تسجيل الدخول

مشاهدة النسخة كاملة : brioche

oumadoumawayouta
2014-03-14, 10:19
السلام عليكم:dj_17:
حبيت كامل لبنات الي يعرفو يديرو البريوش يجو يحكونا على طرق العجن و اسرار البريوش
التخمير،وقتاه نحطو الزبدة،ل فاصوناج الطياب و كلش كلش
و نجربو مع بعض و نحطو تصاوير و نشوفو

ام كوثر و فلة ام اماني و ام ساجد و كامل الحادقات ارواحو تمدولنا نصايح

يالله ديرولنا دورة نتاع بريوش :mh31:
أم محمد تاج
2014-03-14, 10:23
فكرة رائعة نشالله يتفاعلو لبنات ويكون موضوع خاص بالبريوش شكرا ليك
ام نوردين
2014-03-14, 10:29
فكرة مليحة اختى تكون دورة كاملة على المعجنات بتا مانتوهوش وباش تتوضح الفكرة انشالله يلبو النداء
فاطمةع
2014-03-14, 10:47
ياختي هادي فكرة شابة
انا عن تجربتي نقولك على سر بعد ماكنت نفشل في البريوش درك الحمدلله
السر هو طريقة التخمير انا نخمر 3 مرات الى اربع يجي خفيف وهايل
التخميرة الاولى نخليه 1سا وممبعد نفشو ونعاود نخليه يخمر 20د ونعاود نفشو ونخليه يخمر تاني 20د
وكي نشكلو نخليه يخمر للمرة الاخيرة وندخلو للفرن
zahra30
2014-03-14, 11:49
فكرة هايلة بارك الله فيك ولي عودة للموضوع ان شاء الله
minoucha2008
2014-03-14, 12:15
فكرةرائعة يعطيك الصحة
ريتان
2014-03-14, 12:22
يعطيك الصحة فعلا ياريت كل وحدة تحط نصيحتها هنيا هكذا بش قع نستفادو
دائمة الحمد
2014-03-14, 12:35
http://www.djelfa.info/vb/showthread.php?t=1533007
دائمة الحمد
2014-03-14, 12:43
http://www.djelfa.info/vb/showthread.php?t=1362108&page=47
HAFSA IBNAT ELFAROUK
2014-03-14, 12:58
ياختي هادي فكرة شابة
انا عن تجربتي نقولك على سر بعد ماكنت نفشل في البريوش درك الحمدلله
السر هو طريقة التخمير انا نخمر 3 مرات الى اربع يجي خفيف وهايل
التخميرة الاولى نخليه 1سا وممبعد نفشو ونعاود نخليه يخمر 20د ونعاود نفشو ونخليه يخمر تاني 20د
وكي نشكلو نخليه يخمر للمرة الاخيرة وندخلو للفرن
شكرا على النصيحة
fleu
2014-03-14, 12:58
موضوع مميز
oumadoumawayouta
2014-03-14, 12:59
ام نور دين نشاء الله انا مشكلتي هي البريوش عمري لا نجحت فيهم
محمد تاج شكرا يا الزينة حتى انتي ما تبخليش علينا راكي شاطرة بلا عين ماشاء


شكرا
لبنات نديرو القلب و نجربو حتى ننجحو
oumadoumawayouta
2014-03-14, 16:12
سلام
راني جربت وصفة
جا شوي ناقص سكر و الوجه مش ليس كما يلزم
الفاصوناج لازم نخدم عليه
و ثاني المول نجيب واحد اكبر
راني وجت creme patissiere
rayha ndir les chinois wela kayen li ygoulelhoum les escargots ana derthoum bel zbib w la creme patissiere


habit bark ngoul chokran lel fatima khatar fhamt beli koulech lal tekhmar
khemertha 3 fois
brioche louela jatni kbira ala moule dert fel moule nta3 mouskoutchou dert des boules

kima goult men fouk jet chwi mekherbcha mefhemtech

manarafch nhot tsawir kech wehda teb3athli l'email w neb3athelha tswar
thothoum
besah matadahkouch aliya
مريم الاميرة
2014-03-14, 16:53
اختي السر نتاع البريوش هو التخمار يعني يخمر مرتين و يتشكل و يزيد يخمر باه يطيب و الوجه باه يجي احمر و يبرق ديري مع صفار ابيض شوي قهوة و شوي زيت و شوي فاني و لي عودة اختي و نعطيك طريقتي في البريوش و يجي اممممممممممم و خفيف يهبل
أم سراج الدين
2014-03-14, 17:38
السلام عليكم

