مرارة الزيتون كيفاش نتخلص منها

[فـرح]

سلام بنات
قولولي كيفاش ندير باه نتخلص من المرارة تاع الزيتون
انا نغليه 3 مرات ويبقى مر ومالح
عاونوني

[أم تسنيم 2017]

سلام عليكم اختي انا نغليه مرة واحدة وندير مغرف صغيرة سكر بصح نغليه مدة شوي يغلي

[almazalina22]

السلام عليكم
اختي حطيه في الماء بلا ما تغليه وكرري العملية عدة مرات او بيتيه في الماء وعاوديلو الصباح كل مرة ارمي وعاودي ماء جديد وطبعا اشري نوعية جيدة ما يكونش مذبال ومعجوز هههههههه وانشاء الله يجيك لذيذ

[lahna moka]

أختي أنا ما نغليهش باش ما يفقدش فوائده , نحطو في ماء عادي و ندير الاناء في الثلاجة ليلة كاملة و الصباح نحيه من الثلاجة و نصفيه و نلقاه رووووعة

[ندى الأمل 2]

يا أختي أنا معنديش كامل مشكلة مرارة الزيتون. رايحة تعطيك طريقة جربيها ورجعيلي الخبر
رفدي الزيتون غسليه مليح بالماء البارد 2 أو 3 مرات. عاود ضعيه في قدر و زيدي فوقه الماء و خليه يغلي حوالي ربع ساعة. وعاود صفيه و غسليه بالماء البارد. عاود ضعي الماء البارد في القدر و حطي الزيتون وهدا المرة زيديلو شوية فرينة (2 أو 3معالق كبار) و شوية خل ( حوالي 1/2 فنجان) و خليه يغلي حوالي ريع ساعة أو 20د على نار هادئة حتى ما يفيضش. و عاود نحيه و صفيه و غسليه بالماء البارد. و كرري العملية للمرة التالتة. ووداعا للمرارة .جربيه و رجعيلي الخبر

[fofol]

السلام عليكم أنا أندر زيتون في كسرنا دريل الخال لم اطيب شليه ترهل لمررية

[oum hiba2012]

انا كي نعول نطيب الزيتون نبيتو ليلة كاملة في الماء وغدوة نصفيه ونغسلو نلقا المرارة كاااامل راحت ونطيبو على طول جربيها راهي مضمونة

[فـرح]

شكرا ليكم البنات
ان شاء الله نرجب واش قلتولي وندعيلكم

[ربيعة الورود]

اسهل طريقة غليه مليح مرة وحدة مع مغرف كبيرة نتاع سكر مجربة انا ديما نديرها ومبعد صفيه مليح وديره في مرق.

[الحركاتية]

أما أنا فنغليه ثلاث مرات مرتين في ماء وحدو و كل مرة نصفي ونعاود والمرة الثالثة نحط مع الماء مغرف ماكلة سكر ومغرف خل يروح الملح والمرارة
وأمامك عدة طرق جربي كل مرة واحدة وشوفي

[أم عبير]

احسن طريقة هي ان تخلي الزيتون يبات في الماء ليلة كاملة و في الغد تلقايه جاهز للطبخ و بهذا لا يفقد فوائده احسن من ان يغلى

[moh140]

http://www6.0zz0.com/2013/11/22/15/589909146.gif

[فانيسا]

انا نبيتو فالماء ومغرف سكر والى كنت رايحة نديرو في نفس اليوم نغليه مرة الاولى نديرلو شوية خل والمرة التانية مغرف كبيرة سكر

[omo marwane]

السلام عليكم نصيحتي إليك أختي ما تغلي الزيتون ما والو اغسليه بالماء البارد ثم صفيه و عوادي دريلو الماء و قطعة خبز أكيد ديرها في قماش باش متتفتتش في الماء و خليه يبات ليلة كاملة

[بوبازين]

الجيجلية تقولك احنا في جيجل نبيتو في الما وصباح تلقاي تنحث المرورة وغليه غلية وحدة ومعلومة لما طيبيه وتقربي تطفئ زيديلو شوية موطارد هدي طريقة الزيتون الجيجلي في الاعراس

[لميس العلمية]

انا نبيتو ليلة في الماء وفي الغد نلقاه واجد وإذا كنت رايحة نستعملو في نفس اليوم نغسلو بالماء حوالي 5 مرات ـ المرارة تروح وهو ما يفقدش البنة تاعو

