مواقف محرجة,,,,طريفة,,,,خيالية حصلت معكم !!!

[نارينا]

السلام عليكم ورحمة الله وبركاته
كثر النقاش المحتدم والحاد احيانا بين الاعضاء ولتغيير نمط المواضيع التي جعلت الكثير منا يظهر الجانب الجدي فيه وفقط ,,,أرتأيت ان اضع موضوعا لتكريس نظرية وجود طفل بداخل كل منا على حد قول الاخت مريم ولنستحضر بعض الذكريات المحرجة,......الطريفة ,,,او الخيالية احيانا,,,,,المهم انا سأبدأ بسرد بعض المواقف التي لن انساها وحفرت لنفسها موقعا مهما في ذاكرتي
الموقف المحرج: ذهابي الى عرس قريبتي وجلست امامها على طاولة حوافها من خشب لاهنئها ولم تمر ثواني الا وانا وسط مربع فارغ والزجاج يجاورني من كل ناحية والقاعة كلها دخلت في حالة صمت رهيب بعد ان كانت تعج بالكلام والفوضى وانا غطى الخجل والاحراج وجهي وتمنيت ان تبتلعني الارض حالا,,,,المهم خروجي من الموقف كان مرفقا برضوض وجروح وذهبت بعدها بيوم الى الطبيبة :o

الموقف الطريف : تعددت المواقف الطريفة في حياتي ولازلت اتذكر يوم ضربت احد تلاميذي المشاغبين لانه كذب وورط زميله,,,,امسكت الكراس وضربته على كتفه اليمين والشمال قائلة ان الملائكة الان يدونو ن كذبته التي دوت الافاق فرد قائلا والله ما راهم يكتبوا لانهم هزوا الستيلو ضربتيهم حبسوا يستنوك تكملي,,,,,,,,الموقف ضحك له جميع من في القسم وجعلني اتعجب فعلا من وقاحة وخيال بعض التلاميذ الواسع الذي استخدم في غير محله

الموقف الخيالي : في احدى ليالي الصيف كنت العب في فناء منزل خالتي مع ابنها رحمه الله وفجأة التفتنا فوجدنا شخصا اسود بدون ملامح وبشعر جد كثيف مكبل اليدين الى الحائط بدون حراك والظلام دامس,,,,,,هرولنا الى الداخل ونحن نبكي ونصيح اننا رأينا شبح لكن لم يعرنا اي شخص انتباهه ,,,,,لكن صورة الرجل المخيف لازالت عالقة بذهني

في وقت مضى سألت صديقاتي عن مواقف محرجة حصلت معهن ,,,,,وكانت القصص التي سردوها مشروع روايات ناجحة :19:

[anoucha anoucha]

مشكوووورة موضوووع رائع
لي عودة انشاء الله

[optimism]

السلام عليكم
المواقف الطريفة التي تحدث لي نتيجة ملاحظتي متاخرة ودائما عندي هذك اليقين الشخص الي يستهزا منه..................اكيد لست انا
في الثانوية.....في امتحان التاريخ.............لما نحفظ ندي معلومات ثم نحب نكتب التعبير من عندي................كتبت تعد على ايدي الاصابع..........يوم تصحيح قال الاستاذ..............ها واحدة كتبت كذا....................والمشكل انا نضحك مع الزملاء عادي..........دائما عندي هذك اليقين انه ليس علي...............جا نهار وفات نهار..............صدفة كنت نراجع حتي سقطت الورقة.........قلت نقراها............فكانت صاعقة الى يومنا هذا مازلت نضحك عليها....................

[نارينا]

السلام عليكم
المواقف الطريفة التي تحدث لي نتيجة ملاحظتي متاخرة ودائما عندي هذك اليقين الشخص الي يستهزا منه..................اكيد لست انا
في الثانوية.....في امتحان التاريخ.............لما نحفظ ندي معلومات ثم نحب نكتب التعبير من عندي................كتبت تعد على ايدي الاصابع..........يوم تصحيح قال الاستاذ..............ها واحدة كتبت كذا....................والمشكل انا نضحك مع الزملاء عادي..........دائما عندي هذك اليقين انه ليس علي...............جا نهار وفات نهار..............صدفة كنت نراجع حتي سقطت الورقة.........قلت نقراها............فكانت صاعقة الى يومنا هذا مازلت نضحك عليها....................

صار لعيناي قدمان تهرول لتفهم ما كتبتي ,,,,وحدة وحدة علينا حنونة ,,,,,والله انسان يعرف ان الكلام موجه له ويضحك مغ الغير ....يعطيك الف عافية على صحة الوجه,,,,,احسن من ان تنالي نظرات استهزاء من الاخرين ,,,وهنا انت ذكية ,,,,,,انا ما اضحكني انك قلتي عندي يقين ,,,وكأنك متأكدة هههه ,,,, ,,,حتى مداخلاتك هنا يبدو انك ورثتها من المراجعات السابقة ,,,مداخلات قصيرة وجد مختصرة :1:المهم ربي يخليلك مرحك وابتسامتك التي نورت المنتدى يا حلوة ,,,,

[مريم الصابرة]

السلام عليكم اختي ومك مبارك موضوع طريف
هناك مواقف كثيرة ليس بالضرورة ان تكون قد حدثت معنا نحن صغار بل تحدث ونحن كبار
الموقف المحرج: نادرا ما اتعرض لموقف محرج جدا وحدث هذا الموقف لي وان انساه ما حييت حيث كان في مناسبة نسوية وانا جالسة مع بعض البنات وكانت معنا إمرأة انا لا اعرفها جالسة معنا المهم نهضت إحداهن من مجموعة اخرى سالتنا إحدى اللواتي كن معنا من هاته وانا بكل صدق قلت لها زوجة فلان الثانية لقد تزوج على زوجته وما إن اكملت هذا حتى هرعت التي كانت معنا تنقض على الاخرى من الشعر ههههههههه لن انسى هذا الموقف شعرت بحرج شديد حاولت ان اخبرها انني مخطئة لكن فات الأوان وعرفت أن زوجها تزوج عليها بعد املناسبة ذهبت لأامي مباشرة واخبرتها والحمد لله بعد يوم تأسفت امي من زوج المراة ثم قال لها إبنتك كانت مجرد سبب الله اراد ان تعرف كان علي أن اصارحها موقف لن انساه ابدا ما حييت هههههههه لو تشوفي كيفاه سحبتها فالصالة ههههههههه ياخا شعرها قطعتولها ههههه
موقف الطريف : كثيرا ما صنعت مواقف طريفة في حياتي ولعل اهمها في ما قمت به مع استاذي في التاريخ والجغرافيا إتفقت انا وزملائي وقمنا بإلصاق مبلغ من المال على كرسيه وانا ربطت المبلغ بخيط رفيع ولم ره ابدا لعلمنا انه لا يرى جيدا المهم وضعنا المال رآه عند دخوله تظاهر أنه لم يرى شيئا وهنا عرفنا انه طماع لم يجلس ومن عادته الجلوس بدا بامرنا بالإنتباه للدرس وفتح الكتاب ههههههه واختك مريم من اسفل برجلها تحرك الخيط وفتحت النافذة امامي حتى يشك أن الريح من حرك المال
تحرك المال قليلا الاستا تحرك هههههههه انا احرك المال وهو يتحرك قلت له استاذ توقف عن الحركة انا لا ارى الصبورة قالي ليليا اسكتي طيري عليا براههههه قلت له استاذ انا لست حمامة ضحك زملائي المهم ظللت الاعيه احرك وهو يتحرك اراد اخذ المبلغ دون ان نراه هههههه لم انسى ما فعلناه به ذلك اليوم وحاول منعي من الإقتراب من المكتب لما ذهبت لاستفسر منه امرا ههههههههههه وفي ألاخير دق الجرس من عادته الخروج اولا امرنا بالخروج للساحة انا رفضت قلت له متعبة سأبقى قالي ممنوع اخرجي قلت له استاذ من عادتي البقاء قالي ليليا براااااا حرجت وانا زملائي من فتحة الباب نرى ما يفعله لاحظ أن المال مربوط بحبل وذاهب لطاولتي ههههههه ادرك انني طنت اتلاعب به اخذ المال وانا هربت مع زملائي والحصة الموالية لم يتكلم أنتظر أن اطلب المال وانا لم اتكلم هههههه في آخر لسنة وعند توديعنا ناداني واعطاني المال وقالي لي إنت شريرة طراز اول هههههههه
الموقف الخيالي:

