محتاجة دعائكم

[مشكلتي]

السلام عليكم و رحمة الله
انا وحدة في عمري 25 سنة قاعدة في الدار ما جبتش الباك و دارنا ما خلاونيش نخدم لانو ظروفي المادية مليحة تربيت يتيمة الاب مات بابا و انا صغيرة ما نعرفوش و خلى فرغ كبير كل ما نكبر كل ما نحس بيه عندي زوج خاوة كبار و متزوجين ساكنين معانا انا و يما في فلا كبيرة الحمد لله رباوني احسن تربية و دايما يحاولو يخليوني ما نحسش بالفراغ اللي خلاه بابا ربي يرحمو علاقتي معاهم مليحة بزاف مبنية على قدر كبير دايما نسمع كلامهم و هاذا اللي خلاهم يحبوني بزاف مشكلتي في مرت خويا تكرهني و تغير مني بزاف و حاسدتني على معاملة خاوتي ما عندهاش ثقة فيا بالرغم من انو خويا ما تحبش يصرف عليا و لا يتكلم معايا و اذا سمعاتو يضحك معايا هاذيك الليلة تردها جحيم عليه و تصبح معاديتني في باطل درك راحت لدار باباها و ما حبتش تروح خيراتو بيني و بينها و هو قالي راح يطلقها لانو مستحيل يسمح فيا و ما عنديش غيرهم حاسة روحي السبة على جالي را يخسر دارو وولادو و ربي العالم حتى و هي تكرهني لكن عمري تكلمت عليها بسوء عندو العكس دايما نرجع للخير و هي في بالها نتكلم عليها ما لقيتش كيفاش ندير مستحيل يخليونا نروحو نسكنو وحدنا انا و يما خممت نروح لاختي و نبقى عندها لكن لوقتاش و زيد هاذي دار بابا كيفاش نخرج منها ببساطة هنا حسيت صح بغياب باباا لانو لو كان حي عمرو نتخير و نتقاس هكذا رخستني الدنيا
ربي يهنيكم ادعيولي ربي يبعثلي ولد الحلال اللي يخرجني من هاذ الجحيم و اللي تعرف ولا مجربة اي دعا تقولهولي
ربي يازيكم كل خير

[البيت السلفي]

وعليكم السلام ورحمة الله وبركاته
أولا : الله يبارك عليك وعلى إخوتكِ أخيتي ، نِعمت التربية ، شيء رائع أن نرى مثل هذا الترابط بينكم ، ربي يدوم بينكم المودّة
بالنسبة للمشكلة مع زوجة أخيك ، أُحيكِ على أخلاقك العالية ، لأنّك لم تُقابلي الإساءة بالمثل ، ثبّتكِ الله ,
ولا تحزني وتقولي لو أنّ والدي هنا ، فهذا أمر قضاهُ الله وإخوتك ولله الحمد كانوا نِعم السند لك ، نصيحتي أن تُحاولي إقناع أخيك بإرجاع زوجتهِ ، وإن عادت احتسبي الأجر عند الله وحاولي اكتساب مودّتها ، بالهدايا وغيره ، ومن بعد اتركي القرار لأخيك وحاولي عدم التدخّل كثيرا في هذا الأمر ، فقد أدّيتِ المطلوب منكِ بحمد الله.
وأخيرا ، عليكِ بالدعاء أن يُسدد الله أخوكِ لما فيه الصواب ويهديَ زوجة أخيك,
ربي يرزقك الزوج الصالح أخيتي عاجلا غير آجل
حفظكِ الله.

[آمِيْرَتُه]

ربي يفرج عليك و يرزقك الزوج الصالح و يبعد عليك الهموم

[* الحلم سكر *]

دار باباك حبيبة بالاكي تـنسي ...
واش من رخس ربي يهديك تلقاي الوالد الله يرحمة شقة و بنى و تعب باه انتم ترتاحو و انتي تهدري هكذا
انا نحير منين زوجة الاخ تحطو في خيار بينها و بين اختو -سبحان الله هادي اخته ماشي ذرتها-خاصة اذا اختو ما ظلمتش مرتو يكون ماشي راجل اذا فرط في اختو ... يعني هيا تحب خاوتها يفرطو فيها ؟؟
و انتي تحكي حاساتك تقول انتي ضيفة و ساكنة عندهم يا بنتي دار باباك دارك مثل ماهي دار خاوتك

