فاتحة ختي reportée

[om kamilia]

عاونوني ياخاوتي الله يجازيكم خير ما نعرفش كيفاش ندير , مناسبة فاتحة ختي انا نطيب ل 50 شخص ندير الطعام و الشربة منعرفش المقادير لهذه الكمية , وكفاش نوجد est ce que خير نهيي كلش في الليل و صباح نبدا ف طياب مباشرة باش يوجدعلى 11.30 ---12 ولا

نطلب منكن وصفة مليحة للشربة فريك و الطعام قولو لي رانى نسنى نصائحكن يا حبباتي و لي موالفة بالعراس و ا المناسبات

[sirina_angel]

مبروك عليكم

[شهرزاد3]

بالربح عليكم
بالنسبة للطعام تقدري دوزني اللحم في اليل و صبح ترميه فوق النار بعني ديري اللحم البصل طماطم حب و الزيت وشوية سمن الفلفل الاسود القرفة عود مشي مرحية الملح خلطي مليح وخليهم للصباح وطيبي حت يطيب اللحم نحيه وزيدي الكورجات وخليها طيب في غرظها و عاودي الطعام مرتيت والثالثة كي تعودي راح تسربي فوري ودهني
واللحم دريه في الخيط يعني على شكل سنسلة باش كي يطيب تجبديه بسهولة كي تعودي راح تقدميه فوريه شوية باش يسخن وجي بنين ولفي كل وطرف في ورق المنيوم باش يقعد سخون وما يكحالش وفي التقديم جي منظرو زوين
اما الشربة كيف كيف دوزني فليل ....اللحم البصل طماطم حب ومصبرة توابك و راس الحارالزيت السمن حميصة كسبر حب و اخضر نعناع اخظر و ورقة كرافسمشي مقطعة و 2سنات ثوم اذا شربة فريك وذا فيرمسل مادريش ..حنا كي يكون اللحم بزاف الطماطم حب بزاف منديروش الخضرة باش جي بنينة.......وصبح طيبها بعد ماجمريها مليح على نار خفيفة كيطب دري الشرية فريك كطيب ذرذري عليها شوية حشاوش و غطيها
ولازم الطعام و اللحم والشربة يتقدمو سخونين ونشاءالله مانسيت والو
واي استفسار راني هنا

[عطرالذهب]

اختي هذا الرد كتبتهولك في كوزينة واش طيبتي اليوم وراني كوبيتهولك هنايا نتمنى تستفادي منو
اختي ربي يسهل على اختك بالنسبة لشربة لفريك راهي دائمة الحمد عاملة شربة هاايلة كي تدخل تقوللك الكمية اللي دارتها لقداش من عبد وانت ضاعفي الكمية للطعام نحنا نطيبو اللحم عراسي يعني نغسلوا اللحم ونخلوه يقطر ديري قيس غميقة نتاع شوربة بصل مرحي و3 مغارف معمرين ثوم مرحي واذا اللحم سمين ديري غير لوش زيت واذا لا ديري حتى 3 لوش زيت زيدي 2 ملاعق راس الحانوت ونص ملعقة فلفل اسود واذا المرق احمر ديريلو رطل طماطم مصبرة ومغرفتين هريسة ومغرفة معمرة ملح خلطيهم مليح في قصعة ومرري فيه قطع اللحم بالقطعة حتى يتشرب كامل التوابل والبنة هاذ العملية ديريها ليلة من قبل واذا ضيافكم راح يتغدو بيه نوضي قبل الفجر حطي الماء يسخن في القازان -البرمة لكبيرة - تقريبا ربعها ماء اول مايغلي الماء ارمي اللحم بالمورصو وغطيه وخليه يطيب نص طياب يعني حوالي الساعة على نار متوسطة من بعد انزعي اللحم من لاصوص وحطي كل مورصو في ورق المنيوم وخليه يفور قد ماتحبي ماتخافيش عليه قد ما يطيب خير وهاذيك لاصوص فوري عليها الكسكس الكيلو يطيحلك 3 صحون بالفاضل كل صحن يكفي 5 يعني ديري 4 كيلو فوريه وسمغيه بالدهان ولاصوص في اخر الطياب قبل ماتطفي عليها ب5 دقايق لوحي فيها قروون فلفل حاار يطلق البنة طيبي كيلو حمص في ماؤ وملح نحيلو ماؤه وزيديلو شوي ايدام تلقيه يطفو فوق لاصوص باش يجي بنين واذا تديري الزبيب زيدي اغسلي رطل زبيب وفوريه وزيديه للحمص وكي تسربيه حطي الكسكس فوقه الحمص والزبيب ولاصوص وحدها واللحم كل مجمع حطيلو صحن فيه 5 مارص في صحن وحدهم هيا بون كوراج وازدمي باش يتنحالك الخوف رانا كامل مررنا من هذه الطريق (http://www.djelfa.info/vb/اختي ربي يسهل على اختك بالنسبة لشربة لفريك راهي دائمة الحمد عاملة شربة هاايلة كي تدخل تقوللك الكمية اللي دارتها لقداش من عبد وانت ضاعفي الكمية للطعام نحنا نطيبو اللحم عراسي يعني نغسلوا اللحم ونخلوه يقطر ديري قيس غميقة نتاع شوربة بصل مرحي و3 مغارف معمرين ثوم مرحي واذا اللحم سمين ديري غير لوش زيت واذا لا ديري حتى 3 لوش زيت زيدي 2 ملاعق راس الحانوت ونص ملعقة فلفل اسود واذا المرق احمر ديريلو رطل طماطم مصبرة ومغرفتين هريسة ومغرفة معمرة ملح خلطيهم مليح في قصعة ومرري فيه قطع اللحم بالقطعة حتى يتشرب كامل التوابل والبنة هاذ العملية ديريها ليلة من قبل واذا ضيافكم راح يتغدو بيه نوضي قبل الفجر حطي الماء يسخن في القازان -البرمة لكبيرة - تقريبا ربعها ماء اول مايغلي الماء ارمي اللحم بالمورصو وغطيه وخليه يطيب نص طياب يعني حوالي الساعة على نار متوسطة من بعد انزعي اللحم من لاصوص وحطي كل مورصو في ورق المنيوم وخليه يفور قد ماتحبي ماتخافيش عليه قد ما يطيب خير وهاذيك لاصوص فوري عليها الكسكس الكيلو يطيحلك 3 صحون بالفاضل كل صحن يكفي 5 يعني ديري 4 كيلو فوريه وسمغيه بالدهان ولاصوص في اخر الطياب قبل ماتطفي عليها ب5 دقايق لوحي فيها قروون فلفل حاار يطلق البنة طيبي كيلو حمص في ماؤ وملح نحيلو ماؤه وزيديلو شوي ايدام تلقيه يطفو فوق لاصوص باش يجي بنين واذا تديري الزبيب زيدي اغسلي رطل زبيب وفوريه وزيديه للحمص وكي تسربيه حطي الكسكس فوقه الحمص والزبيب ولاصوص وحدها واللحم كل مجمع حطيلو صحن فيه 5 مارص في صحن وحدهم هيا بون كوراج وازدمي باش يتنحالك الخوف رانا كامل مررنا من هذه الطريق)

[ام شرفو]

http://www.djelfa.info/vb/showthread.php?t=1595256

[زنوبيا86]

حبيبتي في طياب الكسكس اول حاجة سخني الماء حتي درجة الغليان واسكبيه علي الطعام باش يجي لين وبنين هاك نطيب في الاعراس