الموقف الخيالي الذي لن انساه انني يوما قرأت عن لعبة تحضر الروح وهي لعبة باوراق ويسأل الجن المهم كانت بنات خالتي ونحن وتفاهمنا ان نقوم بالعب المهم ليلا وعند متصف الليل بدأنا اللعبة والصمت والخوف يعم المكان المهم الاجرأ فينا تبدأ اللعبة بدؤو اللعب ونسأل سؤال لا تعرفه اللعباتان لنرى إن كان صادقا ونأمره باوامر ويقوم بتنفيذها وفعلا صدقوني هذا ما حدث نامره بإطفاء الضو يقوم بإشعاله وإطفائه المهم مريم بدات تخاف وخوف كبير لبت منهم نحبسو اللعبة لكن الحن لم يرد الذهاب الابواب تغلق وتفتح لوحدها خالي نهض من النوم وزوجته إستغربو ما الذي يحدث المهم آخرها انه من مكتبة امامنا حيث كنا نائمون اوقع علينا كل الكتب ومزهرية وقعت على إبنت خالي جرحت جرح كبير اختكم مريم رجعت لدارهم على 2نتاع الليل عملت ثورة بكاء وصراخ نرجع لدارنا ووالدي الله يرحمو لما فتح الباب دهش لبكائي وبت راقدة عند والدي ههههههه مناك نخاف كل ما يتعلق بالجن
شكرا إبتسمت وانا اتذكر

[الواثق]

الموقف لمحرج الذي حدث لي ...........كنت جالسا مع شخص في بطولة لكرة القدم وكنت احد اعضاء الفريق وننتظر المباراة متى تبدأ...........المهم السيد بدا يحكيلي على المرأة العاملة وبديت انا كالعادة تميت نهدر ونسب في اشباه الرجال اللي مش حاكمين في نساهم والرجل يشوف فيا ووجهو احمر كلمة ماقلهاش .......بعد مدة جا المؤطر وكان يسمع فيا طبعني وقالي روح دير التسخين ضرك تدخل ......ومن بعد قالي واش بيك انت ......راهي مرتو هي المقتصدة .........هههه قتلو عنها وجهو ولى كيما الطماطيشة ههه ...........المهم دخلت في الماتش سخون من شدة الاحراج واستطعت تسجيل هدف من بعيد ههه

والله المستعان

[نارينا]

السلام عليكم اختي ومك مبارك موضوع طريف
هناك مواقف كثيرة ليس بالضرورة ان تكون قد حدثت معنا نحن صغار بل تحدث ونحن كبار
الموقف المحرج: نادرا ما اتعرض لموقف محرج جدا وحدث هذا الموقف لي وان انساه ما حييت حيث كان في مناسبة نسوية وانا جالسة مع بعض البنات وكانت معنا إمرأة انا لا اعرفها جالسة معنا المهم نهضت إحداهن من مجموعة اخرى سالتنا إحدى اللواتي كن معنا من هاته وانا بكل صدق قلت لها زوجة فلان الثانية لقد تزوج على زوجته وما إن اكملت هذا حتى هرعت التي كانت معنا تنقض على الاخرى من الشعر ههههههههه لن انسى هذا الموقف شعرت بحرج شديد حاولت ان اخبرها انني مخطئة لكن فات الأوان وعرفت أن زوجها تزوج عليها بعد املناسبة ذهبت لأامي مباشرة واخبرتها والحمد لله بعد يوم تأسفت امي من زوج المراة ثم قال لها إبنتك كانت مجرد سبب الله اراد ان تعرف كان علي أن اصارحها موقف لن انساه ابدا ما حييت هههههههه لو تشوفي كيفاه سحبتها فالصالة ههههههههه ياخا شعرها قطعتولها ههههه
موقف الطريف : كثيرا ما صنعت مواقف طريفة في حياتي ولعل اهمها في ما قمت به مع استاذي في التاريخ والجغرافيا إتفقت انا وزملائي وقمنا بإلصاق مبلغ من المال على كرسيه وانا ربطت المبلغ بخيط رفيع ولم ره ابدا لعلمنا انه لا يرى جيدا المهم وضعنا المال رآه عند دخوله تظاهر أنه لم يرى شيئا وهنا عرفنا انه طماع لم يجلس ومن عادته الجلوس بدا بامرنا بالإنتباه للدرس وفتح الكتاب ههههههه واختك مريم من اسفل برجلها تحرك الخيط وفتحت النافذة امامي حتى يشك أن الريح من حرك المال
تحرك المال قليلا الاستا تحرك هههههههه انا احرك المال وهو يتحرك قلت له استاذ توقف عن الحركة انا لا ارى الصبورة قالي ليليا اسكتي طيري عليا براههههه قلت له استاذ انا لست حمامة ضحك زملائي المهم ظللت الاعيه احرك وهو يتحرك اراد اخذ المبلغ دون ان نراه هههههه لم انسى ما فعلناه به ذلك اليوم وحاول منعي من الإقتراب من المكتب لما ذهبت لاستفسر منه امرا ههههههههههه وفي ألاخير دق الجرس من عادته الخروج اولا امرنا بالخروج للساحة انا رفضت قلت له متعبة سأبقى قالي ممنوع اخرجي قلت له استاذ من عادتي البقاء قالي ليليا براااااا حرجت وانا زملائي من فتحة الباب نرى ما يفعله لاحظ أن المال مربوط بحبل وذاهب لطاولتي ههههههه ادرك انني طنت اتلاعب به اخذ المال وانا هربت مع زملائي والحصة الموالية لم يتكلم أنتظر أن اطلب المال وانا لم اتكلم هههههه في آخر لسنة وعند توديعنا ناداني واعطاني المال وقالي لي إنت شريرة طراز اول هههههههه
الموقف الخيالي:

الموقف الخيالي الذي لن انساه انني يوما قرأت عن لعبة تحضر الروح وهي لعبة باوراق ويسأل الجن المهم كانت بنات خالتي ونحن وتفاهمنا ان نقوم بالعب المهم ليلا وعند متصف الليل بدأنا اللعبة والصمت والخوف يعم المكان المهم الاجرأ فينا تبدأ اللعبة بدؤو اللعب ونسأل سؤال لا تعرفه اللعباتان لنرى إن كان صادقا ونأمره باوامر ويقوم بتنفيذها وفعلا صدقوني هذا ما حدث نامره بإطفاء الضو يقوم بإشعاله وإطفائه المهم مريم بدات تخاف وخوف كبير لبت منهم نحبسو اللعبة لكن الحن لم يرد الذهاب الابواب تغلق وتفتح لوحدها خالي نهض من النوم وزوجته إستغربو ما الذي يحدث المهم آخرها انه من مكتبة امامنا حيث كنا نائمون اوقع علينا كل الكتب ومزهرية وقعت على إبنت خالي جرحت جرح كبير اختكم مريم رجعت لدارهم على 2نتاع الليل عملت ثورة بكاء وصراخ نرجع لدارنا ووالدي الله يرحمو لما فتح الباب دهش لبكائي وبت راقدة عند والدي ههههههه مناك نخاف كل ما يتعلق بالجن
شكرا إبتسمت وانا اتذكر


مرحبا مريومة نورتي الموضوع ويبدو جليا فعلا ان مغامرات البنات يمكن ان تؤرخ في كتب,,,,,القصة الاولى واجتماع الضرتين والضرب والله لا احسدك لاني اخاف من العراك والتشابك,,,,,يعني طحتي في موقف يالطيف لكن الموضوع حل عن طريقك انت في الاخير ههههه:d


الموقف الثالث لاستحضار الارواح عايشته من قبل وفور تحرك الكأس هربت من بيت جيراننا ,,,صديقتي من ايام الدراسة جربتها وكسر الجن الابواب والنوافذ على الساعة 12 ليلا,,,,اكيف لم تخافي وتعاطيت مع الجن بسهولة ؟؟؟ هنا انت شريرة وجنية صح :19:
واخيرا بارك الله فيك اختي مريم وجعل الله ايامك كلها فرح وسرور وشفاك عاجلا غير اجل

[نورسين.داية]

السلام عليكم

موضوع جميل طبعا

و سوف أروي بدوري موقف أدكره ...لم أستطع أن أصنفه ....هل هو محرج أم طريف

المهم في أكتوبر الفارط كانت أريد الحصول على عطلة من العمل لمدة 5 أيام بالمقابل رفض مسؤولي المباشر ....فما كان ردي إلا بعطلة مرضية السلام
فتوجهت الى طبيب كنت أسمع به فقط لكني لم ازره يوما ....و جاء الميعاد المنتظر ....
دهبت مستعجلة ...لأني كنت سوف أسافر في اليوم الموالي ....دخلت ووجدت في قاعة الإنتظار شيخ كبير في السن ....فقال لي : إن أردتي أن تأخدي مكاني فلا بأس .....

فرحت و دخلت مباشرة و الطبيب كتب الشهادة و طلب مني ان أمضيها في مكتب الممرض
و خرجت مسرعة أيضا ......وجلست أنتظر إمضاء الشهادة لكن الممرض أخذ مجموعة من الأوراق ......و غادر المكتب ثم عاد (ملاحظة هو يضع نظرات كبيرة الحجم هاذوك لي نسموهم كاتخ زيو) المهم أحضر إبرة و إقترب مني و قالي : وجدي روجك يا بنتي و دوري ما تخافيش ............:sdf:
و هو إقترب على أساس راح ...يضع لي الأبرة .....بكل جرأة .............:sdf:.
فصرخت في وجهه ......أأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأأأأأأأأأأأأأأأأأأأأأأأأو ......دوى صوتي بالقاعة ....قتلو واش بيك .....؟؟؟؟؟؟؟؟؟؟؟

بالمقابل قال لي علاش خفتي يا بنتي .....فقلت أنا لست مريضة ......
و بعدها تبين أن الوصفة الطبية تخص الشيخ الكبير الذي كان جالسا في قاعة الإنتظار ...........................:D

و انا أصلا لو كنت سوف أعالج بإبرة لن أدهب الى رجل حتى يضعها لي ...............هذا ما بقالي .............:rolleyes:

المهم شوفي الإنسان لما يتصرف تصرف غير قانوني هذه هي نتائجه ..............ربي إحفظ .و خلاص .........

[ام ملاك.]

هههه اضحكتني مواقفكم جدا خاصة موقف مع التلميد والملائكة يالدهاء الاطفال الغير متوقع ههههه
واختي مريم والله موقف ماتنحسديش عليه نتاع العرس هههههه
واما استحضار الارواح هذيك كفيلة بقتلي لو صراتلي لي كانت تسببلي ازمة قلبية في الحين
واخي الواثق موقفك مضحك جدا ومحرج الحمدلله انك قدرت تسدد الهدف ههههههههههههه
اذا تذكرت شي مواقف رايحة نوليلكم
شكرا لك نارينا عالموضوع الجميل والطريف

[نارينا]

[QUOTE=الواثق;1056063464][b]الموقف لمحرج الذي حدث لي ...........كنت جالسا مع شخص في بطولة لكرة القدم وكنت احد اعضاء الفريق وننتظر المباراة متى تبدأ...........المهم السيد بدا يحكيلي على المرأة العاملة وبديت انا كالعادة تميت نهدر ونسب في اشباه الرجال اللي مش حاكمين في نساهم والرجل يشوف فيا ووجهو احمر كلمة ماقلهاش .......بعد مدة جا المؤطر وكان يسمع فيا طبعني وقالي روح دير التسخين ضرك تدخل ......ومن بعد قالي واش بيك انت ......راهي مرتو هي المقتصدة .........هههه قتلو عنها وجهو ولى كيما الطماطيشة ههه ...........المهم دخلت في الماتش سخون من شدة الاحراج واستطعت تسجيل هدف من بعيد ههه

والله المستعان

[نارينا]

السلام عليكم

موضوع جميل طبعا

و سوف أروي بدوري موقف أدكره ...لم أستطع أن أصنفه ....هل هو محرج أم طريف

المهم في أكتوبر الفارط كانت أريد الحصول على عطلة من العمل لمدة 5 أيام بالمقابل رفض مسؤولي المباشر ....فما كان ردي إلا بعطلة مرضية السلام
فتوجهت الى طبيب كنت أسمع به فقط لكني لم ازره يوما ....و جاء الميعاد المنتظر ....
دهبت مستعجلة ...لأني كنت سوف أسافر في اليوم الموالي ....دخلت ووجدت في قاعة الإنتظار شيخ كبير في السن ....فقال لي : إن أردتي أن تأخدي مكاني فلا بأس .....

