تسجيل الدخول

مشاهدة النسخة كاملة : ساعدوا سلفتي في دارها ...من فضلكم؟؟؟

كابريسة
2014-03-10, 11:34
السلام عليكم
وش راكم لبنات لاباس ؟؟؟
سلفتي خرجت في قائمة المستفيدين من السكنات الاجتماعية و هي حايرة كيفاش تأثث دارها
اقترحت عليها نعملها موضوع و انتما تساعدوها بافكاركم
وش يلزمها للكوزينة؟؟؟ من جميعو؟؟؟
وش يلزمها لباقي البيوت ؟؟؟
الحمام؟؟؟
.
.
.
.
.
هيا البنات همتكم معانا
خمموا معايا باش تقدر تأثث بيت بسيط و انيق
momo99
2014-03-10, 14:57
السلام عليكم وشحال من بيت عطاوها اف دو ولا اف 3 ولازم تكون شايفة اللوجما قبل ماتبدى تشري في الحوايج لانو كاين لوجمات صغار ميكفو لوالو كيما الي عطوهالي ولازم نعرفو ادا كان عندها حوايج من قبل او لاول مرة رايحة تاثث بيت انت مقلتيلناش باه نعرفو وش نردو عليها ربي يوفقها وتكون عتبة مربحة عليها
linouwasoleil
2014-03-10, 14:59
القائمة طويلة
الكوزينة على حساب واش راح تدير كويزين ايكيبي ولا اليمون يعني مابل معلق في الحيط والماعن تابي تاع لاكويزين magnet gant sac a sac
الصالون لازم مابل صالون مغربي او فرنسي على حساب الالوان اللي تحبها مع الريدوات والكاش ريديو اذا حبت والزربية وبعض الديكرات فيزان تابلوا ساعة حيط الخ
الصال دوبان تابيات بوبال)مزبلة( بيبلو تاع الافابو اللي يشبحوا بيهم تاع الصابون+ تاع ليبروس +ومراية +وريدو للبينوار +طوابق او مابل باش تخمل فيه السرابت ودوزانها +وسلة الملابس للغسل
التواليت تابي +بوبال
غرفة النوم باينة والكولوار على حساب شكلو
شوفي ما نكذبش عليك جييت نكتب بصح القائمة طويلة منا لغدوا وما نكملش
انا رايي تدخلي معاها المنتدى وتشوفي الكوزينا ت ومن بعد الصالونا ت وتخير اللون اذا راهي محتارة ومن بعد الصال دوبان والمرحاض حشاك وشباح الكولوار والحيوط وكلش لازم تشوف بعينها وتشري كل مرة شوية ماشي حاجة ساهلة
واذا حبيتي استفسار خاص في اثاث معين او ديكور نقدر نجاوبك لكن هكذا بصفة عامة صعيب
الف مبروك عليها ان شاء الله تكون عتبة خير ورزق
سمراء الدنيا
2014-03-11, 09:17
اولا مبروك عليها السكن الجديد ....
تابعي هذا الموضوع ممكن يفيدك قليلا
http://www.djelfa.info/vb/showthread.php?t=1500138
اما باقي البيت فحسب الميزانية
اذا كانت تسمح لها بتاثيث البت كله مرة واحدة و الا فتخصص كل فترة زمنية لتاثيث غرفة
فمثلا تبدا من المطبخ ثم الصالون ثم غرفة النوم ثم ىغرفة الاطفال
كابريسة
2014-03-12, 16:11
شكرا على مروركن و ابداء آرائكن
مشكورة أختي سمراء
الله يسلمكم يا رب
Basketteuse
2014-03-13, 19:47
شوفي نقصي من الموبل على قد ما تقدري ، وادا لقيتي كل حفرة في الحيط ديريها بلاكار أحسن باه تنقصي الدرسة والغبرة تاع الموبل ،،،،