و اذا بقيتي تخمي هكذا راح تخايري راجل المهم تتزوجي و خلاص هي تتهنى و انتي تخايري راجل يمرمدك لقدر الله علاه على خاطر هيا على قولك تكرهك

و حتى و ان تزوجتي في بالك خلاص ما تحتاجيش خوك و الله غالطة ... خايري واحد يهنيك و يخاف ربي فيك ما تخايريش واحد تهربي بيه من وضعك

ان شاء الله مكتوبك يجي و عاجلا و بالشخص اللي تتهناي معاه و يكون احسن مما تمنى
لكن بين ما جا مكتوبك عيشي متهنيا و قولي الحمد الله خاوتك ما فرطوش فيك ما تغلطيش خلي العيب منها و اذا خوك حاب يحطها عند حدها مادام تجرات و خيراتو خليه بالك تفهم روحها

ان شاء الله ربي يحنن قلوبكم انتي و خاوتك على بعضاكم و يحفظلكم الوالدة و ما كان لاه تحسي بالنقص اليتم يقتل بالشوية سقسي مججرب لكن الصبر و الرضا و كيما قتلك احمدي ربي على علاقتك مع خاوتك و ماتفرطيش في خوك و الا تضطريه يفرط فيك على خاطر اي واحد

و هي ربي يهديها و الدنيا تدور

ربي معاك و يرزقك بما تتمني عاجلا غير اجل يا رب

[ibrahimm]

ربي يفرج عليك

المهم ماتخليش الدار و تسكني عند اختك

خلي زوجة خوك تغضب لان لو كان فيها خير ما تخايرش زوجها بينك و بينها

[manita]

ربي يفرج عليك اختي الحل بيدك ادعى ربي وفلرات واللله ربي مش حيخليك الدعاء عظظظيم

[naamane3]

ساهلة خلاص
عندما تستيقضي صباتحا لا تنسي اذكار الصياخ
وفي المساء كذلك ولا تقابلي الاساءة بمثلها
وانما ذكريها دائما أنك أخته ولست ضرتها
والله المستعان

[naamane3]

ساهلة خلاص
عندما تستيقضي صباحا لا تنسي اذكار الصباح
وفي المساء كذلك ولا تقابلي الاساءة بمثلها
وانما ذكريها دائما أنك أخته ولست ضرتها
والله المستعان

[اريج06]

ربي يفرج عليك أختي ويرزقك الزوج الصالح ويدوم عشرتك مع خاوتك وربي يرحم الوالد
وزوجة اخيك ربي يهديها وانت عمرك لا تكوني السبة في انها خربت دارها اذا حابة ترجع للدار وتهني على روحها ومدخلش نفسها بينك وبين خاوتك اللهم بارك واذا متمسك بشرطها ربي يسهل عليها المهم انت متخرجيش من دار باباك وتروحي عند اختك حتى زوج اختك يقبلك شهر ولا شهرين وتتغير المعاملة .والله شيء يحير دار باباك وزيد تخرجك منها خلي خوك يحطها عند حدها وقوليلها كما تدين تدان

[exellance]

ربي يفرج عليك ويعطيك بقدر نيتك

[ahlem-86]

ربي يوفقك حبيبتي ان شالله ربي يبعتلك ولد حلال يخاف ربي فيك ربي يوفقك ويرزقك بولد الحلال يسر قلبك وخاطرك ويهنيك ويسعدك ياارب الله يفرجها في وجهك

[فـرح]

ربي يفرج عليك ويرزقك الزوج الصالح عاجلا غير آجل

[djazia87holi]

