انا اتعذب

[مشكلتي]

السلام عليكم ورحمة الله وبركاته

يا اخاوتي ليوم حبيت نفرغ قلبي ليكم والله واحد مايعرف القصة اللي رح نحكيها واول مرة رح نحكي هنا انا فتاة عمري 21 سنة طالبة محروقات سنة ثالثة ربي عطاني بزااااااااااف امو والحمد لله يارب على النعمة ومن بين النعم لي منها عليا الجمال انا طفلة شابة بزاف والحمدد لله لدرجة فاليوم الواحد يصارحني اكثر من 5 عباد بمشاعرهم وناس خطبوني بزااف وانا واحد ماحبيت نقبل بيه خاطر نحس روحي بزاااااااف صغيرة عموما الجمال هذا انقلب لنقمة لاني وليت نحس روحي بزااف مغرورة ومتكبرة حتى انو فالجامعة لي يصارحني نرفضة باسلوب خشن ومنهدرمع حتى واحد حتى لبنات ندور مع وحدة فقط المهم ولا مرة تخيلت روحي رح يجي نهار لي نحب شخص وفعلا حبيتو وهو معمبالوش بلي نحبووو ونحسو دايما اني نكرهوو بزاااف وهذا من غروري اللي دمرلي حياتي عموما هنا وقعت الكارثة والخطيئة لاني محبيتش نبينلو جبت حسابو على الفيسبوك هدرت معاه على اساس فتاة وحد اخرى وهو مكانش مقيمني بزااف خاطر هو ثقيل وهذا لي يعجبني فيه ولاني صححبيتو قمت بعمل شيطاني والعياذ بالله فلقيت حساب صديقتو اضفتها عندي وخبرتها ان صاحبها خداااع وخايت ودايما يخزر فيا مع العلم ان هو يخزر فيا عموما كذبت عليها كي قلتلها مديريش فيه لامان هو خداااع هي مسكينة امنتني وحبست معاه العلاقة لكن مع مرور الوقت حسيت بذنب قاتل وقلتلها وليلو هو يحبك بزااف وقلتها انا هي سبة فراقكم قالتلي لالا مانوليلوش وديجا كاين شخص راهو يعجبني المهم حذفت الحساب الوهمي على الفيسبوك والان اضفتو لحسابي الحقيقي من اكثر من 4 اشهر على اساس يساعدني ويلقالي خدمة في الشركة لي يخدم فيها هو صدقوني 5 مرات فقط هي عدد المرات لي هدرنا فيهم منذ 4 اشهر وكان الكلام قليل وقصير علما انو هو من ابتدا الكلام ل3 مرات وانا مرتين راني ندمانة بزااااف كي درتها بيناتهم كيفاش ندير باش يسامحني ربي

تعيششششوااااا عاونوني برائكم ربي يخليكم ماعنديش اخت نحكيلها وتنصحني راني معتمدة عليكم
وربي يجعلها فميزان الحسنات انشاء الله

[الجبل الابيض]

أختي الكريمة هذه أخطار الجمال على الانسان و صنع منك انسانة مغرورة تحبين الجميع يلهث وراءك و تتعالين عليهم في نفس الوقت . أما غير المبالي بك فانك تريدين سحبه في شراكك و هذا هو الانسان المغرور. عليك التخلص منه بالتواضع للناس و أعطي صورة جمال روحك و قلبك للناس بالمساعدة و الابتسامة الصادقة مع صديقاتك طبعا.
أما ذلك الشخص فحاولي بطريقة غير مباشرة دون التواصل معه مباشرة لدرء الاسوء بأن يسامحك عن كل شيء دون الافصاح عن ذلك اذا لم تقدري أن تبوحي بالامر.
اعلمي ان هذه التصرفات مشينة و تصوري لو فعل شخص أخر أو صديقتك بك فماذا تفعلين؟؟
و تجنبي الادعاء و لو كان داخيليا بأنك جميلة و يتردد عليك الخطاب لان ذلك يفتح لك أبواب الوسواس و يجرك لما لا يحمد عاقبته. و كثير هن من أغترين بجمالهن و أصبحن مثلا يضرب بهن في سوء الخلق و ذهب الجمال مع أدراج الرياح.

