طلب مساعدة

[takwaaa]

السلام عليكم
البارح الاخت oumelabadmh حطت موضوع و عجبتني اللبسة اللي حطتها مي نحاو الموضوع حبيت نستفسر على المودال اللي عندها تحطهولي و شكرا
:mh31:

[جوري لؤلؤة]

وينا مودال الابيض

[takwaaa]

ايه الابيض و فيه الخرز بالالوان

[جوري لؤلؤة]

حاوليني وبوسيني نحطهولك ههههههه

[جوري لؤلؤة]

http://im59.gulfup.com/N9VbdK.jpg

[takwaaa]

هاهاهاهاها عرفتيني هابلة عليه بديتي تزيري ?انتي وش رايك فيه

[takwaaa]

شكرا اختي لؤلؤة نزيد نكسرلك راسك علابالي صمتت عليك هاد المودال روب ولا ليكات و سروال? انا جاني ستيل هند
ي

[جوري لؤلؤة]

اختي ستيل هندي ساري ليكات وسروال

[جوري لؤلؤة]

انا عجبني وراح ندير واحد

[takwaaa]

خلاص المالا رانا كيفكيف مي يجي فرطاس من تحت كون نخلوه فارغ و كون نعهروه يجي ثقيل وش راح ديري انتي?
قلت نديرو فالبيزو بيزو مي الي دايراتو هي مليح
نقلك حاجة خيطي 2 واحد ليك و واحد ليا هاهاهاها تفاهمنا?

[جوري لؤلؤة]

اختي انا نديه للخياطة وهي دبر عليا غي تقولي راني نقولك وشنو هو القماش

[takwaaa]

شكرا اختي هاني نسناك امالاا- انا نخيطو وحدي

[scorpionoir]

حتى انا هزيتو لبارح وقلت نديرو في البيزو بيزو
عجبني روعة

[takwaaa]

الي ديرو اللولا تحطهولنا

[نسيبة2012]

والله غير دخلت بنية المساعدة ............لقيت مودال مليح بارك الله فيكم ........

[takwaaa]

هاهاهاها وقيلا شعلت فيكم النار على هاد المودال -راح تخيطي نسيبة? لؤلؤة مابنتش وقيلة راحت للخياطة هاهاها

[جوري لؤلؤة]

اصباح الخير لبنات
لالا تقوى ما رحتش للخياطة اليوم نروحلها ولا نكونتكتيها ونقولك على نوع القماش المستعمل

[R I A D]

انا دخلت نشوف تقوى واش تحوس لقيت هذا الساري
انا تاني شفتو و عجبني
الي تخيطوبصحتها راهو هاايل

[جوري لؤلؤة]

الله يسلمك اخي
وبارك الله فيك على المرور على الصفحة

[takwaaa]

صباح الخير يا لبنات
اختي لؤلؤة يجي فساتان قومي مليح و واقيلا حتى هاداك مخدوم ف ستان قومي

[ichrak03]

علاه نحاو الموضوع ؟ولا هذي عين وصابت الروبة ههههههههها

انا راني حابا نخيطو في البيزوبيزو لكن ندير لون اسود لاني شوي سمينة واش رايكم زعم يجي شباب

[جوري لؤلؤة]

علاه نحاو الموضوع ؟ولا هذي عين وصابت الروبة ههههههههها

انا راني حابا نخيطو في البيزوبيزو لكن ندير لون اسود لاني شوي سمينة واش رايكم زعم يجي شباب

اختي يجي تحفة مي الاسود لازمو الالوان النارية فقط
الاحجار قصدي

[takwaaa]

بلاك يجي مغموم فالاسود كي ديريها بيزوبيزو السروال وش ديريه? الجيهة الي طايح عليها الشعر فيها نوارة كيما الجيهة لخر ولا لا?
وين راحت مولات الموضوع شعلتنا و راحت ولا حتى هي شافاتو كي حلتنا???

[takwaaa]

oumelabedmh طمنيني عليك ياخي راكي لاباس خفت لا عاينتك ملي حطيتي الموضوع ما بنتيش

[جوري لؤلؤة]

هههههههه تقوى راكي متحمسة خلاص
والله انا على حساب ما نعرف البيزو بيزو ما يجيش فيه خاتر يثقلوه لحجر ويويل يطوط هنا ولهيه
انا غدوة نكونتاكتي اخياطة ونردلكم بالخبر اليوم ماخرجتش ضالا مع بنتي جوري ضلت مريضة
وهد غير نعرف اسم. لقماش نقوللكم عليه

[takwaaa]

ان شاء الله لاباس جوري بالشفا ليها و ربي يخليهالك
هاهاها انا صامطة كان دخلت الحاجة لراسي ما نتهنى حتى نفريها - اي عندك الحق انا عملت على ستان قومي و خلا - باه نتخاطرو باللي راهو هو ?

