شاب في ورطة

[مشكلتي]

السلام عليكم
انا شاب ابلغ من العمر 33 سنة اطار جامعي بمؤسسة عمومية تقدمت لخطبة فتاة تبلغ من العمر 29 سنة تشتغل استاذة بسلك التعليم،كان أول تعارف بيننا يوم الخطبة بعد مراسيم الخطبة اتصلت بها إحدى زميلاتها في نفس اليوم لتخبرها بأنني على علاقة بها ووعدتها بالزواج اتصلت بي خطيبتي في نفس اليوم لم أنكر علافتي بزميلتها ولكنني لم اخطبها وأقنعتها بالأمر مرت 07 شهور وكنت انا وخطيبتي على وفاق تام إلى أن تعكرت علاقتنا هذا الاسبوع عندما تجاذبنا اطراف الحديث فقالت مازحة لي ان زميلتها مازالت بدون زواج وان كنت تربد رقم هاتفها اعطيتك اياه وبنرفزة قلت لها الرقم عندي كثر خيرك بعدها بدأت علاقتنا تتعكر قطعت بها الاتصال لمدة 03 ايام الى ان اتصلت هي وقالت كيف تحتفظ برقمها لمدة 07 شهور ويزيد يغيضك الحال وطلبت مني حذف الرقم وقالت لي لي م عنديش تقة فيك فأجبتها لي م عندهاش ثقة فيا م نحتاجهاش بقت ترسل لي sms ,وانا ارفض الحديث اليها مع العلم انه خلال 07 شهور كان اتصالي بها شبه يومي لأفاجأ بشقيقها يتصل بي ليعلمني ان شقيقنه فسخت الخطبة لم اتقبل الأمر حاولت الاتصال بها كثيرا اعرف أنني أخطأت طلبت منها السماح كانت وسيلة اتصالي بها الرسائل القصيرة حتى امام مكان عملها رفضت الحديث معي تحدثت الى شقيقتها قالت لي صعب ان تغير رأيها ارسلت اليها مئات الرسائل النصية لم ترد ولا على رسالة لقد احببتها ولا أريد ن أخسرها عائلتها تقول ان القرار يخصها لوحدها اعلم جيدا انها تحبني ولكن ماذا افعل لها حتى ترجع لي والله العظيم كرهت حياتي كل يوم رسائل حتى صارت تغلق الهاتف المحمول ابعثت اليوم لي رسالة ماتزيدش تبعثلي sms مارانيش حابة نكمل معاك طحت من بالي ماذا افعل معها انصحوني جزاكم الله خيرا

[* الحلم سكر *]

و عليكم السلام
عيينا نفهموكم
خاطب و مخلي عندك رقم الاخرى يا سبحان الله .. لا و زيد تقولها عادي باللي راه عندك الرقم ؟
و تقلها لي ما عندهاش ثقة فيا ما نحتاجهاش و تتقلش عليها من فوق ؟؟

و الله انا عجبتني لي تصرفت بكرامة انت قلتلها ما نحتاجكش جبدت روحها :19:

كفتاة نقلك تصرفاتها تصرفات واحدة مجروحة ماشي كرهاتك و كحل من وجهة نظري توقف على الاتصال و بعث المساجات مدة خليها تبقى مع روحها و بنفس الوقت تحس لي ممكن تفقدك راح تفيق لروحها
خليها شوية و زيد حاول معاها و حاول تاكدلها لحكاية الاخرى فاتت و ما تعنيلك والو

لي فيها الخير ربي يوفقكم ليها

[فـرح]

خلاص درك بركا ما تعيطلها وتبعتلها في لي ميساج بهاد الطريقة رايح طيح بقيمتك قدامها ورايحة تبقى مصرة
ابتعد عنها وخليها تفكر مليح ، ممكن كي تلقاك بعدت عليها ترجع تعيطلك وترجعو لبعضاكم ، ولاكان بقات مصرة يعني ما بقاش امل وربي يخلف عليك ..

