مشكلتي هي البكالوريا

[مشكلتي]

جوزت العام الماضي بكالوريا و كنت ندرس و مجتهدة و مع هذاك شي منجحتش دعيت ربي بزاف باش نجيبو غير ب 10.00 كنت ندعي ربي طول الوقت و توكلت عليه و خدمت وحدي و في اخير حدث ما كنت اخشاه و كاين لي كنت نعرفهم ربحو بالغش و راهم في جامعة و انا كنت نقول مادامني توكلت على ربي ان شاء الله رايحا ننجح و لكن حدث عكس صبرت و قلت معليش عانيت بزاف في الصيف و بقيت غالقة على روحي و كارها الدنيا و جا سبتمبر و وليت نقرا من قلبي و نحفظ و جبت 12 معدل في فترة اولى و متمنيا نجيب الباك و لكن شي لي مقلقني هو انا معنديش كامل زهر منحوسة دائما الحاجة لي نكون حابتها يجي عكسها دائما حاجة لي نحبها تكون متكونش خايفة بزاف من مكتوب ليحرمني من نجاح مع اني راني نتعب و لكن خايفة من مكتوب يعاكسني و انا صبرت فوق الحد و مازالني صابرة و لي منيش مليحة قاتلني تخمام بزاف و معرفتش الحل وين كيفاش ندعي ربي باش ينجحني هذا العام و يستجيب ليا كيفاش نخلي ربي يسمع لدعائي و يستجيب ليا هذا الشيء لي محيرني واش نعي و واش ندير باش ربي يوفقني و ميحرمنيش من بكالوريا هذا العام كامل دارنا راهم يسناو فيا واش هو الحل باش ربي ما يخيبليش املي و يستجيب ليا

[كلنا راحلون]

السلام عليكم ولما قلق كلنا اعدنا باك وعادي درس تدرسيه عاوديه ولم تقولي تخصصك المهم ركزي على مواد اساسية ودرسي مع صديقات لك واكثري من حلول شهادات باكالوريا والله يوفقك في نجاح

[رقة قلب]

نتمنى يفيدونا عندي نفس مشكلتك الشي لي مريتي بيه كامل مريت بيه انا و الان راني نقرالو و نراجع و نروح نحضر من قلبي لكن الخوف مازالو في قلبي لاني العام الماضي تاني قريتلو ووجدت روحي مليح و في الاخير لقيت روحي راسبة و اللي وريتلهوم و غشو هوما لي ربحو في الاخير انشاء الله هاد العام فيها خير و ربي معانا و ربي يوفقنا

[dotnet]

احفظي عني ما سأقوله لك وستستفيدين ان شاء الله

قولي دائما لعله خير

لأن الله عز وجل ما صرفك عن شيء الا لأنه يعلم سبحانه انه لك خير

لعلك تقولين وما الخير في اني اخسر الباكالوريا .. ؟؟؟؟؟ .... لعل الكثيرين هنا يستطيعون اجابتك

كوني واثقة ان ما قدره الله لك هو خير لك مما تحبين لان العبرة ستجدينها في المستقبل

ولو اطلعك الله على ما قد قدر لك في المستقبل لكنتي قد اخترتي واقعك هذا ( اي انك تعلمين ان الخير في عدم الحصول على البكالوريا)


قولي دائما لعله خير

http://www.youtube.com/watch?v=1XXLKeGh4bE

[rahou19]

يا أختي مادام حاطة في راسك الفشل ، فسوف لن تنجحي اذن ما عليك ألا
اتوكل عى الله
الثقة بالنفس
المراجعة
الترويح عن النفس من حين الى آخر .
الرضاء بما كتبه الله لك ولو قدرّ الله وفشلت فانها ليست نهاية العالم وشكراً.

[أم شروفة]

يا بنتي وانا اللي جبت الباك ودرست بالجامعة وش ربحت تزوجت وقعدت في الدار تعلمت الخياطة و الطرز.وفتيل الطعام.واصبحت امرأة منزل ممتازة. فتبا. للباك .وتبا للجامعة.وتبا لكل دينار انفقه أبي على دراستي.

