kimibingo
2014-03-15, 13:58
السلام عليكم
بعد العديد من قرأت تجارب الاخوة هنا و العديد من الترددات قررت أن اغامر و في را سي حكاية واش خسر اللي عمر ما ربح تكلت على ربي و قررت شراء حاسوب من الأيباي لم أتسرع و لم أشري مباشرة كنت حايب نقابر كاش حاسوب شباب في المزاد و نربح هاكدا درت فراسي لكي على الاقل نقص هاديك 50 دولار أو أكثر على لوكان نشريه مباشرة هاكدا قلت لوكان تكون عليه جمركة مانخسرش بزاف.
ايا خلاس درت فراسي نشري و اللي صار يصير و بديت نحوس على حاسوب شباب يكون في حدود 250 دولار ايا راني نحوس حتى تحت في حاسوب مليح لابس بيه كان لاحق 180 دولار في المزاد و بقاولو 5 ساعات باش يخلاص ايا حاتيتو في قائمة و كملت نحوس لعل و عسى نلقى ما خير. 3 ساعات دون جدوى والو موالف كي نكون نشوف نلقى كل خير تقول كي سمعوا بيا رايح ننشري نحاوو كلش :1: ايا معليش قلت ربما هاد هو مكتوبي ماعندي ما ندير راني نتبع في المزاد و نطلب ربي ما تطلعش السومة بزاف و لم أتنبه للأمر انو بائع لا يشحن للجزائر قلت اتصل معه و ان شاء الله يقبل الطلب اتصلت معه في الاول و لم يقبل قلت واشنو هاد الحظ ايا زدت اتصلت معه و بعتلو تبلعية شابة فقبل الطلب و لكنن قلي نشحنلكك بفيدكس قتلو الشحن راح يسقام أكثر من الحاسوب على حساب الشوفة ثم قالي ادن بـــ usps priority express تسقام 107 دولار. زدت بعتلو قاتلو دير usps priority mail فقبل مقابل 63 دولار ايا كي قريب يخلاص المزاد ب 20 ثانية كان لاحق الحاسوب 195 انتتظرت ال10 ثواني الاخير و حتيت سومة التاعي 215 دولار فربحت المزاد بـ 209 دولار ثم اتصلت مع البائع و فهمتو قتلو أضف سعر الشحن لكي أستطيع شرائه فأضاف السعر و كنت خفيف تمتم خلصتو و قالي غدا أشحنه و نعتيك رقم التتبع . قتلي أعلمي عند شحنه و كان البائع متفهم و جد احترافي .
ايا أنا ندور في ايباي باش نشوف و نجوز الوقت حتى نتيح في حاسوب روعى بمعنى الكلمة خصائص بزاف فوووورر + علامة تجارية راقية . قلت واشبية تقول ربي عماني مشفتوش ككامل من قبل كي كنت نحوس واش هاد سوء الحظ المزاد كانن بقالو 3 ساعات و السومة التاعو كانت 280 دولار لكن البائع ما يبعتش للجزائر قلت ايا نبعتلو و نشوف ايا بعتلو تبليتة من الكبار فرد علية سريعا و قالي أيا نبعتهولك لبلادك بــ usps priority express و ثمن الشحن قالي نديرلك مزية خلصني فيه 30 دولار عنباتلي راهو يتقاعد عاودت بعاتلو قوتلو راك تتقاعد. قالي أربح المزاد و سترى مالاك وليت نقول نقولو للبائع الاول يلغي الشراء و نشري هدا قلت يقول راهو يتقاعد بيا. واش ندير واش نديلر ايا هاكدا و يلغي الشراء و نتببع الحاسوب الثاني و يطلع المزاد لأكثر من 500 دولار لأن الحاسوب كان بمزايا رائعة و فيه الحقيبة تاعو وحدها دير 40 دولار + فأرةبقيمة 30 دولار نولي خاسر من زوج جيهات
قلت منلغيش الشراء الأول و نشوف المزاد الثاني وين يلحق ايا مر الوقت بقات 15 دقيقة و الحاسوب راهو بقيمة 310 دولار قلت هادي آفار ماتتراتاش ايا كي بقات 2 دقيقة لحق 340 قلت ايا نشارك بقيمة 360 اياكي بقات 10 ثواني حتتيت سومتي و ربحت المزاد بسعر 358 لكن ماكانش عندي الدولار في الحساب ايا رحت للقسم المخصص للبيع لقيتو متوفر شريت 400 دولار ثم بعاتلو للبائع قتلو راني ربحت المزاد و راك وعدتني ثم في الحين أجابني قالي نعم وعدتك و سوف أوفي بوعدي قالي و نزيد نديرلك مزية قالي دوك نديرلك سعر اجمالي بــ 380 دولار ايا رجعتلو وشكرت بزاف دارلس فاتورة و خلصتو قالي غدا سأشحنه ايا خرجت فرحان في يوم شريت حاسوبين بسعر لابأس به
