الحرشاية او كسرة الشعير

[ام كوكو]

مساء الخير اليوم مخضت اللبن و درت معاه الحرشاية او الرغدة او كسرة الشعير كل واحد كيفاش يسميها بسم الله نبدا
دقيق الشعير+ملح و نلمو بماء ساخن ساخن ساخن و نغطيه ببلاستيك و نخليه من 2 الى 3 ساعات باه يطرا الدقيق
http://im49.gulfup.com/NWHqYT.jpg
http://im49.gulfup.com/6xgHAa.jpg
بعد مرور الوقت نلقى حبيبات الدقيق طرية نزيدلو القليل من الزيت و نخلط و اذا خاص ماء نزيدلو ثم نحلو في صينية الفرن مدهونة بالزيت و الى الفرن و قادرة نطيب في طاجين الطين المسرح لكن يتعبني:D العجينة مدللة غير تتكسر و تتفتت و كي يطيب من تحت نشعل من فوق باه تحمار
http://im49.gulfup.com/Kq5tbp.jpg
و بعدما طابت مممممممممم و مع اللبن هاي ليكم :19:
http://im49.gulfup.com/MJd5Pt.jpg
انشاء الله تجربوها لذيذة و تتفتفت وحدهاو بصحتكم مسبقا:mh31::19:

[ام مريم اسراء]

بارك الله فيك اختي ام كوكو طريقة روعة نجربها و نرجعلك الخبر

[أم إناس]

بارك الله فيك تشكري على المجهودات

[ام كوكو]

بارك الله فيك اختي ام كوكو طريقة روعة نجربها و نرجعلك الخبر

و فيك بركة ام مريم انشاء الله تعجبك

[ام ايمان16]

بارك الله فيك

[نهال13]

ربي يعطيك ما تتمنى حبيبتى ام كوكو والله كنت نحوس على الطريقة

[أم شروفة]

شكرا نحبها كثير

[عطرالذهب]

امممممم شهيتيني مع الصباح وانا نمووووووووت عليها
نحنا نسموها الرغدة

[الأمنيات]

يعطيك الصحة تستحق التجربة نموت عليها بصح واش مافيهاش الخمارة انا سمعت يديروا خمارة خاصة ليها تبيتيها
والشعير راه يبان تشيشة اختي ماعليش

[أم ياسين الزهراء]

حتى انا نديرها ونطيبها في الطاجين بصح عمري لاناكلها مانحبهاش اولادي يحبوها يعطيك الصحة ونسموها الرغدة

[iaman.fr]

يعطيك الصحة

[ام كوكو]

ربي يعطيك ما تتمنى حبيبتى ام كوكو والله كنت نحوس على الطريقة

شكرا حبيبتي مرورك اسعدني

[ام كوكو]

يعطيك الصحة تستحق التجربة نموت عليها بصح واش مافيهاش الخمارة انا سمعت يديروا خمارة خاصة ليها تبيتيها
والشعير راه يبان تشيشة اختي ماعليش

اختي الامنيات انا تعلمتها من امي جامي ما نديرو فيها خمارة و صدقيني هذاك هو الشعير ماشي دشيشة ممكن فلاش الة التصوير الي قاوي يجي خشين و الطريقة راني شرحتها كيما نخدموها تماما اما الطياب كيما تحبي في الفور و لا في الطاجين

[ام كوكو]

حتى انا نديرها ونطيبها في الطاجين بصح عمري لاناكلها مانحبهاش اولادي يحبوها يعطيك الصحة ونسموها الرغدة

نعم نسموها الرغدة ثاني فانا و انت من بلاد وحدة و كل واحد و ذوقه هي صحية بصحت اولادك كلحوك :d

[tong2]

روعــــــــــــــة:19: بــــارك الله فيـــــــك حـــــبيـبة

[tokio hotel]

اختى كوكو انا نيدير انتاع الطاجين و فيها لخميرة جربت انتاعك جاتنى مليحة مى ماشى كما انتاعك و كى باتت طرات
هادى عامين وانا نطيب انتاع الشعير شوانى الطاجين خاصة فى الصيف قوليلى كاش نصائح باش تجى كما تاعك

[R I A D]

بارك الله فيك تسلمي ... حنا نسموها كسرة الرغدة
ايييه بابا العزيز اشحال يحبها ...ما لقاش الي يديرلو مسكين ساعة ساعة يشريه من البولونجي

[بريق الامل&]

مممممممممممممممممم نحبها بزاف يعطيك الصحة

[ام كوكو]

اختى كوكو انا نيدير انتاع الطاجين و فيها لخميرة جربت انتاعك جاتنى مليحة مى ماشى كما انتاعك و كى باتت طرات
هادى عامين وانا نطيب انتاع الشعير شوانى الطاجين خاصة فى الصيف قوليلى كاش نصائح باش تجى كما تاعك


اختي طوكيو ما فهمتكش مليح مي انا ما نديرش الخميرة و كي تبات في الساشي تلقايها طرية و اذا بغيتيها تبقى يابسة شوي ديريها في طورشون برك و انا نهرب من طياب الطاجين كيما قلتي الواحد يتشوى سورتو مع هذي الكسرة صعيبة في تقلابها مدللة هههههه

