ldork malgitch wach necheri
oummalak
2014-05-11, 13:21
السلام عليكم
فيما يخص lgروعة انا شريت وحدة هادي شهر تغسل القش مليح وحتى فيها بروغرام الي تبغي شريت gris
LGراهم دايرين بروموسيون فيهم خلصتها 4 و 400 الف نتمنى تشريها وتتهناي
أم تسنيم ومعاد
2014-05-13, 06:19
أنا كيما انتي سقسيت عليها غذا كانت دوريجين ولا تع الشينوة ......قالولي كامل المونتاج يكون فالشينوة بصح لي بياس تاوعها دوريجين ....يعني التركيب يكون في الصين ..وهذا الجواب خوفني بزاف وقلت خلاص مانشريهاش ....بصح عيطت فالتيليفون لخدمة الزبائن الخاص بشركة أل جي .....وطرحت عليهم السؤال .....قالولي .......المصنع تع أل جي تع الصين اللي راهو يدير فالمونتاج عندو لاقريمون تع الشركة الأصلية ويخدم تحت إشرافها ........وكل الدول راهي توزعلهم الصين ...........يعني هذا الكلام طمأنني كي جا من عندهم هوما .....

وكيما راهو معروف ...الاجهزة الكهرومنزلية تع الشينوة ما فيهمش الضمان : لاقارونتي كيما نقولو ....بصح انا شريت وحدة صح تغسل مليح وهايلة .واعطاوني لاقارونتي تع 10 سنين .
رحيق الايمان
2014-05-13, 09:31
mabrouk 3lik om tasnim ja3biha w rodili lkhebar
wgolili souma cheha
wila kayen les pieces ta3ha
أم تسنيم ومعاد
2014-05-14, 02:37
الله يسلمك و العقوبة ليك .......أنا الحمد لله شريت تع 8 كيلو وسومتها : 51000 دينار بصح والله ما خسارة فيها هناتني ........
رحيق الايمان
2014-05-14, 19:03
mabrouk 3lik w l3kouba liya wallah t3ebt w kraht men lghssil
ام رحيم
2014-05-17, 18:19
علامة الجي هي علامة كورية الاصل واذا حابة تشري الجي روحي la maisonتعهم توجدي كل انواع الغسالات لتحبيها و الاسعار فيها مغرية وماتندميش ان شاء الله
ام جزائرية
2014-05-17, 20:51
انا عندي غسالة الجي تاع 7kg هايلة وعندها برنامج لي باش ما يخرجوش لحوايج مكرفسين

ممكن توريلي كيفاه البرنامج انتاعها .لاني اشتريت واحدة مؤخرا.واتمنى ان تساعدوني في طريقة التشغيل .وكمية مسحوق الغسيل .ونوعه .؟
أحاسيس مرهفة
2014-05-28, 08:28
ألجي هي لمخيرة ماما عندها وحدة تاع 7 كغ منحية عليها التعب روعة
wiser
2014-06-09, 22:07
انا عندي وحدة نوميريك
النجمة القطبية
2014-06-14, 21:00
شوفي اختي انا عندي غسالة الجي 7كلغ عندها 5سنين راه منحيا علي التعب لكبير متكرفص لحوايج فيها برنامج يخرجلك الملابس تقولي محدا http://im59.gulfup.com/ZXBJ5X.jpg (http://www.gulfup.com/?f6aZXr)

اشريتها 4ملايين وربعمياتلف برفاصيليتي

حنا عندنا نفس هذى شريناها منذ حوالى ست سنوات
صراحة هايلة بزاف ومتكرفسش الحوايج لان فيها بروغرام anti- froissage
صراحة انا نموت على lg لانو كاين هنا في العاصمة محلات دوريجين والغارانتى مضمونة واى مشكل تروحي ليهم
وخالاتى زوج عندهم نفس الماشينة شريناهم في عام واحد والحمد لله مكان حتى مشكل
انصحك بها ثمنها اربع ملاين ونص تع سبع كيلو
وموفقة
Maria dadi
2014-06-18, 13:40
معنديش فكرة علبها اخت
امحمد خوجة
2021-07-03, 18:53
السلام عليكم هذا النوع من الغسالات البلاستيكية خاصة التي تحمل سيعة 12 كيلو غرام نوع lg من احسن وافظل الانواع جربتها وقعدت عندي اكثر من 15 سنة دون توقف واليوم المحرك تاع العصير توقف كما ان جدران الغسالة اصبحت قديمة ومهترئة الرجاء من عنده هذا النوع حتى ولو كانت قديمة نسبيا ويكون من ضواحي العاصمة يعلمني كي اشتريها منه وشكرا