لي مقدرتيش تقوليه و لي ماقدرش يقولو

[yasmine85]

أنا فتحت هاذ الموضوع على خطراكش الزوج يشكي و الزوجة تشكي
ضرك أنا نشكي و أنت يا ادم جاوب و لا حبيت تشكي حواء جاوب
انا متزوجة عندي سنتين و جايما أنا و زوحي على مشامل لأتفه الأسباب.
1_ يروح لدارهم و يخليني وحدي كون نهدر مانيش مليحة
2_ مون نغضب مانتعشاش هو ياكم عادي جدا و مايحاولنيش مره لاه؟
3_ كون نعيطلو في بورتابل طول يقول واش تحوسي؟
4_ جامي تفكرني بحاجة يا لو كان حبة علك لاه’ جاست برك
5_ يشاور مو و مايشاورش مرتو حتى كزن يشري لات ازيس لاه؟
و بزاف حوايج لاه لاه
جاوب يا آدم

[مـــاهـــر]

نورمالمون هادي كاينة في معضم البيوت الجزائرية لكن حاولي تكوني صبورة شوية
وربي يفرج عليك ان شاء الله

[كلنا راحلون]

الله في عون الازواج و الزوجات

[pro24]

حتى انا ااشتكي
راه بوتفليقة زوج بالجزائر............
لكن اين حقنا......
فانت زوجة بريئة لم تتطلبي الكثير ..........غير حبة حلوة
كون غير جاءت الزوجات يفكرن تفكريك البرئ...........
ربي يجيب الخير

[kamel76]

عيب عليه و الله يهديه ، رسولنا صلى الله عليه و سلم أوصانا بالنساء خيرا ، فهن أمانة في أعناقنا ، أسأل الله له الهداية و لجميع المسلمين

[أم احمد3]

ابشري ...
لو تبقين بهكذا تفكير ستصبحين من الفاشلات في الاعلاقة الزوجية
انا انصحك
ان تقرئي في المنتديات عن هذه الشخصية فهذا سيصبح مشكل لانك من النوع الذي تحب ان تبني اسرتها بالتشارك في كل شيء اما هو فلا
نوعه اي شخصية قوية تجذبه اليه
لذا ضعي ثقتك في نفسك واحبي اولا نفسك كثيرا لا اقول الانانية وانما رددي في قلبك كل دقيقة احب نفسي فهي احق ان تحبيها قبل اي شخص اخر ولو كان زوجك لانك ستؤذين نفسك ان طمعت بانه سيشبعك اهتمام
وفكري في الاعمال التي تحبينها واجعليه لمسة حب فقط ان كان في البيت فاهلا وان خرج اهتمي بافكار تحبينها
لا تفكري في وقت رجوعه والانتظار اعملي له كل شيء يحبه وعامليه باحسن حال
واجعلي نفسك اميرة في قلبك
رددي ان اميرة انا احب الحياة فالحياة هي التي ستحبك كما تحبينها اما الرجال فلا...

[yasmine85]

يا اخوتي الهدرة ساهلة
أنا امراة عاملة و في موقع جد حساس
دائما نحب نبينلو العكس و نعوض وقت الخدمة و ندير الحوايج لي ينو يحبها هو و دارهم لكن دون جدواى أظن يحب يحطمني بطريقة ما لاني لم اترك له فرصة في الواجبات المنزلية نروح تعبانة على الستة نديرلة حتى الفرمسة الشخشوخة الفطاير الكسرة
لكن دون جدوى
مع احتراماتي الرجل الجزائري قليل خير

[أم احمد3]

الله يعوض عليك الاجر...فلا تحزني

[الجليس الصلح]

رجل يا أختي وليس دمية تحركينها كيف تشائين ثم أنك أنت من اخترتيه بمحض إرادتك زوجا وشريكا للعمر
تعودي على فهم زوجك وفهم ظروفه المحيطة لا تتعلقين به كثير حتى يكره ذلك وما ذا بعد يستشير أمه فأمه مايزال يحس أنه صغير وغير مستقل نفسيا شجعيه للخروج من هذا ولا تحاولي ان تعاتبيه فأنتما زوجان جديدان
ترفعي عن كل ما يزعجه واعملي على راحته فبلا شك يعود زوجك كما تتمنينه

[الأزرق الملكي]

لكل شخص و عقلية
كاين لي يتهلى في مرتو و كاين لي غابنها
المشكل في شباب اليوم أنهم يتلهفون من أجل الزواج وفي أخير يصبح كبوس .معناة بعد الزواج
من الأول لابد من اختيارشريك الحياة الملائم سواء للمراة أو الرجل لكي لايقع مشاكل الطلاق

[نورسين.داية]

أنا فتحت هاذ الموضوع على خطراكش الزوج يشكي و الزوجة تشكي
ضرك أنا نشكي و أنت يا ادم جاوب و لا حبيت تشكي حواء جاوب
انا متزوجة عندي سنتين و جايما أنا و زوحي على مشامل لأتفه الأسباب : توقفي عن مناقشته في أبسط الأمور ......
1_ يروح لدارهم و يخليني وحدي كون نهدر مانيش مليحة......لا تسأليه أين دهب و متى يعود و حتى لو غاب لا تسأليه أين كنت ...فهو هذا مايريد
2_ مون نغضب مانتعشاش هو ياكم عادي جدا و مايحاولنيش مره لاه؟....لما تحرمين نفسك من الأكل ....في المرة القادمة تعشي لكن لا تتعشي معه
3_ كون نعيطلو في بورتابل طول يقول واش تحوسي؟.......لا تكلميه في الهاتف و إن لزم الأمر أبعثي له مساج ...و إذا لم يرد ....الله لا رد ...أتصرف لوحدي ....شرط ألا يسألني لما تصرفتي لوحدك دون إعلامي
4_ جامي تفكرني بحاجة يا لو كان حبة علك لاه’ جاست برك..... إستغني عنه ......
5_ يشاور مو و مايشاورش مرتو حتى كزن يشري لات ازيس لاه؟......في امور لا تغير مراكز قانونية تخصني ....الله لا يردو ......
و بزاف حوايج لاه لاه .....لأنه جزائري
جاوب يا آدم


عزيزتي إدا حبيتي تواصلي معه ....هذه هي نصائحي لكي

[hicham43002]

اخلصي النية لله في كل شئ تفعليه لزوجك ولازمي الدعاء فالله عزوجل هو القادر على تغير قلب زوجك الى الاحسن