المساعد الشخصي الرقمي

مشاهدة النسخة كاملة : طلب عاجل للاخت ام اماني

رزان حياة
2014-04-16, 14:07
اولا اشكرك كثيرا على الوصفات الي تقدميها وراكي مفرحتنا بزاف وربي يحفضك.ياريتك تتكرمي وتمديلي طريقتك المفصلة في عمل طاجين الحلو وكدلك barket المالحين . وشكرا مسبقا
رزان حياة
2014-04-19, 15:41
ارجو منكم الي تقدر تراسل ام اماني وتقوللها على طلبي لاني محتاجة الوصفة وشكرا
oum anas 69
2014-04-19, 16:39
حنونة راني راسلتها طلبك أصبري كي تدخل تجاوبك بإذن الله
ام اماني77
2014-04-20, 15:20
اسمحلي اختي هذا وين دخلت ولقيت الغالية ام انس بعثتلي الرابط جزاها الله كل خير

بالنسبة للطاجين الحلو

في طنجرة نحط شوية لحم غنمي +حبة بصل نكون رشقتها بالقرنفل+شوية زبدة+كمية من الزعفران+شوية فلفل ابيض واذا ماكانش اعملي فلفل اسود شوية فقط من الملح +عود قرفة نحطهم فوق النار من لمدة10د من بعد نمرق بالماء ونخلي المرقة تطيب
من جهة نحط البرقوق وكمشة زبيب في الماء الساخن حتى يتنفخو شوية

بعد مايطيب اللحم ننزعه ونضيف السكر هنا كمية السكر على حسب كمية البرقوق وعلى حسب الذوق بعد ماتعقد المرقة شوية نحط البرقوق والزبيب ونخلي المرقة تكمل تعقد والبرقوق يطيب ويتنفخ لكن لازم يبقى محافظ على شكله في الاخير نضيفله عصير ليمون وشوية ماء ورد ونرجع اللحم للمرقة ونزينه باللوز او حسب الرغبة

اما لي باركات المالحين كاين عدة انواع راح نعطيك نوع يجي هااااايل

نحضر العجينة انا نستعمل العجينة السحرية راح تلقايها في مواضيعي او تستعملي عجينة 10د



تبسطيهاوتحطيها في لي باركات وتثقبيها ودخليها تطيب بصح لازم تخليها بيضا ماتحمريهاش

من بعد حضري الحشو في مقلة حطي بصلة مسكرفجة مع شوية زيت كي تذبل زيديلها 1كورجات مرابية مع شوية زيت +سنينات ثوم+حوالي 150غ صدر دجاج مرحي+ملح+فلفل اسود+شوية كمون
في الاخير ضيفي حوالي 200غ فرماج طري وشوية معدنوس نحرك المقادير حتى يدوب الفرماج نطفي عليها ونخليها تبرد شوية من بعد محشي لي بلغكات لي كنت حضرتهم وطيبتهم ومن فوق الحشو نحط كمية مليحة من الفرماج رابي ونعاود ندخلها للفرن نحمرها من فوق شوية

ان شاء الله نكون افدتك
رزان حياة
2014-04-21, 19:16
واش نقولك ربي يحفظك وينورلك طريقك وكذلك اشكر الاخت ام انس شكرا
رزان حياة
2014-04-21, 22:11
اسمحيلي كثرت عليك العجينة السحريةة تقصدي بها الي خدمتي بها التشاراك اوالي خدمتي بها المعجنات وكذلك ياريتك تمديلي عجينة 10 دقائق واسفة مرة اخرى
رزان حياة
2014-04-23, 18:42
ياريتك اختي ام انس تراسلي ام اماني لكي تجاوب على استفساري
رزان حياة
2014-04-25, 22:23
ياريتك اختي ام انس تراسلي ام اماني لكي تجاوب على استفساري