مشكلة مع خطيبي

[مشكلتي]

هذه مشكلتي أرجو منكم ترايو علي واش ندير
أنا مخطوبة غير بالفاتحة يعني مازال معقدتش خطيبي في الفترة الأخيرة تغير من جيهتي بزاف مولاش كامل يحوس علي و عاد ميحترمنيش
قيل سمانة شفت الفيسبوك التاعو لقيت عندو بزاف بنات كل يوم يزيد وحدة امي عندو
المهم انا شكيت حليت فيسبوك باسم بنت و قعدت نجرب فيه و الله غير تجاوب تع الصح و صلت أن أصر يتلافاني و مدلي رقم الهاتف و قالي منيش خاطب و كان مصر يتلاقاني و ظهرني أن كان موالف يتلاقى بنات بزاف من وراظهري أنا تشوكيت و صارحتو فتلو أنا خطيبتك جربتك و عرفتك على حقيقتك و سي فيني بيناتنا و هو محاولش يطلب السماح أبدا
رايو على أرجوكم كيفاش ندير معاه و الله غير راني مشوكية راني حابة نحبس منو

[rahou19]

شوفي
اذا كنت تحبيه ديري عين شافت وعين عمات وكأن شيئا لم يكن ،بعد الزواج والعقد المدني حلي عينيك منّو مليح واللي فيه الخير يجيبو ربي .

[exodia31]

tssa3fini ghi annulé 9bal matro7i b3iiiid dja le départ marakomch m9al3iin mli7 ghi khtik menah

[naamane3]

قلتي له ما كان بيننا قد انتهي
اذن افتحي الخطوبة واتهناي من تكسار الراس
والتوسويس وتتبع الاخبار
وربي يرزقك بمن تقر به عينك وتقر بك عينه

[أم شروفة]

خيانة من البداية .غدوة تتزوجيه راح تتعبي معاه .إذا كنتي قادرة على شقاك معاه تزوجيه وإذا كان. لا.. افسخي الخطبة .وربي يجيبلك من يقدرك ويحترمك

[sarl02]

.يا حسراه ياك قلتلكم ذاك العام خليكم من ليتاست ..وين راه ذرك الي عندو فايسبوك وتانفيتيه وحدة وما يحكيش معاها ..هاكي جربتيه واش اربحتي وسوستي روحك باطل...اتقولي نفسخ الخطوبة واش من سبب فايسبوك ول؟؟اتكدي انو مكاش الي يعذرك ...ان شاء الله ربي يهدي خطيبك واوفقكم في علاقتكم لما فيه الخير.

[محمد جديدي التبسي]

إذا كنت أنت قبل الخطبة خاطيك التخلاط في الفايسبوك ما يليقلكش واحد كيما هذا .. ربي يفتح عليك

[الفاتحة]

هذا انسان حقير يستحق تبصقي على وجهو وتعدي وتخليه ومتخزريش وراك ، يا بنات قيمو رواحكم شوية ، اصبحتم تتنازلو بزاف لدرجة تقبلو بواحد فاسق عديم الأخلاق ، ونفرضو أنك قبلتي بيه وتزوجتيه ، راح يحدث لبناتك واش عمل هو مع بنات الناس , وهذا يرضيك بناتك يلعبو بيهم الرخاس حشاك و زيد هو أصلا محوسش عليك ، كون جيت في بلاصتك سامحيني منجيش ونكتب حكايتي، هذا في حد ذاته انقاص من قيمتك كمرأة ...ربي يخلف عليك بولد الحلال اللي يعرف قيمتك.

[nouna-12]

السلام عليكم اولا
اختي مانقدر نقولك خليه و لا لا هاد راجع ليك و انتي قلتي انك قولتيله كلش بيناتنا خلاص و هو ماحاولش يتصل بييك او حتي يعتدر علي الاقل
المهم نظن حتي هو ممكن اخد قراره و اللي نقدر نعاونك بيها هي تصلي صلاة الاستخارة يلا فيها خير ربي يتمم و يلا فيها شر ربي يبعده عليك
قد ما بعد السماء علي الارض ويرزقك بالزوج الصالح الطيب اللي يخاف علييك و يخاف ربي فييك

[nilly]

هدا رجل لا يحترمك ايدا للاسف
ماكان يجب انك تكتبي هنا استشارتكي لان الحل واضح انك تفسخي الخطوبة عاجلا وليس اجلا.
الاحترام هي اولى شروط زواج فلا تستصغري الامر
ولا تسامحيه ابدا حتى لو طلب منكي سماح لان زر النساء داء ليس له دواء وتعب قلوب كثير من النساء.
وان شاء الله يجيلك حظ احسن من هدا.

[nilly]

هذا انسان حقير يستحق تبصقي على وجهو وتعدي وتخليه ومتخزريش وراك ، يا بنات قيمو رواحكم شوية ، اصبحتم تتنازلو بزاف لدرجة تقبلو بواحد فاسق عديم الأخلاق ، ونفرضو أنك قبلتي بيه وتزوجتيه ، راح يحدث لبناتك واش عمل هو مع بنات الناس , وهذا يرضيك بناتك يلعبو بيهم الرخاس حشاك و زيد هو أصلا محوسش عليك ، كون جيت في بلاصتك سامحيني منجيش ونكتب حكايتي، هذا في حد ذاته انقاص من قيمتك كمرأة ...ربي يخلف عليك بولد الحلال اللي يعرف قيمتك.

