درتها بروحي .......

[mohamed321654]

السلام عليكم و رحمة الله

لحباب راني في وحد الأزمة الله يحسن عونا برك

انا ماني تاع قرايا ما والوا الفصل الأول ديت 9 و الثاني 7

و الفصل الأخير لازملي 13,40 باش نفوت العام

و راني مزير هاذي ليامات بالحفاظة و التعب و المراجعة

و راني خايف مانجيبهاش طلعونا شوي المورال زعما جيبها :(

مادا بيا تعطوني كاش نصيحة لخوكم

و السلام عليكم

[• إسْتِـثـنَائِيّه •]

السّـــلام عَليْكُــمْ أخــي
لا تَيأسْ أبدًا ،، فكلّ شَــييء ممكنْ
أنْـت خذ بالأسبَــآب و راجع و حفَظ و توكّل على ربّي و ان شَــآء الله تجيب هادا المعدّل و تنجح =)
*قل لن يصيبنا الا ما كتب الله لنا هو مولانا و على الله فليتوكل المؤمنون*

[mohamed321654]

السّـــلام عَليْكُــمْ أخــي
لا تَيأسْ أبدًا ،، فكلّ شَــييء ممكنْ
أنْـت خذ بالأسبَــآب و راجع و حفَظ و توكّل على ربّي و ان شَــآء الله تجيب هادا المعدّل و تنجح =)
*قل لن يصيبنا الا ما كتب الله لنا هو مولانا و على الله فليتوكل المؤمنون*


بارك الله فيك و ربي يحفظك يا الأخت :o

[**المـ~ــوج_الهــ~ـــادئ**]

ااااااااااااااااااااه اظنني في كل شيء مثلك عادا المعدل

يا خو استفسر من الذكور الذين مثلك

أنا مثلا ألعاب الفيديو دايما

كل يوم برا حاضرة

التمارين ماكانش

الحفاضة كيف كيف

بصح كي يجيو الفروض او الامتحانات نكون حاضر انا تاني

نصيحة مني لك لا تيأس من رحمة الله هو القادر كما تعلم

ان شاء الله العام الجاي باك ان شاء الله

13 ماشي حاجة بربي ان شاء الله نجيبها~~~~~

تقبل مروري ~~أخوك عبد الرحمان~~

[كلمة و ابتسامة]

الفصل قصير و دروس سهلة بسيطة جدا
تجيبها بسهولة تامة خلاص
اذا عزمت فتوكل على الله

[baghdad madrid]

14 lik en chalah........................

[اسيل منة الله]

كيما قالولك اخواني ..
مي حاجة نسيناها تقويم لي عند تاثير كبير في معدل

يا اخي اذا كنت من نوع مشاغب المشاكس .كثير المشاكل ...واحل تحسن علاقة مع اساتذة
واذا كنت من نوع الهادىء لا حس له في القسم حاول ان تجذب اهتمامهم بمشاركة وتبدي لهم انك حاب تقرا
وهذا هما نصائحي

[Ghada youna]

inchalaah tjiibhaa w tenjaa7 a7feed w zayeer ro7eek w rebii ywaf9aak w ywafa9naa :)

[Imanebouhalas]

لا تيأس ادرس باراادة فاما ان تنجح او تنجح ربي يوفقك و يوفقـــــــــــــــــــــــــــــنااا تقبل مروري

[mysterious rima]

ماتقطعش لياس ربي كبير ان شاء الله تجيب 14 بصح لازم تقتل روحك بالقراية الفصل الثالث ساهل

[الدكتورة هند]

ﺍﻟﺴﻠﺎﻡ ﻋﻠﻴﻜﻢ

ﺷﻮﻑ ﺧﻮﻳﺎ ﻛﻞ ﺷﻴﺀ ﻣﻤﻜﻦ ﺑﺼﺢ ﻟﺎﺯﻡ ﺗﺤﻄ ﻯﺍﺳﻚ ف ﺍﻟﻘﺮﺍﻳﺔ و ﻗﻠﻞ ﻣﻦ ﺗﻀﻴﺎﻉ ﺍﻟﻮﻗﺖ ﻣﺎﺑﻘﺎﺵ ﻗﺪ ﻟﻲ ﻓﺎﺕ

ﺣﻞ ﺗﻤﺎﺭﻳﻦ و ﺣﻔﻆ و ﺍﻱ ﺣﺎﺟﺔ ﺭﺍﻧﻲ ﻫﻨﺎ

ﻧﺖ ﺑﺮﻙ ﺩﻳﺮ ﺍﻟﻬﺪﻑ ﻧﺘﺎﻋﻚ ﻓﻲ ﺭﺍﺳﻚ و ﺗﻮﺻﻠﻪ ﺑﺮﺑﻲ و ﻋﻔﻚ ﻣﻦ ﺍﻟﻤﺸﺎﻏﺒﺔ و ﺍﻟﺒﻨﺎت و ﺣﻮﺱ ﺗﻜﺴﺐ ﺍﻟﻨﻘﺎﻁ ﻣﻦ ﻋﻨﺪ ﺍﻟﺎﺳﺎﺗﺬﻩ و ﺩﺧﻠﻬﺎ ﻣﻌﺎﻫﻢ