[ichrak03]

بلاك يجي مغموم فالاسود كي ديريها بيزوبيزو السروال وش ديريه? الجيهة الي طايح عليها الشعر فيها نوارة كيما الجيهة لخر ولا لا?
وين راحت مولات الموضوع شعلتنا و راحت ولا حتى هي شافاتو كي حلتنا???

حابا نديرها جلابة بلا سروال :19: نلبسها في فرح وليدي ادعيولو يربح السيزيام بتفوق ان شاء الله.:mh31:

اما الوردة اكيد كاين وحد من الجهة المقابلة

حطتلنا المودال وخلاتو لغز :rolleyes:رانا درنالو تشريح ههههههههههههها:D

[takwaaa]

ربي يفرحك و يفرحو ان شاء الله و ماتنسايش البروكة-تجيك روب سيري مليحة وش قصدك بالجلابة?
انا عندي شك فالنوارة في الجيهة لخرى متخيلتها مارقة شوية وش رايكم?

[ichrak03]

ربي يفرحك و يفرحو ان شاء الله و ماتنسايش البروكة-تجيك روب سيري مليحة وش قصدك بالجلابة?
انا عندي شك فالنوارة في الجيهة لخرى متخيلتها مارقة شوية وش رايكم?
:dj_17:

كل اللي يقرا يقول اااااااااااااااااميييييييييييين:mh31:

مشكووورة اختي ربي يعطيك ما تتمناي :19:

الجلابة نقصد بيها الروبة او القندورة او الجبة...............

[ichrak03]

وين راكم ولا كامل رحت عند الخياطة

المهم ما تنساوش الاولى اللي تخيطو تحطولنا نشوفوه

[takwaaa]

وين ؤحتوا بدلتو ريكم بطلتو مش راح تخطو

[takwaaa]

لؤلؤة وش درتي فهداك المضوع?????

[ichrak03]

:dj_17::dj_17::dj_17:
باركولي راني خيطت الروبة اللي قلتلكم عليها وجبتهالكم كيما وعدتكم

شوفوها وردولي الخبر بدون مجاملة

ان شاء الله تعجبكم



http://im89.gulfup.com/UpoWje.jpg

[takwaaa]

بصحتك اختي مليحة مي لخرى احلى بلاك كي عادت مش ملبوسة مابنتش وينهي الوردة?

[ichrak03]

قلتلكم ما رانيش رايح نديرها كيما هي بدلت شوي حوايج

اما الصورة ما عرفتش نحطها بعثت الروبة لاختي وقلتلها تصورها وتبعثهالكم

[takwaaa]

بصحتك اختي ما تبقايش توري فيها خليها لنجاح بش تبان حاجة جديدة
وش درتي الكتان? خيطتيها وحدك?

[ichrak03]

ههههههههههههههههها وريتها ليكم برك

نعم خيطتها وحدي استعملت كتان الفيبران وخرج كتان فيبران ساتيني هايل مالقيتش فالاسود

وكنت غاسبه باش نخيطها ونوريهالكم

[takwaaa]

ربي يخليك ان شاء الله- كيفاه يجي فيبران ساتيني و قيلا على اسمو ماهو فيبران ماهو ستان صح ولا غالطة?

[djazia87holi]

شكرااااااااااااااااااااااااااااااااااا

[ichrak03]

ربي يخليك ان شاء الله- كيفاه يجي فيبران ساتيني و قيلا على اسمو ماهو فيبران ماهو ستان صح ولا غالطة?

كيما قلتي اختي ما هو فيبران ماهو ساتان رائع للبس

من الجهة السفلي فيبران وجيهت الوجه يبان قلاسي اي ساتيني :19:

راني ناويا ان شاء الله نشريه ونزيد نحشم اختي تحطولي فالمنتدى تشوفوه ان شاء الله

[غـاني]

*=== (( ما يلفظ من قول إلا لديه رقيب عتيد )) ===*