[halim1980]

و عليكم السلام
عيينا نفهموكم
خاطب و مخلي عندك رقم الاخرى يا سبحان الله .. لا و زيد تقولها عادي باللي راه عندك الرقم ؟
و تقلها لي ما عندهاش ثقة فيا ما نحتاجهاش و تتقلش عليها من فوق ؟؟

و الله انا عجبتني لي تصرفت بكرامة انت قلتلها ما نحتاجكش جبدت روحها :19:

كفتاة نقلك تصرفاتها تصرفات واحدة مجروحة ماشي كرهاتك و كحل من وجهة نظري توقف على الاتصال و بعث المساجات مدة خليها تبقى مع روحها و بنفس الوقت تحس لي ممكن تفقدك راح تفيق لروحها
خليها شوية و زيد حاول معاها و حاول تاكدلها لحكاية الاخرى فاتت و ما تعنيلك والو

لي فيها الخير ربي يوفقكم ليها


صدقيني م عنديش الرقم تاعها غاضتني كي قاتلي تحب نعطيلك الرقم تاعها

[sali-sali]

السلام عليكم
هدا زواج مش لعب .. هدرة التليفون تجيب مشاكل بزاف
انت ارسل اختك او امك تحكي معاها .. قبلت و تفهمت اوك .. ماحبتش تفهم و خشنت راسها .. اخطيك منها .. علاه الهدرة الزايدة و بلا فايدة
وين الكرامة .. بصراحة نكره واحد يحاول بنت بزاف حتى و ادا كانت زوجتو .. كل حاجة في موضعها احسن

و لي كاتبو ربي يلحق .. غير احنا شعب مقلق

[سهير العربي طرقان]

السلام عليكم و رحمة الله تعالى و بركاته

أخي إن الإنسان إذا خطب أو تزوج سواء فتاة أم فتى فينبغي عليه أن يقطع كل علاقاته بالماضي كليا
طبعا علاقاته التي قد تسبب تعكرا أو مشكلا لصفو مستقبله ، اخي الكريم في الله ما كان عليك الإحتفاظ بالرقم أصلا
حتى لو لم تحتفظ به و قصدك إثارة غضبها أو استفزازها فالأنثى رقيقة و أي شيء من هذه الأمور يكسر قلبها فهي إذا
أحبت أو تعلقت بشخص فإنها لا ترض أن تراه أخرى فمابالك أن زميلتها كنت تعرفها كان عليك أن تحذر من البداية
لوقوع أمر كهذا ، المهم أخي أنت أخطأت في حقها و مادام الوضع وصل لفسخ الخطبة فقد ساء أكثر حاول أن تتحدث مع أهلها
و تخبرهم أنه سوء تفاهم فقط و بإذن الله ستحله و ارجع إلى خطيبتك و حاول أن تكسب ثقتها مجددا و هذا سيكون صعبا نوعا
ما لكن لا تيأس و حاول أن تخبرها أنك فقط أردت استفزازها لكن توكل على الله أولا فهو حسبك
و السلام عليكم و رحمة الله تعالى و بركاته

[jacou3]

كلكم مخطئ اخي في الله

صديقة خطيبتك او من كنت سوف تخطبها خــــــــــــاظئة بأخبار خطيبتك بأمر علاقتكما القديمة.....السؤال لما اخبرتها الجواب حقد او حسد..فقط للأنك لم تكمل معها المشوار

خطيبتك مخطئة عندما اخبرتك بأمر اتصال صديقتك القديمة بها و ما دار بينهما من حديث........كان الأجدر بها ان ترمي بكل ما قالت لها وتفكر في المستقبل...

انت مخطئ اخي في الله مادم انت تعلم بعلاقة البنتين بعضهما البعض..كان الأجدر بك ان تكون السباق بأخبار خطيبتك بالماضي...والخطئ الثاني...انك روحت تدي وجيب في موضوع صديقتك القديمة ورقم الهاتفها....يعني موضوع لا يسمن ولا يغني من جوع وكان الأجدر بك ان تقول ان فعلا كانت هناك علاقة.... ومكانش المكتوب .. وتقول ان المراة يخطبوها 100 ويدها 1 وصلاة نبي الحبيب.....طيب صار واش صار...
الحل خلي الحال علي حالها للأنك كل مابينت اصرار اكبر لرجوع للعلاقة...كل ما زاد تعنت المرأة اكبر..يعني بالعربية طفى الضو
الا كانت البنت فعلا تحبك ترجع ليك خاصة بعد مابينت لها حسن نيتك..وان كانت كرهاتك.. اتكل علي الله وكن واقعي وشوف مخروجك من جهة اخري.....الرجال راهم اعيشو مع النساء 30 سنة وطلقو واعاودو زواج....و كانه مصرا والو

