وش ديري نهار الجمعة ادخلي نقلك

[amina bourennane]

:confused::dj_17::dj_17:السلام عليكم مرحبا بكم اخواتي في موضوعي اليوم حبيت ندير موضوع نتناقشو فيه على النهار الجمعة وهو اليوم المعروف بلي ربة البيت تنظف فيه الدنيا تسياق و مسحان غبرة و و ترتيب و و و و و ..... وانا درت هاذ الموضوع باه تقولنا كل وحدة كيفاه تبدا ووش دير كل ربة بيت نهار الجمعة على قداه تنوض بواه تبدا وش تنضف وكيفاه باسكو كل وحدة والطريقة تع التنظيف تاعها و ممكن ادا كان تمدلنا نصيحة تعطينا فكرة تعطينا دبارة وهكذا نستفيدو كل و خاصة المقبلين على الزواج نتمنى نلقا تفاعل ولو بحاجة بسيطة للاستفادة لا اكثر و شكرااااااااااااااااااااااااا:mh31::mh31::mh31:
وانا راح نبدا الاولى http://files.fatakat.com/bigsmilies/mood1.gif (http://forums.fatakat.com/thread1803793)

اولا: لازم مايبقا حتى واحد في الدار باه ما تقلقييييش من اللي رايح و اللي جاي http://files.fatakat.com/bigsmilies/mood8.gif (http://forums.fatakat.com/thread1803793)

تانيا :هزي الدراوات تع السرير و القش و اي حاجة رح تغسليها حطيهم في الماشينا باه ماتبقيش رايحة جاية و تخمجي الي نضفتيه http://files.fatakat.com/bigsmilies/mood19.gif (http://forums.fatakat.com/thread1803793)
تالتا :هزي الزرابا و انفضيهم مي البرا ماشي في الدار لداخل ماكاش تتعمرلك غبرا http://files.fatakat.com/bigsmilies/mood12.gif (http://forums.fatakat.com/thread1803793)و كان عندك طيراس طلعيهم للقايلة و كان معندكش انفظي النافذة و انشريهم و لا بالكون ومبعد انفظي غرف النوم وسيقيهم و امسحي الغبرة تع السرير و تع الخزانة و التلفزيون و امسحي الزجاج و زجاج النوافذ باسكو النسا كي تجيك تروماركي كلش حاجة ماتفوت باه في الطريق وهوما مروحين يمقصووووو
http://files.fatakat.com/bigsmilies/mood8.gif (http://forums.fatakat.com/thread1803793)
رابعا :وهاكدا تكوني كملتي جزء كبير من التنظيف http://files.fatakat.com/bigsmilies/mood0.gif (http://forums.fatakat.com/thread1803793)
وخامسا :ودركا يالفحلة ترجعي الزرابي ولحوايج الي هزيتيهم و تفرشي السرير و مبعد دوري تمسحي الغبرة تع البيبليوتاك و لي كادر و لي فاز و و و و و دركا اهل البيت قريب يجو لازم تزربي تكملي الكوزينة و الدوش http://files.fatakat.com/funnysmilies/230.gif (http://forums.fatakat.com/thread1803793)
وسادسا:اغسلي لماعن تع الفطور و امسحي خشب تع الكوزينة و والثلاجة و الكويزنيار و سيقيها ولمعي الزجاج تاع النافذة و تع خزانة المطبخ وباينة رح تلقاي الكسكس طاب طفي عليه و روحي نظفي الدوش واغسلي الفايونس تاعو و لمعي الزجاج و سيقيه و اخرجي
اخيرااااااااااااا كملتي http://files.fatakat.com/bigsmilies/mood1.gif (http://forums.fatakat.com/thread1803793)
وبيانسيير انتي راكي تعبانة http://files.fatakat.com/bigsmilies/mood17.gif (http://forums.fatakat.com/thread1803793)
بصح مازااااااااااااااااااالك تجهيز الغدااء http://files.fatakat.com/bigsmilies/mood23.gif (http://forums.fatakat.com/thread1803793)
وبعد الغداء تغسلي المواعن و دخلي القش الي شاح طبقيه و حديه و رجعيه لمكانو و روحي ديري نسمة اتفرجي على حريم السلطان
وشكراااااااااااااااااااااااااااااا اتمنى التفاعل

[coco2]