[ام كوكو]

بارك الله فيك تسلمي ... حنا نسموها كسرة الرغدة
ايييه بابا العزيز اشحال يحبها ...ما لقاش الي يديرلو مسكين ساعة ساعة يشريه من البولونجي

الله يباركلك في الوالد سلمي عليه و قوليلو خسارة ما نعرفكش لا نخليك تكره منها:sdf:

[zinouna 22]

الله يعطيك ما تتمناي شحال وانا نحوس على الوصف نديرو يخرج لي يبس ربي يخليك ااااااااااااارك الله فيك

[tokio hotel]

اختى من بعد نحط الصور و شوفى كفاش جاتنى هى مليحة مى ماش كما تاعك تبان مبسسة و تتفتت

[ام كوكو]

اختى من بعد نحط الصور و شوفى كفاش جاتنى هى مليحة مى ماش كما تاعك تبان مبسسة و تتفتت




صباح الخير اختي tokio راني نستنى لاعود درتي فيها الزيت بزاف راني نستن في الصور لو كان تحطي في قسم التطبيقات خير

[tokio hotel]

واقلا صح اختى حتى خممت فيها رانى شمخت الشعير باش نعاود نجربها و هاد المرة ما نكترش الزيت و نشوف ما عندى ما خسرت عندى شكارة شعير فالدار هههههههههه
المرة الاولى وهى سخونة و كانها قاطو

[ام كوكو]

بصحتك شكارة شعير ههههههههههه ما تكثريش الزيت غير حاجة قليلة و رديلي بالخبر هي ما تحبش تتبسس ما يوالمهاش هي في حد ذاتها راه تتفتت وحدها موفقة ان شاء الله اختي طوكيو

[asma28hd]

كسرة الشعير الي يديرولها الخميرة (كمية قليلة ) تسمى في منطقتنا المزامنة وهي تشبه مطلوع القمح اما الحرشاية فهي تشبه الفطير

[idron0]

يعطيك الصحة حبيبة

[ام كوكو]

شكراحبيبتي idron مرورك دايما يفرحني

[R I A D]

ام كوكو الله يسلمك على الكلام الطيب
ما عنديش ايقونات الشكر

[ام كوكو]

ام كوكو الله يسلمك على الكلام الطيب
ما عنديش ايقونات الشكر

لا شكر على واجب حبيبتي

[ام ظافر]

اختي واش هو الفرق بين الدشيشة والشعير
راجلي شرالي كلغ دشيشة رقيقة تاع حريرة الغرب هل تصلح للرغدة ام لا
جاوبيني من فضلك نشتي الرغدة وماعنديش دقيق الشعير تاعها

[ام فيفي]

يعطيك الصحة

[بشيرة 13]

شكرا تعجبني مع القهوة والفلفل
حنا نسموها كسرة الزرع

[ام ظافر]

اين انتي ام كوكو

[saida08]

]يعطيك الصحة

[ام سراج وملاك]

http://im65.gulfup.com/s6EUIw.jpg

[ome ishaq]

شكرا لك اختي نموت عليها حنا نقولولها الخمير

[mariana1]

شكرا لك أعطيتني حل لمشكل الطياب في الطجين تتكسر بزاف هكذا في الفورنتهناو بارك الله فيك

[djimi70]

يعطيك الصحة ررررررووووووووعة

[biba04]

اليوم نجربها راهو عندي الشعير نحبو بزاااااف

[ام كوكو]

اختي واش هو الفرق بين الدشيشة والشعير
راجلي شرالي كلغ دشيشة رقيقة تاع حريرة الغرب هل تصلح للرغدة ام لا
جاوبيني من فضلك نشتي الرغدة وماعنديش دقيق الشعير تاعها

سامحيني اختي غير اليوم وين شفت سؤالك مانيش ندخل للمنتدى بزاف الدشيشة نتاع الحريرة خاطي هي نفسها الشعير يجي لونه مخلط بالبني و الابيض و الدشيشة راهي قمح ما نعرف كيفاش يسموها عندكم المهم قوليلو دقيق الشعير تسمية متعارف عليها ان شاء الله تلقايه

[ام كوكو]

بارك الله فيكم يا البنات و الي ما جاوبتش على سؤالها تسمحلي لاني ما ندخلش بزاف للمنتدى

[noreleslam]

تسلم ايديكى وبارك الله فيكى

[ام كوكو]

شكرا حبيبتي مرورك شرفني

[mina22]

بارك الله فيك

[ام كوكو]

شكرا مينا على مرورك الطيب

[**وحدها غريبة **]

بارك الله فيك اختي
أنا تديرها أقراص صغيرة ونطيبها ممممممممم
يعطيك الصحة اختي

[حبيبة امها]

بارك الله فيك اختاه هذه الوصفة التي ابحث عنها لكن زوجي طالبها في الطاجبن ربي يقدرني وتصلحلي نجربها اليوم ونردلك

[fatisousou]

بارك الله فيك