المساعد الشخصي الرقمي

مشاهدة النسخة كاملة : عندي عرضة والكااارثة اني مانعرفش نطبخ

مجنونة بخيالي
2014-04-08, 01:37
لسلام عليكم
راني نكككتب ونبكي سمحووووولي يمكن الموضوع يجيكم تافه لكن انا عندي حساس بزاف
الحكاية ومافيها انا من اللي تزوجت هادو 3 سنين مادرتش عرضات لاني وبصراااحة مانعرفش نطبخ مليح بالرغم اني احياانا نحاول نتعلم لكن نحس للي اكللي ماعندو حتى طعم ونفشل ومانحبش نعاود
راجلي لحمدلله يحب الماكلة الخفيفة وهادي اللي خلاتني مانتعلمش والحصلة انو جاييني ضياف نهار الجمعة للعشا جاو من البلاد عرضهم راجلي وهوما في 8 ناس حطة وشان وهمة وموالفين يعرضوني ديما
والمشكلة انوو الكل يحسبو فيا طباخةماهرة لانو راجلي الله يسامحو كون نقليلو بيضة يبالو مانعرف واش درت
والله مالقيت ماندير خايفة نبهدل براجلي قلت ندخل هنا كاشما تفكوني وينوبكم فيا اجر وثواااب
ياريت تردو عليا وبسرعة ارجوكم لانو النوم راهو طاير من عيني
حتى افكار التقديم مانعرفهاش
سلامي لكل الطباخات الماهرات هنا وويعطيهم الصحة الفحلات
بنت الحاج
2014-04-08, 02:21
وعليكم السلام ورحمة الله وبركاته
أختي وعلاه راهي تديري في روحك هاكة
هل بسهرك وبكائك سيحل المشكل بنظرك
شوفي أسهل شيء تديريه أنك تطلبي المساعدة من الوالدة أو إحدى أخواتك
منها تكون فرصة لكي تتعلمي بطريقة عملية ومنها تتعاونوا على إنجاز الوليمة بشكل لائق
ومنا ورايح إن شاء الله تعلمي بالشوية كل مرة طبقي طبخة من المنتدى مثلا والأخوات ما شاء الله عليهم ما خلاوش حاجة ما حطوش عليها موضوع.
كان منى عيني نساعدك بشيء أفضل من هذا
وإن كنتِ لديك ولو قليل من التحدي مع نفسك تأكدي أنك غادي تقومي بيها ، صدقيني
اغتمني فرصة الايام القليلة المتبقية وجربي أطباق بكمية بسيطة لهكذا مناسبة
عن الاكلات الاقسام هنا مليئة ما شاء الله اختاري ما يناسب ميزانيتك وما يناسب خضروات الموسم. بالتوفيق
bluewater007
2014-04-08, 09:12
شكرا لكم وبارك الله فيكم
http://s09.flagcounter.com/mini/ZbQh/bg_F5F5FF/txt_CCF0E4/border_F5F5FF/flags_0/
http://s05.flagcounter.com/mini/MECnk/bg_F5F5FF/txt_CCF0E4/border_F5F5FF/flags_0/
جويرية الإيمان
2014-04-08, 10:45
يا لحبيبة ما تخافي ما والوا راه الطيباب إيدين و دائما انا نطيب الحاجة اول مرة للضياف و ما نهابش منها و الحمد لله هذا المنتدى هو لي نجيب منو الوصفات و هي مضمونة 100*100 و كيما قالت الأخت من قبل قولي ليماك أو اختك تجي تعاونك هاذي المرة و من بعد لازم تتعلمي . أنا أول وليمة درتها بعد زواجي بشهر أو إثنين ل 16 شخص . و من بعدها ديما عندي الضياف و العرضات و طيابي دائما من هذا المنتدى و نجرب ديما في الضياف هههه و تخرج تحفة أهم حاجة الثقة في النفس . البارح مثلا جربت تارت مالحة لواحد الاخت نسيت إسمها و خرجتلي روعة روعة و بعثت منها لعجوزتي . انت شوفي هاذو الناس كيفاش طيابهم يعني ياكلو التقليدي و إلا العصري . إذا تقليدي ديري كسكس أو شخشوخة أو رشتة مع السلطات أو ماسدوان . إذا كان عصري شوفي هوما واش هي عاداتهم : شربة فريك +قراتان أو تارت مالحة +حميس+سلطات مشكلة . و المنتدى الله يبارك مليان وصفات و بالتفصيل .
سماح كريم
2014-04-08, 11:07
444444444444444444444444444
OMDJAWAD
2014-04-08, 11:13
Okhti el karima ana jdid fi el montada w hadi awal mocharaka liya m3akom
nchalah matkounich el akhira ngoulik matkalkich w kayen hna kolich tekedri diri 3arda w thamri wajeh rajlik nchalah 3labali bik fahla kima ga3 el jazzairiyat
hayette82
2014-04-08, 11:24
ربي يكون في عونك وكوراج
مجنونة بخيالي
2014-04-08, 13:37
مساء الخير
شكرا بزاف على ردودكم بصح حبيت تقولكم انا عايشة في الغربة للاسف مكان حتى واحد قدامي يعلمني ..
وهادو اللي راح يجوني ياكلو بزاف العصري ماشي التقليدي
ياريت تحطولي من فظلكم وصفات نطبقهم وان شاء الله يصلحولي
راني نستنى ماتبخلونيش
مجنونة بخيالي
2014-04-08, 13:51
وقولولي اسكو نقدر ندير كلش نهار قبل وغدوة هديك نسخنو ولا يجي قديم
هكا باش ادا ماصلحش مانتبهدلش
الوهرانية 1
2014-04-08, 14:07
راني معاك اختي لكن لازم تقولينا مقدورك في المصروف انا عندي ليك الحل ان شاء الله وتحمري وجهك قدام راجلك وضيافكم
وهل راح تكون قعدة جماعية ولا رجال وحدهم والنسا وحدهم
الوهرانية 1
2014-04-08, 14:08
وقولولي اسكو نقدر ندير كلش نهار قبل وغدوة هديك نسخنو ولا يجي قديم
هكا باش ادا ماصلحش مانتبهدلش

