أنصحوني نصيحة ربي يجازيكم كل خير إن شاء الله

[مشكلتي]

السلام عليكم أنا فتاة عمري 23 سنة طالبة و هاد العام إن شاء الله أنكمل قرايتي,أتقدملي شاب من حومتنا يعني هو عرفني عن طريق صديقتي سألني إلا موافقة يتكلم مع دارنا أنا وافقت و أتقدم لدارنا عن طريق ولد خالة ماما و هو يعرف مليح هاد الشاب و أبوه تاني و أشهد أنو ناس ملاح و عائلة محترمة و حتى خالي صاحب أب الشاب و هو قال لدارهم و فرحوا كي عرفوني أنا من عائلة شكون و وافقوه في الأمر لكن كي أتقدم حسيت من دارنا أنهم مش مهتمين بزاف و مخليين كلشي ربي و رحمتوا هي امي قالت لولد خالتها أنو حتى نشاور بابا يعني لكن ما داتش حتى المعلومات الكافية على الشاب و ماحوستش تعرف و سألتني أنا جاوبتها انو موافقة قاتلي نشوفو باباك واش رايو لكن راها في قريب اسبوع ما كان والو حتى باب مازال ما قاتلوش ,أنا مافهمتش التصرف نتاعها هدا واش القصد منو و هي عاتبتني بزاف كي ما قلتلهاش من قبل انو يتقدم صح غلطت و طلبت منها السماح لكن مازال لحد الان ما قاتلي والو و ناس الشاب راهم يستناو في الرد و هي قاتلي بلي نقول لباباك انو جاوني ناس من الحومة ماعلاباليش إلا ملاح و لا لا مع انو ولد خالتها قالها بلي ناس ملاح و ما شاء الله و خايفة باب يرفض على هاد الكلام الي توصلولو هي حرت كيفاش نعمل و حشمت نسقسيها الا قاتلو ولا لا ,عاونوني برايكم في الموضوع و واش العمل من فضلكم و أدعولي معاكم يسيرلي أمري إن شاء الله ربي يجازيكم كل خير شكرا

[الفاتحة]

كأن امك انسانة غريبة عنك، هاذي امك روحي احكي معاها وطولي الحكايات وصارحيها بموافقتك ، وقوليلها تقول لباباك ويا ريت باباك يسقسي عليه دام من حومتكم جمع الله بينكما في الحلال

[نارينا]

عزيزتي بما انك لازلت طالبة فالوالدة لم تتسرع وتتلهف للموضوع,,,,,اصبري ول كان من نصيبك فلاتماطل والدتك ولا اي ظرف سيفرق بينكما,,,المهم صلي الاستخارة وسيتضح كل شيء

[مواطنة]

اختي اما تسقسي امك اذا تكلمت مع باباك و اما تصبري و في كلتا الحالتين
لازمك ترضي والديك قبل كلسي حتى و لو كان الشاب مليح انت ماتقدريش تعرفي اسباب تردد امك لانو كل واحد عندو اسبابو و احيانا اسباب لا يمكنه التكلم فيها لذلك استخيري الله تعالى و ارضي بما سيقدره لك لكن انت عملت الصواب فالذي يريد ان يخطب يتقدم للفتاة دون ان يلف و يدور و تكلم مع واحد من اقاربك من المفروض انو هذا امر مفيد لكن امك يمكن انها تريد كتمان الامر حتى التوصل الى نتيجة معينة
لذلك اصبري عليها و شوفي واش دير و اذا الله كتبهولك زوج فمهما طالت مدة اجابة امك واحد ما ينحيلك مكتوبك

[sissi123]

ناس بكري قالو التقل صنعة و أمك راهي جايبة العقلية نتاع بكري ماتردش عليهم بالخف باش ما يحسبوش راهم مقلقين باش يزوجوك

[عبد الرحيم]

يعني جاؤوا للبيت ورأوك دون علم والدك ؟؟؟؟؟؟؟؟؟؟؟؟

[أبو]

عليك بدعاء الكرب و الاستغفار و المشورة

[samira135]

والناس كي يعودو رايحين يخطبو يهدرو مع الرجال ولا النساء ؟؟؟

الغلطة غلطتهم من المفروض هو ولا باباه يهدر مع باباك

[همس الثريا]

ربي ييسرلك و يجيبلك لي فيه الخير استخيري الله و لا تقلقي اللهم أمين أجمعين

[peaceful spirit]

نوغمال ختي هادي ماماك مافيها والو كي تسقسيها ماراهيش وحدة بعيدة عليك و ربي يسرلك امرك

[sara2014]

.................................................. .......................

[أم سيف الدين]

هذي امك صارحيها و باباك من المفروض اول من يعرف بالامر