سلااااااام
هههههههههههه عجبني الموضوع
لكن للاسف انا يوم الجمعة استحالة ندير فيه ميناج ولا مسيح لانو اليوم الوحيد اللي يقعد فيه راجلي في الدار بحكم انو يخدم باقي الايام
لذلك يوم التعب تاعي انا هو الاحد

[nari21]

هههههههههههههههههه عجبتيني كي قولتي روحي اتفرجي حريم السلطان

[wafa34]

بارك الله فيك
عجبني الموضوع
مشكوووووووورة

[yildiz]

السلام عليكم
ههههههههه مليحة تاع روحي شوفي حريم السلطان ههههه
بصح نورمالمون الجمعة الوحدة تريح شوية ماشي تدير الميناج وديجا وين صرات بالجمعة الدار تفرغ ؟؟؟
بالعكس حنا نهار الجمعة واحد ما يخرج
صحيتي على الافكار تااعك ^^

[ام ياسمين10]

ههههههه حنونتى والله انا تانى كنت ندير الميناج نهار الجمعة مش عارفة وعلاه مع انى مش خدامة ولاولادى يقراو مزالو صغار كنت كل يوم جمعة نوض بكرى ونسيق وندير الفطور طعام وندوش ولادى وندوش انا وراجلى تانى ومنبعد نغسل الحوايج وهكذا منحبسش قع وحد النهار قالى راجلى راكى تقلقينى وعلاه النهار لى نصبح فيه ونريح من تعب الخدمة تتفكرى فيه كلش عندك الايام كلها الا الجمعة خلينى نريح وزيد لى حب يزورنى من اهلى اواهل زوجى يجينى بنهار الجمعة لانو ولادهم يقراو والكبار خدامين يلقاو الدنيا مقلوبة ههههههههههه مالا بدلتو نهار الخميس واذا حبيت نخرش انا تانى نخرج بالجمعة لذا الجمعة هو نهار الراحة والتحواس ............

[madoucha]

انا الميناج الكبير نديرو في اي نهار ماشي شرط الجمعة
مثلا عندي يوم الثلاثاء نخرج من الخدمة على 10 ندير حسابي نهار الاثنين نوجد عشاء و غدا ونروح ديراكت للميناج كاش ما عندي قش نغسلو وهكذا نقص على روحي الشغل ويوم الجمعة نكمل الباقي نسيق ندوش و نغسل الملابس لاني منحبش نشوف ملابس موسخين

[amina bourennane]

شكرااااااااااااا حنوناتي ونورتو موضوعي و كل وحدة والنهار الي يساعدها انا نخدم بنهار الجمعة باسكو ماعنديش الذري ادعولي ربي يرزقني وشكرااا مرة اوخرا

[نخله.]

موضوع هايل انا ثاني كنت نطير وننزل يوم الجمعه ندير ميناج السمانه + الطعام وحنا نديرولو 3 فورات وااااااااااااع +الدوش+قراءه البقره والكهف وكلشي قبل الصلاه
ي هاذ الشهر جربت قدمت الميناج للخميس تمبومعايا مليح والله عجبتني التغييرات وريحتني


نبدا من ليله الاربعا نقي الدوش + التواليت ملييييييييييييييح ونشمخ اللوبيا يوم الخميس يوم عالمي للوبيا

الخميص نبدا نغلق على الوبيا فالكوكوت ونوجدلها التتبيله بجيه ونغسل الماعن و نقي الكوزينه مليح يعني الفريجيدار والكويزينييا ولي تاش للي فالحيوط ونسيقها

و نروح للي شومبر كيما قالت الاخت ندير الفراشات في المشينه ونحل النوافد نحط فيهم التابيات بعد ما نقيتهم مليح اما الغطاوات او لي كوييت نديرهم فالشبك تع الحوش

نقي مليح ونجيد وشكاين تحت الاسره والخزاين ونسيق وندور على لي تاش فالحيوط اما الزجاج تع النوافذ والحيوط كاملين مره فالشهر

نكول نروح للصالون نرفدو كامل ونسيقو وهو بذات ما نلحقش عليه نفرشو يوم الجمعه ونمسح الموبل

حنا تكون لحقت 12 الغدا وغسيل الماعن ونجبد الفراشات من المشينه ننشرهم ونروح نرجع وش رفدت تابيات وندير فراشات جدد نعطر الدار ونضرب دوش سريعه وقت الظهر نصلي ونتغاشى حتى العصر وبعد ما نصليه ونستقهواو نجد الطعام تع الجمعه نقطع الخضر ونديرهم فالماء