فرحت و دخلت مباشرة و الطبيب كتب الشهادة و طلب مني ان أمضيها في مكتب الممرض
و خرجت مسرعة أيضا ......وجلست أنتظر إمضاء الشهادة لكن الممرض أخذ مجموعة من الأوراق ......و غادر المكتب ثم عاد (ملاحظة هو يضع نظرات كبيرة الحجم هاذوك لي نسموهم كاتخ زيو) المهم أحضر إبرة و إقترب مني و قالي : وجدي روجك يا بنتي و دوري ما تخافيش ............:sdf:
و هو إقترب على أساس راح ...يضع لي الأبرة .....بكل جرأة .............:sdf:.
فصرخت في وجهه ......أأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأأأأأأأأأأأأأأأأأأأأأأأأو ......دوى صوتي بالقاعة ....قتلو واش بيك .....؟؟؟؟؟؟؟؟؟؟؟

بالمقابل قال لي علاش خفتي يا بنتي .....فقلت أنا لست مريضة ......
و بعدها تبين أن الوصفة الطبية تخص الشيخ الكبير الذي كان جالسا في قاعة الإنتظار ...........................:d

و انا أصلا لو كنت سوف أعالج بإبرة لن أدهب الى رجل حتى يضعها لي ...............هذا ما بقالي .............:rolleyes:

المهم شوفي الإنسان لما يتصرف تصرف غير قانوني هذه هي نتائجه ..............ربي إحفظ .و خلاص .........


والله يانورسين مت بالضحك خاصة عندما قال دوري يا بنتي ومتخافيش ههههههه معليهش غلطة وفاتت وهادي سير دعوة المسعول المباشر هههه:d

[نارينا]

هههه اضحكتني مواقفكم جدا خاصة موقف مع التلميد والملائكة يالدهاء الاطفال الغير متوقع ههههه
واختي مريم والله موقف ماتنحسديش عليه نتاع العرس هههههه
واما استحضار الارواح هذيك كفيلة بقتلي لو صراتلي لي كانت تسببلي ازمة قلبية في الحين
واخي الواثق موقفك مضحك جدا ومحرج الحمدلله انك قدرت تسدد الهدف ههههههههههههه
اذا تذكرت شي مواقف رايحة نوليلكم
شكرا لك نارينا عالموضوع الجميل والطريف

والله حبسولي ايقونات الشكر ولا ادري مالفائدة من ايقافهم عند حد معين وشكرا لدخولك وتنوير الموضوع ودامت ضحكتك عزيزتي ولا تنس ان تذكري لنا احد المواقف التي حفرت بذاكرتك :19::19:

[مـــاهـــر]

هههههه موقف لعبة الكارطا ااو بطاقات الجن صحيحة ومحبيتش نجربها
وموقف الاستاذ مع الدراهم خخخخ طريفة وهذا مايؤكد لي للمرة الترليون ان الاساتذة and الدينار مع احترامي ليهم
اما عن المواقف هي كثيرة ويصعب عليا انتقاء واحدة دون الاخرى

[BAROUD]

نشفئ وحد المرة كنت جالس في الدرجة تاع الباب( العتبة ) و انا نحكي مع صديقي و صحاب هذوك الدار كانوا يسيقوا ف دارهم و بدا الماء يخرج من تحت الباب وين كنت جالس انا و انا مش فايق خلاص هههههههههههههههه حتئ جاز وحد الاستاذ يدرسني و نحشم منه و نقادروا ما تتصوروش و قفت باش نسلم عليه و نحس روحي نقطر هههههههههه قالي واش كاين حشمت قلتلوا هذاك الماء خرج من تحت الباب و الله ما شفتوا و بدا يضحك و قالي خير ان شاء الله
و رحت غير متخفي بالاك يشوفني واحد مشمخ

☹

عندي قصص بزاف اذا تذكرت كفاش نرتبهم نعاود نحكيهم هنا

[toulay]

سلام عليكم
هدا موقف محرج صرالي مين كنت نقرا فالليسي
مالا مرة خرجت من دارنا روطار هبطت نجري باش نلقى transport وtellement كنت على عجلة شفت bus جاي من بعيد لما حبس طلعت فيه وقعدت مبعد chauffeur رجع يقولي هادي راهي تاع نقل العمال وانا نقولو يخي توصلني علابالك حشمت بزاف ومبعد نزلت وركبت في bus خلاف و وصلت روطار

[نارينا]

هههههه موقف لعبة الكارطا ااو بطاقات الجن صحيحة ومحبيتش نجربها
وموقف الاستاذ مع الدراهم خخخخ طريفة وهذا مايؤكد لي للمرة الترليون ان الاساتذة and الدينار مع احترامي ليهم
اما عن المواقف هي كثيرة ويصعب عليا انتقاء واحدة دون الاخرى

موقف لعبة الويجا عايشه الكثير من جيراننا حتى ان بعضهم صار يحلف ان الجن ياتيه على شكل شخص ويحادثه سواء ذكر ام انثى مشكل الاساتذة مع النقود صراحة سمعت بيه هنا في المنتدى او يمكن تكون الاستاذة اكثر كرما لانها لاتحمل مسؤلية البيت كاملة ,,,,,شكرا على المداخلة اخي الكريم

[عميروش الحر]

الموقف المحرج لي نعقل عليه , فالثانوبة , كان عندنا تصحيح اختبار مادة الرياضيات و الاستاد جمع 3 اقسام فالمدرج باش يربح الوقت ... و انا الرياضيات خاطيني نحاهالي الطبيب , ; وفالاختبار هاداك ماقدرت ندير والو , كتب اسمي و اللقب , و كتبت بالأحمر no disk! ... ,
صححنا و كي جا وقت نشوفو الاوراق رجعت احمر مالحشمة , خاصة المدرج فيه 100 تلميذ و نستنى وقتاش يقول اسمي و يبهدلني و كي وصل في ورقتي شافها مليح وقعد يضحك ,,, قالي نتا هو فلان ؟؟ واش درت فالورقة ؟؟؟ قتلو :no disk , قالي الديسك يجي مدوَر ؟؟ قتلو ايه , قالي والزيرو كيفاش يجي ؟؟ قتلو مدوَر,,, قالي امالا عندك زيرو ,,, لي كانو تما طاحوا بالضحك . و من هاداك النهار ولات عندي عقدة مالرياضيات .

[الواثق]

[quote=الواثق;1056063464]



حقيقة احرجت لاني زدتلها شوي اما غير ذلك كنت نقول في راسي انذاك يزعف ولا يقعد ..........واصلا لم اتعمد التجريح فانا لا اعلم بالامر ......فالله انطقني لربما تكون سبب له ليعود الى فطرته ههه................اما عمك هذا صاحبي هه ........بصح موقفه اكثر احراجا لان ولا احد اوقفه ماشي كيما تدخل اخر ليبعدني بطريقة غير مباشرة لانني ماوصلتش معاه للنتيجة والخلاصة بعد

ولقد عدنا والعود احمد ..............والله المستعان

[نارينا]

نشفئ وحد المرة كنت جالس في الدرجة تاع الباب( العتبة ) و انا نحكي مع صديقي و صحاب هذوك الدار كانوا يسيقوا ف دارهم و بدا الماء يخرج من تحت الباب وين كنت جالس انا و انا مش فايق خلاص هههههههههههههههه حتئ كان وحد الاستاذ يدرسني و نحشم منه و نقادروا ما تتصوروش و قفت باش نسلم عليه و نحس روحي نقطر هههههههههه قالي واش كاين حشمت قلتلوا هذاك الماء خرج من تحت الباب و الله ما شفتوا و بدا يضحك و قالي خير ان شاء الله
و رحت غير متخفي بالاك يشوفني واحد مشمخ

☹

عندي قصص بزاف اذا تذكرت كفاش نرتبهم نعاود نحكيهم هنا




والله موقف طريف ومحرج في نفس الوقت خاصة امام من نحترمهم ,,,,كانت لدينا جارة تسكب الماء من وراء العتبة لينهض شباب الحي من هناك.....بلاك اهل الدار عملوها بالعاني :confused::confused::confused:

[لحن الحياة.]