[حضنية28]

يا اختي متحطيش الفشل في راسك كامل مرينا في هذا التجربة
انا قريت وتعبت في الباك الاول بصح منجحتش وكانت تخصني حاجة قليلة برك
الصيف هذاك مر علي اسود من البكاء كرهت كلش منبعد بالشوي بديت نسترجع ثقتي بنفسي
وعاودت الباك وقريت واجتهدت وانجحت
ودخلت للتخصص لي نحبو
المهم يا اختي لا ياس مع الحياة حاولي تنحي الافكار التشائمية من راسك
كي تفكري هكذا راكي تزيدي تفشلي
اتكلي على ربي
واكيد ستنالين النجاح ان شاء الله

[mordia]

يا بنتي توكلي على الله وسيري الى الامام...انت ديري لي عليك وتركي الباقي على الله..
انا ولدي دا الباك لكن بطعم الخسارة ...راه يعاود فيه وهو في الدار وراني نصبر فيه باه يحفظ الدروس....
والله العام اللي فات مر علينا صعب ...يارب تفرج عليك وعلى وليدي وعلى كل واحد يتعب باه ينال....

[medjdoub1978]

اذاكانت البكالوريا همك فاظن اذا عملت من وراء الدراسة والزواج واذا كان الرجل الذي تتزوجيه لايحبذعمل المراة فعليك الزواج اكثر وافضل من البكالوريا ومعذرة وشكرا.

[الجميلة انا]

علاه هاد كل الباك ماهو الا محطة من محطات الحياة متخليش صلتك بالله فقط من اجل مصلحة و هي الباك مادام راكي منجحتيش معناها كاين حكمة الاهية و ربي كتب لك خير و صرف عنك شر و على قد ما تتعبي راح تنالي و اذا منلتيش اكيد كاين حوايج بزاف ملاح يستناو فيك اصبري برك و تذكري دائما تفاءل خيرا تجده و - رح تدي الباك و تشوفي مش المهم في الشهادة المهم وش رح تعملي بيها الشهادة-

[assia25]

السلام عليكم
الاخت الكريم ربي قال في كتابه العزيز وعسى ان تكرهو شيئا وهو خيرا لكم و عسى ان تحبو شيئا وهو شرا لكم والله يعلم وانتم لا تعلمون
وكذلك مايصيبنا الا مكتبه الله لنا فلا تحزني ان الله معنى ولي خلق ما يضيع الانسان يسعى ولي مكتبها ربي مرحبا
بيها ...فالبكلوريا ليست نهاية العالم

[lمنال]

حبيبتي كلنا جوزنا الباكالورياانا لولا العام الاول ما جبتوش لكن المرة الثانية جبتو بمعدل مليح بالاك ربي دارلك هاكاك باش تديه المرة الجاية بمعدل مليح خاطرش امبعد اللي اداو معدلات منخفضة باش تختاري التخصصات يمدولك غير اللي ماشي مليحة انصحك انك تشوفي نقاط ضعفك والمواد اللي ناقصة فيها و اذا ممكن ديري دروس الدعم ما تبقيش تخممي بزاف سلمي امرك لله ديري اللى تقدري عليه المهم في صحتك اكثري من الاستغفار انشاء الله ربي ما يضيعلك تعب سلااااااااااااااااام:1:

[samir40]

يمكنك الاستعانة بهذه الكتب بعد الله عز وجل وهي مفيدة جدا و قد استفدت منها شخصيا عندما اجتزت شهادة البكالوريا و بالتوفيق انشاء الله
http://www.mediafire.com (http://www.mediafire.com/?4nun4dvz512xtcc)/?4nun4dvz512xtcc (http://www.mediafire.com/?4nun4dvz512xtcc)
http://www.denatology.com/uploads/11445422.png

[قَاسِمٌ.قَاسِم]

