المساعد الشخصي الرقمي

مشاهدة النسخة كاملة : راني محتاجاتكم ... تعيشو أدخلوا

زوجة الغول
2014-03-19, 23:23
السلام عليكم
يا بنات الأسبوع القادم الفاتحة تاع أختي
وانا لي زعما ندير ف لي قاطو
عجبني تاع جلد النمر في الشكل

http://im34.gulfup.com/irrnS.jpg

وحبيت نديرو بصح ما حبيتش نديرو معسل وما حبيتش نديرو بلا بات داموند
حبيت ندير لابات سابلي والحشو نتوما لي تدبرو عليا
تعيشو ما تحقرونيش وأعطيوني حشو يكون خفيف يعني مش يابس
وربي يفتح عليكم
om kamilia
2014-03-19, 23:39
nchallah ila lkit kach recette ngoulha lek
زوجة الغول
2014-03-19, 23:46
nchallah ila lkit kach recette ngoulha lek
شكرا يا ختي يعطيك الصحة
Lytétia Kammo
2014-03-20, 01:01
سلام حبيبتي تقدري استعملي قداش من حشوة مثلا ارحي مكسرات محمصة طبعا ديري معاها شوية حلوى الترك و لمي بالمعجون اعملي كريات صغيرة و احشي بيها أيضاً تقدري ديري فواكه جافة مشمش عين بقرة و زبيب ذويهم ساعة فاكثر في ماء ورد ال ماء الزهر حتى يطراو شوي و اعصريهم مليح و قطعيهم شوي شوي و ديريلهم جلجلان محمصة و حطي مغرفة صغيرة في وسط الحبة وتعلقي تحبي ديري كاوكاو محمص و مرحي مع شوي شامية و زبيب و بنيهم بالمعجون أختي انت و مقدورك و لك الاختيار نتمنى نكون أفدتك ادعيلي ربي يفتح و تفرج عليا انشاء الله و بالتوفيق حبيبتي
امازيغية وفتخر
2014-03-20, 05:37
احسن حشوة بنينة وخفيفة
تحضري مسكوتشو عادية ارحيها واعجنيها بشوي اي قطرات من ماء الورد واحشي بيها
راهي خفيفة وبنينة
وتقدري تعجنيها بشوي معجون لكن هنا لازم تحكمي اغلاق حبة القاطو جيدا ب
وتقدري تضيفي للمسكوته حلوة الترك
وتجي بنينة بزاف لو تحضري المسكوته بالكاكاو باش تكون بطعم الشكولا
ودائما نصيحتي جربي حبات وشوفي اذا عجباتك الفكرة واصلي
و ربي ايكملك ويهنيك
لما تجربيها خبريني بالنتيجة
زينايدة
2014-03-20, 09:23
انا عندي حشوة هااااااااااااايلة استعملي نستلي كراميليزي مع شويا مكسرات واش عندك كاوكاو لوز جوز واش حبيتي المهم واحد ال100غ هكذاك خلطيها مع النيستلي واحشي كل حبة بمقدار مغرفة نتاع قهوة الطعم نتاعها راهو هااااااااااااااااااااايل جربيها مش رايحة تندمي اغلقس برك الحبات مليح باه متسيحلكش الحشوة
الحشوات اللي عطاولك البنات تاني هايلين انا شخصيا رايحة نجربهم شكرا للافادة