مشكلتي مع العاملة زوجتي

[مشكلتي]

السلام عليكم إخواني
أريد أن اطرح مشكلتي عساني أجد السداد والصواب منكم مع ان هذا المشكل تكرر كثيرا في هذا المنتدى لنبدأ
زوجتي عاملة وأنا عامل وراتبها يفوق راتبها ، لدينا طفلين الحمدلله قدرني ربي عليهم وراني نكبر فيهم وحاجة ما تخصهم وحتى زوجتي لا ينقصها شئ طبعا هذا واجب عليا .
لكن ما اشعر به هو الذل منها بمصطلحات استفزازية إذا اشترت هي شيئا ولو حبات حلوى لازم تذكرني بكلمة هادوك بدراهمي ، هاك فليكسيلي ورجعلي الصرف ، إذا فكرنا نشتري أثاثا أو مثلا كبش العيد تقولي /ا فيفتي فيفتي أنا وياك نشريو ......وغيرها .

اللي غايضني في كل هذا هو عكس مع أهلها تمدلهم الدراهم ومنشغلة بهم كثيرا تخمم عليهم بزاف وكأنها هي المسؤوولة عنهم ..
هي تخرج في الصباح للعمل ع 7/30وأنا نبقى مع الأولاد إلى 9 نلبسلهم ونديهم لكراش (مع العلم هي من تدفع ثمن لكراش )وبعدها اذهب إلى عملي وقت الغذاء هي لا تعود تذهب عند أهلها بحكم قرب المسافة من عملها الى بيتهم وأنا اذهب عند والدتي اتغدى ....وما إن ينتهي الشهر حتى يفرغ جيبي.

الآن هل أخطأت لأني تزوجت عاملة ؟

[7anine 87]

ربي يعينك مش اخطاءت هى مهما يكون ام ولادك حاول تتكلم معاها وتنصحها بلا ما تبين ثاثرك او نعاركها واذا كنت قادر تعيشهم وحدك حاول تنصحها تبطل ولو انى مانظنش تقبل اخر الحلول اقبل بعيشنك لانها نتيجة اختيارك

[اميرة الجلفة17]

ربي يكون في عونك
لازم تكون عندك سلطة عليها يا تبطل الخدمة ولا ماتخليهاش تصرف باش ماتبقاش تعاودلك فالهدرة وارضى بلي عطاهالك ربي

[أم شروفة]

امرأة عاملة ؟ هذا خيارك من البداية.اما بالنسبة لدارهم اتقي الله أخي راهم قراوها هذا أقل واجب تعملوا ليهم.ساعدها أخي على بر والديها.وخليك من الحسابات.وعش سعيد مع زوجتك وترفعو عن الماديات لانها رايحة تفرق بيناتكم و أكيد لو شافتك طايحة بيك راح تعاونك ماديا لأنك أبو أولادها

[first first]

يا اخي مجرد راي برك.............اصرف عليها ..راهي عاملة بصح مسؤولة منك...افليكسيلها من عندك مرة على مرة...انت اصرف عليها واتفكرها وهي بلا ماتطلب منها دراهمها ماريحينش يخرجو برا...اي امراة راهي تخمم في دارها وماراحاش تخبي دراهم ودارها محتاجة...بصح مالازم تحسسها بلي لازم تصرف. خفف عليها وماشي دايما فيفتي فيفتي...اصرف بالشي لي قدرك ربي...وربح كلمتك ومكانتك
وربي يحفظلك الزوجة الكريمة ويعينها على الخدمة تاع برا راهي ماشي ساهلة.