[haytoo82]

لنزع مرارة الزيتون انقعيه بماء بارد وسكر ملعقة من الصباح اوطريقة تانية ضعيه في المجمد الفريزر ولما تريدين تطبخيه ضعيه في الماه هذاك الثلج راح ياخذ معاه الملح عن تجربة
طبخ الزيتون يغير لونه يصبح داكن ويطلق المرارة وطعم زيت الزيتون في المرق
نصيحة الزيتون لا ترميه في المرق من البدايه خليه لل5دقائق الاخيرة برك

[بقلاوة]

شكرا لكل من اجابت و الله استفدت كثيرا

[فـرح]

شكرا لكن جميعا حبيباتي والله افدتوني جدا

[NIHELL]

أختي أنا نديرو في كسرونة فيها ماء و مغرف تع فرينة مدة 5 ساعات تقريبا و بعدها نشلو بالماء البارد و نطيبو مع الزرودية و الجاج الكل مع بعض يجي هايل و المرقة تاعو بنينة.....

[ياسمين1990]

بعد كل هذه المشاركات من طرف الاخوات بارك الله فيهم
نزيدلك معلومة وهي عندما تغليه ومن الاحسن مرة واحدة ضيفي معاه حبة ليمون مقطعة على اربع
باه ميتغيرش لونه الى السواد ويحافظ على لونه الطبيعي الاخضر وايضا تقدري ضيفي حبة بطاطا مقطعة على اثنان تمتص المرورة وشكرا

[ام وعود]

نعم كيما قالولك الاخوات الفضليات الطريقة المضمومة هي انك تبيتيه فلماء ماذا بيك يكون الماء بزاف والوعاء كبير هكذا باش الملح ميعودش يدخل فيه كي ديري الماء شوية غير كيفكيف

[fati alg]

مرحبا يا اخواتي
نمدلكم طريقة ساهلة و ناجحة انا دايما نديرها
نحط الزيتون في الماء و نضيفلو شوية سكر + قطعة ليمون و نغليه مرة وحدة حوالي 15 الى 20 دقيقة

[samado100]

اختي غليه مع الخبز اليابس (حطي اطراف خبز تكون يابسة في القدر الي تغلي فيه )2 خطرات من بعد صفيه وغسلسه

[nizar09]

بارك الله فيك

[fatitam]

كي تبغي طيبيه ديريه قبل في مغرف فرينة و خليه مدة ساعة و صفيه .

[ام الاحباب]

السلام عليكم انا صديقتكم الجديدة في العضوية لكن صديقة وراء الكواليس من زمان ....هذا وين اقدرت انسجل في هذا المنتدى الرائع ........................
يا اختي انا مانغليش الزيتون خلاص لانه يفقد القيمة والبنة انتاعو كي نشري نحوس على الزيتون المائل للاصفرار وليس الاخضر القاتم لانه نظن ماشي طايب اومخدوم مليح ....المهم هذاك النوع اللي قتلك عليه نديرلو نصف حبة بطاطا وماء ليلة واحدة وارواحي الا لقيتي فيه الملح او المرورية.....................سلام

[فايزة1207]

استفدت كثيرا منكن جزاكن الله خير

[ome tesnim]

شليه مليح قبل ماتغليه و غليه 3 مرات كل مرة 15 د الغلية الاخيرة اي الثالثة في كيلو زيتون ديري مغرف كبيرة سكر و القليل من عصير
الليمون هكذا نتعامل معاه انا

[loulou-41]

يعطيك الصحه:19:

[oum zayd]

:dj_17:
ana okhti ndir el khobz yabass fel ma ou naghessal el zitoun mlih ou ndiro fel khobz ou nkhalih ybat hadhi madhemouna 100 pour100

[مدام عفاف]

بيتيه في الماء باااااااااارد والصباح تلقايه مافيه ملح مافيه مراارة

[sara mess]

ya okhti
7na nbaytooh lila mn 9bal fi lma w fih ya lfarina ya khobz yabes
hado ymosso lmel7 bla ma yenez3o lfayda ta3 zitoon
balaki tghalih hakda yef9ad lfayda ta3o ok
o contrér ki tbaytih fel farine wala khobz yabes

[mouslim45]

بارك الله فيكن