نارينا موضوع رائع
بصح مانيش متفكرة مواقف حبس راسي

كخخخخخخخخخخخخخخخخخخخخخخخخخ ضحكوني الردود

[نارينا]

سلام عليكم
هدا موقف محرج صرالي مين كنت نقرا فالليسي
مالا مرة خرجت من دارنا روطار هبطت نجري باش نلقى transport وtellement كنت على عجلة شفت bus جاي من بعيد لما حبس طلعت فيه وقعدت مبعد chauffeur رجع يقولي هادي راهي تاع نقل العمال وانا نقولو يخي توصلني علابالك حشمت بزاف ومبعد نزلت وركبت في bus خلاف وو وصلت روطار

ههههههه انا كي يحبس نتاع نقل العمال ونعود رايحة ليه بالغالط نحشمممم مبالك تركبي فيه محرج صح ممكن الناس يحسوه عادي لكن الشخص الذي يعيش الموقف يحس بحرج غيررررررر شكرا على المشاركة الطيبة اختي وان شاء الله ماتتعاودش:19:

[نارينا]

[quote=نارينا;1056064204]

حقيقة احرجت لاني زدتلها شوي اما غير ذلك كنت نقول في راسي انذاك يزعف ولا يقعد ..........واصلا لم اتعمد التجريح فانا لا اعلم بالامر ......فالله انطقني لربما تكون سبب له ليعود الى فطرته ههه................اما عمك هذا صاحبي هه ........بصح موقفه اكثر احراجا لان ولا احد اوقفه ماشي كيما تدخل اخر ليبعدني بطريقة غير مباشرة لانني ماوصلتش معاه للنتيجة والخلاصة بعد

ولقد عدنا والعود احمد ..............والله المستعان

عمي الله يرحمه قالها وهو شيخ كبير مع صحابه وانت راح تحمل المشعل بعدو :19: يعني مثلما يقولون "رب ضارة نافعة" كلما تنتقد المرأة ياتسجل هدف يا تصرا حاجة ايجابية في ذلك اليوم بالذات,,,,,واصل على نفس الدرب

[نارينا]

نارينا موضوع رائع
بصح مانيش متفكرة مواقف حبس راسي

كخخخخخخخخخخخخخخخخخخخخخخخخخ ضحكوني الردود

موقف الجدال السابق مع الاخت واعترافك بان عقليتك مرسومة في توقيعك ,,,,وحده موقف غني بالطرفة :1::1:

[مـــاهـــر]

ماعلاباليش هدا الموقف محرج او مضحك
مرة في السنة 2 ثانوي حلقت رأسي على شكل غريب مثل ستيفن الشعراوي
وكي دخلت لليسي الناس كامل بقات تخزر فيا /تبرقق/
وكي دخلت للقسم طلعلي النش مع الاستاذة
في الراحة كيف كيف الى درجة البعض دار بيا وقريب يقولولي
ندير معاك فوتو
من ذلك الوقت اعتزلت الحلاقة هههههه:d

[نارينا]

ماعلاباليش هدا الموقف محرج او مضحك
مرة في السنة 2 ثانوي حلقت رأسي على شكل غريب مثل ستيفن الشعراوي
وكي دخلت لليسي الناس كامل بقات تخزر فيا /تبرقق/
وكي دخلت للقسم طلعلي النش مع الاستاذة
في الراحة كيف كيف الى درجة البعض دار بيا وقريب يقولولي
ندير معاك فوتو
من ذلك الوقت اعتزلت الحلاقة هههههه:d

لقد رأيت قصة الشعر الغريبة للاعب والله نلت شهرة مجانية عن طريقه المهم مايسموكش شعيب الشعراوي :d

[مـــاهـــر]

هههههه لا لا هديك قبل مايظهر الشعراوي في سنة 2011 او 2012
بلاك هو داها من عندي خخخخخخخخخخخخ:d

[لحن الحياة.]

هههه. ...مالا كنتي تتفرجي فالماتش ....ديشارجالي الميكرو ... ما كملتش المسلسل ...رحت درت لعشا يطيب و جيت نجرييييي لقيتو تحذف

[نارينا]

الموقف المحرج لي نعقل عليه , فالثانوبة , كان عندنا تصحيح اختبار مادة الرياضيات و الاستاد جمع 3 اقسام فالمدرج باش يربح الوقت ... و انا الرياضيات خاطيني نحاهالي الطبيب , ; وفالاختبار هاداك ماقدرت ندير والو , كتب اسمي و اللقب , و كتبت بالأحمر no disk! ... ,
صححنا و كي جا وقت نشوفو الاوراق رجعت احمر مالحشمة , خاصة المدرج فيه 100 تلميذ و نستنى وقتاش يقول اسمي و يبهدلني و كي وصل في ورقتي شافها مليح وقعد يضحك ,,, قالي نتا هو فلان ؟؟ واش درت فالورقة ؟؟؟ قتلو :no disk , قالي الديسك يجي مدوَر ؟؟ قتلو ايه , قالي والزيرو كيفاش يجي ؟؟ قتلو مدوَر,,, قالي امالا عندك زيرو ,,, لي كانو تما طاحوا بالضحك . و من هاداك النهار ولات عندي عقدة مالرياضيات .

الابداع حتى في اختيار المصطلحات ماشاء الله عليكم ,,,,,,كان عليك بتقبل الصفر بكل روح رياضية اخي ,,,,لقد فكرتني بحالي مع الرياضيات والله اقطاب متنافرة ,,,,,,قصتك صح محرجة الله يكون في عونك على نظرات زملائك وتعليق الاستاذ :o:o

[نارينا]

هههه. ...مالا كنتي تتفرجي فالماتش ....ديشارجالي الميكرو ... ما كملتش المسلسل ...رحت درت لعشا يطيب و جيت نجرييييي لقيتو تحذف

للاسف you missed it! رديت وحذف الموضوع فورا ,,,,والله يوفقها,,,,تفكري موقف عزيزتي واكتبيه:19::19:

[نارينا]

هههههه لا لا هديك قبل مايظهر الشعراوي في سنة 2011 او 2012
بلاك هو داها من عندي خخخخخخخخخخخخ :d


:sdf::sdf:

[عميروش الحر]

الابداع حتى في اختيار المصطلحات ماشاء الله عليكم ,,,,,,كان عليك بتقبل الصفر بكل روح رياضية اخي ,,,,لقد فكرتني بحالي مع الرياضيات والله اقطاب متنافرة ,,,,,,قصتك صح محرجة الله يكون في عونك على نظرات زملائك وتعليق الاستاذ :o:o

انا تقبلت الصفر رغم أنه مؤلم , و لكن كان عليه ان يعطيني ولو نقطة نظير تسليم الورقة و كتابة الاسم بشكل صحيح ههه .
الموقف حصلي عندو مدة طويلة , و حتى لضرك كي نتلاقا بالزملاء تاوعي في تلك الفترة يقولولي "no disk" واش راك ؟؟ , يعني مازال تبعات التبهديلة تلاحقني :confused:
شكرا

[bellaluna]

أتذكّر موقف لا أعلم إن كان مضحكا او محرجا، كنت اتجوّل في مركّب تجاري راقي و في واجهة أحد المحلاّت أعجبني ثوب فواصلت التجوال و رجعت للمحل و ما إن تجاوزت العتبة حتّى ضربت وجهي في الزجاج لأنّ الباب كان من الزجاج الفاخر فلم أستطع تمييز أنّه مغلق..و طبعا ضحك النّاس جميعا و أنا متّ من الخجل.