[حضنية28]

القصة ميش امراة عاملة ولالا
يا اخي المشكل فيك انت انت لازم تفرض روحك وتفرض رايك وساعة لاساعة اتفكرها افليكسيلها اشريلها حاجة يعني متخليهاش كل يوم تصرف من جيبها
اما بالنسبة للعمل قادرين تتناقشو فيه وتخرجو بنتيجة
انت يا اخي عش حياتك عادي بصح اعرف كيفاه تسيرها
اما بالنسبة لوالديها متنساش والديها وساعدوها على قرايتها لذالك هي ترد لهم جزءا من جميلهم
يبقى هذا رايي ولا الزم به احدا

[الواثق]

جيت نهدر وبطلت ..................يا اخي واش نقلك ................كون راجل وحافظ على زوجتك واولادك بما اذن به الشرع .........حاول تغير بعض الامور وانت تعرف شخصية زوجتك وكن حازما في امور ولينا في امور ....................والله اعلم

[نورسين.داية]

السلام عليكم

أخي مسألة عملها بالنسبة لك ليست مشكلة كما يبدو مما كتبت
لكن بالنسبة لي يظهر ان نقطة الخلاف هي حول مسألة المن على أساس أنها تمن عليك صرفها لأي فلس في ضروريات المنزل

و مسألة مساعدتها لأهلها .......يعني كما يبدو لي تود لو أجرها تعطيه لك ....يعني يكفيك أنك قبلت لها العمل ...؟؟.........أليس كدلك ؟

البعض يقول أفرض شخصيتك و البعض الأخر يقول أوقفها من العمل .....
في رأي .....مسألة قبولك لعملها ليست عبارة عن plaisir
من عندك ...لأن أساس العلاقة الشرط الدي أتفقتما عليه أثناء إبرام العقد ..............حبيت ولى كرهت هذه هي الحقيقة ..........
مسألة مالها تعطي لأهلها ..............أو تلقيه في الواد ..........هو مالها و هي حرة فيه ........و ليس لك ادنى سلطة عليه لا شرعا و لا قانونا .....

رأي حدثها و ناقشها في النقاط التي تريد تعديلها في أصل العقد بينكما ....................إتفقتو اللهم بارك ....ما تفقتوش .............أنت أدرى بمصلحتك ...........
حتى حد ماهو مجبور على تحمل آخر رغما عنه

ربي يوفقك خويا

[sarl02]

فليكسيلي ورجعلي الصرف ؟؟يا رب صبرنا ...لن اقول لك شيء سوى كونك راجل وفقط واياك والذل والمهانة في سبيل زوج دورو تاعها ...راك راجل يا اخي وان تحتم الامروقفها عن العمل وهذا حق لك ولو لم تتفقا عليه قبل الزواج ..لان عقد الزواج ليس بقرءان منزل يعني البارح كنتي مليحة خليتك تخدمي اليوم القيت فيك تغيرات او اشياء ماشي مليحة انحبسك فورا ...وفي الختام اقول لك لا تظلم نفسك والغير في ان واحد ووفقك الله.

[sofix206]

يا أخي أتعوذ مالشيطان الرجيم راه دايرلك وسواس كبير في راسك ونورمالمو تعمر راسك كيفاش تخلي راتبك أكبر منها ماشي بالغيرة ولا بالحسد و انما هاد الشي يخليك تدير حافز لنفسك باش تزيد للقدام مشي للور

[lalib40]

نعم اخطات لانك تزوجت عاملة هي تخرج على 7.5 ونت على 9 ؟؟؟ مشكل الطلاق هذه الايام هو راتب الزوجة

[lalib40]

اياك ثم اياك والذل ، بهذه الطريقة سيكون الاولاد ضعيفي الشخصية

[lalib40]

القصة ميش امراة عاملة ولالا
يا اخي المشكل فيك انت انت لازم تفرض روحك وتفرض رايك وساعة لاساعة اتفكرها افليكسيلها اشريلها حاجة يعني متخليهاش كل يوم تصرف من جيبها
اما بالنسبة للعمل قادرين تتناقشو فيه وتخرجو بنتيجة
انت يا اخي عش حياتك عادي بصح اعرف كيفاه تسيرها
اما بالنسبة لوالديها متنساش والديها وساعدوها على قرايتها لذالك هي ترد لهم جزءا من جميلهم
يبقى هذا رايي ولا الزم به احدا

كيفاه ، يصرف عليها ؟؟ ايحبسها من الخدمة ويصرف عليها

[محمد جديدي التبسي]

أكيد أنت مخطئ بزواجك من عاملة والخطأ الأكبر أن تنتظر مساعدتها لك؟؟!!
لا أظن أنك تستطيع إيقافها عن العمل الآن مباشرة لكن حاول تحاورها وتوعيها
لا تنظر لراتب زوجتك ولا تنتظر منها شيئا ماديا
اصرف على زوجتك وأبنائك وكن رجلا حازما لا تجعل زوجتك تقلل احترامك "رجعلي الصرف وفيفتي فيفتي"!!
قل لها بيتك وأبنائك أهم من عملك وراتبي يكفينا والرزق على الله
ابحث عن طريقة يكون لك بها مدخول إضافي خاصة أنك لا تعمل صباحا يمكنك البحث عن عمل آخر.. ربي يفتح عليك

[بنت غليزان]

السلام عليكم يا اخي انا بانتلي انت كي ما تصرفش عليها راهي تديرا هاكا كي تعطيك تفليكسيلها مرة على مرة قولها نفليكسيلك من عندي
و مرة على مرة اشريلها حاجة

[مواطنة جزائرية]

ينقصكما الحوار بالاساس و الثقة و ابتعد عن اراء الاخرين فهي حياتك و أنت حر وواحد ما يدبر عليك كل و قناعاته

[sarl02]

السلام عليكم

أخي مسألة عملها بالنسبة لك ليست مشكلة كما يبدو مما كتبت
لكن بالنسبة لي يظهر ان نقطة الخلاف هي حول مسألة المن على أساس أنها تمن عليك صرفها لأي فلس في ضروريات المنزل

و مسألة مساعدتها لأهلها .......يعني كما يبدو لي تود لو أجرها تعطيه لك ....يعني يكفيك أنك قبلت لها العمل ...؟؟.........أليس كدلك ؟

البعض يقول أفرض شخصيتك و البعض الأخر يقول أوقفها من العمل .....
في رأي .....مسألة قبولك لعملها ليست عبارة عن plaisir
من عندك ...لأن أساس العلاقة الشرط الدي أتفقتما عليه أثناء إبرام العقد ..............حبيت ولى كرهت هذه هي الحقيقة ..........
مسألة مالها تعطي لأهلها ..............أو تلقيه في الواد ..........هو مالها و هي حرة فيه ........و ليس لك ادنى سلطة عليه لا شرعا و لا قانونا .....

رأي حدثها و ناقشها في النقاط التي تريد تعديلها في أصل العقد بينكما ....................إتفقتو اللهم بارك ....ما تفقتوش .............أنت أدرى بمصلحتك ...........
حتى حد ماهو مجبور على تحمل آخر رغما عنه

ربي يوفقك خويا

عهدتك للحق قوالة يا نورسين ...قبول الرجل لعمل زوجته ليست مزية كما قلتي فقط بل تضحية ..الراجل كي اولي انقي لولادو الصباح ويديهم للاكراش راه امضحي يا نورسين...الراجل كي يفطر بالبارد راه امضحي ...الراجل كي يرجع العشية ومرتو تدخل موراه راه امضحي يا نورسين ...يعني في سبيل هذا ما عندهاش الحق تتضرف في راتبها دون الرجوع اليه وهذا هو الواقع المعاش ..وما عندهاش الحق اتحط راسها براسو لمجرد انها عاملة ...الزمان ولا الذل يا نورسين كيما قالك ناس بكري ...والزوج يقدر احبسها عن العمل كما يحلو له لانها زوجته وتحت قوامته ولو لم يتفقا على ذلك قبل الزواج...التصلب في هكذا مواقف ماله الهلاك للعلاقة والزوجة الخاسر الاكبر يا نورسين .

[فارس وجواد]

أخي أنا لا أقول لك أخطأت أو لا لكن...
و الله المصطلحات التي ذكرت أثارت تحفظي ... دراهمي و دراهمك .... فليكسيلي و رجع لي الصرف .... فيفتي فيفتي..... الخ
أدعو الله أن لا يكون المنزل الذي تسكنه فيفتي فيفتي أيضا .... لانه ستكون كارثة و قنبلة موقوتة .
شخصيا لا أحبذ أن تكون القوامة المالية مشتركة بين الزوجين فالأولى أن تكون للرجل فقط.
نصيحة مني أخي بما أنك قلت أنك عامل و الحمد لله لا تأخذ من زوجتك ولو دينارا و لا تشرك راتبها في الأمور المنزلية .
يعني بالمعنى الأصح أنت الرجل في البيت و أنت المسؤول و راتبك يكفي أخي و الله يغنيك عن كل تلك العبارات.

[راضية12]

أظن أن المسألة ليست في عملها ولكن في شخصية كل منكما واضح انك رجل من النوع الصبور وغير المتسلط اما هي بالعكس من النوع المتسلط والمتجبر ، لن أقول دعها تترك العمل ولكن دعها تقوم بواجبها كأم وربة منزل فهو العمل الاولى من عملها خارج المنزل وان كنت قد قبلت عملها قبل الزواج فلا اعتقد ان ذلك كان على حساب عملها كربة منزل أعتقد ان ما عليك عمله ان تفرض عليها القيام بواجباتها اتجاهك واتجاه اولادها وتتحمل مسؤولية ذهابهم الى الحضانة وليس انت لانه من واجبها البقاء بالمنزل الى جانبهم وان كانت تشتكي التعب ببساطة لم يجبرها احد على العمل ، اما اتجاه اهلها اقصد والديها خاصة هنا المسالة تخصها وعليها ان ترد وان كان ذلك غير ممكن بعضا من جميلهم عليها،وعليك تحمل واجباتك المالية كاملة تجاه عائلتك في حدود الامكان طبعا ، لا تدعها تشاركك في شراء اي شيئ يخص المنزل إن كان عن طيب خاطر منها يعني هي من يريد ذلك فلتفعل وحدها وان لم يكن فلا داعي لان الامر بالنسبة لك غير ضروري وان كان ضروري تحمل مسؤوليته وحدك ولا تتحمل منيتها، بالاضافة لشيئ مهم حتى ولو كانت زوجتك عاملة فهي دائما تحتاج لأن تمتلك شيئا من عندك من مالك الخاص دون ان تطلبه هي مثلا تذكرها بهدية فليكسيلها مرة على مرة دون ان تطلب ربما تعطيها مصروف النقل مثلا ليس لشيئ فقط لتحسسها بانك السيد ومسؤول عنها لا هي ، حتى وان كان راتبها اعلى من راتبك لن ينقص من قيمتك امامها ببساطة الدور دورك هنا افرض شخصيتك عليها خاصة في امور الاولاد .

[lachiche]

اسمحلي هاذي ماشي إمرأة
زوجتك من حقها تعاونك بالصح باش تذلك لالالالالالالالا
شوف لازم مرتك تخاف منك انا فهمت بلي هي الراجل و انت لمرا بالصح انت بنتلي ناس ملاح و تحبها
أعطيها طريحة لكلاب و هددها بالتوقف عن العمل واهجرها و شوف إذا متترباش

[lachiche]

ااااااااااه نسيت خويا بالاك راهي تحرش فيها أمها متزيدش تخليها تروح لبيت بوها إلا في المناسبات
....................

[mouhaned]

سل اعلامة الشعراوي عن مسالة العمل للمراة فاجاب في كلمتين من وحي القدير العليم " و قرن في بيوتكن " و مسالة المن فهو فطرة نساء هذا الزمن و لو كانت متدينة ...................... ادعوا ربك يفرج كربك فهو مبتليك

[om mouhamed]

شخصيا انا عاملة لكن الحمد لله لا اعلني هاته المشاكل.و لا اعلم راتب زوجي و لا اريد معرفته.انا اظن ان زوجتك عندها نقص من جهتك.اتفكرها خطرة على خطرة.حسسها بلي ماكش محتاج لدرهمها

[om mouhamed]

نسيت حاجة.زوجي يتغدا في الدار و يتعشا في الدار.و جامي دخلت انا وراه.الحمد لله و هدا راجع لطبيعة عملي و لاني حريصة على ان لا احسسهم باي نقص.و لي فحلة فحلة خدامة و لا قعدة في الدار.و راني منحبش لي يقول كل العاملات مهملين بيوتهن

[ABDOU ELE]

http://safeshare.tv/w/QQzCYfmKIm

[haytoo82]

[COLOR="Blue"][FONT="Arial Black"][SIZE="6"]
انا نظن المشكل مش في كونها عاملةاوانه راتبها اكبر من راتبك المشكل الحقيقي في شخصية زوجتك المن من جهة وفي كونك ربما مقصر من جهتها فمهما كانت الزوجة تحب زوجها ساعة على ساعة يتفكرها بحاجة مهما كان راها مسؤوولة منكوكان تكون عندها خزانة ملابس تحب تشريلها حاجة ولو بسيطة عطر مثلا افليكسيلها
اما موضوع اهلها هذا الشئ راه لازم خاصة اذا كان اهلها متوسطي الدخل راها تردلهم في الجميل لكن في حدود
اما مصاريف المنزل بطلو من حكاية فيفتي فيفتي هذي اذا حبت حاجة مثلا اثاث وكان عندها الدراهم تشري تشريها من مالها ومرة اخرى تشري انت حاجة اخرى بلا دراهمها راكم مدخلين الحساب ياسر في حياتكم وهذا راه مشكل لازم تنحوه قبل لايكبر
نزيدك حاجةهي لازم ما تهملش دارها تقوم بواجباتها كزوجة وام مش الدراهم بالحساب والدار ضايعة
كاين وحد الموضوع قريتو قبلعن كيفية تنسيق المصاريف الزوجية بين الزوجة العاملةوزوجها اذا لقيتو نحطلك الرابط
اخيرا الموضوع محتاج شوي تفاهم ووضع نقاط على الحروف فقط لاغير وهي اكيد راح تتفهم

[حضنية28]

كيفاه ، يصرف عليها ؟؟ ايحبسها من الخدمة ويصرف عليها
قد لا يعتبر حلا خصوصا اذا كانو متفاهمين من قبل بلي تخدم
هو اصلا رضي بها على وضعها من المرة الاولى
والمراة حتى ولو كانت خدامة لازم راجلها مرة على مرة يصرف عليها
طبعا انا منلوموش هو فقط حتى هي تتحمل جزء من المسؤولية كاينين نساء عاملات وقايمين بديارهم ماشاء الله
اذن المشكل هنا مشكل قناعة من الاول كان لازم يعالج المشكل ويفرض شخصيتو عليها ميخليش حتان تكبر الامور
الحل راه بيدو هو
كان لازم ميرخيلهاش الحبل

[نيفرتيتي.]

مع احتراماتي لكل الردود بصح كاين ردود استفزتني السيد ماقالش ماتمدش لدارهم هو يقصد بلي كي تصرف في الدار تشوف فيها مزية وكي تمد لدارهم تشوف فيها لا
انا عندي الكابا اي محامية وقاعدة في الدار على جال ولادي ونقيم براجلي
علاه هذا السيد ماهيش مقصرة معاه في والو الزوجة تاعو كنت نخدم واصعب حاجة اني كي نوض الصباح ونلبس ولادي نديهم وين حاطتهم علاه ماينوضش هو بعقله ويفطر بعقله ويروح لخدمته مرتاح
علاه مايروحش لداره ويتغدى حتى يروح عند امه والله الدنيا صعيبة صح بصح صدقوني ربي سبحانه رؤاه داير قد المدخول قد المخروج يعني اللي راح يصرفوه وهوما عندهم زوج شهريات نفسه راح يصرفوه كون جات شهرية وحدة انا مجربة على هذيك حكمت داري
مشي المشكل انها تمد لوالديها هاذم علموها وربوها بصح علاه زوج دورو تاع الذل والمخلوق مش مرتاح من لينوض الصباح لليل وزاد رميان الهدرة والله كاين نسا ماعندهمش ظرافة تالي قبل ماتهدر اي كلمة دورها مليح في راسها مهما كان كيما يقولو المرا والراجل على الزمان مشي المرا و الزمان على الراجل

