ساعدوني قبل ان اضع حملي

[ام اميمة الجميلة]

السلام عليكم ورحمة الله تعالي وبركاته ارجوكم ارجوكن اريد حلا لعلاج الكلف راه كحلي وجهي رجعت نكره نشوف روحي في المرايا راه عقدني وزيد راجلي يعايرني ويقولي يا كحلة ولله كرهت عاونوني قبل الولادة ارجوكم راني في الشهر السابع ادعولي نزيد بخير ونرجع نصلي طول راني نعاني من العجز علي الصلاة وانا خلاص كرهت حياتي بلا صلاة ادعولي ربي يهديني ادعولي ادعولي ادعولي

[أم مبين]

أختي ربي يجيب لك ساعة السلاك ساهلة انشاء الله شوفي ننصحك لما تروحي تولدي خدي معاك حاجة حمراء فولار ولا كانش حاجة ولما يبقى يتصبب معاك العرق أثناء وبعد الولادة امسحي بيها وجهك وراح تشوفي نتيجة مبهرة انشاء الله

[شرشورة2]

السلام عليكم ماكان علاه درونجي روحك حنونة هدا الشيء نومالمن بعد الزيلدة يروح فقط ماتنسيش تدي فولار حمر معاك مسحي بيه وجهك

[بصمة قلم]

السلام عليكم ورحمة الله وبركاته
الكلف سببه الحمل اختي وسيزول باذن الله بعد الولادة، اما عن زوجك فاظنه يمازحك فقط فلا داعي للتحسس من الامر


أختي ربي يجيب لك ساعة السلاك ساهلة انشاء الله شوفي ننصحك لما تروحي تولدي خدي معاك حاجة حمراء فولار ولا كانش حاجة ولما يبقى يتصبب معاك العرق أثناء وبعد الولادة امسحي بيها وجهك وراح تشوفي نتيجة مبهرة انشاء الله
اختي نكتب "ان شاء الله " وليس "انشاء" لان الاولى معناها ان اراد الله اما الثانيةفهي من انشأ ينشئ -أي إيجاد وذلك لايجوز في حق الله عز وجل
السلام عليكم ماكان علاه درونجي روحك حنونة هدا الشيء نومالمن بعد الزيلدة يروح فقط ماتنسيش تدي فولار حمر معاك مسحي بيه وجهك

سؤالي لكما اختاي بعد اذنكما لماذا يجب ان تكون المنشفة باللون الاحمر وليس اي لون اخر؟؟؟
اخشى ان يكون للموضوع علاقة بالمعتقدات الفاسدة التي كانت منتشرة بين امهاتنا وجداتنا

[شرشورة2]

السلام عليكم ورحمة الله وبركاته
الكلف سببه الحمل اختي وسيزول باذن الله بعد الولادة، اما عن زوجك فاظنه يمازحك فقط فلا داعي للتحسس من الامر



اختي نكتب "ان شاء الله " وليس "انشاء" لان الاولى معناها ان اراد الله اما الثانيةفهي من انشأ ينشئ -أي إيجاد وذلك لايجوز في حق الله عز وجل


سؤالي لكما اختاي بعد اذنكما لماذا يجب ان تكون المنشفة باللون الاحمر وليس اي لون اخر؟؟؟
اخشى ان يكون للموضوع علاقة بالمعتقدات الفاسدة التي كانت منتشرة بين امهاتنا وجداتنا


صراحة اختي بالرغم من انني مثقفة الا انني عندما قيلت لي محوستش نفهم درتها و خلاص لان معروف عن السلف حاجة كيما هاك الوغ انت جربيها و صدقيني عندها نتيجة الله يرزقك وقفة زينة حبوبة

[مواطنة]

اختي حاليا داومي على العسل الحر و التمر و كثرة الماء واما الوصفات الكيميائية جنبيها لانو الجنين يتغذى علىك حتى لو وضعت في جلدك
اصبري نهار تولدي باذن الله تعالى يروح و هذا امر يحدث للكثيرات لان الام لا تقدر بثمن و ما يحدث لك من تغييرات حاولي ان تحتسبي اجرك عند الله تعالى
اما زوجك فهو اكيد راهو يتمسخر معاك انا نعرف وحدة كان زوجها يجيبلها تصويرة زواجها و يبقى يقارن في نيفها لان انفها تنفخ و هي كانت تضحك يعني نقصي في الحساسية و خلي الامور تمشي اما على الصلاة فعليك الرجوع و اذا ماقدرتيش توقفي صلي بالقعاد لانو البيبي يتأثر بمدى طاعتك لله كيما انت تموني مرتاحة كي تصلي هو تاني مالا يا اختي ماعندكش عذر باه تفرطي في صلاتك و خصوصا هي لي تمدلك الراحة

[oumhana]

صباح الخير اختي أنا منقولك لا فولاره حمره ولا زرقه أنا نقولك زربيهو داومي على الصلاة تاعك و كلشي يهون خاطر ربي مراحش يسقسيك على وجهك واش بيه راكي عارفة بلي الصلاة عماد الدين علا بالي بلي راكي تعاني والشي صعيب بصح سيفي على روحك و صلي وأدعي في كل لحضة و قولي ياربي قدّرني نصلي وتشوفي وبلي ربي يجاوبك ديرها كشغل الطبيب ياخي راكي عيانه بصح تروحي تشوفي الطبيب ديريها كما الماء راكي عيانه صح راكي تشربي حبيت نقول قارني صلاتك بكل اعمالك الي راكي تقدري تديريها و تشوفي بلي صلاتك أولىمثلاتعيطلك أمكوتقولك أرواحي راني شريتلك حاجة للبيبي مالقري تكوني عيانه تروحي إمالا مابالك و ربي يعيطلك 5 خطرات في اليوم وما عند الله خير و أبقى.خممي مليح حالتك ما عندها حتى علاقه ببطلان الصلاة بالعكس و اسمحيلي إذا شوكيتك

[Babinaall]

الله يهديك يا اختي الا الصلاة ما تفرطيش فيها. صلي قاعدة ويلا ماقدرتيش حتى راقدة المهم انك تصلي في صلاتك قي وقتها. شوفي الحمد لله رزقك الصحة و الاهل و الذرية شحال من ناس محرومين و كي طلب منك الصلاة عجزتي الله يهديك الى الصلاة

[dalila setif]

من الاحسن متفرطيش في صلاتك صلي و انت قاعدة في الكرسي صلي بالتيمم و ادعي ربي يعطيك وفقة ساهلة ان شاء الله ربي يسلك و حلك على خير يا رب

[sonia32]

اختي الكريمة انا سوف انقل لك تجربتي بالحمل بصراحة كنت اعاني في الصلاة خاصة في الشهرين الاخيرين لكن لم اتركها كنت اصلي وانا جالسة فوق كرسي وكنت اشعر اني ثقيلة جدا حتى عمل البيت اعاني وانا اقوم به اما بالنسبة للكلف واش نحكيلك يا اختي واش صار فيا كنت زيك ما نحبش نشوف روحي في المرايا وزاد علي في الايام الاولى لنفاس عاد الي يشوفني يتخلع لكن الحمد لله زال بعد اسبوعين اختي الكريمة اريدك ان لا تتركي الصلاة مهما كان وادعي الى الله ان يسهل عليك بالتوفيق عزيزتي وربي يرزقك الدرية الصالحة

[إكليل]

ربي يسهل الولادة إن شاء الله و يرزقك الذرية الصالحة

[raboha]

أختي ربي يجيب لك ساعة السلاك ساهلة انشاء الله شوفي ننصحك لما تروحي تولدي خدي معاك حاجة حمراء فولار ولا كانش حاجة ولما يبقى يتصبب معاك العرق أثناء وبعد الولادة امسحي بيها وجهك وراح تشوفي نتيجة مبهرة انشاء الله
صح ديري كيما قاتلك أنا ثان درتها و راحلي