طاجين éléctrique شريناه بالامس........ تفضلو شوفوه

[sarra5]

السلام عليكم

امي البارح اشترت طاجين كهربائي

والله روووووووووووعة يطيب الكسرة مليييح و سريع و العمل يكون في نظافة تامة

[ ""خاصة مع الحوادث تاع قارورات الغاز الي ديما نسمعو بيها""

الطاجين من الطين و لو حابه تعملي بغرير او فتات تقلبيه ونلقاو سطح املس جمييل

سعره 7500 دج

""الصور في المرفقات لا تضعنها في الموضوع""

[douda21]

بصحتكم سرسورة تتهناو بيه ان شاء الله ،مي انا ميقنعنيش خلاص مكانش كيما طاجين الطين و الطياب فوق الطبونة ، عندها بنة سبيسيال حنونة، و زيد راه غالي يعني قد ما تشري عرام طواجن تاع طين هههههه، هدا مليه لي ساكنين في الغربة ميقدرش يدو معاهم طاجين طين يشرو هدا، بصحتك حبيبتي

[sarra5]

mais hada matkhafich meno w men l9ar3a ta3 lgaz rir lakan ltabouna ta3kem b gaz de ville

w ltajin ta3o rah men ltayn machi plastique

w lkesra wlh temni brabii jamais klit fi benetha

[crystale49]

سارة هدا يمشي بالغاز نورمال و لا بالغز دو فيل

[sarra5]

لااا هذا يعمل بلكهرباء

تخليه يسخن وتحطي الكسرة فوقو تطيب والله جربناها البارح روووعة وماش يابسة احسن من الطاجين العادي

و اذا حابة تعملي بغرير ولا فتات تقلبي الطاجين تلقاي سطح املس تخدمي عليه

[منال100]

بصحتكم والكهرباء هل يستهلك وقت كبير باه يطيب ولا وقت قليل مع حنا لازم على الاقل 4خبزات لأن الكهرباء أغلى من الغاز بكثير
حتى الثمن انتاعو راه غالي شوية بصح يبان هايل بصحتكم والصنع في أي بلد

[coco2]

allah ybarek kesra tsakhef
wlh ghir dhar ytayeb trés bien
bsahetkom w la3kouba l ma khir nchlh :)

[**افنان**]

بارك الله فيك ومبروك عليكم الطاجين
لعاقبة لحاجة اخرى

[imadwlidi]

moi je voie que c tres interessant pour moi car j ai une petit cuisine et je n est pas de place pour la bouteille a gaz et je n est pas non plus un balcan donc pour moi c une decouverte merci bc pour ce sujet juste une q pour la consommation d'electricité que pensier vous?
et encor merci

[sarra5]

merciiiii khawtiii

nn l electrecité wlh mabzef hna derna 4 KHOBZAT f demi heur hekdak

w tkhalih yeskhon chuia kbel matebday c ts w ytayeb raw3a

[أم وائل ولؤي]

مبروك عليكم تتهنو بيه ان شاء الله

[oumraouf]

مبروك وعقبال حاجة اخرى ، ولكن وين اشتريتوه ؟

[sarra5]

في محل يبيع الادوات الكهرومنزلية

هو متواجد على ما اظن في كل الولايات

لكن والله ماتندمي عليه الكسرة يطيبها طرية جامي تيبس دركا يومين ومايبستش

[djazia87holi]

الله يبارك تتهاناو بيه انشاء الله انا نعشق المطبخ وادواتو وتبان الكسرة عليه تهبل مام الكسرة نتاع طجين الطين تهبل فيها بنة وراءحة الله يبارك اممممممممم

[sarra5]

ouiii ta3 ltajin bena special mais hada wlh manzid 3lik bleklam rir raw3aaaaaaa kesra traya thabeeeel

[iaman.fr]

مبروك عليكم الطاجين

[crystale49]

لااا هذا يعمل بلكهرباء

تخليه يسخن وتحطي الكسرة فوقو تطيب والله جربناها البارح روووعة وماش يابسة احسن من الطاجين العادي

و اذا حابة تعملي بغرير ولا فتات تقلبي الطاجين تلقاي سطح املس تخدمي عليه

سارة هو مليح بصح الطاقة الكهربائية المستهلكة من طرفه راح تكون عالية و بالتالي الفاتورة انتاع الكهرباء راح تكون غالية يعني لو كان يمشي بالغاز دو فيل كان احسن و الله اعلم

[رحيل ج]

ماشاء الله

[ملاك العاصمية]