[مـــاهـــر]

هههههههههههههه موقف مضحك ومحرج بيلا

[نارينا]

[=عميروش الحر;1056067532]انا تقبلت الصفر رغم أنه مؤلم , و لكن كان عليه ان يعطيني ولو نقطة نظير تسليم الورقة و كتابة الاسم بشكل صحيح ههه .
الموقف حصلي عندو مدة طويلة , و حتى لضرك كي نتلاقا بالزملاء تاوعي في تلك الفترة يقولولي "no disk" واش راك ؟؟ , يعني مازال تبعات التبهديلة تلاحقني :confused:
شكرا[/QUOTE]

[نارينا]

أتذكّر موقف لا أعلم إن كان مضحكا او محرجا، كنت اتجوّل في مركّب تجاري راقي و في واجهة أحد المحلاّت أعجبني ثوب فواصلت التجوال و رجعت للمحل و ما إن تجاوزت العتبة حتّى ضربت وجهي في الزجاج لأنّ الباب كان من الزجاج الفاخر فلم أستطع تمييز أنّه مغلق..و طبعا ضحك النّاس جميعا و أنا متّ من الخجل.


هههههه الناس يحسوا بالموقف عادي ومضحك لكن نحن من نتأثر و لكن الخجل شعور طبيعي فينا ويجب تقبله رغم صعوبة المواقف

[مـــاهـــر]

:sdf::sdf:






من قبل كانت تبدو لي حاجة عاادية لكن الأن تغيرت لي الفكرة .. كيما يقولو رأسا على عقب :mh31:

[bellaluna]

الحمد لله أنّ "المواقف البايخة" لا تقتل :)

[ailemak]

li 3awda nchallah

[BAROUD]

نشفئ مرة جبت خيط مصنوع من النحاس و رقيق جدا جدا ربطت فيه قلم و حطيتوا ف الدار و انا تخبيت ف الدروج و لما دخل بابا للدار و حب يرفد هذاك القلم انا سحبت الخيط و بالتالي نسحب القلم هذاك و هو ما شفوش لانه رقيق كما قلت المهم بابا هرب يجري عندبالو كاش جن و لا حاجة و راح للوالدة قالها قبيل شفت قلم ف الدار و لما حبيت نرفدوا تحرك وبدا يهرب منا و منا ههههههههه
قالتلوا احسرااااااااااه عليك حتئ انا داروهالي و بعدها شافني بابا و قالي هذا انت ااااااااااا صار تتمسخر بيا اه ه ه ه

[نارينا]

[QUOTE=BAROUD;1056075288]

نشفئ مرة جبت خيط مصنوع من النحاس و رقيق جدا جدا ربطت فيه قلم و حطيتوا ف الدار و انا تخبيت ف الدروج و لما دخل بابا للدار و حب يرفد هذاك القلم انا سحبت الخيط و بالتالي نسحب القلم هذاك و هو ما شفوش لانه رقيق كما قلت المهم بابا هرب يجري عندبالو كاش جن و لا حاجة و راح للوالدة قالها قبيل شفت قلم ف الدار و لما حبيت نرفدوا تحرك وبدا يهرب منا و منا ههههههههه
قالتلوا احسرااااااااااه عليك حتئ انا داروهالي و بعدها شافني بابا و قالي هذا انت ااااااااااا صار تتمسخر بيا اه ه ه ه

[/QUOTE

الموقف الاول محرج وهذا الموقف طريف جدا ,,,,,جن وفي وضح النهار ,,,,,,بصح منحيرش في الوالد ,,,,,نحير في خططكم الشريرة , كاش نهار تألفو كتب تعلم تقنيات الخوف المميت :mh31:,,,,,,

[قَاسِمٌ.قَاسِم]

سلام عليكم طبتم،..
----------------------------
شكر الله لكم وبارك فيكم وأحسن إليكم
***
المواقف المحرجة كثيرة، والطريفة أكثر؛ لكنّ الخيلية تكاد تندر
المحرج
جاءني شخص حبيب إلى نفسي في ليلة من ليالي الحياة وهو أحوج ما يكون لبعض المال وتصادف (اتفق) ان لم يجد لدي وهو لم يطلب في حياته كلها ذلك فأحسست بحرج شديد اتجاهه..
الطريف
كنت يوما ذاهبا لعملي في إحدى الولايات مع زميل لي
وكبنا سيارة الأجرة ننتظر بقية الركاب
فجاءني من النافذة متسوّل في الصباح الباكر (قبل صلة الفجر) وطلب مني شيئا من الصدقة وكنت أحمل في جيبي 2000 دج جزائري من فئة 1000 دج ولم أكن أحمل غيرها.. فقلت له فتح الله عليك
فذهب للجهة الأخرى من النافذة ومدّ يده لزميلي
فقال له زميلي "الله ينوب" فنظر إليه المتسوّل مدّة ثم ردّ عليه بــ "الله ينوب يا بو خنونة "
!!عذرا على التعبير!!
فمضى يومي كله ضحكا وكلما تذكرتها ضحكت كثيرا..
الخيالي
لا أذكر أنه حصل معي وإن حصل عدنا بحول الله
سلا..م

[الواثق]

سلام عليكم طبتم،..
----------------------------
شكر الله لكم وبارك فيكم وأحسن إليكم
***
المواقف المحرجة كثيرة، والطريفة أكثر؛ لكنّ الخيلية تكاد تندر
المحرج
جاءني شخص حبيب إلى نفسي في ليلة من ليالي الحياة وهو أحوج ما يكون لبعض المال وتصادف (اتفق) ان لم يجد لدي وهو لم يطلب في حياته كلها ذلك فأحسست بحرج شديد اتجاهه..
الطريف
كنت يوما ذاهبا لعملي في إحدى الولايات مع زميل لي
وكبنا سيارة الأجرة ننتظر بقية الركاب
فجاءني من النافذة متسوّل في الصباح الباكر (قبل صلة الفجر) وطلب مني شيئا من الصدقة وكنت أحمل في جيبي 2000 دج جزائري من فئة 1000 دج ولم أكن أحمل غيرها.. فقلت له فتح الله عليك
فذهب للجهة الأخرى من النافذة ومدّ يده لزميلي
فقال له "الله ينوب" فنظر غليه مدّة ثم ردّ عليه بــ "الله ينوب يا بو خنونة "
!!عذرا على التعبير!!
فمضى يومي كله ضحكا وكلما تذكرتها ضحكت كثيرا..
الخيالي
لا أذكر أنه حصل معي وإن حصل عدنا بحول الله
سلا..م

اضحك الله سنك......لكن هل كان كلام ذلك المتسول ام كلام زميلك ؟؟؟ ههه

[قَاسِمٌ.قَاسِم]

