اسرار المسمن

[fatalim]

انا دائما احضلر المسمن لكن يجيني مقرمش زوجي يحب الطري والناشف وزيد اللون ذهبي شكون تقولي السر

[ام ملاك.]

اختي اذا حبيتيه طري ديريلو شوية خميرة في العجين واعجنيه عادي بنفس طريقتك وطيبيه حتان يحمار عادي وماتكثريش الزيت قيس ماتمسحي برك وتتورق
وكي يطيب ماتخليهش يتعرض للهواء بزاف يعني كي تنحيه غطيه بطرشون باش يطرى
هذا هو سر المسمن الطري
مع انو كي يكون مقرمش اللي يجي بنين

[ام كوكو]

ديريه عادي حنونة و غير غطيه باه ما ييبسش

[lamiak1]

Gratin bâche mayebesch w adelkih mlih w k tabgih mat dirihech rkik

[محمد فلاك]

ربما كثري الزيت , وما تسخنيهش بزاف
واحتافظي بيه في كيس مغلق بإحكام أو جمديه في الثلاجة
بالتوفيق

[mariaanfel]

احتي لمسن عندنا انديروه بزيت الزيتون jamais سيتو ب sans gout حنا نديرولو بزاف الزيت متكدريش ديريه ناشف و طري ci non يولي ماشي مسمن هو كي يتشرب الكمية المناسبة يبقالك مليح او متنسايش غطيه كيما قالولك الاحوات
اذا كنتي من محبات le sucré كي ينشفلك سخنيه في مقلاة و شمخيه بعسيلة خفيفة يطرالك و يمدلك ذوق مغاير

[منبع العلم]

انا المسمن يجيني مليح و هاذي الطريقة نتاعي : 2 كيلات سميد رطب و 1 كيلة فرينة ، نزيد الملح و شوية سكر ونعجنها مليح و نتركها ترتلح لمدة 1/2 ساعة ثم نعاود نعجنها و نتركها لمدة 1/2 ساعة و في المرة الاخيرة نزيد 1 مغرف صغيرة خمارة العجين و نعجنها مليح ثم نشكل قريصات مدهونين بالزيت ونتركهم يرتاحو ثم نحلهم مليح و نديلهم الزبد الذايبة من بعد باش نطيبهم و منكثرش من الزبدة على خاطرش ديجا مدهونين بالزيت .