السلام عليكم و رحمة الله
انا وحدة في عمري 25 سنة قاعدة في الدار ما جبتش الباك و دارنا ما خلاونيش نخدم لانو ظروفي المادية مليحة تربيت يتيمة الاب مات بابا و انا صغيرة ما نعرفوش و خلى فرغ كبير كل ما نكبر كل ما نحس بيه عندي زوج خاوة كبار و متزوجين ساكنين معانا انا و يما في فلا كبيرة الحمد لله رباوني احسن تربية و دايما يحاولو يخليوني ما نحسش بالفراغ اللي خلاه بابا ربي يرحمو علاقتي معاهم مليحة بزاف مبنية على قدر كبير دايما نسمع كلامهم و هاذا اللي خلاهم يحبوني بزاف مشكلتي في مرت خويا تكرهني و تغير مني بزاف و حاسدتني على معاملة خاوتي ما عندهاش ثقة فيا بالرغم من انو خويا ما تحبش يصرف عليا و لا يتكلم معايا و اذا سمعاتو يضحك معايا هاذيك الليلة تردها جحيم عليه و تصبح معاديتني في باطل درك راحت لدار باباها و ما حبتش تروح خيراتو بيني و بينها و هو قالي راح يطلقها لانو مستحيل يسمح فيا و ما عنديش غيرهم حاسة روحي السبة على جالي را يخسر دارو وولادو و ربي العالم حتى و هي تكرهني لكن عمري تكلمت عليها بسوء عندو العكس دايما نرجع للخير و هي في بالها نتكلم عليها ما لقيتش كيفاش ندير مستحيل يخليونا نروحو نسكنو وحدنا انا و يما خممت نروح لاختي و نبقى عندها لكن لوقتاش و زيد هاذي دار بابا كيفاش نخرج منها ببساطة هنا حسيت صح بغياب باباا لانو لو كان حي عمرو نتخير و نتقاس هكذا رخستني الدنيا
ربي يهنيكم ادعيولي ربي يبعثلي ولد الحلال اللي يخرجني من هاذ الجحيم و اللي تعرف ولا مجربة اي دعا تقولهولي
ربي يازيكم كل خير

اختي وعلاه حتان تخرجي نت يخرج هو ومرتو ولا الطلاق راه صعيب وربي يرزقك ولد الحلال على القلب لي عندك ياااااااااااارب

[سجل أنا جزائري]

أختي نتي ما تحيري روحك ما والو مادام متأكدة بيلي مكيش ضالمة مكيش مسؤولة على مشاكل اللي بيناتهم

و ثاني راكي في دار بابك كيفاش تخمي تخرجي منها على جال مرت خووك ؟

خلي خووك يتصرف باين بيلي راجل الله يبآرك مش راح يسمح فيك و يخلي زوجتو ترميك للشارع

و أنا من رأيي عندو الحق المرأة اللي تقول يا أنا يا أختك يطلقها خير اذا ما هنتش روحها

ربي يعطيلك ما تتمناي ان شاء الله

[pomaria_aindefla]

الله يهديها إن شاء الله لا تخرجي لمنزل أختك حاولي التسجيل في مركز التكوين المهني و تابعي تكوين تقني سامي أو تعلمي الخياطة أو صناعة الحلويات ربما تبتعدي عنها قليلا تنساك

[نارينا]

يا انا يا أختو هذه تقولها غير بنت معندهاش اصل راكز......يعني يتيمة وفي داركم وتخيره بينها وبينك.....والله بعض النساء ربي يهديهم وفقط ........انت كذلك مذكرتيش السبب اللي خلاها تترك البيت بش ننصحوك ونعرفو تركيبة مرت خوك .....يعني عطيتي امثلة سطحية وفقط نتاع ضحك معايا قصر معايا ..... اما الزواج كيما قاتلك الاخت اختاري من يحبك ويريدك مكملة له ....ولاتجعليه سببا للهروب من مشكل الى مشكل اخر لقدر الله .

[ayaamira666]

ربي انت الرزاق الفتاح السميع العليم المجيب الدعاء اللهم ارزق كل محتاج اليك من فضلك العظيم يا ودود يا رحيم يا ذا العرش العظيم و فرج هم كك مهموم و ارزق بنات المسلمين ازواجا صالحين و اغننا من فضلك عمن سواك يا رب

[roose]

انت علاش رآك مقلقة مادام ضميرك مهني و عندكش علاقة بالمشاكل لي بيناتهم. مرة خوك يظهر لي مريضة كل وحدة و بلاصتها ان تبقاي في دار باباك و خلي خوك يديرلها حد هذه المرة قاتلو انا و لا أختك كي تنحيك من طريقها تقولو انا و لا يماك

[safira2014]

ربي يفرج همومك بلاكي تخرجي من دار باباك والى ضيعي بعد عسر يسر انشاء الله يرزقك راجل صالح اااااااااااااامين