بعد 6 سنوات

[مشكلتي]

السلام عليكم
اعتدت انا القى الحلول عندكم لاني بصراحة راح نهبل
تخيلوا معي اني بعد صبر 6 سنوات اليوم برك فرغت قلبي
انا فتاة عمري 25 سنة الحمد لله عطاني ربي كلش غير حاجة وحدة معنديش الزهر فيها هي الرجالة او نقول الرجل تقدم لي العديد من الخطاب و لكن في كل مرة ارفض هل تعرفون السبب لانني احب احد اقاربي منذ 6 سنوات و لكن لم اعترف له او ابين له كل هذه السنين و لكن الى متى نخاف افوتني قطار الزواج و انا مازالني نخمم في واحد مانعرف اذا احبني او لا اليوم تجرأت و قلت لازم نعترفلوا مي واش درت حليت حساب في الفايس بوك و بعثتلوا رسالة و قتلوا كلشي مي ماقتلوش شكون انا نخاف يكرهني و يحتقرني واش رايكم ياجماعة هذا تصرف صبياني او ماذا يعني اذا عرف بلي انا الي بعثتلوا الميساج راح يحقرني او ماذا
راح نجن ماقدرتش ننساه و ماقدرتش نتزوج ااااااااااااااااااااااااااااااااااااااااا قولولي واش ندير وين نستخير على واجد راح يخطبني يخرجلي هو في المنام رااااااااااااااااح نهبل

[محمد جديدي التبسي]

وعليكم السلام
ما طيحيش قيمتك وانسي هذا الشخص
ما طيحيش بروحك نحي الفايسبوك وحكاياتو الفارغة.. ربي يهديك
اذا جا واحد خطبك اخلاقو مليحة وجاهز ماديا لا تقولي حب لا والو
كلش يجي بعد الزواج
هذا قريبك اكيد راهو شايفك ولو كان ناويك راه بعثلك ولا عطى كلمة عليك

[ريمة89]

اختي انصحك لوجه الله
الزواج اكبر من الفايس بوك والحب الزواج مؤسسة كبيييييييييييييييييييييييييرة
وهو وين راه ستة سنين ماجاش وخطبك وانت 18 و20 راح يجي 26 اقبلي باول خاطب وربي يهنيك وصدقيني راح تنساي كلش بعد الزواج راهو ربي يمد رحمتوا ولا نستي انت تحيري والله انك من نهار اللي تدخلي دار زوجك ربي رايح يبث فيكم الرحمة والمودة وكل مرة راح تشوفي اشياء من زوجك تخليك تحبيه كل يوم اكثر
انا تزوجت عن حب ونقولك الحب تاع الصح بعد الزواج والله تقول ماعرفتوش كامل والحمد لله كل عام راه يزيد حبنا والحمد لله خاصة مع الاطفال

[MaX32Dz]

ابعثي أحد أهلك ممن تثقين فيه فليفاتحه في الأمر و يعرضك عليه
إن قبل فسيأتي لخطبتك و إلا فاقبلي غيره

[عماد الدين2]

السلام عليكم
اختاري لحياتك من يحبك و ليس من تحبين
هذا ما عندي و الحديث قياس

[كلمات مبعثرة]

ماكان حتى راجل يستاهل تحبيه غير زوجك وهكداك وماتديريش فيه تقة

[lachiche]

السلام عليكم و رحمة الله و بركاته
صراحة ضحكت أعجبتني كلمة راح نهبل
أختي قوليلوا مافيها والوا و بشرط يستر عليك في حالة ماقبلش
و صلي في الليل و تذللي الى الله وادعيه باسمائه الحسنى

[sarl02]

السيد قاع موش عارف واش من عش راكي حاطة فيه وانت كالية عمرك عليه...زيدي اصبري 6 سنين وحداخرين بلاك ايجيب العود الابيض ويخطفك واطير بيك .

[نارينا]

وما ادراك انك لما تعيشين معه تحت سقف واحد سوف تحبينه وعلى اي اساس احببته من قبل ؟؟؟ممكن سيختلف مفهوم الحب لديك بعد الزواج والخوف من ان تندمي على ضياع 6 سنوات هباء,,,,الفتى ان اراد الزواج تعرض عليه الام والاخت بنات العيلة اولا ثم الاخريات ,,,,يعني منذ 6 سنوات ولم يتقدم لا هو ولا اهله؟؟ يعني عليك بعدم تضييع الفرص لا+جل شيء لا تضمنين تحققه

[أم شروفة]

فاتك قطار الزواج .لقد كبرتي جدا .اول خاطب الصقي فيه وما تساليش عن الحب.فالحب لابناء20.غدوة يتزوج يجيب عروسة عمرها19

[naamane3]

شوفي با بنت الناس الاولي ان تدعي الله
يكون من مكتويك ماشي الفيس بوك
حاولي نسيانه بالصلاة وقراءة القرآن
وخاصة كثرة الاستغفار
واقبلي بمن جائك خاطبا
بعد السؤال عن دينه وأخلاقه
والله المستعان

[bellaluna]

فاتك قطار الزواج .لقد كبرتي جدا .اول خاطب الصقي فيه وما تساليش عن الحب.فالحب لابناء20.غدوة يتزوج يجيب عروسة عمرها19


هذه العقلية هي سبب المشاكل الزوجية السّائدة الآن..

