ارجو المساعدة من كل ام ولي عندها فكرة

[fayza81]

سلام
هذا السؤال وجهت للاخت لينا و نسنى في جوابها وحبيتكم ثاني تعطوني نصيحة و مساعدة من فضلكم

انا بنتي عندها 13 شهر و مازالت ترقد جنبي وليل كامل وهي ترضع من صدري .البيبرو كرهاتو وهي عندها 7 ولا8 شهور ولات تحب تشرب من الكاس و سوسيت وهي صغيرة ياسر ما حبتش تشدها .وانا حابة تتعلم ترقد وحدها في البارك نتاعها وحاولت عدة مرات ولكن تنوض تبكي حتى تحكمها الشهاقة و نفس يروح عليها مالا نجيبها عندي
من فضلك انصحني كيفاه نعمل معاها و نعودها ترقد وحدها في البارك ونقصلها من الرضاعة الليل

[fayza81]

من فضلكم جاوبوني

[أم أولادي*]

جربي تسهريها حتى تتعب وشبعيها مليبح قبل ما ترقد

[khaled00]

السلام عليكم .... مشكلتك على ما أعتقد ...هي أنك تدعيها تنام في النهار ....والرضيع الدي ينام في النهار كتيرا يكون ..نومه في

الليل نوم خفيف ...يريد بالفطرة أمه ....أما بخصوص الرضاعة نفس الشئ .... هي حولين كاملين ...إدا ....

لانتركه ينام طوال النهار ....تم قبل النوم ...يرضع عادي .... تم ينام ...سوف تلاحضين الإختلاف .









صوت لإبنتي فقط ....شكرا لك الأستادة الفاضلة الناشئة ....موضوع رائع ....تقبلونا فقط ..مرور سريع .

[أم عبد الكريم]

انا ايضا ابنتي نفس الشيء تبات ترضع و كي نرقدها في سريرها تبكي

[fayza81]

شكرا الي كل من جاوبني

[ام مهدي 03]

يا اختى لى يرضعو امهم كامل هكذا .بلا ما تعبى روحك تقعد هكذا حتى تفطميها. نصيحة ام 3 اولاد

[fayza81]

شكرا ام مهدي الله يحفظ اولادك ويجعلهم من الصالحين

[طالبة مساعدة]

وحتى انا اعتقد ساقع في نفس المشكل لان ولدي يرقد بجنبي وهو يرضع وكون تنزعله من فمه يدير حالة مشكلة غوصة الا انه 7 شهر الان انا نخاف عليه يرقد وحده وهذا السبب لي خلاني نرقد ولدي عندي

[أم أحمد عبد الصمد]

أنا ابني راهو في عمرو تقريبا 3 سنوات و يبغي يرقد معايا ، الأن راهو مين يرقد نحطو في بلاصتو مع خوه الأصغر منو
الغلطة تاعنا من الأول كنا مين نرضعوه نخلو تحتنا شم ريحة الأم خلاص قبل ما يجي خوه كان يبكي مين نحطو في بلاصتو حتى نعاود نرجعو عندي و حتى لي مبعد لي جا خوه كنت الصغير نحطو في نموسيت خوه و هو يرقد حدايا ، لكن الأن راني نفرشلهم مع بعض يرقدو حدايا صح لكن غير يرقدو نحطهم في بلاصتهم و أحيانا مين يفطن نصيبو حدايا

[أم بدر الدين]

لا تتعبي نفسك اختي لن يغير عادته حتى سن الفطام وحينها يمكنك ابعاده عنك تدريجيا موفقة

[sonia32]

والله حتى انا هده مشكلتي وما عرفت واش ندير انا طفلي قريبا عامين حابة نفطمو لكن خايفة لانه يرقد معايا ربي يعاونا جميعا

[fayza81]

أمين يا اخت sonia32 وكيما قالت أم أحمد عبد الصمد الغلطة تاعنا من الأول كنا مين نرضعوه نخلو تحتنا شم ريحة الأم -وحدة نصحتني في السابق ملي كنت نافسة انو كي تلحق 40 يوم نعلمها ترقد في سريرها و ادا ناضت في الليل نمدلها تزانة وهي في سريرها وهذي الطريقة عملتها مع3 اولادها بصح مادرتش برايها قلت راها صغيرة واليوم ندمت لو كان سمعت كلامها و علمتها la disipline من صغرها

[ريمة89]

والله يااختي عندي نفس المشكل والان راني حامل نظل نخمم
هههههههههه راجلي قتلوا انت نفرشولك فالارض وحنا نحكموا الفوق
من فضلكم ياخبيرات ارجوكم افيدووووووووووونا
شكرا كثيرررررررررررررررا على الموضوع المفيد
للعلم انا وليدي فطمتوا وكيفكيف

[fayza81]

ربي يعطينا الصحة و الصبر

[kahlouche41]

عشيها مليح وحطيها في البارك و حطي بجذاها وسادة و حاجة من ملابسك باه تشم رائحة الام و تطمئن و تستسلم للنوم

[55rahma]

ربي يعين كل ام مرضعة و يأجرها ان شاء اله نفس المسكل مع اولادي في زوج نبات قاعدة معاهم و بعد الفطام باش يبداو يوتلفو يرقدو في فراشهم و نظن انو الاولادي الي ما يرضعوش البيبرون كامل هكا اصبري و خلاص حتى تفطميها تم تولي ترقد و يقل منوضها في الليل

[khliled]

اصبري عليها و كبري قلبك انا ننصحك ابداي بالحاجة افطميها قبل و من بعد ولفيها ترقد في سريرها وحاولي في النهر تحطيها في لبارك تلعب فيه باش توالفو من درك حطيلها العاب ولا قابليها للتلفاز المهم تقعد فيه اطول وقت ممكن اما قضية انك تحطيها فيه تبدا تبكي اتروحي جبيها راكي غالطة خليعا تبكي حتى تشبع لانو ما راه يصرالها حتى شي و بشوي حتى تستسلم و ترقد ربي يكون في عونك

[لينة71]

يا اختي راكي ولفتيها ترقد حداك من بكري امالا حاولي كي تروحي لداركم في 3 ايام تنحي هولها الفطام وترقد في بلاستها في 2 مع بعض وشنو كي تعود راح ترقد في بلاستها حطيلها حاجة من حوايجك تشمها وبشويو شوبة توالف باطن الله ...ربي معاك

[Oum Aness Bba]

يا اختى لى يرضعو امهم كامل هكذا .بلا ما تعبى روحك تقعد هكذا حتى تفطميها. نصيحة ام 3 اولاد


انا مع هذا الراي 100/100