السلام عليكم ورحمة الله وبركاته،..
تلميذتنا المباركة
احييك أولا على عدم الغش فهو والله مهلكة للفرد في دنياه ودينه
ثانيا
لماذا تتشاءمين وتتطيرين
"لا تقولي منحوسة ابدا"
علمنا ديننا التفؤل والثقة في الله وان نرضى بما اختار ربنا
فإذا أراد الله لك عدم النجاح فاعلمي انه خير لك من النجاح
وفقك الله
سلا..م

[7anine 87]

اختى عن تجربة انا كيفك نقرا ياسر وخوافة وديما نقول الزهر ماعنديش كى قريت مشكلتك وليت نضحك خاطر تفكرت ايام بكري ماتخافي ماوالو حنونة حطي ربي فى بالك وديري لعليك وبربي مايكون غير الخير نحي الوساوس من راسك حتشي راطيتي عام معليش لمرة هاذى انشاء الله تجبيه

[anfal_42]

السلام عليك ، اختي لازم عليك تتحصني بالثقة في كل شيء هذه بداية المشوار فقط ، لازم تابعي دروس في التنمية البشرية باش تكوْني شخصيتك ولازملك الارادة والقوة .
لااااازم عليك تحسني الظن بالله ( فهو مولانا وعلى الله فليتوكل المؤمنون ) وبالتوفيق

[سليم-عادل]

اختي الكريمة قسما عظما كل ما قلتيه وكل ما تعانيه فقط ناتج من ضعف ايمان ... انا كنت من المخاخ وجرالي مشكل صغير قبل الباك وما ديتش .. لكن من بعد جبت 3 باك و رغم هذا اكتشفت راني غير كنت نخرف .. مهما قلقتي و انفجرتي ما تزيدي غير تمرضي روحك .. بإذن الله اذا حطيتي الباك حاجة ثانوية وحطيتي ارضاء الله الرسمي في حياتك ..نحلفلك غير تنجحي و كلش يظهرلك ساهل في هاذ الدنيا ... واخيرا ربي ينجحك اذا في نجاحك صلاحك.

[وهج الحياة]