والله اعلم تقبل احترماتي

اخوك خالد
ماستر قانون اسرة
البويرة

[مواطنة جزائرية]

السلام عليكم


جمعة مباركة و إنشاءالله يتحل المشكل نتاعكم اليوم

خويا أنت كي خطبتها و تقدم لدارهم كانت معاك جماعة يعني العايلة نتاعك و أعمامك و أخوالك و نفس الشيء من طرفها


يعني روح الآن اتصل بولي أمرها الوالد أو الأخ و اطلب منه أن تجتمعوا اليوم بعد صلاة الجمعة و خذ حكماء أهلك الذين حظروا في الخطبة

و حاولوا أن تتفاهموا و خذوا رأييها أخي هذا هو الحل الصحيح و كل واحد فيكم يوضح وجهة نظروا من جهة و باه تعرفوا في زوج أنه هذا زواج و ليس لعب ولاد

إنشاء الله تعجبك طريقتي و هذه حنا نستعملوها في عايلتنا و انشاء الله توصلو لحل و متنساش تخبرنا بالنتيجة

يارب أصلح بين الأخ الفاضل و خطيبته

و خويا نصيحة من عندي مادام مازالكم غير مخطوبين و ماكاش عقد شرعي بيناتكم غير اخطيكم من التحدث في الهاتف راه محرم و يجيب غير المشاكل

ربي يجيب اللي فيه الخير

[* الحلم سكر *]

صدقيني م عنديش الرقم تاعها غاضتني كي قاتلي تحب نعطيلك الرقم تاعها

نقلك بصراحة احنا لبنات مشكلة فينا ندور على الحاجة و اذا تاكدنا للراجل متمسك لا نزيدو نخمو في حاجة خلاف نزيدو نتاكدو الله غالب هيا بدافع الغيرة رمات الكلمة و حبت تتاكد و تدلل شوية انت عميتها كانت حاباتك تقلها عندي غير انتي
و هاذي مشكلتنا المفروض تقلك يا فلان مازلت على علاقة بيها او لا جابتها بطريقة غير مباشرة و حبت تاكدلها لي راك متمسك بيها ... الفرق انو الراجل مباشر اكثر في كلامو اغلب البنات نهدرو بالتلميح

راح نقلك نفس رايي الاول خليها مع روحها و خليها تحس لي راك تعبت من محاولة انك ترجعها و يئست منها و ممكن تتخلى عليها و تضيع منها لكن ما تقولهاش صراحة راح نتخلى عليك لا
كيفاه ... اجبد وقت لا تحكي معاها لا تبعث مساج
و بعد مدة ابعث مساج في كلمتين يختصرو كلشي خليها تفهم اذا ما فوتتش هادي المرة راهي تتسبب و بنفس الوقت بينلها لي ردك كان باه تغيرها و انو ما عندك حتى وحدة بعدها و خليها تقرر

عطيتك حل حسب تخمام اغلب البنات و عطيت وجهة نظر وحدة كي تكون مجروحة
ان شاء الله نكون افدتك و ان شاء الله ربي يهديها و ييسرلكم و يوفقكم يا رب

[eBusiness]

أخي الكريم بكل صراحة أنت جرحت مشاعرها حينما قلت لها أن رقم الأولى معك ولا يخفى عليك أن هذه هي نهاية العلاقات المراهقة، وأسألك سؤال وجاوبني بكل صراحة، كيف لك أن تنشأ علاقة مع فتاة وتخطب صديقتها؟؟؟ بكل صراحة هذا تمسخير وصدقني أنت الان تجني ما حصدته أنت، هل مثلا تظن أن الفتاة الأخرى التي كنت على علاقة معها ستدعك تنعم بحياتك مع خطيبتك وأنت بهدلتها أما صديقتها وزملائها؟؟؟ يعني أنت المجرم رقم واحد في القصة وأنا لا أرى حرج في أن تدفع الثمن بل بيناتنا أخي الكريم ودون تجريح تستاهل على كل حال أنت أهنت إمرأتين في نفس الوقت فلا تنسى أن بنات حواء ماكرات إن أنت أسئت إليهن وها أنت تدفع الثمن وذلك ليس بغريب يعني لا داعي لتقمص دور الضحية، أنصحك أن تحاول إفهام خطيبتك بكل الطرق كأن تواجهها حتى لو دهبت إلى العمل وكلمها من فوق حتى لو استخدمت نبرة حادة وحاول أن تفهمها أنها هي من تريد الزواج بها لا صديقتها أو أرسل إليها أختك الكريمة أو أي فتاة لك ثقة فيها حتى تفهمها الأمر فلا يفهم حواء إلا حواء

