ارجوا منكم ..وصفات طبخ سهلة و مجربة للمبتدئين

[asma roza]

من فضلكم اريد مساعدتم لكل من لديه وصفات مجربة للمبتدين في الطبخ و جزاكم الله كل الخير

[asma roza]

اين انتم انا في انتظار ردودكم و تطبيقاتكم

[mOsSiBaH]

HARICOTS SAUTES
تغلي اللوبيا الخضراء او تفوريها
في مقلة نضع القليل من الزيت وحوالي ملعقة زبدة على نار قليلة عندما تذوب نضيف الثوم مرابي
حوالي ملعقة كبيرة كي يتقلاو نضيف اللوبيا+الملح+فلفل اسود+جوزة الطيب
كي تتقلى مليح نضيف champignon نخلطوه شوي ونطفيو
مضيف فوقها شرائح طماطم مقلية للطعم والتزيين +المعدنوس وقطع دجاج او لحم مقلي كي اطيب يضاف اليها ويخلط

[احلام دنيا]

ديري صوص تومات تطيب مليح وكي تنشف تجيبي باطو ولازوج تون طماطم تحليها فيها ومن بعد تكسري زوج ولا ثلاث بيضات و تغطيها تخليها تغلى شوي من بعد تقصي دبشة وفلفل حار اذا حبيتي وهذي شطيطحة تون

[sonia.morchid]

بما أن في وقت الجلبانة اليك مني هاته الوصفة السريعة واللديدة
تفور الجلبانة من الاحسن تكون طرية وحلوة حتى تتحصل على المداق اللذيد تقص البطاطا مربعات صغيرةتقليها وتقطريها في كسكاس تخلط البطاطا والجلبانة تضيف لها الجبن نتاع المتلتات رشة ملح وفلفل أسود ضيفي البيض على حساب كمية الجلبانة والبطاطا وحطيها في مقلاة على النار ما لازمش تطول فوق النار حتى تجيك طرية.

[shaydiaa]

تغلي المقارون في ماء مغلي فيه ملح و ملعقة زيت زيتون لم يطيب نصفي في كسكاس و نخلط معاها صوص بيشاميل نكون حضرتها من قبل و هي ملعقة كبيرة زبدة تذوب على النار نضيفلها ملعقة فرينة نخلط شوي فقط ثم نضيف كاس حليب بارد ملح وفلفل أسود لما تثقال نطفي النار نحط جبن ونخلط مع المقارون و بالصحة

[fissal4mca]

مشكووورين :)

[asma roza]

مشكووووورين

[مطيعة]

تقطعي البطاطا دوائر و ترابي عليها فلق ثوم و الملح والفلفل وفلفل احمر و زعفران و الرند و 5 مغارف زيت و كاس شاي زيت و نخلط الكل ثم نديرها في بلا و نغطيها و الفرن حتى تحمار واذا كان عندك دجاج ديريه معاها تجي هايلة

[tita.malak]

بارك الله فيكم على الافادة
شكراااااا