جوزت العام الماضي بكالوريا و كنت ندرس و مجتهدة و مع هذاك شي منجحتش دعيت ربي بزاف باش نجيبو غير ب 10.00 كنت ندعي ربي طول الوقت و توكلت عليه و خدمت وحدي و في اخير حدث ما كنت اخشاه و كاين لي كنت نعرفهم ربحو بالغش و راهم في جامعة و انا كنت نقول مادامني توكلت على ربي ان شاء الله رايحا ننجح و لكن حدث عكس صبرت و قلت معليش عانيت بزاف في الصيف و بقيت غالقة على روحي و كارها الدنيا و جا سبتمبر و وليت نقرا من قلبي و نحفظ و جبت 12 معدل في فترة اولى و متمنيا نجيب الباك و لكن شي لي مقلقني هو انا معنديش كامل زهر منحوسة دائما الحاجة لي نكون حابتها يجي عكسها دائما حاجة لي نحبها تكون متكونش خايفة بزاف من مكتوب ليحرمني من نجاح مع اني راني نتعب و لكن خايفة من مكتوب يعاكسني و انا صبرت فوق الحد و مازالني صابرة و لي منيش مليحة قاتلني تخمام بزاف و معرفتش الحل وين كيفاش ندعي ربي باش ينجحني هذا العام و يستجيب ليا كيفاش نخلي ربي يسمع لدعائي و يستجيب ليا هذا الشيء لي محيرني واش نعي و واش ندير باش ربي يوفقني و ميحرمنيش من بكالوريا هذا العام كامل دارنا راهم يسناو فيا واش هو الحل باش ربي ما يخيبليش املي و يستجيب ليا
السلام عليكم
يا عزيزتي التوكل على الله لا يعني ان نصلي نصوم تطوعا ،اذكا ر، نوافل فقط ،،،،،،،بل متيقنين من عونه وان هذه العبادة خالصة لوجهه الكريم ،يعني لا بد من الاجتهاد ياترى ما المعدل الذي حصلت عليه حتى لا اقول رسوب بل زلة قوية في العام الماضي ؟،،،،،،،تقولين زملاء نجحوا بالغش ما همك بهم لا انت تتحملين ما سيصيبهم ولا انت جزء من حياتهم انت يا عزيزتي بحياتك الخاصة بنت والديك وحدك ،وانت وحدك التي تعيد العام هذا الذي يهمك،،،،،،على كل انصحك بما يلي:
1-حافظي على دينك (الستر بلا مغالاة، العبادة)
2-قفي مع نفسك وانتم حاليا في وقت العطلة ،اختاري مكان هادئ انفردي بنفسك اكتبي الاخطاء التي وقعت بها والتي كانت سببا في زلتك (لا ا احب توظيف عبارة رسوب) لان مشكلة وكانك تقولين ان الله نساك وبدلا من مكافاتك لم تنجحي هذا خطا يا عزيزتي لا بد من تغيير المفاهيم كان تقولي انا لم ابذل قصارى جهدي في كذا وكذا (اذكري المواد او ساعات قضيتيها في النت ثم قرري )
3- بعد كتابة النقاط السلبية تفاعلي معها وقرري ما الذي ينبغي القيام به وبالتالي ضعي برنامجا والوقت لم يفت يا عزيزتي لا سيما انك على اضطلاع بالمواد لديك خبرة ولو:19:
- في ورقة بيضاء اخرى اكتبي تلك الافكار السلبية التي تراودك مهما كانت ثم مزقيها وكانك تفرغين طاقتك السلبية بها، ثن خذي ورقة اخرى واكتبي افكار مناقضة لها تكون ايجابية حتى ولو كانت افكار تتمنينا الوصول اليها اعطيك مثالا:الناس لي غشت نجحت وانا لا،،،،نقيضها انا قادرة على النجاح بتعبي وهذا اجمل اهداء لي او لاهلي وانا نستاهل ذلك،،،،،،ديري في بالط حاجة اختي جامي في حياتك يكون هدفك على الاقل عشرة ما تخدميش يا اختي على القليل انت رايحة تجتاهدي وربي رايح يكون معاك هذي ما شي خدمت عشرة ولو:confused:
4-قومي بصنع قصاصة اكتبي عليها سانجح في البكالوريا هذا العام وبتفوق،:)وا قرايها عندما تستيقظين صباحا وقبل النوم وفي وقت فراغك .
هذه خلاصة تجربة من كنب اعتمدتها وتجارب شخصية اتمنى تفيدك ،ولن تفيدك الا اذا قررت انت وحدك ذلك،،،،،،الله المعين والسلام عليكم

[rihabamal]

احفظي عني ما سأقوله لك وستستفيدين ان شاء الله

قولي دائما لعله خير

لأن الله عز وجل ما صرفك عن شيء الا لأنه يعلم سبحانه انه لك خير

لعلك تقولين وما الخير في اني اخسر الباكالوريا .. ؟؟؟؟؟ .... لعل الكثيرين هنا يستطيعون اجابتك

كوني واثقة ان ما قدره الله لك هو خير لك مما تحبين لان العبرة ستجدينها في المستقبل

ولو اطلعك الله على ما قد قدر لك في المستقبل لكنتي قد اخترتي واقعك هذا ( اي انك تعلمين ان الخير في عدم الحصول على البكالوريا)


قولي دائما لعله خير

http://www.youtube.com/watch?v=1xxlkegh4be


السلام عليكم

فعلا أختي قولي دائما لعله خير أنت أدرسي و إفعلي كل ما تقدرين عليه و أحسني الضن بالله و أتركي الأمر كله لله فهو أدرى بما هو خير للجميع

و ساحكيلكي قصتي أنا أيضا كنت نحوس نجيب الباك بأي طريقة و كنت نرسب في البداية لكني كنت نشوف فيه هو الحياة و نغير من لي يقراو في

الجامعة و فعلا أربحت .......و الأن ماذا ........بعد سنين من التخرج لم أحضى حتى بمنصب عمل دائم و ارى الذين لم ينجحو و أتخذو السبل التي

كتبها الله

لهم و رضو بها أحسن مني بألف مرة ........

