طلب مشورة

[ريم الفلا]

السلام عليكم
هاذ العام ما جبتش الباك مع انني خدمت و كنت طامعة بصح ربي ما شافليش فيه لهاذ الشي راني حايرة
في رأيكم نعاودو ونسجل في معهد(لانو احتمال ما ننجحش كيما هاذ العام و نكون مضيعة عام آخر ) او نعاودو و ما نسجلش في المعهد و نقرالو كيما هاذ العام ؟
مع العلم انك معدلي هاذ العام 9.83

[''أسيل'']

وعليكم السلام ورحمة الله تعالى وبركاته
وش راكي ؟ بالمناسبة ريم المعهد واش تقراي فيه .؟
ريم أنا في رأيي ماتفرطيش في الباك مهما كان وحتى ادا سجلتي في داك المعهد
بقا عام عامين وينحو النظام القديم
جبتي 9.83 مابقالك والو ,
يعني لوكان تقراي اكثر
وخير من العام اللي فات
راح تجيبي باذن الله معدل عالي
والله أعلم

[لينة71]

السلام عليكم
انا في رايي ديريهم في اثنين سجي في المعهد وفي نفس الوقت راكي تقراي للباك وانتي حرة في نفسك
ومب الاحسن تميلي اكثر للباك
وشكرا لكي

[loubnamias]

انا تاني من راي سعاد ولينا
سجلي في المعهد وعاودي الباك.

[ريم الفلا]

شكرا على الاهتمام

[saber1980dz]

سجلي في المعهد و حضري للبكالوريا بالتدريج و إن شاء الله تتحصلي على الإثنين معا

[chourouk]

انا ثاتي قلك سجلي في المعهد و حضري للبكالوريا بالتدريج و إن شاء الله تتحصلي على الإثنين معا
تمنياتي لك بالتوفيق

[B.Badis]

أختي ريم : سجلي في المعهد و سجلي للبكالوريا أحرار و حضريلها ....راح تنجحي بإذن الله فيهما الإثنين

[حنان89]

انا معكم في رايكم ......اخت ريم سجلي في المعهد و اعيدي الباك المعدل اللي جبتيه قريب و ان شاء الله رايحا تجيبيه العام الجاي
و بتفوق و علاش لا .....خصوصا انه اصبح لك تجربة عام ........و توكلي على ربي

[ريم الفلا]

و قيلا رايحة غير للمعهد
شكرا على النصيحة

[هاري بوتر]

اتمنى ان تراجعي قرارك ولا تمتنعي عن الباكالوريا
ربي يوفقك

[B.Badis]

و قيلا رايحة غير للمعهد
شكرا على النصيحة
أختي أظن أنه قرار غير صائب ............و الله أعلم

[ريم الفلا]

أختي أظن أنه قرار غير صائب ............و الله أعلم

برأيك اخي باديس وين لقيت انو مش صائب ياك قلتلي سجلي في المعهد و في الباك ؟

[bleujeanbleus]

السلام عيكم اما بعد
انصحك ان تعيدي البكالوريا وان تبداي بالمراجعة من الان حتى تجيبي باك extra اما المعهد فلا :19:

[عذراء الهضاب]

أخي ريم لكي مني نصيحة سجلي في المعهد وفي نفس الوقت سجلي للباك وعملي كل مجهودك طاقتك كلها حطيها في هذوا زوج حوايج وان شاء الله يوفقك ربي وتديهم في زوج

[ريم الفلا]

خلاص قررت باش ندير معهد
وش رايكم ندير سكرتارية او تمريض؟

[loubnamias]

علاه مش اتعاودي الباك؟لوكان تعاودي خير انا عندى صحبتي ماداتش الباك وقرات في المعهد والحمد ل الله العام هذا جابتوا.
انا حسب رايي المتواضع ديري تمريض.

[ريم الفلا]

علاه مش اتعاودي الباك؟لوكان تعاودي خير انا عندى صحبتي ماداتش الباك وقرات في المعهد والحمد ل الله العام هذا جابتوا.
انا حسب رايي المتواضع ديري تمريض.

ايه رايحة نسجل في الباك
وشكرا على راييك لبنى