الاخوة صالح القسنطيني و امين ايكو جزاكم الله

[aminedu14]

عندي اخي مريض مرض نفسي يعاني من الاكتئاب الشديييد و الخوف الشديد و لا يتحمل ان ييقى مع مجموعة من الناس ونوبات الهلع و حيث يحس نفسه كانه في حلم و و و .......ذهب في سبتمبر الماضي الى الثكنةو اخذ معه ملفه الطبي (الاستدعاء الثالث) و بقي في الثكنة من الصباح حتى المساء و خرج حيث قدمو له تأجيل 6 اشهر اذن لازم عليه يرجع في مارس الحالي الى نفس الثكنة, المشكلة هي أنه في حالة عصيبة من المرض تمنعه من الذهاب , هل من حل اخر؟ , هل يستطيع طبيب الثكنة ان يتصل بطبيب bureau de recrutement تع ولايتنا.؟

[aminedu14]

هل من مجيب,..؟؟؟ العائلة كاملة راهم حايرين عليه

[منير265]

الله يشفيييه يااارب

جربو تروحو معااه ان أمكن !!!

[aminedu14]

اضن انه مستحيل ان يذهب, الا يوجد حل اخر اخي منير؟

[منير265]

و الله ماعرفت ... بحكم معرفتي للمرض بعض الشيء و أنه حقا ما يقدرش يدخل بالاخص للثكنة و لكنه مجبرررر على ذلك
المهم نصيحة كثرلو الوثااائق الخاصة بملفه و عند الباب فهم الجندي البواب ... لأنه حقا مش تكذب من مصلحته الصحية و النفسية و بحكم مرضه من المستحيييل يقدر يدخل و يلزم يديرولك حل ... ابقالو عند الباب و قل له يلزم ديرولي حل .... هذا واش نقدر نساعدك ...
و ما تخافش يدخلوه أو أي أمر لأنه خطر عليهم و حتى هم يخافو على رواحم كاش ما يصرالو و تكتب فيهم .... راك فاهمني ... فقط جيب أخوك المريض اتركه بعييد في السيارة مثلا و انت احكي عليه ... باش يكون كدليل و اثبات بلي صح مريض
ممكن يهديهم ربي يجيبولك طبيب نفسي الخاص بالثكنة و هو يقرر هناك و ان شاء الله ما يكون الا لي فيها خير

[aminedu14]

بارك الله فيك الاخ منير , سنحاول معه ؟ بصح قالي واحد يخدم في العسكر يقدر يروح واحد في بلاصتو و ياخذ معه الملف و الاستدعاء و يفهمهم, و يتصل طبيب الثكنة بطبيب bureau de recrutement تع الولاية و يعطوه اعفاء أو تأجيل. هل ممكن؟؟؟؟

[منير265]

شوف في لارمي الصرامة بزاااف و خوفهم كيما قتلك ...قلهم اذا كاش ما صرالو على رقبتكم و احكي قانووون ... ما يخلعوك ما والو طير فيهم عادي باش جيب حقك
و من أجل الثقة جيب خوووك و حطو بعيييد و يلزم يخرجولك الطبيب النفسي باش يتأكدووو و راح يكون حالة خاصة و يديرولو حل ثم عند الباب و ان شاء الله الاعفاااء مالباب و تديه يداوي و يبرى باذن الله ياااارب

[amine eco]

بالامكانكم نقله الى ثكنة و اكيد اذا كان مريض و فيحالة مزرية على اقل 4 ايام يطلقوه

او ينتظر يصبح عاص ويعرض ملفه على محكمة العسرية وفي كلتا الحالتين حظور المعني ضروري

[منير265]

يا أمين بهذا المرض من المستحيلات يقدر يدخل ؟؟
هذا راه يخاف حتى من خيالووو ... صدقني ما يقدرش يدخل

[amine eco]

يا اخ منير ارك تعرف عسكر كي دايرين

ممكن اذا كان عندو معرفة حولي ايصال ملفه الى ثكنة هذا ك شيئ اخر

[aminedu14]

عندما يشتد عليه المرض أحيانا, لا يستطيع حتى الخروج من غرفته

[amine eco]

ربي يشفيه انشاء الله ....الله يجعل خير برك في هذي بلاد

[منير265]

ننصحك خليه عاص و اجرو عليه حتى يبرى بمشيئة الرحمن... ان شاء الله ما يحكموهش برك ... و ثم يرحمها ربي ... أو يصل 30 سنة و يجي كاش اعفاااء ما دام راه مريض
المهم في حالة ما اذا صار عاص ينقص التنقل بالسيارة و البراجات بصفة عامة و ما يروحش للدرك الوطني أو الأمن الوطني و ما يروحش للفنادق و المطار .....

[صالح القسنطيني]

شوف في لارمي الصرامة بزاااف و خوفهم كيما قتلك ...قلهم اذا كاش ما صرالو على رقبتكم و احكي قانووون ... ما يخلعوك ما والو طير فيهم عادي باش جيب حقك
و من أجل الثقة جيب خوووك و حطو بعيييد و يلزم يخرجولك الطبيب النفسي باش يتأكدووو و راح يكون حالة خاصة و يديرولو حل ثم عند الباب و ان شاء الله الاعفاااء مالباب و تديه يداوي و يبرى باذن الله ياااارب

في 2011 كانت دفعتي و قد انتحر احد ضباط الصف الاحتياطين خنقا و كان يعاني من مرض نفسي و له ملف طبي و لكن طبيب بجاية بحكم النقص تماطل و وقعت الكارثة

و اخرج الشخص ميتا و كانه لم يحدث شيئا و الطبيب لم يغير و لا يزال هو الطبيب حتى اليوم بل حتى قائد الكتيبة لم يغير و كانه لم يحدث اي شيء

الصرامة التي تتحدث عنها في الحفاظ على امن الجيش و أما المواطن البسيط فقد يهضم حقه .....

[صالح القسنطيني]

و عليكم السلام

اولا اسال الله الشفاء لاخيه و عامة المسمليمن و بعد:

اذا كان اخوك مريضا كما وصفته و مرضه قد يكون خطيرا على حياته فلا انصحه بالذهاب للمدرسة مطلقا بل ينتظر العصيان و يتوجه للمحكمة ....و المحكمة يمكنكم الدخول معه بخلاف المدرسة ...محال الدخول معه.....