وفي الأخير أقول لك أنت رجل فتحمل نتيجة أخطائك وواجها مواجهة رجل فلا تأتي بالله عليك باكيا وأنت السبب في هذه المهزلة، تخرج مع فتاة وتخطب صديقتها، هل هذه شهامة؟؟؟

[djareche]

السلام عليكم
انا شاب ابلغ من العمر 33 سنة اطار جامعي بمؤسسة عمومية تقدمت لخطبة فتاة تبلغ من العمر 29 سنة تشتغل استاذة بسلك التعليم،كان أول تعارف بيننا يوم الخطبة بعد مراسيم الخطبة اتصلت بها إحدى زميلاتها في نفس اليوم لتخبرها بأنني على علاقة بها ووعدتها بالزواج اتصلت بي خطيبتي في نفس اليوم لم أنكر علافتي بزميلتها ولكنني لم اخطبها وأقنعتها بالأمر مرت 07 شهور وكنت انا وخطيبتي على وفاق تام إلى أن تعكرت علاقتنا هذا الاسبوع عندما تجاذبنا اطراف الحديث فقالت مازحة لي ان زميلتها مازالت بدون زواج وان كنت تربد رقم هاتفها اعطيتك اياه وبنرفزة قلت لها الرقم عندي كثر خيرك بعدها بدأت علاقتنا تتعكر قطعت بها الاتصال لمدة 03 ايام الى ان اتصلت هي وقالت كيف تحتفظ برقمها لمدة 07 شهور ويزيد يغيضك الحال وطلبت مني حذف الرقم وقالت لي لي م عنديش تقة فيك فأجبتها لي م عندهاش ثقة فيا م نحتاجهاش بقت ترسل لي sms ,وانا ارفض الحديث اليها مع العلم انه خلال 07 شهور كان اتصالي بها شبه يومي لأفاجأ بشقيقها يتصل بي ليعلمني ان شقيقنه فسخت الخطبة لم اتقبل الأمر حاولت الاتصال بها كثيرا اعرف أنني أخطأت طلبت منها السماح كانت وسيلة اتصالي بها الرسائل القصيرة حتى امام مكان عملها رفضت الحديث معي تحدثت الى شقيقتها قالت لي صعب ان تغير رأيها ارسلت اليها مئات الرسائل النصية لم ترد ولا على رسالة لقد احببتها ولا أريد ن أخسرها عائلتها تقول ان القرار يخصها لوحدها اعلم جيدا انها تحبني ولكن ماذا افعل لها حتى ترجع لي والله العظيم كرهت حياتي كل يوم رسائل حتى صارت تغلق الهاتف المحمول ابعثت اليوم لي رسالة ماتزيدش تبعثلي sms مارانيش حابة نكمل معاك طحت من بالي ماذا افعل معها انصحوني جزاكم الله خيرا

كثيرا من البلبلة............قالت وقلت لها وقالوا لي وقلنا لهم.........................كفاكم من الخرافات .

[halim1980]

نقلك بصراحة احنا لبنات مشكلة فينا ندور على الحاجة و اذا تاكدنا للراجل متمسك لا نزيدو نخمو في حاجة خلاف نزيدو نتاكدو الله غالب هيا بدافع الغيرة رمات الكلمة و حبت تتاكد و تدلل شوية انت عميتها كانت حاباتك تقلها عندي غير انتي
و هاذي مشكلتنا المفروض تقلك يا فلان مازلت على علاقة بيها او لا جابتها بطريقة غير مباشرة و حبت تاكدلها لي راك متمسك بيها ... الفرق انو الراجل مباشر اكثر في كلامو اغلب البنات نهدرو بالتلميح