حتى انا من عشاق البريوش و يما جربت وصفات و يما فشلت الى ان اكتشفت الوصفة هاذي من عند امراة تاع ناس زمان لي خدمتهم ما تتعاودش الله بارك

و كيما ذكرو الاخوات من قبل التخمار اهم حاجة لازم تخليه يخمر مليحححححححح اذا زربتيه مش راح يعطيك نتيجة مليحة

شوفي الوصفة راني حطيتها في هاذ الرابط و ان شاء الله تنجحي فيها
http://www.djelfa.info/vb/showthread.php?t=1490971
إلهام07
2014-03-15, 11:27
أسرار البريوش باش يجي خفيف :
1- التخمار كيما قالو الاخوات تخليه يطلع وتفشيه 2 او 3 مرات
2- العجينة تكون جارية شوية ماشي يابسة
3- الزبدة: في رأيي الشخصي حتان تخمر العجينة وتنتفخ مليح باش تعجني العجينة بلزبدة باش ماتاثرش على الخميرة وهذي ماشي غير رأيي أنا فقط وإنما أيضا طريقة المحترفين في البريوش
4- لازم يطلع مليح قبل ما دخليه للفرن
5- الفرن يكون مسخن مسبقا
فاطمةع
2014-03-15, 11:32
تاني حنونة باش يجي محمر من فوق ويبريي ديري صفار بيضة مع شوي حليب بودر وعصير ليمونة يجي روعة
oumadoumawayouta
2014-03-15, 13:52
شكرا يا فحلات

ايه الشريك من انواع البريوش الجزايري هو و لامونة و كعك

على فكرة لامونة جاة مع الاسبان و تعلمناها عليهم

المهم واش من فرينة تخدموبيها
تديرو زبدة ولا مرغرين
خميرة رطبة ولاحرشة
و الطياب شعال

شكرا
مريم الاميرة
2014-03-15, 18:01
شوفي اختي الفرينة نستعنل اولاد الكرمي تاع 10 كيلو هايلة سوا للقاطو و لا المعجنات
لخميرة ندير الخميرة الفورية لي تتحط مع المواد الجافة ميش لي طلعيها في الماء و لا لحليب
و الزبدة لي نستعملها ستار جي بنينة هايلة في البريوش
مدة الطياب والله ما نحسب يعني كي نشوفو طاب من تحت نشعلو يحمار من فوق و خلاص
ان شاء الله نكون افدتك اختي
loulou78
2014-03-15, 18:23
انا خبيرة في البريوش لكن ما نعرفش كيفاه يطلعو الصور جربت كم من مرة لكن ما نعرفش المشكل وين راه .المهم السر في بريو هو ثﻻثة اشياء العجن ،الزبدة ثم التخمير شوفو اخوات في اﻻول نحط كل المقادير مع ماعاد الزبدة نخلط مليح ممكن تحطيهم في العجانة ويﻻ ما عندكش ما شي مشكلة المهم السر هو في هدي الخطوة هنا في هدي المرحلة ما نحتاجش العجانة نستعمل اليد اكمية الزبد نقسم الى اربعة نحط الجزء اﻻول ونضرب العجينة يعني نخبط العجينة على البوطاجي او طاولة نرفد العجينة ونضربها حتى يدخل الزبدة وهكدا حتى نكمل الكمية التبقية و بعدين السر الثالث وهو نحط العجينة في صحن ونغطيها بﻻستيك ونضعها في الثﻻجة على اقل 6 ساعات من احسن اكثر وبعدين ننزعها من ثﻻجة ونكسر العجينة ونعملها كرات ويﻻ حبيتي تعمليها بطول هنا كمان فيها سر وهو كل كرة تحليها بيدك طبقيها على ثﻻثة باه يجيك مفشفش و تركيه يتخمر عادي والفرن الحرارة تكون متوسطة مثل الكيك يعني 180 وﻻ في رقم 4.5 انشاء الله نكون افدتكم كما قلتلكم هدي طريقتي المعتمدة ويﻻ حبتو الدخلو على نت وتاكدو مع تحياتي لكل اخت تقرا هدي و ادعولي الله يسر لى امورى
zinouna 22
2014-03-15, 23:12
فكرة رائعة اخواتي بارك الله فيكم جميعا
oum anas 69
2014-03-16, 10:26
http://www.djelfa.info/vb/showthread.php?t=1429549