كاين لي يتوجد قبل وكاين لالا درك نفهمك باش تربحي وقت وتجهزي روحك
ام محمد أدم
2014-04-08, 14:29
حوسي فالمنتدى تلقاي
ماشي حاجة صعيبة
طبقي الوصفات و بالتوفيق
nokia111
2014-04-08, 14:48
http://djelfa.info/vb/showthread.php?t=1430713
مجنونة بخيالي
2014-04-08, 17:28
الوهرانية الميزانية الحمدلله لاباس اليد العاملة اللي مكانش هههه
شكرا باقي البنات درك ندخل الرابط اللي حطيتيه نوكيا
وراني مازلت نستنى وصفات وسورتو تكون مضمونة
سميحة 01
2014-04-09, 08:41
ربي يعينك حبيبتي شوفي هذو تطبيقات الهام

http://www.djelfa.info/vb/showthread.php?t=1530988

و هذا دفتر وصفاتها مضمونة

http://www.djelfa.info/vb/showthread.php?t=1524811

و شوفي هذو

http://www.djelfa.info/vb/showthread.php?t=1275446

ربي يعاونك حبيبتي و ان شاء الله تنجحي و تحمري وجهك قدام الضياف
om kamilia
2014-04-09, 11:04
سلام ختي ماتخافيش ولا تتقلقي انا جزت هذه التجربة في العام الأول من الزواج و هذا هو menu لي درت :شربة فريك ,كسرة يابسة ,لحم لحلو ,سلطة بالبيض المحشي,سلطة aubergine ,دجاج محمر فfour مع haricot vert sauté et champignon وقليت بطاطا rondelle

,سلطة خضراء وحدها لشيخي ,tarte au fraise الفوكه et les jus boisson gazouz
في السهرة درت بسبوسة avec thé تقدرري تزيدي salade fruitوتقدري تحضري des plats من قب ,راني هنا كاش ما تحبي و زيد الاخوات عندهم des recette هايلين ل يفيدوك اكثر مني و عندهم تجربة كثر نسيت وينك في الغربة
تكلي على ربي
لينا11
2014-04-09, 13:16
حنونة ماتخميش ديري شربة فريك باللحم ولا دجاج
http://www.djelfa.info/vb/showthread.php?t=1004977
ودجاج محمر في اكياس الشواء وبيري ملاحظة مهم ارحيها بالرحاية يديوية خير من ميكسور تجيك مطاطية تشوكيك
سلاطة ماسيدوان تتباع واجدة انتي حضري سلاطة خضراء معاها برك
غلي روز برك وزيدي وديري طبقة روز مخلط معاه مايوناز فالقاعدة وخليه يحكم روحو شوية وصفي مليح علبة تاع ماسيدوان تاع من ماء وخلطي معها شوية مايوناز وحطيه طبقة ثانية وفالاخير طبقة اخرى من الروز وخليه فالثلاجة ساعة فما فوق باش يحكم روحو مليح مليح وقن التقديم قلبيه على صحن جميل وزينيه من الفوق حسب الموجود
http://www.djelfa.info/vb/showthread.php?t=1005195
وزيدي كيش باللحم مرحي ززينيها من فوق بالكروفات تجيك تحفة استعملي بيك ابيغو بالالوان يجيك رووووعة
http://www.djelfa.info/vb/showthread.php?t=1022797
ولا هذا :http://www.djelfa.info/vb/showthread.php?t=393129
وحميص حلو وقلي فلفل حاروقشريه وارحيه شوية بالميكسور وزيدي عليه ملح وزيت زيتون وحطيه في سكوب وحدو الي يحب الحار ياكل منو صدقيني راح يعجبهم
ولا عندك مول سيليكون جربي مقبلة هذي راهي شيك وبريزونتابل
http://www.djelfa.info/vb/showthread.php?t=1566386
وبالنسبة للديسار تقدري ديري كيسان تعمريهم بسلطة فواكه واجدة انتي عمري برك كيسان خخخخخ او تحضريها انتي
ولا هذا ديسار هايل
http://www.djelfa.info/vb/showthread.php?t=1381100
http://www.djelfa.info/vb/showthread.php?t=989794

نصيحة حاولي تجربي كمية قليلة باش تشوفو واش صلح لك واعتمديه وماتخافيش توكلي على الله وماتنسايش الاستغفار ديما في فمك
medjkane
2014-04-09, 16:54
rohi achri 4 jajat amhamrin wa gwa zidi ma3hom salad olilhom wahda bin 2 wahka rah yafrho
tahiya
2014-04-09, 17:40
شوفي اطباق الاخت نينافري...ساهلة و لذيذة جدا
sarra5
2014-04-09, 18:29
جيري سلاطة ماسيدوان ""ساهلة مافيها والو صعيب""

شربة فريك ""الجاري""

طاجين الزيتون

شخشوخة او كسكس

ديسار و عصير

و خلاااص ساااهلة ماهلة وهاذو كامل كاين في المنتدى

اليوم هزي كل الوصفات وطبقيهم نهار الجمعة