ايا في الغد بعتلي صاحب الحاسوب رقم تتبع و بعد 3 ساعات زاد بغتلي الاخر رقم تتبع و وليت اتتبعهما ايا بعد 6 ايام نشوف بلي الحاسوب الثانيلي بعتو بالسريع لحق أرض الوطن و انا نسكن في الجزائر العاصمة ايا في الغد رحت للسماكة نشوف قالولي هاد رقم يروح بارتوتة روح راه لحقهم البارحة وراهو عند الجمارك انا قاتلي هاد الكلمة تاع الجمارك انا فشلت ثم قلت مانروحش اليوم نروح غدا مباشرة بعد ما نكمل قرايتي ايا في الغد الصبيحة رحت للجامعة قريت وكملت على 12 ديت القطار و توجهت مباشرة بالمحفظة لبارتوتة ايا لحقت جيت داخل تلقيت عون أمن قالي واش عندك فهمتو قالي ربي معاك لأن بنسبة %99 ستجمرك ايا ارشدني للمكتب تكلت على ربي ورحت للمكتب دخلت للاستقبال قالولي أعتينا رقم تتبع مديتلهم ثم قالي السيد هادا راهو عند الديوانة بعتني للمكتب مالقيت حتى واحد الا انا قاعد نسنى كاش واحد يجي حتى جات امرأة قلتلها معليش تقوليلي وين راهم الديوانة قاتلي علاش معجبتكش قلتلها لااا في قلبي كيفاش حبيتيني نعرف و نتي دون زي رسمي و اللهم يحزننون المهم دخلتني للمكتب و سقساتني واش كاينن فهمتها قاتلي ادا حاسوب يجمرك قاتلي دوك نعيتو للمسؤول عن المخزن يجيبو و نشوفو سعر الجمركة جا المسؤول عن المخزن راحح جاب الطرد و جى لقيتو مفتوح من قبل المهم البائع أمنه جيدا يجي تسونامي ما يسرالو والو ايا فتحنا الطرد شفنناه ثم قاتلي هادا ماركة شابة و الجمركة تكون غالية قلتلي في حدود 3 ملايين قلتلها أنا طالب و من المحال نخلص هده السومة و ريحت نبلعت كي العجوزة شافت فيَّ مليح قاتلي نتا طالب قلتلها أنعم ٌقاتلي وين راهي بطاقة الطالب قلتلها راهي عندي قاتلي دون نديرلك مزية كي جيت طالب و دوك نحاول نحيلك الجمركة أيا و أخيرا حسيت أنو الطالب الجزائري عندو شوية قيمة في هاد لبلاد قاتلي دير فوتوكوبي على بطاقة الطالب و بطاقة التعريف و أرواح ا]ا راحت درت واش قاتلي و رجعت مديتهملها عمرت وحد الورقة ثم قاتلي روح خلص سعر المخزن 50 دج لليوم باركينغ تع الحاسوب :) في مكتب اخر رحت خلصت 150دج لأن قعد 3 أيام عندهم ثم رجعت عندها عطاتني نمضي في وحد الورقة ثم قاتلي ايا تقدر تدي أمانتك كي جيت خارج من المكتب تاعها دعيتلها دعوة شابة بدات تدحك ثم ديت الحاسوب و اتجهت الى المنزل. كي لحقت فتحت الطرد لقيت ما خص منو والو شعات الحاسوب و الحمد لله كل شيئ على ما يرام فعلا الحاسوب روعة . ايا بديت نكونكتي بيه ثم تفكرت الحاسوب الثاني راحت باش نشوف رقم تتبع حتى نلقاه وصل للجزائر في هاداك اليوم قلت ايا غدا نرو ح نشوف وان شاء الله ما يكونش راح بارتوتة ايا في الغد اتجهت لمركز الطرود للسماكة دخلت مديتلهم رقم تتبع قاتلي راهو هنا آآآآه مزية قاتلي أعتني بطاقة التعريف مديتهالها ثم قلتلها بلا جمركة قاتلي علاه بعثت صاروخ قاتلي هما و قوسطو ديالهم منداك كاين جمركة منداك مكاش :confused: حيرني الأمرالمهم لا جمركة لا والو مافهمت والو من جهة الجمركة بــ 3 ملايين و من جهة ماكان والواا أيا جابتلي الطرد فتحت كلش على ما يرام خلصت 100دج و الله ما علابلي تاع واش المهم خير من الجمركة لحقت للمنزل كيف كيف الحاسوب كما هو في اعلان البائع.