[عصـــام]

أختي أقـول لك فاتحيه في الموضوع ،،،أرسلي له شخصا أو بنت تعرفه جيدا من باب المودة ،،،يفـاتحه في الموضوع ،،بخصوص الخطوبة ،،،لا عيب في أن تختاري رجلا يخاف الله ومسؤولا ، لا حرج ولا عيب ،،،بل يجب أن تفتخري بنفسك إذا فزت برجل مسؤول ، حاولي أن تفاتحيه في الموضوع ،،وإذا لم يوافق ،،،فلا تطردي الرجال الذين يقصدون بيتك ،،،والله الموفق .

[خفيفة روح]

والله ما فهمت والو من هذي دنيا

[nappa022]

السلام عليكم ورحمة الله تعالى وبركاته
عن أنس بن مالك رضي الله عنه خادم رسول الله صلى الله عليه وسلم أن النبي صلى الله عليه وسلم قال : ( لا يؤمن أحدكم حتى يحب لأخيه ما يحب لنفسه ) ، رواه البخاري ومسلم .
حرص الإسلام بتعاليمه وشرائعه على تنظيم علاقة الناس بربهم تبارك وتعالى ، حتى ينالوا السعادة في الدنيا والآخرة ، وفي الوقت ذاته شرع لهم ما ينظم علاقتهم بعضهم ببعض ؛ حتى تسود الألفة والمحبة في المجتمع المسلم ، ولا يتحقق ذلك إلا إذا حرص كل فرد من أفراده على مصلحة غيره حرصه على مصلحته الشخصية ، وبذلك ينشأ المجتمع الإسلامي قويّ الروابط ، متين الأساس .

ومن أجل هذا الهدف ، أرشد النبي صلى الله عليه وسلم أمته إلى تحقيق مبدأ التكافل والإيثار ، فقال : ( لايؤمن أحدكم حتى يحب لأخيه ما يحب لنفسه ) ، فبيّن أن من أهم عوامل رسوخ الإيمان في القلب ، أن يحب الإنسان للآخرين حصول الخير الذي يحبه لنفسه ، من حلول النعم وزوال النقم ، وبذلك يكمل الإيمان في القلب .

يا بنت الناس اتقي الله .. لوكان يسمع بيك شخص واحد.. حتى اللي يتقدمولك أنسايهم واحد مايجيك
خلي كلشي على ربي وانت صلي صلاتك وتوبي الى الله عز وجل..بارك الله فيك

[نيفرتيتي.]

والله الحب بعد الزواج
بعد تولي تصحكي على روةحك حذاري طيحي من روحك واكيد راح يقابلك بالرفص وممكن يفضحك وراح تكرهيه بصح تولي علكة غي فم الناس

[نورالهدى بيولوجيست]

السلام عليكم
اختاري لحياتك من يحبك و ليس من تحبين
هذا ما عندي و الحديث قياس

عمبالك ساهلة ؟؟؟؟؟؟؟؟؟؟؟؟؟؟؟؟؟ :mad:


انا نقول ادي اللي يحوس عليك بالصح نتي ثاني تكوني قادرة تتجاوبي معاه مش تقبلي بواحد و راسك حاط مع وحداخر
الدعاء هو الحل ربي يوفقك

[La perle rare]

أختي أنا ننصحك ديري استخارة إذا تصارحيه و من بعد إذا انشرح صدرك لهذا الأمر صارحيه من الأحسن عن طريق وسيط أو رسالة و ما تقعديش هكذا حايرة

[رحمة من المولى]

رب يوفقك ان شااااااااااااااااااااااااااااااااااء الله و يكون مكتوبك

[La perle rare]

أواجه مشكلة عند محاولة كتابة موضوع في هذا القسم حيث يشار إلي بأنني لا أستطيع إضافة كلمات دلالية و بالتالي لا أستطيع ارسال الموضوع ماذا أفعل رغم أنني لم أجد خانة الكلمات الدلالية ؟

[كلمات مبعثرة]

ابعثي أحد أهلك ممن تثقين فيه فليفاتحه في الأمر و يعرضك عليه
إن قبل فسيأتي لخطبتك و إلا فاقبلي غيره


والله غير هادي شابة هادي
حابها تحكي لاهلها وتبعتهم يخطبولها وين راك عايش نتا في المريخ؟

انا رايي لو كان يبادلها نفس الشعور كان فاتحها بالموضوع وتزوجها

[نيفرتيتي.]

أواجه مشكلة عند محاولة كتابة موضوع في هذا القسم حيث يشار إلي بأنني لا أستطيع إضافة كلمات دلالية و بالتالي لا أستطيع ارسال الموضوع ماذا أفعل رغم أنني لم أجد خانة الكلمات الدلالية ؟

نفس المشكلة ونبقى نحوس على الكلبامة الدلالية ومانلقاش كونانه احد المشرفين يضع موضوع خاص ويشرح هذه النقطة