اسم طفلي

[roose]

وليدي أسمو رابح عندو خمس شهور انا نكره هذا الاسم راجلي فرضو عليا فرض وليت نكره راجلي على جال اسم وليدي و جامي عيطتلو باسمو و زيد كامل مسميان ولادهم السموات شابين عادو كي يسقسوني الناس كيفاش أسمو نقول لهم كيما حبيتو عيطولو راجلي سمى وليد وعلى بابه لي

[ام محمد امير]

ماعليش اختي اسم رابح مليح ان شاء الله تربحو وتسعدوا عليه لمرة هذي سماه هو ماتزعفيهش لمرة لجاية سمي انت واش حبيتي دلعيه عيطيلو pipo ساهل وخفيف ربي يحفظولك الصحة هي الفايدة ماشي الاسم يا اختي

[ام ملاك.]

ماعليش اختي ماتتقلقيش المهم يعيش بالصحة والهنا وان شالله طول حياتو رابح وتربحو عليه انت عيطيلو باسم اخر
ماتديريهاش مشكلة كبيرة
الحق الاسم ماعندو ماخصو يعني ماهوش قديم بزاف
انا اسم راجلي عمري لا سمعت بيه بصح تالمون نحبو والفتو ولا يجيني نورمال ههههه

[أم مبين]

الله ما أحلاه من اسم ياريت يكون رابح في حياته نموت على هدا الاسم ربي يخليهولك وما تديرهاش مشلة

[roose]

شكرًا على إعطاءي من وقتكم

[**افنان**]

اختي انظري الي المعنى الجميل والمدلول الرائع ل هوالفال الزين كرري الاسم عدة مرات افهمي المعني ستجدينه رائع ربي يحفظ لك ابنك ان شاء الله
واذا حبيتي ناديه بالاسم الذي تريدين

[جوري لؤلؤة]

الاسم عمرو لا كان عقدة او ربطة التربية والأخلاق هوما كلش
انما الامم الاخلاق.....
اختي انت ما ديريش عقدة لروحك من الاسم باه ما تنقليهاش لوليدك منو جاي ويولي غير يكره باباه ويعصيه

[souadraghad]

أختي والله ماكيش وحدك ، أختي غيركيما زيدت وسماتوا رابح على إسم شيخها الله يرحموا

[ام سراج وملاك]

ربي يحفظلك بنك انشاء الله متتقلقيش من الاسم اسمو كتبولو ربي سبحانو كي كان في كرشك وزيد كي نرجعو لدين الاب هو لي لازم يسمي ابنو او بنتو واذا حب يشاور الام واسم وليدك ماخصو والو انشاء الله تربحو عليه

[طهراوي ياسين]

اولا مبروك عليكم


رابح اسم جميل جدا ورائع

وهو اسم حسن فيه معنى جميل

فهو من الفعل ربح

يتربى في عزكم ان شاء الله

فالحمد لله رب العالمين

[أم احمد3]

متقلقيش بنت اختي وسمها. تونس مي نعيطولها نونو فقط

[منال 22]

ما تتقلقي ما والو انا اخي الصغير اسمو ميلود سماه بابا على جدو وذوك ولفناه انا نعيطلو pipo

[وهج الحياة]

ما فاتش الحال اختي اضيفولو اسم في الدفتر العائلي وفي البيت وعيطيلوا بالاسم اللي بغيتيه ولي سقسيك اعطيلي الاسمين وين راه المشكل انتي امو وهذاك باباه واسم رابح شباب بالبزاف ان شاء الله يكون ربح عليكم في زوج

[nidabaize]

اسم شباب رابح

[noor ala noor]

يا حبيبتي احمدي رب راهو رزقك بطفل
انا راني برك نتمنى ربي يرزقني بطفل و لا طفلة يعمرولي الدنيا نتاعي لا بغى نسميه قدور و لا عشبوش هههههه
ماديريش عقدة من هدا الاسم لانو راكي رايحة تورثيها لوليدك مين يكبر و يكره باباه و تولو حاصلين معاه
و الله اسم شباب رابح
متعقليش الميكي نتاع بالون يعيطولو الكابتن رابح والله كنت نموت عليه هاهاهاهاهاها
ايا ضحكي حبيبتي و احبي زوجك و ولدك و متعقديهاش لانو الدنيا فانية و متستاهلش

[نور الهدى06]

يهبل اسم رابح وليد جارتنا يعيطولو ريبوح نشالله تربحي عليه ننصحك ياختي لازم تنحا من بالك وتحبي اسم وليدك والله راها تاثر في نفسيتو لازم تعطيلو ثقة في النفس باه يطلع راجل لحق انا يعجبني اسم رابح اسم رجولي بزاف عجبوك ليرام يسميو جادو ولؤي ووسيم بخخخخ تاع انانيش على الاقل وليدك رجلة عقلية dz

وحدة كانت تقرا معايا اسمها خضرة ولبنات ديما يضحكو عليها وهي تالمو ماشي معقدة ماعلابالهاش خلاص بيهم ولاو لكل يموتو عليها ووحدة معادت تعلق كبري عقلك لتعقدي ولدك انتي الاولى

[ايمان نور الجزائر]

معليهش يا ختي اسم مليح وينجاز
دلعيه بيبح كيما نشوفهم يدلعو اولادهم
وخلاص

[وردة زمن]

بصراحة لي قريب اسمه رابح صدقيني اسم على مسمى ما شاء الله رفعي راسك بوليدك وشجعيه وتفائلي بيه الخير وان شاء الله تربحي انت ثاني عليه