اضحك الله سنك......لكن هل كان كلام ذلك المتسول ام كلام زميلك ؟؟؟ ههه
سلام عليكم طبتم،..
-------------------------
شكر الله لك أخي المبارك واستاذي الكريم طاهر
المتسولُ قال لزميلي "يا بو خنونة " لان كان زمن شتاء وهو مزكوم ولما لم يعطه شيئا قال له ذلك ههههههههههههههههه
بارك الله فيك أستاذي طاهر
سلا..م

[نارينا]

سلام عليكم طبتم،..
-------------------------
شكر الله لك أخي المبارك واستاذي الكريم طاهر
المتسولُ قال لزميلي "يا بو خنونة " لان كان زمن شتاء وهو مزكوم ولما لم يعطه شيئا قال له ذلك ههههههههههههههههه
بارك الله فيك أستاذي طاهر
سلا..م


الموقف الاول جد محرج لكليكما لكن الايام ستثبت لصديقك انك اهل للكرم وللاحسان في مناسبة اخرى,,,رغم اني اتمنى ان يفتح الله عليه ولا يسأل احدا ابدا
الموقف الطريف جعل نفس سؤال الاخ يتبادر الى ذهني مع احساسي ان الرد جاء من المتسول لانها عادتهم ,,,,,,والله يكون في عون صاحبك على الاحراج الذي سببه المتسول والضحك من طرفك انت,,,,,,بارك الله فيك ونتمنى ان ترجع الينا بموقف مرعب او خيالي في يوم ما,,,,لربما اليوم ,,,من يدري ,,,,,,,,

[قَاسِمٌ.قَاسِم]

الموقف الاول جد محرج لكليكما لكن الايام ستثبت لصديقك انك اهل للكرم وللاحسان في مناسبة اخرى,,,رغم اني اتمنى ان يفتح الله عليه ولا يسأل احدا ابدا
الموقف الطريف جعل نفس سؤال الاخ يتبادر الى ذهني مع احساسي ان الرد جاء من المتسول لانها عادتهم ,,,,,,والله يكون في عون صاحبك على الاحراج الذي سببه المتسول والضحك من طرفك انت,,,,,,بارك الله فيك ونتمنى ان ترجع الينا بموقف مرعب او خيالي في يوم ما,,,,لربما اليوم ,,,من يدري ,,,,,,,,
سلام عليكم طبتم،..
--------------------------
شكر الله لك وبارك فيك..
نسأل الله أن يغنينا بفضله عن من سواه
لكن لا باس بطلب عون إخواننا فيما نعجز عنه ويقدرون عليه..
فربنا يقول ((وتعاونوا على البرّ))
لعلي لم اضبط الكلام بدقذة وتبادر إليكما ان الضمير عائد على المتسول ولم ترجحا أنه يعود على آخر مذكور هههههههههههههههه
لقد عدّلت كلامي وأزلت اللبس ولله الحمد
اليوم أسال الله أن يمرّ على خير ولسنا مستعدّين
شكر الله لك
سلا..م

[ام البنوتة]

مواقف طريفة..

[نارينا]

كي قريت الموضوع تفكرت موقف يضحكني كلما نتفكروا
خطرة خرجنا انا و اختي كنا نحوسوا على سياغ باش اختي تثقب لابنتها وذنيها تحطلها فيهم منقاشة...المهم لقينا واحد دخلنا قالنا السايغي كاشما تحتاجو و على بركة الله نطقت اختي قاتلو خويا شحال تقصوا الشعر خزر فيها باستهجان و tellement تبهدلت راحت ترقعها قاتلو شحال تقص الوذنين ههههههه و الله كلما نتفكرها يدمعوا عينيا

حتى السؤال اغرب من غريب شحال تقصو الشعر؟؟ ههه خطرات نهدرو كلام ونحيرو في رواحنا ,,,,,مسكينة اختك

[imen kasem]

نشكر الاخت على الموضوع الرائع الذي اعاد لنا ذكريات قد مضت
لكن اثار دهشتي الموضوع الذي طرحته الاخت التي قامت باستحضار الارواح ولم تخف يعطيك الصحة

[BAROUD]

مرة نسيت الجوال تاعي ف الدار و لما لقاتوا الوالدة تاعي بدات تتبع ف الارقام و تشوف الئ ان وصلت الي اسم " الحنونة " و هي غير شافت الاسم هذا احتارت
لما دخلت للدار قالت لي ارواح هنا
قلت لها انعم قالت لي شكون هذه الحنونة اللي راهي مع الارقام تاع جوالك
قلت لها انت
قالت انا !!!!!!!
قلت لها اسناي تشوفي و صونيت لها و بدا يصوني عندها

فرحت مليح

و اعطاتني ثلاث تقشيرات تاع عشرة الالاف

[لحن الحياة.]

تفكرت....من يومين كلاني قلبي و قلت نروح نشوف هموم الناس في قسم مشكلتي....باش نشوف احوال الدنيا
تم........تفجرت بالضحك من اول موضوع
وحدة..قالت...انا.نهببببببببببل.بزين....و ماكانش واحد يشوفني...و ما يقولش....كيفاه السمش هبطت للارض...
ويخطبوني كل يوم...كل يوم.8. يشبهو لمهند
و نقرا ماستر...محروقات..وحللووووني..سوناطراك.بش نخدم عندهم ما حبيتش...وتخيلي.يا نارينا المشكلة.وشنهي


ههههه..قالت...من كثر الجمال...كل.ما يخطبوني 10 من الناس.و عندهم دراهم وكللللللللش.كللللللللش...وليت نشوف فيهم....ذبان
هههههههههه.

[samira135]

ههههههههههههههههههههه جيل إعتذري هذيك راها أنا حرام عليك "جغحتيني"

بالنسبة للمواقف لي صراتلي لااااااااااا تعد و لا تحصى " بما إني كما قالت الغيورة جيل "




لي عودة

[لحن الحياة.]

ههههههههههههههههههههههههههههههههههههههه نوغمالمون انتي راكي مادام
ههههههههههههه يا سميرة هاذي مزال ما لقتش مستواها ناس كل ذبان كخخخخخخخخخخخخخخخخ
يحظروني نقتلك

[نارينا]

نشكر الاخت على الموضوع الرائع الذي اعاد لنا ذكريات قد مضت
لكن اثار دهشتي الموضوع الذي طرحته الاخت التي قامت باستحضار الارواح ولم تخف يعطيك الصحة

ربي يخليك انت اللي شرفتينا فالموضوع وانت علاش تحيري في استحضار الارواح انا كان عندي زميلة فالقسم تحلفلنا كي كنا فالثانوية ان الاسبري او الجن المستحضر راح يجيها لابس الازرق على 5 نتاع العشية كي نخرجوا :d

[نارينا]

مرة نسيت الجوال تاعي ف الدار و لما لقاتوا الوالدة تاعي بدات تتبع ف الارقام و تشوف الئ ان وصلت الي اسم " الحنونة " و هي غير شافت الاسم هذا احتارت
لما دخلت للدار قالت لي ارواح هنا
قلت لها انعم قالت لي شكون هذه الحنونة اللي راهي مع الارقام تاع جوالك
قلت لها انت
قالت انا !!!!!!!
قلت لها اسناي تشوفي و صونيت لها و بدا يصوني عندها

فرحت مليح

و اعطاتني ثلاث تقشيرات تاع عشرة الالاف







انت حياتك كلها طرائف ومواقف الله يبارك ,,,,المهم متكونش كي عطاتك الدراهم رحت هدرت بيهم مع الحنونة الحقيقية كيما في النكتة الشهيرة ,,,,,,ههه ربي يحفظلك الوالدة وهذاك الاسم تستاهلو كل ام صح

[نارينا]

تفكرت....من يومين كلاني قلبي و قلت نروح نشوف هموم الناس في قسم مشكلتي....باش نشوف احوال الدنيا
تم........تفجرت بالضحك من اول موضوع
وحدة..قالت...انا.نهببببببببببل.بزين....و ماكانش واحد يشوفني...و ما يقولش....كيفاه السمش هبطت للارض...
ويخطبوني كل يوم...كل يوم.8. يشبهو لمهند
و نقرا ماستر...محروقات..وحللووووني..سوناطراك.بش نخدم عندهم ما حبيتش...وتخيلي.يا نارينا المشكلة.وشنهي


ههههه..قالت...من كثر الجمال...كل.ما يخطبوني 10 من الناس.و عندهم دراهم وكللللللللش.كللللللللش...وليت نشوف فيهم....ذبان
هههههههههه.