المهم هادي هي تجربتي. الاخوة للي عندهم أسالة راني هنا+ عني تجربة أخرى في شراء حاسوب هاديك تويلة بزاف لحقت بها حتى عند السيد قطاف مسؤول الجمارك و الله هايل ناس ملاح بزاااااااف
رابط السلعة الأولى
http://www.ebay.com/itm/Toshiba-Satellite-15-6-Laptop-/191078226631?_trksid=p2047675.l2557&ssPageName=STRK%3AMEWNX%3AIT&nma=true&si=%252BFFE4A173ujKEtqL1mD%252FmdjTqMU%253D&orig_cvip=true&rt=nc
رابط السلعة الثانية و الله حاسوب ما شاء الله روعة
http://www.ebay.com/itm/Sony-VAIO-F-VPCF133FX-16-4-Notebook-Upgraded-/231150646491?_trksid=p2047675.l2557&ssPageName=STRK%3AMEWNX%3AIT&nma=true&si=%252BFFE4A173ujKEtqL1mD%252FmdjTqMU%253D&orig_cvip=true&rt=nc
بعد العديد من قرأت تجارب الاخوة هنا و العديد من الترددات قررت أن اغامر و في را سي حكاية واش خسر اللي عمر ما ربح تكلت على ربي و قررت شراء حاسوب من الأيباي لم أتسرع و لم أشري مباشرة كنت حايب نقابر كاش حاسوب شباب في المزاد و نربح هاكدا درت فراسي لكي على الاقل نقص هاديك 50 دولار أو أكثر على لوكان نشريه مباشرة هاكدا قلت لوكان تكون عليه جمركة مانخسرش بزاف.
ايا خلاس درت فراسي نشري و اللي صار يصير و بديت نحوس على حاسوب شباب يكون في حدود 250 دولار ايا راني نحوس حتى تحت في حاسوب مليح لابس بيه كان لاحق 180 دولار في المزاد و بقاولو 5 ساعات باش يخلاص ايا حاتيتو في قائمة و كملت نحوس لعل و عسى نلقى ما خير. 3 ساعات دون جدوى والو موالف كي نكون نشوف نلقى كل خير تقول كي سمعوا بيا رايح ننشري نحاوو كلش :1: ايا معليش قلت ربما هاد هو مكتوبي ماعندي ما ندير راني نتبع في المزاد و نطلب ربي ما تطلعش السومة بزاف و لم أتنبه للأمر انو بائع لا يشحن للجزائر قلت اتصل معه و ان شاء الله يقبل الطلب اتصلت معه في الاول و لم يقبل قلت واشنو هاد الحظ ايا زدت اتصلت معه و بعتلو تبلعية شابة فقبل الطلب و لكنن قلي نشحنلكك بفيدكس قتلو الشحن راح يسقام أكثر من الحاسوب على حساب الشوفة ثم قالي ادن بـــ usps priority express تسقام 107 دولار. زدت بعتلو قاتلو دير usps priority mail فقبل مقابل 63 دولار ايا كي قريب يخلاص المزاد ب 20 ثانية كان لاحق الحاسوب 195 انتتظرت ال10 ثواني الاخير و حتيت سومة التاعي 215 دولار فربحت المزاد بـ 209 دولار ثم اتصلت مع البائع و فهمتو قتلو أضف سعر الشحن لكي أستطيع شرائه فأضاف السعر و كنت خفيف تمتم خلصتو و قالي غدا أشحنه و نعتيك رقم التتبع . قتلي أعلمي عند شحنه و كان البائع متفهم و جد احترافي .