[الفاتحة]

اسمحيلي يا اختي على الكلمة اللي راح نقولهالك ، حكايتك كاملة ماعندها حتى معنى بصراحة حكاية فارغة، توبي واخطيك من هذه التفاهات، أصلا علاقتو بالطفلة حرام وأنت حابة ترجعيهم للحرام فكك من الشئ هذا كله وانساي واش عملتي واهتمي بتحسين اخلاقك ، كيما ربي عطاك جمال الخلق ، اشكريه بالابتعاد عن تفاهات الأمور .

[دروب التابعين]

ابتعدي عن هذا الشخص وانسي امر الفعل الذي فعلتيه وانسي
ومتزيديش تدخلي في مغامرات لا تحسبين لها اي حساب
خليك ملخلاط والهاي بقرايتك
واستناي مكتوبك
ومتعبريش لاي واحدعن مشاعرك
خلي المكتوب هو لي يخيرك وابني مستقبلك بلحلال وبعدي عن الالتواءات

[شرايط عاشور]

أخي أخطيكي من هذا المجال
فهذه المرحلـــة هي مرحلة المراهقة
و حبك للشخص هذا ليس حبا بل مجرد اعجاب و سرعان ما يزول مع مرور الوقت
و هذا من عمل ابليس ليبعدك عن الله و قد يؤدي بك الى ارتكاب الفواحش و العياذ بالله
أنصحك بالتوبة الى الله عز وجل و ترك هذه التفاهات و عليك بقراءة القرآن فهو شفاء للقلوب و افعلـــي هذا لوجـــه الله
و ابشـــــري بفرج قريب من الله
قال الله تعالى‏:‏ ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏[‏الطلاق‏:‏ 2- 3‏]

[naamane3]

استغفري الله ممن ذنبك وتوبي اليه
والاهم من هذا ردي المضالم الى اهلها
اما الغرور فهذا مرض خطير
عالجيه بذكر الله وقرائة القرأن
واعلمي ان نهايته وخيمة
وستندمين يوم لا ينفع الندم

[نارينا]

انسي القصة بما فيها لان الذين افترقا ماهما بخطيبين او زوجين , واعلمي ان الجمال نسبي ولربما اتى يوم ولم يعبر لك الكثير عن اعجابهم لانه لازال هناك من الناس من يعجب بالاخلاق والمعاملة الحسنة لا المظهر الخارجي ,,,

[ibrahimm]

فيلم تركي

علاقة و ما علاقة و زيد حابا ترجعيهم اذا كان مصاحبها علاه ما يروحش يتزوجها ؟

و لا تموتو على الحرام

ربي يخصلنا منكم

[knives66]

روحيلوا وصارحية بواش عملتي وبكل شيئ به ترتاحي

مكانش خير من صراحة أقسم بالله

راح تحسي برحة تام حتي كون سمعتي مالا يرضيك

[مـــاهـــر]

المشكلة اين هي ؟؟
برأيي لاتوجد مشكلة وان حصلت عبارة عن نميمة وقد اعتذرتي
المهم هو الاستغفار والتوبة

[مريم العدراء]

