تكيس المبايض

[بشرى ثواب]

السلام عليكم

الرجاء من الاخوة الذين يعرفون طبيب او طبيبة مختصة في علاج هذه الحالة و يكون علاجه ناجح يدلنا عليه شرط ان يكون بالجزائر العاصمة و اجره على الله

[it's me]

ربي يشفيك
ماتخافيش يروحو بالدوا تشربي dufaston مدة ثلاثة اشهر برك
واذا عادو مايذوبوش لازم عملية ..

[haytoo82]

يا اختي راه كاين طبيب هايل اختصاصي امراض النساء في الجزائر اسمه البروفيسور السعيد كبوية كامل يشكرو فيه روحي لعندو وربي يجيبلك الشفاء اذا حبيتي العنوان نبعتلك انا من الجلفة نروحلو مدة5ساعات قاوقت الذهاب فقط لكن نشقى عل جالو لانه روعةةة وربي الشافي

[أم أماني أريج]

شوفي حبيبتي كامل الأطباء يقولوا سبب تكيس المبايض هو اختلال الهرمونات الجنسية في الجسم
يعني نسبة هرمون lh تكون أعلى من نسبة هرمون fsh و يصاحب الحالة إرتفاع في نسبة هرمون الاستراديول.
و العلاج لمثل هذه الحالة هو الريجيم حتى و إن كان وزنك غير زائد لأن المبيض في هذه الحالة يكون مغلف بطبقة من الشحوم
وفي العموم تكيس المبايض يصيب أكثر البدينات أو اللواتي تتمركز لديهن الشحوم في منطقة البطن و يؤدي التكيس إلى ضعف التبويض والبويضة التي تنزل كل شهر تكون غير قابلة للإخصاب لأن حجمها يكون أقل من اللازم .

وبما أنك في العاصمة روحي لكلينيك فريال في باب الزوار هو مركز خاص بالتلقيح الاصطناعي و الحقن المجهري وعندهم أطباء ممتازين من بينهم طبيبة .

[ريم23]

سلام نشاء الله ربي يشفيك انا تاني نعاني من التكيس ورحت شهر لي فات لكلينيك فريال ننصحك بيها هايلة قاتلي من الوزن الزايد و معطتليش عليهم والوا عطاتلي ابرة اوفيترال وكي رجعت ليها لقتني حامل الحمد لله ربي ثبتلي حملي نشاء الله روحيلهم راي في باب الزوار مقابلة cub1 في ترامواي تحبسي لثم تلقيها اونفاس

[بشرى ثواب]

بارك الله فيكن جميعا.الله هو الشافي .لاخت ريم اذا ممكن اسم الطبيبة لي عاوناتك