راح نقلك نفس رايي الاول خليها مع روحها و خليها تحس لي راك تعبت من محاولة انك ترجعها و يئست منها و ممكن تتخلى عليها و تضيع منها لكن ما تقولهاش صراحة راح نتخلى عليك لا
كيفاه ... اجبد وقت لا تحكي معاها لا تبعث مساج
و بعد مدة ابعث مساج في كلمتين يختصرو كلشي خليها تفهم اذا ما فوتتش هادي المرة راهي تتسبب و بنفس الوقت بينلها لي ردك كان باه تغيرها و انو ما عندك حتى وحدة بعدها و خليها تقرر

عطيتك حل حسب تخمام اغلب البنات و عطيت وجهة نظر وحدة كي تكون مجروحة
ان شاء الله نكون افدتك و ان شاء الله ربي يهديها و ييسرلكم و يوفقكم يا رب



شكرا بارك الله فيك سأجرب حلك وسأصبر اسبوع وارسل له ميساج

[abou.fatima]

اتق الله في اعراض المسلمين لا يجوز لك أن تتصل بخطيبتك وتتكلم معها الا مع محرم لأنها ليست حلالا عليك ولا تحل لك الا بالعقد عليها فكن عفيفا طيبا

وتصور معي أخي هل ترضى أن يتصل رجل بأختك ويهاتفها ليلا نهارا هل ترضى ذلك ؟؟؟!!!!!!

الله يهدينا واياك وقل اللهم اكفني بحلالك عن حرامك

[sarl02]

لم تحسن التصرف في بعض المواقف المهم..اليك الحل وباختصار ...ابعث لها اخر رسالة نصية تخبرها فيها بانك ستنتظرها 10او 15 يوم لاتخاذ قرارها النهائي بالاستمرار في العلاقة الشرعية من عدمه واخبرها ان عدم الرد بالايجاب او السلب عند نتهاء هاته المدة يعد رفضا وكل واحد اروح لحالو ...هذا هو التصرف السليم في مثل حالتك ووفقك الله.

[بنت لبحر]

اخي روح لدارهم و احكي معاها و قنعها

انت لي غالط علاش ترد عليها بطريقة هديك ربي يهديك برك

ربي يصلح لحوال

[حورية38]

اخي الكريم الحل لديك احنا لبنات نحب المحاولات ادا لقاتك جبدت روحك رايحة توليلك ادا كانت العلاقة من الاول اساسها حب متبادل اما ان رفضت فانا نظن // ان كنت صادقا فيما قلت// ان العلاقة رايحة تكون عشرة ولا ولات ماكانش ثقة وهدرة الناس بيناتكم عمرك ما راح ترتاح معاها لدا الاجدر بك الانسحاب وخلي كرامتك فوق كل شيء
انت حاول كمرة اخيرة دع احدى اخواتك تكلمها وتوضح لها الامر تم اتركها لتفكر ومادام راك ديما تحاول راهي متاكدة انك متمسك بيها
ربي يجيب الخير ويهنيكم في الحلال

[حورية38]

عن معاذ بن جبل رضي الله عنه قال: قال رسول الله صلى الله عليه وسلم: (لو كنت آمرًا بشرًا أن يسجد لبشر، لأمرت الزوجة أن تسجد لزوجها، والذي نفسي بيده لا تؤدي المرأة حق ربها حتى تؤدي حق زوجها).
وأخيرًا تذكر قول رسول الله صلى الله عليه وسلم: (ألا أخبركم بنسائكم من أهل الجنة؟) قالوا: بلى يا رسول الله. قال: (الودود الولود التي إن ظُلمت أو ظَلمت قالت: هذه ناصيتي بيدك لا أذوق غمضًا حتى ترضى).

لن يكون لنا راي سديد سوى كلام نبينا الكريم

[زوجة الغول]

يا خويا نقولك حاجة وحدا
المرا إذا حست برك بلي الراجل لي مرتبطة بيـه يخونها ولو بنظرة برك
راح يطيح في عينيها
نتا عليك تثبتلها بلي غير هي لي في بالك وقلبك
لوكان ما جيتش تبغيها ماكنتش خطبتها وكنت خطبت هاذيك لي حكيت عليها
المهم
هي لحظة غضب خليها شوي يامات على قرارها هذا
كي تتوحشك راح تسامحك
وبالاك تزيد تروحلها للخدمة أو توريها وجهك
أصبر شوي وممكن هي بعد لي تتصل بيك

[halim1980]

لم تحسن التصرف في بعض المواقف المهم..اليك الحل وباختصار ...ابعث لها اخر رسالة نصية تخبرها فيها بانك ستنتظرها 10او 15 يوم لاتخاذ قرارها النهائي بالاستمرار في العلاقة الشرعية من عدمه واخبرها ان عدم الرد بالايجاب او السلب عند نتهاء هاته المدة يعد رفضا وكل واحد اروح لحالو ...هذا هو التصرف السليم في مثل حالتك ووفقك الله.