لما قرأت العنوان تخيلت انك في مصيبة كل هذا لانك فرقتي شخصان جمعتهما علاقة محرمة
صحيح يجب عليك ان تشعري بالاسف وتتعذبي ولكن ليس على تفريقهما لان ما جمعها لم يكن اصلا حلال ولكن تعذبي وابكي على حياتك التي ذهبت كلها وانت تراقبين جمالك
اختي العزيزة عذرا على كلامي ولكني اتمنى حقا ان تهتمي بدينك واخلاقك وان تشعري انك لست مجرد سلعة بل انت امرأة مسلمة لابأس ان تهتمي بجمالك ولكن لا تجعلي هذا الجمال يقودك الى الجحيم
فما اروع ان يقول عنك الناس تلك الفتاة ما شاء الله جمال واخلاق
انسي الماضي وافتحي صفحة جديدة وتقربي من الله وحافظي على صلاتك والتزمي بالحجاب الشرعي لاننا يا حبيبتي مهما طولنا وبقينا في هذه الدنيا فمرجوعنا الى الله فهل تقبلين ان تقفي امامه بهذه الاعمال وفي هذه الحالة؟
في الاخير اسأل الله لنا جميعا الهداية
وعذرا على الاطالة ايتها الجميلة

[islam65]

السلام عليكم..

أنا يا اختي و الله راني كنت كيفك
كنت مهبل البنات
كانوا كل البنات يعشقونني
بصح الحمد لله راني تبت
و انصحك اخطيك ما الحوايج هادوا راهم يرهقوا بلا فائدة
اهتمي بالقراية تاعك خير لك

و الله الدنيا هادي معندها حتى معنى

تزودي من التقوى فانك لا تدرى
اذا ما جن ليل هل تعيش الى الفجر

تدكري الموت فهو خير علاج

[zalatan]

ههههههه
درت حاجة وحدة مليحة كى دمرتى العلاقة بيناتهم

[نيفرتيتي.]

حرام في حرام في حرامعلاقته بصديقته حرام وانت فرقتيهم على الحرام
غرورك وتكبرك حرام
علاقتك بيه عبر الفايس بوك حرام
انك تعاودي ترجعيهم حرام
احسن حاجة فيك واشي هي
هي انك فقت وضميرك بدا يصحى كملي على هذا المنوال وادي بالنصائح اللي حطوها الاعضاء
ضرك ترتاحي

[سجل أنا جزائري]

كل يوم يصرحك اكثر من 5 عباد بمشاعرهم !!!!!!

بزاااااااااااااااااااااااااااااااااااااااااااااااف جمااآآآآآل

[abou.fatima]

وا غربتاه نحن في دنيا العجائب والغرائب



http://store1.up-00.com/2014-03/1396290202011.jpg

محاضرة قيمة يتكلم فيها الشيخ الذماري عن قيام الليل رووووعة
حمل من هنا (http://www.4shared.com/mp3/Gviz3mMt/26___-_.html)

[~~ أغيلاس ~~]

السلام عليكم؛

واش من جمال بدون دين ؟

واش من جمال بدون أخلاق ؟

على حساب كلامك راكي ضايعة و مش عارفة هدفك في الحياة،

هذا في الجامعة و راكي هاك !

و راكي حابة تخدمي،

غدوة كي تزيدي تخدمي مع شباب رجال أكثر صرامة و رزانة وش راح تزيدي ديري ؟؟؟؟

ياو التزمي بحجابك الشرعي الفضفاض و دعي أدوات الزينة و اللباس الضيق الحازق اللاصق،

تذكري أن الله يراك و اجتنبي الاختلاط بالرجال أو الزملاء إلا للضرورة فيما يقتضيه العمل أو الدراسة،

متخونيش والدك و خاوتك،

الله يهديك،

عليك بدروس الوعظ و بالرفقة الصالحة الطيبة .

[نيفرتيتي.]

اخواني يجب احترام الاشخاص اللي يطرحو مشكلاتهم هنا
فالدين النصيحة
اللي عنده كلمة مليحة معليش واللي ماعندوش يسكت ومايقيسش الناس
الناس كامل عندهم عيوب على الاقل هي فاقت مع روحها وحبت تعترف شوفوز اللي مازال غارق في اخطائه ومنها الاستهزاء بمشاعر الاخرين ورانا نشوفو فيها