ايا أنا ندور في ايباي باش نشوف و نجوز الوقت حتى نتيح في حاسوب روعى بمعنى الكلمة خصائص بزاف فوووورر + علامة تجارية راقية . قلت واشبية تقول ربي عماني مشفتوش ككامل من قبل كي كنت نحوس واش هاد سوء الحظ المزاد كانن بقالو 3 ساعات و السومة التاعو كانت 280 دولار لكن البائع ما يبعتش للجزائر قلت ايا نبعتلو و نشوف ايا بعتلو تبليتة من الكبار فرد علية سريعا و قالي أيا نبعتهولك لبلادك بــ usps priority express و ثمن الشحن قالي نديرلك مزية خلصني فيه 30 دولار عنباتلي راهو يتقاعد عاودت بعاتلو قوتلو راك تتقاعد. قالي أربح المزاد و سترى مالاك وليت نقول نقولو للبائع الاول يلغي الشراء و نشري هدا قلت يقول راهو يتقاعد بيا. واش ندير واش نديلر ايا هاكدا و يلغي الشراء و نتببع الحاسوب الثاني و يطلع المزاد لأكثر من 500 دولار لأن الحاسوب كان بمزايا رائعة و فيه الحقيبة تاعو وحدها دير 40 دولار + فأرةبقيمة 30 دولار نولي خاسر من زوج جيهات
قلت منلغيش الشراء الأول و نشوف المزاد الثاني وين يلحق ايا مر الوقت بقات 15 دقيقة و الحاسوب راهو بقيمة 310 دولار قلت هادي آفار ماتتراتاش ايا كي بقات 2 دقيقة لحق 340 قلت ايا نشارك بقيمة 360 اياكي بقات 10 ثواني حتتيت سومتي و ربحت المزاد بسعر 358 لكن ماكانش عندي الدولار في الحساب ايا رحت للقسم المخصص للبيع لقيتو متوفر شريت 400 دولار ثم بعاتلو للبائع قتلو راني ربحت المزاد و راك وعدتني ثم في الحين أجابني قالي نعم وعدتك و سوف أوفي بوعدي قالي و نزيد نديرلك مزية قالي دوك نديرلك سعر اجمالي بــ 380 دولار ايا رجعتلو وشكرت بزاف دارلس فاتورة و خلصتو قالي غدا سأشحنه ايا خرجت فرحان في يوم شريت حاسوبين بسعر لابأس به
ايا في الغد بعتلي صاحب الحاسوب رقم تتبع و بعد 3 ساعات زاد بغتلي الاخر رقم تتبع و وليت اتتبعهما ايا بعد 6 ايام نشوف بلي الحاسوب الثانيلي بعتو بالسريع لحق أرض الوطن و انا نسكن في الجزائر العاصمة ايا في الغد رحت للسماكة نشوف قالولي هاد رقم يروح بارتوتة روح راه لحقهم البارحة وراهو عند الجمارك انا قاتلي هاد الكلمة تاع الجمارك انا فشلت ثم قلت مانروحش اليوم نروح غدا مباشرة بعد ما نكمل قرايتي ايا في الغد الصبيحة رحت للجامعة قريت وكملت على 12 ديت القطار و توجهت مباشرة بالمحفظة لبارتوتة ايا لحقت جيت داخل تلقيت عون أمن قالي واش عندك فهمتو قالي ربي معاك لأن بنسبة %99 ستجمرك ايا ارشدني للمكتب تكلت على ربي ورحت للمكتب دخلت للاستقبال قالولي أعتينا رقم تتبع مديتلهم ثم قالي السيد هادا راهو عند الديوانة بعتني للمكتب مالقيت حتى واحد الا انا قاعد نسنى كاش واحد يجي حتى جات امرأة قلتلها معليش تقوليلي وين راهم الديوانة قاتلي علاش معجبتكش قلتلها لااا في قلبي كيفاش حبيتيني نعرف و نتي دون زي رسمي و اللهم يحزننون المهم دخلتني للمكتب و سقساتني