انا عيييت صح ،، وقريب نهبل

[غنوة الحياة]

السلام عليكم ،، ان اليوم رايحة نحكيلك مشكلتي وحشامة ،، بصح والله عيت وهبلت صح مالقيت ماندير
راني نكتبلكم ودموعي مش قادرة نتحكم فيها
نتمنى منكم تساعدوني .. انا مشكلتي خويا وزوجته لي تزوجو على قصة حب طويلة ،، ودرك عندهم بنت ماشاء عليها
ومع وقت اكتشفت انه تخون في خويا عبر الهاتف وانها تحكي مع رجال .. طول ماهو خدام وخويا يرجع غير مع المغرب
وهيا قاعدة في بيتها وتحكي بموبايل ،،، ومع وقت زادت ولات تهدر حتى في ليل ،،، وخويا ماعلابالوش و تاني يحبها بزااف
ومايصدق عليها ولا شيء ،، لوكان نقول مش رايح يصدق .. ولا اذا صدق صحيح تصرا فيه حاجة يا يهبل يا دير شيء
وانا مش عارفة والله هبلت وكرهت ،،، راني حكيتلكم باختصار قولو يرحم والديكم وش ندير .... ؟

[مواطنة جزائرية]

صارحي أخاك بالحقيقة و اتركيه يقرر فليس من حقك أن تخفي الأمر عنه فالساكت عن الحق شيطان أخرس

"من رأمنكرا فليغيره بيده فإن لم يستطع فبلسانه فإن لم يستطع فبقلبه و هو أضعف الإيمان"


ربي يهدينا

[أم الولدين]

لا حول ولا قوة الا بالله
انت اولااا زيدي تاكدي اختي الامر عن جد ليس بالهين
ومن بعد استشري مش عارفة مكن اهل الدين مختصين اكثر و يقولولك واش تعملي وتوكلي على الله
ربي يجيب الخير

[أم أماني أريج]

الوضع صعب يا أختي
أولا أنصحك بالتاكد من الأمر
يعني هل سمعتي فعلا زوجة أخاك تتكلم مع رجال أجانب أم لاحظت فقط أنها تكثر الكلام في الهاتف لأن بعض الظن إثم
ثانيا إذا تأكدتي من الموضوع فتكلمي أولا مع زوجة أخيك بالتي هي أحسن و انصحيها بالتوقف فورا عن أفعالها و التوبة إلى الله وإذا لم تستجب فأخبري حينها أخاك بطريقة مناسبة أو اجعليه يكتشف الأمر بنفسه واحسني التخطيط لذلك.

[samira135]

لاااااازم تتأكدي ممكن تكون تحكي مع عائلتها واذا تأكدتي انها تخون في خوك "الله لاتربحها" اهدري معاها في التليفون بالماسكي على اساس انك خطيبة واحد من لي راها تحكي معاهم و قوليليها اني رايحة نقول لزوجك ممكن تخاف وتبطل ربي يهديييييييييها

نخاف تهدري مع خوك ما يصدقكش ولا يصرا مشكل كبير وتحصلي و اذا هدرتي مع زوجة خوك ممكن تقلب الامور ضدك لي تخون زوجها توقعي منها كل شيئ

[غنوة الحياة]

والله تأكدت حتى انه شفت موبايلها وكان يسوني ورديت لقيته راجل غريب وتاني حكيت معاها وبدون فائدة ،، لانه خويا يصدقها غير هيا برك

[سجل أنا جزائري]

بصراحة حرت كيفاش تخمم هذي الزوجة

يعني رغم أنك علابالها وش راهي دير و ما خافتش تقولي لخوك

و انا في رأيي اذا عندك شوي شك مكالاه تقوليلو و خليه هو يكتشف وحدو اذا كاينة منها صح

لأنو راجل مهما كان يقدر يكتشف خاينة زوجتو و خاصة اذا كانت بالصفة اللي حكيتي عليها

فقط قادر يلقي نظرة للهاتف تعها يعرف

[فارس وجواد]

اياك أختي بأن تخبري أخاك فتدخلين في قول " ..... ما يفرقون به بين المرء و زوجه " .
تعجبت من ما قال أخبري زوجها .
فيا أخي أو أختي و هل تعلم ماذا يكون رد فعله لو سمع بالخبر .
فلو قتلها لا قدر الله من يكون السبب .
أولا أختي تحري جيدا في الموضوع و ان كان صحيحا كما قلت فحاولي نصحها في الستر بينك و بينها فقط .
و ان تطلب الامر هدديها بشخص يكون له كلمة عليها أو تخاف منه من غير الزوج و حبذا في الستر .

