ماذا افعل [الأرشيف] - منتديات الجلفة لكل الجزائريين و العرب

مشاهدة النسخة كاملة : ماذا افعل

مشكلتي

2014-03-10, 23:37

السلام عليكم ورحمة الله
انا فتاة علقت في كثير و كثير من المشاكل في هذا الركن و اليوم احتاج ان اضع مشكلتي هنا عسى ان اجد لها حل و اريد التحدث بالعامية بدل الفصحى

عمري 22 سنة طفلة خاطيني العلاقات و هدرات التلفون و نخاف من ربي و والديا في مرات كثيرة يضايقني الشباب يحبو يهدرو معايا كيما تعرفو حيل الشباب احدهم يقولك نهدر معاك واذا تفاهمنا نخطبك و اخر يقولك نيتي لحلال و هكذا بصح الحمد لله عطاني ربي عقل نخمم بيه نعرف هذا الشي فاني و لا مرة وقعت في فخ احدهم ولو التزم الامر في كثير من الاحيان كنت نخبر اخي اذا شخص مافهمش روحو و استمر بمضايقتي
لكن البنات صديقاتي او بنات الجيران او حتى بنات العائلة يقولولي من حقك تعرفي شخص او فلان راهو يحبك و مافيها والو راو يخطبك صح و هكذا بصح انا الحمد لله مانسمعلهمش حتى كي نخمم في كلامهم بيني و بين نفسي نرجع نستغفر و نقول يا ربي احميني و عففني
في الفترة الاخيرة من حوالي سنة بديت نحس بلي عندي فراغ في حياتي كبير مع اني نصلي و نقرا في المصحف لكن دائما حاسة بلي ناقصتني حاجة وناقصني اهتمام حتى في المنزل كل واحد لاهي في همو ندير اعمال المنزل و نريح وحدي و مانكذبش احيان كثيرة نحس بلي نفسي رح تضعف ونخاف نهدر مع شخص في الهاتف او نسمع لهدو لبنات و نرجع نستغفر
رجعت في كل صلاة من الفجر للعشاء نقول ''' اللهم اغنني بحلالك عن حرامك ''''

من شهر كنت مع الوالدة بعد الصلاة التقينا امرأة شافتني قالت لامي بنتك مخطوبة قالتلها امي لالا قالتلها خويا كلفنا بالخطبة و بنتك عجبتني و حكاو بزاف و اخذت رقم هاتف امي
وقت اتصلت قالتلها خويا عمرو 30 سنة لاباس عليه قاري خدام مستقل بسكنو لكن عندو مشكلة انو تزوج بنت خالتو كي كان في العشرينات يمكن في 26 و بقات عندو شهور فقط و طلقها و انجبت فتاة بعد الانفصال و قال مستحيل نرجعها لان المشاكل بينهم كثيرة و كانت حتى الطبيخ ماتطبخلوش وقالت اختو بلي راو يلوم نفسو يقول كيفاش دمرت حياتي على سوء اختيار دام لاشهر
ماما قالتلها كيفاش و لالا و المراة بقات لاصقة سقسينا عليكم ناس شكرتكم شكرت باباها و خاوتها و شكرولنا في الطفلة راح بابا سقسى عليه قالولو الناس بلي هداك انسان مليح بزاف ومربي و بلي كاين ناس عرضو عليه حتى يزوجوه بناتهم
امي اول مرة قالتلها مكانش نصيب لكن عاودو رجعوا عندنا وبقاو مصريين عليا
و انا دائمة الدعاء اللهم اغنني بحلالك عن حرامك و اكرمنا بالحب الحلال
امي في الاخير قالتلي الامر بيدك اذا انت وافقتي كلنا موافقين وهذا الرجل ماشرط والو قال حاب فتاة تصون عرضي و تحفظ غيبي و المشاكل ماتقيسهاش لاني لا علاقة بيني و بين طليقتي
الشاب اعجب الجميع باخلاقه و شكر به الجميع في عمله و انا الان محتارة خايفة الناس تحكي و تقول كيفاش باباها مدها لراجل مطلق بدون مايعرفو عليه والو و امي قاتلي وش عندك في كلام ناس اذا نتي موافقة
وانااخاف ضعف النفس و دائما حاسة بلي ناقصني اهتمام ومانيش حابة علاقات عاطفية و ماشابه ضميري مايهنينيش وهل هذا سبب مقنع باه نوافق على الزواج؟
وفي نفس الوقت حشمت نقول لماما ايه راني موافقة وخايفة من كلام ناس يقولو تزوجت من شخص مطلق وش بيها مزروبة مع اني مانيش مستعجلة على الزواج ونخاف يجي يوم يقول واحد راني حكيت مع فلانة ونخاف يجي يوم و النفس تضعف نغلط وندخل في دوامة العلاقة العاطفية كيما راني نشوف وش صاري في البنات
زائد اني اعاني من مرض مزمن( السكري )يعني في هذا الوضع ممكن هو لي يرفض امي قاتلي اذا وافقتي بعد مايديرو الرؤية الشرعيه قوليلو اذا وافق كان به اذا ماوفقش الله غالب
في شكلي الحمد لله في خدمة الدار نسلك راسي لقرايا حمد لله مثقفة ومكملة قرايتي اما العمل لست عاملة

انيروني هل رأيكم يساعدني فانا مشوشة من جهة خايفة كلام الناس من جهة حشمت نقول لماما انا موافقة و من جهة خائفة من فتن الدنيا

bonbon

2014-03-11, 10:28

سلام عليكم اختي

مادام ايمانك بربي قوي نظن علابالك واش تديري؟ صلي استخارة وان شاءالله ربي ينور بصيرتك

اما بخصوص انه مطلق فلا اراها مشكلة و كلام الناس عمره و لا بنى دار

بخصوص مرضك صارحي اخته من الاول انك عندك السكري و ماتخليهاش حتى من بعد باش يكون كل شيء واضح من الاول حتى مرضك لا اراه مشكلة لانه بين اليوم و غدوة ما يدريش الواحد لاكان راح يبقى بصحته و لا لالا

ربي يوفقك و يكتبلك للي فيه الخير و ان شاءالله راح يعطيك على قد قلبك و نيتك و مادام ابتعدتي عن الحرام فان شاءالله سيعوضك ربي بالافضل ما تخافيش

الواثق

2014-03-11, 10:35

يا اختي با ختصار اسألو عن دينه وخلقه واستخيري الله فان وجدت الامر طيب فتوكلي على الله ............اما كلام الناس راهو العجب مايعجبهمش ............ اما قضية ان الرجل متزوج ومطلق فهذا ليس عيب فالامور هذه تحدث كثيرا ولربما له اسباب وجيهة .................الخلاصة اسئلو عنه جيدا فان كان الرجل على خير فسمعته سترضي والديك به .ان شاء الله............اما اذا رفض الوالدان ذلك وقالو لك (هذا شأنك ودبري راسك ) فما عليك الا سماع مشورتهما .......................يسر الله امرك

والله المستعان

first first

2014-03-11, 11:12

استخيري.............ولعل مشاكله السابقة زادتلو في الراس عقل وخلاتو يفهم مليح معنى الزواج والاستقرار. بالنسبة لمرضك لك الاختيار تخبريه قبل الرؤية او بعد ...المهم راكي خبرتيه قبل الخطبة والزواج..ماعندك ماتزيدي.

chamam

2014-03-11, 11:20

بيلسان الجنان

2014-03-11, 14:34

السلام عليكم .... أعدري صراحتي أولا ...مرة كتير من الحالات هده في حياتي ...أقول لك لقد أعطاك الله زواج على المقاس ...

أولا ..هو أن تصارحيه بمرض السكري ...حتى تضع نفسك في الطريق الصحيح ...إن وافق هو وليس أنت ..لأنك يا أختي أنت

موافقة بكل تأكيد هدا ما لمسته في كلماتك ........مشكلتك آنستي هي ..في الإنجاب سوى مع هدا ..أو غيره ...سوف تتعدبين

كتيرا ..إن أنجبت اولادا وأنت على يقين ( السكري وراتي ) ...لهدا إن قدر الله خدي هدا واجعلي من إبنته إبنتك ...تم مع هدا

أو غيره ...قبل الإنجاب ..راجعي الطبيب ...هناك سكري دون سكري ..إن كان الأولاد سوف يلازمهم بالوراتة ..فأنصحك

أنه لاداعي لدلك ...سوف تتعدبين نفسيا كتيرا ...وتلومي نفسك فيما بعد ....

أسأل الله العظيم أن ييسري أمرك ...وصلي صلاة إستخارة ..واطلبي من الله بدعوة صادقة متيقنة بالاجابة أن يقرب لك

ماهو خير لك في دنياك وآخرتك .

السلام عليكم
والله يا اخ رأيك غريب الفتاة مشكلتها الاساسية القبول او الرفض هذا كاول شيئ
ثاني امر الفتاة معها السكري ليس السرطان حتى تخيفها هكذا ثم الطب تقدم و السكري كوجع الرأس اليوم و بالعكس كلنا نرى امهات مصابات بالسكري و ينجبنا بسهولة و يمكن تكون ام سليمة وتجيب طفل يا معاق يا به مرض خطير ,,,,ربما تناسينا قضاء الله
وايضا هل كل فتاة مريضة ترمي نفسها في غيابات جب فقط لانها مريضة ربما لن تاتيها فرصة اخرى؟
وما قصدك بلا داعي لذلك يعني تعيش الفتاة وحدها طوال حياتها تحرم نفسها من الامومة و الزواج لاجل شيئ علمه عند الله؟؟؟؟؟؟؟

متى نرتقي بافكارنا قليلا
اعذرني ايضا عن صراحتي اخي

ABDOU ELE

2014-03-11, 15:04

التوليب الجميلة

2014-03-11, 15:31

السلام عليكم
والله يا اخ رأيك غريب الفتاة مشكلتها الاساسية القبول او الرفض هذا كاول شيئ
ثاني امر الفتاة معها السكري ليس السرطان حتى تخيفها هكذا ثم الطب تقدم و السكري كوجع الرأس اليوم و بالعكس كلنا نرى امهات مصابات بالسكري و ينجبنا بسهولة و يمكن تكون ام سليمة وتجيب طفل يا معاق يا به مرض خطير ,,,,ربما تناسينا قضاء الله
وايضا هل كل فتاة مريضة ترمي نفسها في غيابات جب فقط لانها مريضة ربما لن تاتيها فرصة اخرى؟
وما قصدك بلا داعي لذلك يعني تعيش الفتاة وحدها طوال حياتها تحرم نفسها من الامومة و الزواج لاجل شيئ علمه عند الله؟؟؟؟؟؟؟

متى نرتقي بافكارنا قليلا
اعذرني ايضا عن صراحتي اخي

ما هذا الرد المثالي يا اختي الاخ عبر عن رايه تهجمتي عليه كل واحد حر يعبر عن رايه الاخ اهدر من واقع معاش و من نظرة الشاب الجزائري للمرض و صح الواحد مايعرف منين يطيح عليه المرض م تجوا لهنا تلعبوها مثاليين او شوية رانا عايشين في واقع و رانا نشوفوا و اعذريني عن صراحتي
اما بالنسبة لصاحبة الموضوع يا اختي ماشي عيب الزواج من راجل مطلق المهم الاخلاق تاعوا و انتم مادام سقسيتوا عليه و سمعتوا غير الخير اتكلي على ربي لا راكي حابة و مقتنعة و المجتمع حاجة ما تعاجبوا ديري الحاجة لي تريحك انت و استخيري و ان شاء الله ما يكون غير الخير اما بالنسبة للمرض قوليلوا اختي من الاول انت المهم تقوليلوا باش ما يقولش خبيتي ولا حاجة و اي واحد في الدنيا هادي معرض للمرض و ربي يجيب الخير

بيلسان الجنان

2014-03-11, 15:50

التوليب الجميلة

2014-03-11, 16:24

والله يا اخت منال بتفكيركم هذا تبقون في اخر القائمة للاسف

مادمتم تعتبرون المرض عيب فلا صلاح و لا فلاح لا اعرف اين الانسانية
و ايضا ذكرتيها بنفسك (نظرة الشاب الجزائري للمرض)

لا حول ولا قوة الا بالله

معليش بتفكيري نبقى في الاسفل المهم انت كوني مثالية و من فضلك اكره ما نكره الواحد يقولني حاجة ما قلتهاش من فضلك لا تقوليني ما لم اقل

محمد...عبد النور

2014-03-11, 16:28

أسأل الله لكم التوفيق و اللهم ان كان خيرا لها و فيها خير له ...اللهم اجمعهم في على الحب و الطاعة و ان كان غير ذلك فاكفهم و اغننا و اياهم من فضلك العظيم
فقط الصراحة هي التي تدوم ....و ليس عيب ان تتزوج المرأة من مطلق او ان يتزوج الرجل من مطلقة ...أما كلام الناس ...حتى الله عز و جل و لم يسلم من كلام العباد كقول الكفار انه اتخذ صاحبة و ولدا و تعالى الله عن ذلك علوا كثيرا
اسأل الله ان يكرمك و يثقر عينيك بما تحبين
ســـــــــــــــــــــــلام

chamam

2014-03-11, 16:52

السلام عليكم
والله يا اخ رأيك غريب الفتاة مشكلتها الاساسية القبول او الرفض هذا كاول شيئ
ثاني امر الفتاة معها السكري ليس السرطان حتى تخيفها هكذا ثم الطب تقدم و السكري كوجع الرأس اليوم و بالعكس كلنا نرى امهات مصابات بالسكري و ينجبنا بسهولة و يمكن تكون ام سليمة وتجيب طفل يا معاق يا به مرض خطير ,,,,ربما تناسينا قضاء الله
وايضا هل كل فتاة مريضة ترمي نفسها في غيابات جب فقط لانها مريضة ربما لن تاتيها فرصة اخرى؟
وما قصدك بلا داعي لذلك يعني تعيش الفتاة وحدها طوال حياتها تحرم نفسها من الامومة و الزواج لاجل شيئ علمه عند الله؟؟؟؟؟؟؟

متى نرتقي بافكارنا قليلا
اعذرني ايضا عن صراحتي اخي

يانسيم الريح ..قولي للرشا ..لم يزدني ..الورد الا عطشا ..لي حبيب ..

حبه وسط الحشى .

وفي نفس الوقت حشمت نقول لماما ايه راني موافقة وخايفة من كلام ناس يقولو تزوجت من شخص مطلق وش بيها مزروبة مع اني مانيش مستعجلة على الزواج ونخاف يجي يوم يقول واحد راني حكيت مع فلانة ونخاف يجي يوم و النفس تضعف نغلط وندخل في دوامة العلاقة العاطفية كيما راني نشوف وش صاري في البنات
زائد اني اعاني من مرض مزمن( السكري )يعني في هذا الوضع ممكن هو لي يرفض امي قاتلي اذا وافقتي بعد مايديرو الرؤية الشرعيه قوليلو اذا وافق كان به اذا ماوفقش الله غالب
في شكلي الحمد لله في خدمة الدار نسلك راسي لقرايا حمد لله مثقفة ومكملة قرايتي اما العمل لست عاملة

انيروني هل رأيكم يساعدني فانا مشوشة من جهة خايفة كلام الناس من جهة حشمت نقول لماما انا موافقة و من جهة خائفة من فتن الدنيا
.................................................. ...........................؟

haytoo82

2014-03-11, 16:55

صلي صلاة الاستخارة ثم اتبعي راي الاهل راهم اكثر منك خبرة مع ان امك تبان مش موافقة
اما مشكلتو الزواج من قبل ربما تكون في صالحك عرف وش معناها الاستقرار واسرة ولازم تتفاهمو على الطفلة من ظرك مش نهار اخر تزوج يماها يروح ينحهالها ويجيبهالك هذي لازم تتفقوا فيها من الان يا ايه يا لالا
اما مرض السكري كاين وراثي وكاين لا ولازم تخبريه المهم قبل العقد الشرعي وتاكدي من انك مادامك مراعية ربي وخايفة من لحرام راه ربي يعوضك في الحلال وتلقاي طعم الحلال حلو لا حلاوة فوقه وهذا عن تجربتي
اخيرا ما يهمكش كلام الناس راها يعطيك تلقى حاجة تهدر عليها

chamam

2014-03-11, 17:12

السلام عليكم
والله يا اخ رأيك غريب الفتاة مشكلتها الاساسية القبول او الرفض هذا كاول شيئ
ثاني امر الفتاة معها السكري ليس السرطان حتى تخيفها هكذا ثم الطب تقدم و السكري كوجع الرأس اليوم و بالعكس كلنا نرى امهات مصابات بالسكري و ينجبنا بسهولة و يمكن تكون ام سليمة وتجيب طفل يا معاق يا به مرض خطير ,,,,ربما تناسينا قضاء الله
وايضا هل كل فتاة مريضة ترمي نفسها في غيابات جب فقط لانها مريضة ربما لن تاتيها فرصة اخرى؟
وما قصدك بلا داعي لذلك يعني تعيش الفتاة وحدها طوال حياتها تحرم نفسها من الامومة و الزواج لاجل شيئ علمه عند الله؟؟؟؟؟؟؟

متى نرتقي بافكارنا قليلا
اعذرني ايضا عن صراحتي اخي

السلام عليكم ...لا علاقة للجهل بالصراحة ولاعلاقة للصراحة بالجهل

كنت افضل ..اليوم القراءة فقط ..ولكن ..أيقونات الشكر دكرتني بكلام

المتنبي ..لم يزدني جهلكم الا ضحكا ......

أريدك ان تدهبي الى (عمي قوقل ) وتخبريه ماهي نسبة الضرر على

الام الحامل والمصابة بالسكري ..عليها وعلى جنينها .

إن وافق الرجل ..فهده الفتاة يستحسن ان تكتفي بطفلته ................

يا نسيم الريح ..قولي للرشا ..لم يزدني الورد الى عطشا ..لي ..

حبيب ..حبه وسط الحشى .

chamam

2014-03-11, 17:30

ســـــــــــــــلام
نصيحة اتبعي راي الوالدين لانهما اكثر خبرة..........قضية انو مطلق فليس عيب و ارمي عليك كلام الناس.............المهم يكون ذو دين و خلق ..........اخبريه بمرضك و لا تقلقي...........ان كنت موافقة فلا تخجلي من امك......اما قولك انك تحسين بالفراغ فاي شخص في سن معينة يحتاج الى رفيق دربه يعني انت تحتاجين زوجا...............اسمعي راي الوالدين فهما ادرى بمصلحتك.

امي في الاخير قالتلي الامر بيدك اذا انت وافقتي كلنا موافقين وهذا الرجل ماشرط والو قال حاب فتاة تصون عرضي و تحفظ غيبي و المشاكل ماتقيسهاش لاني لا علاقة بيني و بين طليقتي
الشاب اعجب الجميع باخلاقه و شكر به.

لا ادري يا عبدول ..لمادا اشعر انك لم تقرء حتى القصة ؟

يانسيم الريح ..قولي للرشا ..لم يزدني الورد الا عطشا ..

لي حبيب ..حبه وسط الحشى .

chamam

2014-03-11, 17:37

تزوجيه يا اختي ان وافق على بركة الله ...ليس عيبا ابدا ...انسان تزوج وفشل في المرة الاولى ....ودعك من كلام الانعام ..

وان اردت الانجاب يوما مع هدا المرض ...عليك بمراجعة الطبيب اولا ....هو ابتلاه الله وانت ابتلاك الله ..وللله الامر من قبل

ومن بعد .................................................. .................................................. ..............بالتوفيق .

ام محمد 05

2014-03-11, 17:51

ماهذا سبحان الله نساء بالسكري ويلدن بصورة عادية ونساء بصحة جيدة يمتن عند الولادة كل وحدة وش قدرلها ربي خرجتو من الموضوع اللهم اهدينا هذا مرض من الله مش عيب المهم تصارحيه

بيلسان الجنان

2014-03-11, 17:52

والله يا اخ chamcham لا اعرف من من بيننا الجاهل بقدرة الله و قضاءه و قدره

محمد جديدي التبسي

2014-03-11, 17:56

أخبري أهله بمرضك قبل الخطبة والرؤية أفضل
ربما جوابهم سيغنيك عن كل فعل أو رد فعل لأن قلة من يقبل الزواج من مريض سواء امرأة أو رجل وهذا واقع
في قضية كونه مطلق هذا ليس عيبا..
أما عن مشاعرك والفراغ الذي تعيشينه فهذا أمر طبيعي ربي يرزقك الزوج الصالح

chamam

2014-03-11, 19:48

والله يا اخ chamcham لا اعرف من من بيننا الجاهل بقدرة الله و قضاءه و قدره

أنت بكل تأكيد ...يا آنستي ...القضاء والقدر ..غيب مطلق ..ولكن الله

سبحانه وتعالى ...ميز الإنسان على الحيوان بالعقل ...وهل تعرفين ..

ماهي أهمية العقل ..الإدراك ..يا آنستي .....

تم يا آنستي أنا لا أتكلم من فراغ ..هده الأشياء ..عشناها وعايشناها

أنا لا أبيع للناس الأوهام ..إنما هو الواقع يفرض نفسه .. عندنا ..

مشكلة ...مكونة من جزئين ..عندنا مرض ..فيه كلام وليس سهلا في

جزئية ما دكرت ...وعندنا تردد في قرار ..العقل والمنطق ..يقر بانها

تريد هدا الرجل 100/100 ...ولكن مشكلتها الحقيقية في المرض

هناك اسطر نقراها ..ولكن مانقرء ما بين الاسطر هو الاهم .

هيا يا عبدول ..ايقونة شكر ..ماشي خسارة في حبيبك .

ABDOU ELE

2014-03-11, 20:00

امي في الاخير قالتلي الامر بيدك اذا انت وافقتي كلنا موافقين وهذا الرجل ماشرط والو قال حاب فتاة تصون عرضي و تحفظ غيبي و المشاكل ماتقيسهاش لاني لا علاقة بيني و بين طليقتي
الشاب اعجب الجميع باخلاقه و شكر به.

لا ادري يا عبدول ..
اخطات الاسم.......سلامة عيونك

لمادا اشعر انك لم تقرء حتى القصة ؟

ولما يساورك هذا الشعور يا حنوني ؟ سلامة قلبك يا عزيزي...... اشرب واحد باراسيتامول يذهب عنك هذا الشعور

يانسيم الريح ..قولي للرشا ..لم يزدني الورد الا عطشا ..

لي حبيب ..حبه وسط الحشى .

يا صاحب السمو قد خرجت عن الموضوع من حيث لا تدري

شكرا على التعقيب

chamam

2014-03-11, 20:43

والله يا عبدون ...عفوا عبدوا ...أعدر لغتي الفرنسية ....والله دكرتني ببعض السنوات قضيتها في البليدة ....هم يقولون هناك كلمة حنوني ....

بالنسبة للمشكلة هده ..مند مدة بسيطة فقط ...كنت اطوف بأحد النساء الحوامل ...في كل مصحة للنساء والتوليد ..لم يقدر أحد على علاجها

كانت مشكلتها ...في تشوه الجنين ...والله على ما أقول شهيد ....فحوصات كلها للسكري ..مع العلم أنها ليست مصابة بالسكري ..ولكن في مرحلة

الحمل ..حدت لها نقص السكري في الدم لفترة ...فحدت تشوه ...المهم نقص السكر في الدم يؤدي الى ..مشاكل لدى الجنين من اهمها ما يسمى الاستسقاء

زيادة الماء في الرأس ..وحتى انه خطر على صحة أمه ...وهي شرحها طويل ....المهم اخدت تلك المرأة كما قلت لك مند فترة في الام المخاض الى المستشفى

وكما قالت طبيبة النساء التي كانت تتابع عندها ...زادت مولودة انتى ..وعاشت لمدة اربع ساعات فقط ....هل تفهمني ....انا لا اصعب في المشكلة على صاحبتها

انا اهيئها نفسيا فقط ...والله العظيم راك حلفتني يا عبدو ...كانت فتاة تعمل لدينا في محل ...تقدموا لها مرتين ..وبعد مصارحتهم لها ..بانها لديها مرض السكري

تراجعوا ...والله هي تعيش حزينة ..وانا اعرفها ...عندي صديقي والله عنده مرض السكري ..محتار في الزواج ....اصحاب المرض هدا ...معاناتهم كبيرة ..

كيف تنجب طفل ...وتورته مرضا متل السكري (مزمن) ..هي ممكن يولد عادي وممكن مريض مباشرة ...هدا كلام الطبيب .

أنا قلت تزوجيه يا أختي ..وخدي إبنته ..كإبنتك ..وإن كان نوع السكري التي تعاني منه ...يسمح لك بالإنجاب بدون مخاطرة فهو كدلك وأن لم يكن فعندك بنت

وإحساس الأمومة لايعوض ...ولاكني أتدكر ....جارنا ( عمي نوار ) هو مريض بالسكري ...أنجب أربع أولاد كلهم مصابون بالمرض وراتيا ......

هنا ....الطبع غلب على التطبع ...مشكلة الاخت في مرضها أكبر من مشكلتها في قرار هو محسوم ...بالنسبة اليها وهي موافقة بل بالعكس هي خائفة من

ان الشاب لما يعرف حكاية المرض يأبى ......هل فهمت يا عبدون ...انا لا اتكلم من فراغ ابدا ....

اما بالنسبة ...يانسيم الريح قولي للرشا ...لم يزدني الورد الى عطشا .....هده مناجاة الله وحب الله ...أخوك كما تعرف على الطريقة الصوفية

ولي حبيب حبه وسط الحشى ...يعني مناجاة طويلة وجميلة ...أريد دائما التحرر والسمو بالنفس ..........ادعوه في الخلوات ..واهيم بحب المصطفى

حب النفس للنسمات .................................................. ..شكرا يا عبدون ارجو التفهم فقط ..هي وجهات نظر فقط . وللله الامر من فبل ومن بعد.

رَكان

2014-03-11, 23:47

أخبريه عن مرضك ..فإن وافق على المواصلة اتكلي على ربي ..لن تندمي بإذن الله..