واش كاينن فهمتها قاتلي ادا حاسوب يجمرك قاتلي دوك نعيتو للمسؤول عن المخزن يجيبو و نشوفو سعر الجمركة جا المسؤول عن المخزن راحح جاب الطرد و جى لقيتو مفتوح من قبل المهم البائع أمنه جيدا يجي تسونامي ما يسرالو والو ايا فتحنا الطرد شفنناه ثم قاتلي هادا ماركة شابة و الجمركة تكون غالية قلتلي في حدود 3 ملايين قلتلها أنا طالب و من المحال نخلص هده السومة و ريحت نبلعت كي العجوزة شافت فيَّ مليح قاتلي نتا طالب قلتلها أنعم ٌقاتلي وين راهي بطاقة الطالب قلتلها راهي عندي قاتلي دون نديرلك مزية كي جيت طالب و دوك نحاول نحيلك الجمركة أيا و أخيرا حسيت أنو الطالب الجزائري عندو شوية قيمة في هاد لبلاد قاتلي دير فوتوكوبي على بطاقة الطالب و بطاقة التعريف و أرواح ا]ا راحت درت واش قاتلي و رجعت مديتهملها عمرت وحد الورقة ثم قاتلي روح خلص سعر المخزن 50 دج لليوم باركينغ تع الحاسوب :) في مكتب اخر رحت خلصت 150دج لأن قعد 3 أيام عندهم ثم رجعت عندها عطاتني نمضي في وحد الورقة ثم قاتلي ايا تقدر تدي أمانتك كي جيت خارج من المكتب تاعها دعيتلها دعوة شابة بدات تدحك ثم ديت الحاسوب و اتجهت الى المنزل. كي لحقت فتحت الطرد لقيت ما خص منو والو شعات الحاسوب و الحمد لله كل شيئ على ما يرام فعلا الحاسوب روعة . ايا بديت نكونكتي بيه ثم تفكرت الحاسوب الثاني راحت باش نشوف رقم تتبع حتى نلقاه وصل للجزائر في هاداك اليوم قلت ايا غدا نرو ح نشوف وان شاء الله ما يكونش راح بارتوتة ايا في الغد اتجهت لمركز الطرود للسماكة دخلت مديتلهم رقم تتبع قاتلي راهو هنا آآآآه مزية قاتلي أعتني بطاقة التعريف مديتهالها ثم قلتلها بلا جمركة قاتلي علاه بعثت صاروخ قاتلي هما و قوسطو ديالهم منداك كاين جمركة منداك مكاش :confused: حيرني الأمرالمهم لا جمركة لا والو مافهمت والو من جهة الجمركة بــ 3 ملايين و من جهة ماكان والواا أيا جابتلي الطرد فتحت كلش على ما يرام خلصت 100دج و الله ما علابلي تاع واش المهم خير من الجمركة لحقت للمنزل كيف كيف الحاسوب كما هو في اعلان البائع.
المهم هادي هي تجربتي. الاخوة للي عندهم أسالة راني هنا+ عني تجربة أخرى في شراء حاسوب هاديك تويلة بزاف لحقت بها حتى عند السيد قطاف مسؤول الجمارك و الله هايل ناس ملاح بزاااااااف
رابط السلعة الأولى
http://www.ebay.com/itm/Toshiba-Satellite-15-6-Laptop-/191078226631?_trksid=p2047675.l2557&ssPageName=STRK%3AMEWNX%3AIT&nma=true&si=%252BFFE4A173ujKEtqL1mD%252FmdjTqMU%253D&orig_cvip=true&rt=nc
رابط السلعة الثانية و الله حاسوب ما شاء الله روعة
http://www.ebay.com/itm/Sony-VAIO-F-VPCF133FX-16-4-Notebook-Upgraded-/231150646491?_trksid=p2047675.l2557&ssPageName=STRK%3AMEWNX%3AIT&nma=true&si=%252BFFE4A173ujKEtqL1mD%252FmdjTqMU%253D&orig_cvip=true&rt=nc