كيما هاك نكون وجدت ليوم الجمعه

اما الجمعه ندير برك الطعام ونضرب دوره خفيفه على الدار و نفرش الصالون ونقرا القرآن و بعد الغدا نغسل الماعن وندوش ونصلي الظهر وهنيت روحي من تعب الجمعه

وف

[أم شروفة]

انا يوم الجمعة ما نخدم والو زوجي عندو غير الجمعة يريح نزيد نقلبلو الدار فوق راسو.بالعكس يوم الجمعة يكون كل شيئ نظيف وانا كذلك ونطيب احسن غدا ويفوت يوم للراحة بالنسبة لي

[lady31]

واااااااااااي نهار الجمعة.؟؟؟؟؟؟ الطعام و قراءة سورة الكهف و المحافظة على الهدوء لاجل زوجي

[djazia87holi]

واش حكاية الطعام نهار الجمعة مفهمت واااااااااااااااااالو انا عن نتفسي لا يوم الجمعة برك لخدمة الاسبوع كامل سونساري باسك اولادي بسلامتهم كونجي مازالو صغار وين يروح واحد نجري موراه وهوما غير زوج مي اعشق عمل المنزل بحكم كنت عاملة وبعد الزواج حبست نشوف غير في الدار مي غسيل الحوايج يوم الست والاربعاء مي الميناج كل يوم والدوش مانفوتش نهارين مي التوالات اجباري كل لحظة اعزكن الله بلا الخدمة الاخرى ماتفكرونيش ههههههههههه تمارا مي النتاءج مرضية

[amina bourennane]

حنوووووناتي انا ندير نيتواياج نهار الجمعة باسكو زوجي يخدم تاني نهار الجمعة و ماعنديش اولاد عديكة مخصصة نهار الجمعة للخدمة و وكل وحدة وواش يساعدها وكل وحدة وكيفاه تخدم في دارها وانا احترم رايكم وشكرا على ردودكم

[oumraouf]

السلام عليكن عزيزاتي ، فعلا لا أستطيع أن لا أقلب المنزل رأسا على عقب يوم الجمعة ، لأنني عاملة، رغم أن زوجي كلما يدخل يصرخ في وجهي ما هذا ؟ وكما تعلمون يبقى داخل خارج ، أنه ينزل الى الحي وفي كل مرة يأتيني بشئ في يده ؟ خبز - ختى ولو عملنا كسكس - فاكهة - ثم لوازم السيارتين يقوم بتنظيفهما، تصوروا كل مرة يدخل علي بشكل واخيرا أين هو الغذاء ام نتغذى خارج البيت ، وهناك افاجئه بقصعة الطعام أو الشخشوخة أو التريدة أو التليتلي( يوم الجمعة مخصص لنوع من المعجنات ) لأن الأكل اقوم بطهيه موازاة مع التنظيف .. الذي احدث به ثورة ، تصورا حتى انني ذات مرة صعدت لجارتي التي هي فوقي وقلت لها يا اختاه انت ماكثة بالبيت فلماذا ترهفي نفسك يوم الجمعة وتعكري علي وضع الفراش والملابس بالبالكون ، فهذا اليوم اجعليه مخصص لزوجك - يثولون ما لا يفعلون - ههههههههه. سلامي لكن جميعا.

[ام محمد امير]

بما انني ماكثة فالبيت الشغل والميناج كل يووووووووم ماعنديش يوم مخصص والله نهار الجمعة مانوضش بكري هذاك نهار لنريح فيه خاصة لعندو ولاد صغاااار راكم تعرفو الكارثة والشغل تاعهم ......سلااام

[djazia87holi]

بما انني ماكثة فالبيت الشغل والميناج كل يووووووووم ماعنديش يوم مخصص والله نهار الجمعة مانوضش بكري هذاك نهار لنريح فيه خاصة لعندو ولاد صغاااار راكم تعرفو الكارثة والشغل تاعهم ......سلااام

رانا نستناو الوقت لي يكبرو فيه سورتو الطفلة باش تعاوني شوية

[coco2]

امينة ربي يوزقك بالذرية الصالحة لي تقر عينك ياااااااااا رب
و عندك الحق انتي مادام راجلك يخدم بالجمعة لازم تبروفيتي تديري هاداك النهار الميناج
كيما اليوم راكي باينة هاي ليك هاي ليك ههههههه ربي يعينك سلاااااام

[yas mine 123]

بارك الله فيك
عجبني الموضوع
مشكوووووووورة