والله العظيم احسن رد سمعته مند دخولي هدا المنتدى بارك الله فيكي اختي وبارك في امثالك
هدا هوما البنات ليديرو قيمة لرواحهم
صح دراتوا بزاف قيمة لاشباه رجال حتى ولاو راكبين فوق ريسانكم .

[رحمة من المولى]

.يا حسراه ياك قلتلكم ذاك العام خليكم من ليتاست ..وين راه ذرك الي عندو فايسبوك وتانفيتيه وحدة وما يحكيش معاها ..هاكي جربتيه واش اربحتي وسوستي روحك باطل...اتقولي نفسخ الخطوبة واش من سبب فايسبوك ول؟؟اتكدي انو مكاش الي يعذرك ...ان شاء الله ربي يهدي خطيبك واوفقكم في علاقتكم لما فيه الخير.
اتقولي نفسخ الخطوبة واش من سبب فايسبوك ول؟؟ كي شفت " ول " عرفتك من الشلف احوجي هدرتنا باينة المهم نتمناو للاخت ربي يفرج عليها همها ايلا فيه الخير ان شاء الله يقربو منها و ايلا فيه الشر ربي يبعدو عليها ان شاء الله و يعوضها ما خير منو عاجلا غير آجل ياااااااااااااااااا رب

[imene12]

أعذريني أختي في الله .. لكني سألقي باللوم عليك أولا ثم على خطيبك ثانيا.
ما كان عليك أن تفتحي بابا للشيطان حتى يدخل منه ... فتبدأي بالتجسس و اإختبار و تلقي بالقبض على خطيبك متلبسا بالجرم المشهود... يعني راكي سهلتي للشيطان أن يحاول إحداث الفراقة بينكما.
أما بخصوص خطيبك فيكفي أنك ذكرتي أنه أصبح لا يحترمك حتى تتوقعي منه الخيانة .
من رأيي أن تتناقشي معه و تتخذي قرارك.

[ABDOU ELE]

هذا انسان حقير يستحق تبصقي على وجهو وتعدي وتخليه ومتخزريش وراك ، يا بنات قيمو رواحكم شوية ، اصبحتم تتنازلو بزاف لدرجة تقبلو بواحد فاسق عديم الأخلاق ، ونفرضو أنك قبلتي بيه وتزوجتيه ، راح يحدث لبناتك واش عمل هو مع بنات الناس , وهذا يرضيك بناتك يلعبو بيهم الرخاس حشاك و زيد هو أصلا محوسش عليك ، كون جيت في بلاصتك سامحيني منجيش ونكتب حكايتي، هذا في حد ذاته انقاص من قيمتك كمرأة ...ربي يخلف عليك بولد الحلال اللي يعرف قيمتك.

:19::19::19::19::19:

[جمال الدين الأفغاني]

صراحة احيانا يعجز العقل عن التفكير وقلم اليدعن التعبير

لا ادري صراحة ماذا اقول هل يمكنني القول انه

استطيع ان أكبر على مجتمعنا الجزائري المسلم أربعا ؟؟؟

[koukou23]

ديري صلاة الاستخارة يا اختي احسن وادا فيه الخير درك ربي يقربهولك وادا فيه شر ربي يصرفو عليك
ومتخميش ياسر تزيدي تمرضي روحك على ناس متستاهلش دمعة وحدة منك

[ساندريلا]

قالك اللي راح و ولا واش من بنة خلا
بطلي من درك ماشي المشكل فيه المشكل راه فيك من البداية ما راكيش دايرا ثية وتتبعي و تخلطي من وراه نصيحة بعدي لانك مش رايحة تعرفي تنساي
غريب امر البنات النهار كامل وهم يعسوا??????!!!!!!فايس بووووووووك يخليك في دار بوك
انا زوجي لا اعلم اصلا ان كان كان لديه فايس بوك

[ام محمد أدم]

الاستخارة ثم الاستخارة ثم الاستخارة و شوفي ربي كيفاش راح يمشيهالك من دون اي تفكير
ربي يفرج عليك و عليا و على جميع بنات المسلمين
سلام

[hayet04]

الباب لي يجيك منو الريح سديه و ارتاحي

[sanax]

هذي حياتك وانت صاحبة القرار اما عن نفسي لوكنت مكانك انهي الخطوبة لانو عمري ماندير لمان فيه هذا قبل الزواج وخان ..................

[moh140]

يشعر بالسعادة من يغسل وجهه من الهموم ورأسه من المشاغل وجسده من الأوجاع.

[moh140]

الزواج أخذ وعطاء وهويعطى وهى تأخذ..
الرجل التافه يحرمك من العزلة دون أن يوفر لك جلسة ممتعة.