اخر sms قاتلي يخي قلت كلام بزاف يقيس مارانيش حابة نكمل معاك طحت من بالي

[Lamine Law]

في حقيقة الأمر تعاملك معها بتلك الطريقة ليست بالحسنة لكن هناك شيئ يعني هذه الفتاة تخلت عنك بمجرد معرفتها بهاتف رقم زميلتهاعندك مما يعني أنها قد تتخلى عنك في اي لحظة أخرى تكون بينكما و مما قلت أنك تحبها و تود المسامحة معها لكنها رفضت في كل مرة في حين أن رفضها نابع من عدم قبولها ، فمن رأيي لو كنت مكانك ما كنت أفعل ما فعلته ، اتخلى عنها يعني و شوف واحدة اخرى تحبك و تغار عليك و فكر في حياتك معها مستقبلا
Ps : أخي هذا من وجهة نظري أنا و لا تتخذها كاساس لمعاملتك في المستقبل فالمشكلة حسب الظرف ..و يمكنك أخي أن تتقدم لعائلتها و تشرح لهم الموق مثلما قالوا الاخوةلأنها قد تكون عبث من الفتاة ..و شكرا

[بنت لبحر]

اخر sms قاتلي يخي قلت كلام بزاف يقيس مارانيش حابة نكمل معاك طحت من بالي

يا اخي الطفلة راهي مجروحة منك خليها ايامات حتى يخف الزعاف شوية و من بعد روح احكي معاها متبقاش ضيع في و قتك باليميساج

[beddiar bibi]

راك طيح في قيمة نتاعك كي راك تبعث في لميساج مع احترامتي لك يا أخي فاضل اصبر شوية و اذا مازلت مصمة على قرار نتاعها شوف غيرها

[زوجة الغول]

في حقيقة الأمر تعاملك معها بتلك الطريقة ليست بالحسنة لكن هناك شيئ يعني هذه الفتاة تخلت عنك بمجرد معرفتها بهاتف رقم زميلتهاعندك مما يعني أنها قد تتخلى عنك في اي لحظة أخرى تكون بينكما و مما قلت أنك تحبها و تود المسامحة معها لكنها رفضت في كل مرة في حين أن رفضها نابع من عدم قبولها ، فمن رأيي لو كنت مكانك ما كنت أفعل ما فعلته ، اتخلى عنها يعني و شوف واحدة اخرى تحبك و تغار عليك و فكر في حياتك معها مستقبلا


Ps : أخي هذا من وجهة نظري أنا و لا تتخذها كاساس لمعاملتك في المستقبل فالمشكلة حسب الظرف ..و يمكنك أخي أن تتقدم لعائلتها و تشرح لهم الموق مثلما قالوا الاخوةلأنها قد تكون عبث من الفتاة ..و شكرا

يا خويا
بغض النظر على الحب
أنا خطيبي ما عرفتوش من قبل يعني شافني وشفتو مرة واحدة
صح أحيانا نهدرو ف الهاتف مجرد سؤال عن الاحوال أو يفوتلي دارهم نحكي معاهم ..
بصح عندو يومين كنت باغية نهدر معا لقيتو en attente
نحس ف السما طاحت عليا والله
مش بالضرورة نكون نحبو
وبالرغم من هاذاك الإحساس الفضيع
طفيت البورتابل وف الغدوا شعلتو وعيطلي وهدرت معاه عادي
وما سقسيتوش مع من كان يهدر
و حاس بلي غاضني الحال وبدا يبرر بصح أنا قتلو عادي ما غاضنيش الحال وما تلاقيتش بلي كنت تحكي أصلا
وراني دايرة فيك ثقة كبيراااااااااااا كيما لي دايرها نتا فيا وخلاص