بصحتكم اختي انا كان عندي واحد كي كنت نقرا برا
عملي ومايكلش الكهرباء بزاف
انا شريتو وديتو معايا لانو كان عندي مشكل انتاع الطابونة
وفوق الكويزنيار الطاجين ما يصلحش
لكن ماكانش احسن من طاجين الطين
لان هدا الطاجين غير صحي يعني مثلو مثل مايكرويف
اما على السعر راه غالي بزاف في الجرف راه ب400 الف ويساعدك فيه
المهم اختي ان شاء الله تتهناو بيه

[salim.salim]

و الله التكنولوجيا نعمة
هكذا العبد يتهنى من الزواج

[perla14]

الله يبارك رائع اختي تتهناو به انشاء الله

[أم الحبايب 26]

تاتهناو بيه يا ختي عقوا لحاجا واحدوخرا بصاحتكم انا شاتو في قنات سميرة طايب فيه فارس جيدي خبز
سليم هاكذا تهاني يماك وختك كيديرو ادار ساهل خبز كوثوتو يانشرا شري واحد لميمتك اذا حباتو

[الاءنهال]

بصحتكم بصح الطين 4444444444444444444

[ام البنتين]

بصحتكم الطاجين نقولك فقط. منين اشرتيه رآه غالي عندي فقط أسبوع ملي سومتو يتباع 460.الف و كائن لي شراه 420 يعني باعوهولكم غالي

[الحمزاوي متصرف]

شكرا على الصور كنت حابة نشوفو امس حكاتلي عليه بنتي قالت ثمنه 6500 da

[mounia5]

salam oukhti
mabrouk alikoum ettadjine
bessah y bane chwia ghali khaterch hna fi batna idir 5000 da
ala el oumoum mebrouk aleikoum ou bessaha n'challah

[om wassim]

بصحتكم اختي راه هايل و مايستهلكش الكهرباء بزاف و يطيب بسرعة
بصح حبيت نعرف اسم الماركة تاعو خاطرش لقيت اليوم واحد كنت رايحة نشريه كي لقيتو غير 4800 دج قلت بالاك ماشي كيف كيف
تعيشي قوليلي الاسم تاعو

[ام عبدو و اريج]

مبروووووووووك عليك
لكن ما يحوشيش الكسرة لا

[ابو يوسف41]

الله يبارك لكن يبانلي السعر غالي نوعا ما

[أم ضياء عبد الرحيم]

شكرا ليك اختي على المعلومة انا في فرنسا و ماعنديش الغاز كلش بالكهرباء و كي سمعت بطاجين الكهرباء قلت كي نروح نشريه لكن خفت لا ما يطيبش مليح راكي شجعتيني باذن الله كي نروح نشري واحد بارك الله فيك

[stayfa]

لااا هذا يعمل بلكهرباءلااا هذا يعمل بلكهرباء

[no name rix]

حاجة مليحة كاينة التكنولوجيا في بلادنا
......
لماذا لانضع الصور في الموضوع ؟

[بلقيس الهدى]

شكرا على الإفادة
هنيــــــــــــــــــئا لكم

[محمد الصح]

شحال السع اختي

[h_hakima08]

بالصحة والهنا اختي انا شفتهم بصح خفت منهم بصح راكي شجعتيني هههههههههه مليح في رمضان مع السخانة نديه نحطو في الصالون مع الكليماتيزور ونطيب الكسرة نتاعي هههههههههههههههه

[jelland]

tres interessant

[Andrew Garcia]

salam alikom w basa7a khouya
tastahlo kol khir

[ام عبدو و ملاك]

يبانلي غالي بزاف و زيد راه يخدم خدمة ريزيستونس يعني كان يفسد غير طيشيه انا عندنا يتباع ب 600 الف

[Rabah75]

بصحتكم والكهرباء هل يستهلك وقت كبير باه يطيب ولا وقت قليل مع حنا لازم على الاقل 4خبزات لأن الكهرباء أغلى من الغاز بكثير
حتى الثمن انتاعو راه غالي شوية بصح يبان هايل بصحتكم والصنع في أي بلد


قرصة مطلوع تسقام ب عشرة لاف مع سونالغاز
كي تروح التيريسيتي كمليها في الفور

ربي يدوم عليكم الصحة و الهناء
شكرا على مشاركتكي الموضوع

[sbadis]

حتى الطاجين بالتريسيتي جابلي ربي ياكل تريسيتى تخيل 4 قرص كسرة في طاجين تريسيتي

[بقلاوة]

هاااااااااااااايل

[MouhaKamikaz]

بارك الله فيك

[همس المشاعر*]

روعه ان شاء الله راح نشريه

[fares barça]

شكرا على المشاركة

[فاتي تيارت]

لى ماعفوش ياك داره فارس فى قناة سميرة