[النجمة القطبية]

يا حبيبتي اختاري ابا لاولادك
واصلا لست مضطرة لسماع رايي او اراء الاخرين ولكن لكل شئ حدود وللتنازل حدود والواحد يتنازل لمن يستحق اصلا وهذا باين مش سامع بيك :confused:
ها نفرضو بديتي حياتك هكذا القصة ليست قصة تنازل او مسامحة لان كل امراة تعطي فرصة وفرص لزوجها لكن بشرط ان يستحق الامر التضحية
علاش الانسان يفتح الباب لتنازلات كثيرة وكان الرجال قفرو من الارض او كلهم اصبحو بلا اخلاق وبالتالي انتى مضطرة
انا نقولك هذا غير صحيح وكوني صاحبة مبدا في هذه الدنيا عندنا فرصة واحدة نعيشوها في الارض اضعف الايمان نختارو الصحبة الحسنة مش كائن والسلام وكيما قال الرومي Il vaut mieux être seul que mal accompagné
انا هذا رايي وربي يهديك للصواب

["ام عبد الحي"]

صراحة لكل واحد فينا رأي، لكن على نفسي اتنازل على كل شيء إلا الخيانة لأنني سأرضى بحياة ملأها الشك و الذل و الاهانة.
لكن عندما أرسم لنفسي حلما و أححد لنفسي هدفا، و اعطي لنفسي قيمة و قدرا و ثقة بأنني لن يصيبني إلا ما كتب الله لي.
أكون نفسي و أعلي قيمتي عند غيري.
فاليوم خيانة و غدا غدر و المستقبل ذل و اهانة و ربما رجوع بجرح لن يندمل
فكري و استخيري رب العرش و فكري هل هو ما تمنيتي و هل هو من سيسعدك و يحميكي و يمسح دمعك في المستقبل
هل يمكن أن يكزن ابا يحنو عليك أخا يحميكي و صديقا يسمعك و حبيبا يفديك بحياته
فكري قبل أن تقرري فكري قبل أن تندمي
و تقبلي مروري

["ام عبد الحي"]

صراحة لكل واحد فينا رأي، لكن على نفسي اتنازل على كل شيء إلا الخيانة لأنني سأرضى بحياة ملأها الشك و الذل و الاهانة.
لكن عندما أرسم لنفسي حلما و أححد لنفسي هدفا، و اعطي لنفسي قيمة و قدرا و ثقة بأنني لن يصيبني إلا ما كتب الله لي.
أكون نفسي و أعلي قيمتي عند غيري.
فاليوم خيانة و غدا غدر و المستقبل ذل و اهانة و ربما رجوع بجرح لن يندمل
فكري و استخيري رب العرش و فكري هل هو ما تمنيتي و هل هو من سيسعدك و يحميكي و يمسح دمعك في المستقبل
هل يمكن أن يكزن ابا يحنو عليك أخا يحميكي و صديقا يسمعك و حبيبا يفديك بحياته
فكري قبل أن تقرري فكري قبل أن تندمي
و تقبلي مروري

[sara201]

السلام عليكم ورحمة الله وبركاته
اختى انصحك بفسخ خطوبة اصلا مخلوق هذا ماهوش اصلا مهتم بارطباته بيك بياان ندمان مش راح يكمل معاك اتركيه مادام عرفتيه خااين وكذب وقليل لحيااا واش راكى تستنانى مش محتاجة لتفكير مادامه اصلا ماحاول حتى يطلب سمااااح وهذا اقل شي يعمله تجااهك غريب امرك اختي توكلي ع الله وفسخى خطوبتك وحمدي ربي بزااااف

[sara201]

السلام عليكم ورحمة الله وبركاته
اختى انصحك بفسخ خطوبة اصلا مخلوق هذا ماهوش اصلا مهتم بارطباته بيك بياان ندمان مش راح يكمل معاك اتركيه مادام عرفتيه خااين وكذب وقليل لحيااا واش راكى تستنانى مش محتاجة لتفكير مادامه اصلا ماحاول حتى يطلب سمااااح وهذا اقل شي يعمله تجااهك غريب امرك اختي توكلي ع الله وفسخى خطوبتك وحمدي ربي بزااااف

[فهيمة 7]

حبيبتي الزواج ماشي لعبة او الكتاب باين من عنوانو او رايحة تقرايه او تتعبي معاه مالا يخيري انسان اصلو طيب او يخاف ربي او خيرو في غيرو ربي يهدي ما خلق

[مواطنة جزائرية]

ياك استخرتي الله قبل القبول بهذا الشخص زوجا لك

اتخذي القرار النابع من قلبك و لا تندمي فما خاب من استخار و لربما هذا هو جواب استخارتك


ربي يفرج عليك ويستر عليك و على كامل بنات المسلمين

كان جيت مكانك و الله مانكمل معاه اللي خان مرة ولو في الفيسبوك يخون ألف مرة

[خولة لبابة]

خطيك منه,,,,,,اطلبي من الله جلّ و علا أن يرزقكي الزوج الصالح,,,,,,و انتي كذالك حتى و ان استعملتي الفايسبوك,,,,,لا تضيفي أي رجل غير محارمكي,,,و اياكي أن يغّركي الشيطان و العياذ بالله,,,,,