[محمد جديدي التبسي]

مادام حكيت معاها وخوك ما يصدقكش لازم تهدديها إنك تخبريه إذا ما تابتش
وعيها وقوليلها راكي غالطة واذا فاق خويا راك تكوني مطلقة
ربي يهديها ويصلح حالكم

[Napia]

ياختي لكان هدرتي واش ادير لازم يكون عندك حجه وبرهان يدعم قولك مع خوك وإلا لازم هو يشوف بعينوا ويسمع بودنيه الزوج باه يصدق وإلا رحتي هدرتيلوا أكيد ماش راح يصدقك وتضهري أنتي اللي ماكيش مليحة و حابة تفسدي وووووو
خليها ف نيتها
ماتخافيش راهو يجي يوم يفضحها ربي

[Napia]

ولا نقولك كي تشوفيها تهدر و خاصة فليل روحي لخوك و خليه هو يشهد عليها

[نارينا]

اختي بما انك متاكدة من الخيانة وحدثتها ولم تستجب لك ,,,,,انتظري وادعي الله لعل الايام القادمة تجعل اخاك يتفطنن والله لن يتستر على خيانتها للابد وسوف ياتي اليوم الذي تدفع فيه الثمن بما انها لم تتستر على حالها اولا

[blueflames]

علاه ماتاخذيش الهاتف تاعها وتخبيه عندك نهار او يومين وتخبيه وتخلي الرجال لي تعرفهم كااامل يعيطو بلا ماتهزي عليهم باه الاتصالات كامل يتسجلو هكذا يكون عندك الدليل لي تواجهي بيه خوك ،ربي ينتقم منها حرام عليها

[راية الاسلام1]

السلاام عليكم ورحمة الله وبركاااته
وهدا خووك راااقد على ودنييه؟؟؟؟
أختي أنا من رأيي تجبدي رووحك واللا تخبري الوالدة تاعك
لانك ادا دخلتي بيناتهم رح تكوني نتي الخاسرة
خااصة انك كيما قلتي خوك يحبها محاال يصدقك
وهي ليست من النوع السهل قد تنفي الموضوع وزيد راهي مش خااايفة خلاااص
ربي يجيب اللي فيه الخير

[أم أحمد عبد الصمد]

من رأيي هدديها بالهاتف بلا متعرف شكون انتي و إلا اتصلي بأخوك بلا ميعرفك و اخبريه أنو خطيبة واحد من لي تهدر معاهم زوجتو بحجة يبعد زوجتو عن خطيبها و خليه هو يتصرف
الله يهديها

[nari21]

تفوه عليها والله يلعنها انا من رائي قوالي لخوك لخاطر قادرة حتى تجيبهولكم لدار استغفر الله بصح قواليلو يعسها وهدا خوك ميقلبش بورتبالها ولا واش

[linouwasoleil]

الله يهدي ما خلق اختي اذا ما عندكش دليل قاطع ما تقدريش تقولي لخوك راح تربحي العيب معاه وتخسريه لكن اذا وقعتي على دليل ملموس او تسجيل حاولي لما تكون تحكي في الليل تسجليلها بهاتفك او حتى في النهار وهذاك الوقت تقدري تواجهيها معاه وابقاي مع خوك السيطان خبيث يقدر يعمل فيها حاجة لانك قلتي يحبها وان شاء الله اذا كانت فعلا خائنة والله اعلم ربي يكشفها اكيد ان الله يمهل ولا يهمل

[زبدة ذايبة]

يا أختي للأسف زوجة أخوك قليلة أصل وقليلة دين

يوجد من النساء من لايستطيع الرجل أن يطأ حذائها فكيف أن يقول كلام فاحش في أذنيها

هذه والله لاتصلح أن تكون زوجة ولا أم واستغفر الله حتى الأبناء يشك في مصدرهم ولاحول ولاقوة إلا بالله

هذا إن كان حقيقة ماتشكين به صحيح وحقيقي

[*جوري*]

مثبــت: تجديد أساسيات قسم المشاكل الاجتماعية (http://www.djelfa.info/vb/showthread.php?t=1554345)