عاونوا ختكم

[sara milano]

السلام عليكم أخوتي في الله


أريد منكم وضع جدول زمني لأستغلال العطلة في كل مرة أضع جدول و لا أتقيد به لأنوا مافيش ساعات الراحة و انا أريد أن أجتهد بجد نظرا لضيق الوقت

أملي كبير بكم و أجركم عند الله

[فرح.رياضيات]

يا اختي الوقت يمضي بسرعة
و العطلة تكاد تنقضي
استغلي ساعات الصباح في الحفظ
و المساء قسميه على المواد الاساسية
و كي تقراي اقراي بجدية و ركزي مليح
و كي تنظمي روحك تقدري ترقدي على 11:30
و تنودي على 5:00
انا نقرا هكا
وفقكي الله

[محب الخضر]

ماشاء الله اخت فرح ربي يكملك انا منقدرش نتحمل كل هذا الوقت فالدراسة واكيد السبب ابليس عليه النعلة
المهم ختي ديري وش قاتلك الاخت فرح تصيبي روحك

[الجميلة انا]

اولا لازم تتخلصي من التوتر و الاضطراب

العطلة مازالت ليل بالنهار تقدري باذن الله تعالى تعملي العجب

فقط اولا لازم تاخذي ورقة او اي شيء سجلي عليها المواد و كل درس او عنصر ماكش فهماتو في كل مادة

و ابدي بمعالجته

يعني كان كل يوم تنوضي بكري تخصصي ساعتين للحفظ

ترتاحي نصيف ساعة و تبدي بتمارين المواد العلمية و في المساء للمواد الادبية

و في نهاية العطلة خلي يوم ترتاحي فيه يعني فقط مراجعة خفيفة

لازم تتعبي و الراحة يوم النتائج

[عماد عيسو]

اختي ننصحك متتقيديش بجدول اي شخص كل واحد يقدر يعرف روحو الوقت لي يقدر يقرى فيه ديك االمادة
فقط راعي انو احسن وقت للحفظ هو صباح اما مواد الأساسية فتقدري تقرايهم فالمساء و الفلسفة ننصحك تخليها قبل النوم بساعة
لأنو تعتبر مثل المطالعة و خصوصا اذا كنتي تحبيها مراحش تشعري بنعاس بسرعة ....و اهم نقطة متظغطيش على نفسك من اول يوم لأنو راح تعياي و تحبسي و حتى إذا كملتي تكملي و انتي كارهة و فاقدة لتركيز ...

[batool26]

الاخ عماد عندو الحق الجدوال الزمنية درتها شحال من مرة وكرهت من النهار الاول
واذا حبيتي ذرك نحطلك الجدول لي درت وشوفيه بالاك يعجبك

[romaissa07]

اول حاجة ماتضغطيش على روحك ياسر هكا والله ماتهزي والو في العطلة هذي و يزيد عليك الخوف برك كي تقولي مابقآش في العطلة ياسر
بالعكس نظمي روحك و كل يوم ديري في بالك الموآد لي راح ترآجعيهم و قولي اليوم لازم نكملهم هذو " وشوفي نتِ الوقت لي يسآعدك تحفظي فيه و الوقت لي تقدري ديري فيه مواد علمية " انا لعشيا دايرتها مواد حفظ صباح مواد علمية و في ليل نهز مصطلحات و كاش مآدة من مواد اللغة
و ربي يوفقنآآآآ كآآآمل ان شآآء الله :)

[sara milano]

و الله العظيم شجعتوني بزااف بالاك أنا هادي هي اللي كانت ناقصتني و فرحتوني كتر كي رديتو عليا
أنا المشكل نتاعي أنا وحدي في الدار و ماكانش اللي دعمني و شجعني على القراية (كاين ماما)
المهم راني لقيت خاوتي في هذا المنتدى و ربي يعطي كل واحد منكم واش راه يتمنى

[kamel mosta]

اولا السلام عليكم ورحمة الله وبركاته
ثانيا اقول لكم اخوتي لا تجعلوا ضيق الوقت سبب مطلق لكن تذكروا من طلب العلى سهر الليالي
و ثالثا لا تضيعوا وقتكم في تصفح المنتديات اجعلوا لكم مرجع واحد للمواد الاساسية
و المواد الاخرى انت وشطارتك لان هذا العام فهم اكثر من تحفظ
واذا اردتم اذا كنتم مدمنين على الفايسبوك او السكيييب نتمنى تقولوا لي برك
راني دائما متصل اسمي في السكيبييب mosta.2740
والفايسبوك kamel ben chehida
و في الاخير اتمنى لكم النجاح والتوفيق

[عماد عيسو]

موقة أختي ان شاء الله تتداركي واش فاتك
و رانا هنا إذا احتجتي لأي مساعدة:19: