هنوني ربي يهنيكم [الأرشيف] - منتديات الجلفة لكل الجزائريين و العرب

ana lina

2014-03-11, 12:51

السلام عليكم حابا نحكيلكم حكايتي وعاونوني ربي يخليكم انا تخطبت ومامبا سمانتين قالو نعقدو بيسك حاب يحط العقد في السكنا باه يعطوه دار معليهش عقدنا وانا خايفا معلاباليش لاه مع اني جامي هدرت معاه ورحت عقدت قالولي متهدريش عادي عقدت وهدا الانسان ناس ملاح وحنين ومليح معايا وميحش يزعفني بصح انا معندي حتا احساس تجاهو منيش الاو ومنيش مرتاحة وراني خايفة نبقا هكدا طول مع انو هو يحبني وكلشي وخلاص دكا راني مرتو مزال غير العرس عاونوني ولا اهدرولي ولا قولولي اي حاجا تريحني ربي يهنيكم وعطيكم نا تتمناو

meryoma.arabica19

2014-03-11, 13:07

السلام عليكم و رحمة الله و بركاته ،أولا 100000000000000000000000 مبروك العقد ، أختي الكريمة على حسب علمي الحب يكون مع الوقت و العشرة و راكي تقولي حنين و ناس ملاح يعني مع الوقت راح يكسبك بالمعاملة الحسنة و تعودي تحبيه وتموتي عليه عليك بالصبر و الدعاء و صلاة الإستخارة و ربي يريحلك بالك و يهنيك ويرزقك بالذرية الصالحة .

ام عبد الرزاق

2014-03-11, 13:08

عليك بصلاة الاستخارة اختى وربي يسهلك ان شاء الله وربي يهنيك

7anine 87

2014-03-11, 22:32

حبيبتى انا مثلك تماما الفرق انى عقدت وهو لايعرفنى لا نعرفو ولا حب ولا هم يحزنون مى مباعد تعرفنا وشوية شوية جا الحب وتحركت المشاعر ماتخافى ماتقلقى خلاها على ربي وبربي تعيش المشاعر لحابيتاها اصبري ومتخافيش

ibrahimm

2014-03-11, 22:37

الحب يجي مع الوقت

اخطيك من المسلسلات و الحب من اول نظرة

tatadamizour

2014-03-11, 22:49

اختي اخزي الشيطان و استخيري الخالق و اذا على الحب و المشاعر هو قلنالك تجي بالعشرة المحبة من اول نظرة و كل الكلام التافه انا مانامنش بيه ديري ربي في قلبك و توكلي عليه

البنت الجلفاوية

2014-03-11, 23:05

اغلبهم اتفقوا في نفس الفكرة
ابني حياتك الجديدة على الحلال و طاعة ربي تنجحين
المودة والحب بعد الزواج
الله يسر لك
هل هو عقد شرغي ام بلدي؟؟

naamane3

2014-03-12, 13:19

بعد المعاشرة ستجدين نفسك تهيمين به حبا
اما خوفك فهذا امر طبيعي المهم ان لا ينتج عنه
ماهو سلبي
وما تنسايش تعزمينا نجيو نتعشاو

مراد الأمل

2014-03-12, 14:49

السلام عليكم،،
لأولا مبارك لك العقد ،،
ثانيا: قضية تعرفيه و تحبيه ووو...،، كل هذا سيأتي وقته ،، صحيح نتفهّم مسألة تخوّفك من شخص عملت معه عقد الزواج و لا تعرفين عنه الكثير
لكن إذا كان كما قلت "ناس ملاح" فهذا المهم و المشاعر ستأتي مع الوقت
بالتوفيق

ام محمد 05

2014-03-12, 17:26

هههههههههههههههه متخافيش الحب يجي بالعشرة

linouwasoleil

2014-03-21, 11:28

ما تخافي ما والو الحب الحقيقي هو اللي يجي بعد الزواج وهذاك اللي يدوم؟وبالمعاشرة يزيد بما نو ناس ملاح ما تخافيش

*جوري*

2014-03-23, 10:24

مثبــت: تجديد أساسيات قسم المشاكل الاجتماعية (http://www.djelfa.info/vb/showthread.php?t=1554345)