[نورسين.داية]

عهدتك للحق قوالة يا نورسين ...قبول الرجل لعمل زوجته ليست مزية كما قلتي فقط بل تضحية ..الراجل كي اولي انقي لولادو الصباح ويديهم للاكراش راه امضحي يا نورسين...الراجل كي يفطر بالبارد راه امضحي ...الراجل كي يرجع العشية ومرتو تدخل موراه راه امضحي يا نورسين ...يعني في سبيل هذا ما عندهاش الحق تتضرف في راتبها دون الرجوع اليه وهذا هو الواقع المعاش ..وما عندهاش الحق اتحط راسها براسو لمجرد انها عاملة ...الزمان ولا الذل يا نورسين كيما قالك ناس بكري ...والزوج يقدر احبسها عن العمل كما يحلو له لانها زوجته وتحت قوامته ولو لم يتفقا على ذلك قبل الزواج...التصلب في هكذا مواقف ماله الهلاك للعلاقة والزوجة الخاسر الاكبر يا نورسين .

السلام عليكم

أخي ساغل انا قلت رأي من باب قانوني لا غير و لا تستطيع أنت كدارس للقانون أن تنكر أهمية الإشتراط في عقد الزواج وإمكانية فسخ العقد في حال الإخلال بأحد شروط العقد

و هل تنكر أن لها قانونا دمة مالية مستقلة عن زوجها و تتصرف في مالها كيف ما تشاء هذا حق مملك لها شرعا وقانونا هل تنكر هدا ؟؟؟

أخي في العلاقة الزوجية في نظري مسألة إتفاق يعني كيما نقولو في ولايتي محاسنة .......بالتفاهم يعني هي مايش هي و نديروها هي ......فهمتني ؟؟؟؟؟ هاذي لهجتي إنشاء الله تفهمها ...........

عموما و اعتقد أنك لم تفهمني جيدا فقط و صدقني إذا المرأة لقات راجها في المستوى و الله غير تعطيه عينيها و اعلم جيدا أنه بالمقابل لا يفعل دلك لكن هذه هي المرأة ............من اجل اولادها و أسرتها تفعل المستحيل لكن لما تستفز ....لا اعتق أنه سوف تبقى دلك الحمل الوديع

آسفة على الخروج عن الموضوع

[ام محمد 05]

قد لا يعتبر حلا خصوصا اذا كانو متفاهمين من قبل بلي تخدم
هو اصلا رضي بها على وضعها من المرة الاولى
والمراة حتى ولو كانت خدامة لازم راجلها مرة على مرة يصرف عليها
طبعا انا منلوموش هو فقط حتى هي تتحمل جزء من المسؤولية كاينين نساء عاملات وقايمين بديارهم ماشاء الله
اذن المشكل هنا مشكل قناعة من الاول كان لازم يعالج المشكل ويفرض شخصيتو عليها ميخليش حتان تكبر الامور
الحل راه بيدو هو
كان لازم ميرخيلهاش الحبل

احسنت المشكل منو رخالها الحبل من الاول لازم تصرف عليها وتجيها باالعقل وشوفو كيفاه توفرو

[كلنا راحلون]

السلام عليكم اخي ردي الاول حذف راسلني في الخاص اساعدك في وجه الله وان حذف ردي ما عندي ما ندير وهادي اخر مشاركة يا اخي تزوج عليها بحلال وموافقة زوجة اولى عندي الحل فقذ راسلني وعندي صديقي متزوج بعاملة ومع ذلك مسيطر عليها سيطرة تامة فقط راسلني على الخاص

[توتة2008]

لازم تكون النية الحسنة بيناتكم و تاكد لو تعاملتو بالحيلة كلش رايح يتدمر