راني ندخل كل يوم ثم وماقريتش هاد المشكل ,,,,,هذا نورمالمون يديروه مشكل مثبت لانه اغرب من الخيال,,,,معيلش انت حطيه في قائمة المواقف الخيالية اللي صرات ليك

[نارينا]

السلام عليكم
.
.
بارك الله فيك صديقتي على تغيير الديكور قليلا....وتلطيف الأجواء
.
.
.
مواقفي كثيرة يا أختي " نارينا"
.
.
و أظن أن صفحتك هذه غير كافية لذكرها هههه
.
.
موقف محرج:
أتذكر أنه كانت لدي صديقة والله هي بمثابة اخت لي -رغم أن بعد المسافة فرق بيننا-
كنت أحب ان أختبئ وراء الباب و أخرج عليها فجأة " ونخلعها" وكنت دائما انجح ههههه
.
.
في يوم من الأيام سبقتها إلى منزلهم واختبأت وراء الباب بانتظار دخولها " باش نخلعها"
سمعت خطوات آتية من بعيد ...إستعددت جيدا....خرجت كي أخيفها ولكن.
.
.
.
وجدت "أباها".... هو من أتى ههههه
.
.
قالي : "يا بنتي حرام عليك....والله خلعتيني" هههه
.
.
شعرت بإحراج شديد...وقررت أن أتوقف عن مزاحي " الثقيل" ههههه
.
.
موقف مضحك :
.
.
أتذكر حين كنت صغيرة...كنت أحب لباس الأولاد كثيرا
.
.
لأني تربيت مع 3 من إخوتي الذكور
.
.
ولما كنت أذهب مع أبي لشراء الملابس
.
.
كان البائع يحتار كثيرا
.
.
حين أطلب منه أن يعطيني ملابس الأولاد هههه
.
.
أما ابي المسكين
.
.
فكان يخجل من تصرفاتي كثيرا هههههه
.
.
ويقول للبائع : عندي 3 أولاد وهادي 4 هههههه
.
.
بارك الله فيك غاليتي على ما تقومين به
.
.
وننتظر جديدك هههه


شكرا غاليتي وعزيزتي نورت الموضوع بخطك المتفرد والله لقد حاولت فعلا الرفق بالقوارير من خلال تلطيف الاجواء :19: اما بالعودة للموقف المحرج والله جد محرج خلاك تبتي من بعده ,,,,,,اما الطريف فالكثير من الفتيات يملن لتقليد الذكور خاصة في مرحلة الصغر ,,,,,للاسف لا تملكين اي موقف خيالي ,,,,اعصري ذاكرتك جيدا ;)

[LILA LAMIS]

مشكورة اختي على الموضوع ...و الله اضحكتني كثيرا بعض الردود ..

المواقف المحرجة و المضحكة تكود تكون حاضرة داشئما معي و هذه الاجدد
موقف محرج[/COLOR
]......... عندما تزوج ابن خال زوجي صنعت له نوع من الحلوى و لم تكن اول مرة بمعنى صنعتها حوالي 5 مرات ...فلما ذاقتها حماتي و بناتها قالو لي نشهد لك بالطبخ اللذيذ و هذه الحلوى الذ ....نريدك ان تعلمينا حتى انا صرت اتباهى .....المهم اشتريت كل اللوازم و ذهبت عندهم و لكن نسيت ان اضع الخميرة لا ادري كيف و لماذا و كانني فقدت ذاكرتي .......و لكم ان تتخيلو كيف كان شكلها ....و مدى التبهديلة لي ديتها .....




[COLOR="red"]موقف مضحك
ابني الصغير يتخبا عندما يسمع والده فتح الباب ليدخل ثم هذا الاخير يبحث عنه حتى يجده ........المهم في كل مرة يجده و الامس ابني قرر ان يجد مكانا اخر دون ان يخبرني و بمجرد سماع الباب حتى دخل بين الخزانة و الجدار في مكان ضيق و بسرعة دون ان انتبه له..........المهم وجده والده بسهولة لكن لم يستطع الخروج فاخذ يبكي بشدة و نحن نهدؤه و نحاول اخراجه ......و هو يقول """"" ماما ارواحي خرجيني"""""....و عند اخراجه ....قال لنا """ اريد ان ادخل ثانية"""

موقف خيالي ...
لا يوجد

[نارينا]

مشكورة اختي على الموضوع ...و الله اضحكتني كثيرا بعض الردود ..

المواقف المحرجة و المضحكة تكود تكون حاضرة داشئما معي و هذه الاجدد
موقف محرج[/color
]......... عندما تزوج ابن خال زوجي صنعت له نوع من الحلوى و لم تكن اول مرة بمعنى صنعتها حوالي 5 مرات ...فلما ذاقتها حماتي و بناتها قالو لي نشهد لك بالطبخ اللذيذ و هذه الحلوى الذ ....نريدك ان تعلمينا حتى انا صرت اتباهى .....المهم اشتريت كل اللوازم و ذهبت عندهم و لكن نسيت ان اضع الخميرة لا ادري كيف و لماذا و كانني فقدت ذاكرتي .......و لكم ان تتخيلو كيف كان شكلها ....و مدى التبهديلة لي ديتها .....




[color="red"]موقف مضحك
ابني الصغير يتخبا عندما يسمع والده فتح الباب ليدخل ثم هذا الاخير يبحث عنه حتى يجده ........المهم في كل مرة يجده و الامس ابني قرر ان يجد مكانا اخر دون ان يخبرني و بمجرد سماع الباب حتى دخل بين الخزانة و الجدار في مكان ضيق و بسرعة دون ان انتبه له..........المهم وجده والده بسهولة لكن لم يستطع الخروج فاخذ يبكي بشدة و نحن نهدؤه و نحاول اخراجه ......و هو يقول """"" ماما ارواحي خرجيني"""""....و عند اخراجه ....قال لنا """ اريد ان ادخل ثانية"""

موقف خيالي ...
لا يوجد

هههههه الله يخليلك الابن المشاكس ويحسن عونك على تبهديلة الحلوى خطرات الواحد يخدم حاجة وتصلح قداش من مرة وكي تدور عليك الايام هههه الله لا يورينا وانت راكي شفتي خسارة الحلوى والتعب هههه