بﺑﻠﺎﻙ ﻳﻌﺎﻭﻧﻮﻙ و ﺍﻥ ﺷﺎﺀ ﺍﻟﻠﻪ ﺗﻮﺻﻠﻬﺎ

ﺭﺍﻧﺎ ﻧﺪﻋﻮﻟﻚ

ﺭﺑﻲ ﻳﻮﻓﻘﻚ و ﺍﻥ ﺷﺎﺀ ﺍﻟﻠﻬﺎﻟﻌﺎﻡ ﺍﻟﺠﺎﻱ ﺗﻜﻮﻥ ﻣﻦ ﺍﻟﺎﻋﻀﺎﺀ ﻟﻲ ﻳﺮﺍﺟﻌﻮﺍ ﻣﻌﻨﺎ ﻟﻠﺒﺎﻙ

ﺳﻠﺎﻡ

هند

[miss manar]

http://www.djelfa.info/vb/showthread.php?t=1573173

شوف هذا موضوع تع اخ جزاه الله كل الخير ساعدني

وان شاء الله يساعدك

بالتوفيق ليك وجامي تفقد الأمـل

[zinou.asma]

ان شاء الله يا أخي خد بالأسباب و بلاك تفقد الأمل كل شي ممكن و ما تنساش بلي كل شي قضاء و قدر و كل شي بالمكتوب
و راح ندعيلك ان شاء الله

[max8]

السلام عليكم
لازملك 13 و تطلع
ماهيش بعيدة بالعكس عندك حظوظ كبيرة باه تجيب عامك و تطلع للنهائي
نقولك حاجة برك ما تعبش روحك اقرا غير بالعقل و ما تفورصيش روحك

[Just.Girl~]

ســــلام
ايـه خويا والله غيـــــر تقدر مام انا الفضل الاول عديتو هكاك الفايس بوك وبلاي وماادراك البلاي هو الي خصرني بزاف + ظروف خاصة جبت المعدل 9 الفصل الثاني ماجهدت روحي مادرت ليكور ماوالو نظمت برك وقتي وروحي وفعدت ندرس عادي يعني مافورصيتش لدرجة وليت نحل تمارين نو برك تلهيت ابلمواد الاساسية وكي قرب الاختبارا فعدت نحفظظ جبت 11 قريب 12 تقدر تقول 12
ياخويا والله ماهي صعيبة نعرف واحد والله من7 لِ 14 نت زير روحك درس باجتهاد + قرا مع صحابك لقرايا مع الجماعة تحلى بويسك يكون فيها مرة سيريو مرة تقصار + ماتكونش فاهم حاجة يفهموهالك ونت فاني هدر مع الاستاذة يعاونك بويسك دوبل سنة ثانية مش حاجة اوك ا ذا طلعت لترمنال وعاودت الباك لا قدر الله اوك مي باه تعاود سنة ثانية مافيها حتى فايدة
وراني ندعليك معايا ^^

[miinette]

السلام عليكم اخي
وعلاش راك خايف ما جيبهاش ؟ ياو والله غير ساهلة بإدن الله تعالى
لازم الارادة و العزيمة برك هادا ماكان
النصيحة تاعي هي انو لازم تتكل على ربي سبحانو و ديرو في بالك و ما تنساش بلي لازملك الاخذ بالاسباب، يعني لازم تقرا و دير ما امكن من التمارين و ربي ان شاء الله يوفقك
نوعدك بلي قادر جيبها لوكان تقرا بجدية، ما مازالش بزاف باش يخلاص العام، اتعب شويا هادي ليامات و بربي ان شاء الله تفوت العام
وفقك الله اخي، سلام
إيمان

[wissamova]

اخي كل شيء بالمكتوب تقدر تدي اكثرمن 14 برك زير روحك و ما تستهزاش بقرايتك و شوف كيفاش يقدرو يعاونوك الاساتذة و نقولك تفاؤلوا خيرا تجدوه و ان شاء تدي المعدل اللي راك حابو

[ميرا97]

يا خويا توكل على الله ثم خذ بالاسباب يعني اتعب وراجع وركز وبربي ان شاء الله نسمعو عنك خبر نجاحك وانتقالك للسنة النهائية
قول امين لعلها ساعة استجابة

[fifi tery]

لا مجال للياس كل شيئ ممكن لا مجال للرجوع للوراء

[~طَـــمُـــوحْ~]

عندي صاحبي نفس الاشكال التاعك وكل عام نوقف معاه يزير روحو ويحفط يراجع وينجح

الدروس قلال ساهلين نعم تستطيع

[~~يسرى~~]

السلام عليكم


اخي ماهيش صعيبة .... ننصحك نظم وقتك و اقرا مليح ماتعتمدش على صحابك يعيدولك فالامتحان اخدم وحدك و حط راسك مع الورقة تاعك

و شوف الاساتذة كاش ما يعاونوك بوسك التقويم يطلع بزاف


بالتوفيق ان شاء الله


تقبل مروري اختك يسرى