[noor_ab4]

لا تقولي أبدا ان لله لم يستجب بل الله هو قريب دائما يجيب دعوة الداعي اذادعاه ولربما عدم نجاحك فيه خير لك فاشكري الله على ذلك ولكن لا تفشلي ولا تتركي ابدا شيئ يحزنك او يقتل عزيمتك فليس الصعب ان ننسقط بل ان نعرف كيف نقف ونتمسك بالامل وربي يفرج وان شاء الله تنجحي

[ام امـــــــنــــــة]

تاكدي كون شاف ربي فيها خير ليك كان كتبهولك ماتقنطيش من رحمة ربك وماتقوليش اني كنت متفوقة ومانجحتش في الامتحان يكرم المرء او يهان وانا ننصحك اختي الكريمة ب

المراجعة الجماعية مفيدة جدا لانو التماررين الي تحلوها مع يعضاكم والنقاشات الي تتناقشوها مع بعضاكم تبقى راسخة في ذهنك لذى عليك بالمراجعة الجماعية مع صديقاتك:19::19::19::19::19::19:

[mimi tjrs]

جوزت العام الماضي بكالوريا و كنت ندرس و مجتهدة و مع هذاك شي منجحتش دعيت ربي بزاف باش نجيبو غير ب 10.00 كنت ندعي ربي طول الوقت و توكلت عليه و خدمت وحدي و في اخير حدث ما كنت اخشاه و كاين لي كنت نعرفهم ربحو بالغش و راهم في جامعة و انا كنت نقول مادامني توكلت على ربي ان شاء الله رايحا ننجح و لكن حدث عكس صبرت و قلت معليش عانيت بزاف في الصيف و بقيت غالقة على روحي و كارها الدنيا و جا سبتمبر و وليت نقرا من قلبي و نحفظ و جبت 12 معدل في فترة اولى و متمنيا نجيب الباك و لكن شي لي مقلقني هو انا معنديش كامل زهر منحوسة دائما الحاجة لي نكون حابتها يجي عكسها دائما حاجة لي نحبها تكون متكونش خايفة بزاف من مكتوب ليحرمني من نجاح مع اني راني نتعب و لكن خايفة من مكتوب يعاكسني و انا صبرت فوق الحد و مازالني صابرة و لي منيش مليحة قاتلني تخمام بزاف و معرفتش الحل وين كيفاش ندعي ربي باش ينجحني هذا العام و يستجيب ليا كيفاش نخلي ربي يسمع لدعائي و يستجيب ليا هذا الشيء لي محيرني واش نعي و واش ندير باش ربي يوفقني و ميحرمنيش من بكالوريا هذا العام كامل دارنا راهم يسناو فيا واش هو الحل باش ربي ما يخيبليش املي و يستجيب ليا

hkaytak tchabah l7kayti mais ana 7ata f bali had l3am nadih w mech 5ayfa sah kayan daght kbir mais hmdlilh koni wat9a mn rohak w atwakli 3la rabi w hafdi 3la slatak w ad3i rabi yastajib nchalllh w bonne chonse

[اسيل منة الله]

توكليي على الله ستحل كل اموركي

[سيزومي]

السلام عليكم ورحمة الله وبركاته ... بارك الله فيكم ...جازاكم الله خيرا....شكرا لتفاعلكم

[fadwa601]

توكلي على الله أختي الكريمة وضعي الثقة بنفسك و ابذلي كل مجهودك و تأكدي بأن الله سوف يعوضك و يجزيك من غير حساب

[بنت عين وسارة]

كيفاش نخلي ربي يسمع لدعائي و يستجيب ليا هذا الشيء لي محيرني اختى انت فى هذه الجملة اشركتى بالله يجب ان لا تياسي من رحمة الله واكثرى من الدعاء وعسى ان تكرهو شيئ وهو خير لكم وانشاء الله هذا لعام تجيبيه بمعدل 14