الى اطباء المنتدى و كل من له تجربة ؟؟؟؟

[ام خليل §]

السلام عليكم
الشهر اللي فات مرض ولدي عندو عام و شهرين حكماتو الحمى حتى 40 تطلعلو و صراتلو crize منها و صراتلو 4 مرات في شهر واحد و درنالو راديو نتاع الرأس و قالنا الطبيب عندو un petit masse و عطاتلو الطبيبة دواء الديباكين نتاع الصرع راني نشربولو بصح راني خايفة عندو اعراض جانبية
اللي عندو فكرة و لا فات بهذا المرض و لا تناول الديباكين يفيدني

ادعوا لولدي بالشفاء

[/زهرة عصفور الجنة/]

طهورا ان شاء الله لابنك اختي
هل تتابعين طفلك عند طبيب اعصاب

[ام خليل §]

لالا اختي عند طبيبة اطفال مليجة

[كلنا راحلون]

السلام عليكم اختي في بداية لا ادخل الى هاد قسم فقط دخلت صدفة وقريت موضوعك لست طبيب لكن اختي انت قلتيها بنفسك اعراض جانبية وعمره عام وشهرين اريد اعطائك راي اولا ابحثي عن مراة كبيرة في السن تعطيك وصفة او نصيحة عندهم خبرة ان شاء الله او داومي على سماع طفل للقرآن يوميا مدة نصف ساعة وابعديه عن كل ما يتعلق ب امور ضجيج اصوات سيارات
والله يشافيلك ولدك وان شاء الله يصبح من حفظة القرآن وسلام عليكم

[ام ياسمين10]

سلام اختى ربى يشافيلك وليدك اختى انا اعرف طفل كانت تجيه فى كل تلات ايام مرة وداوه للطبيب واعطاه نفس الدواء بصح مشربوهلوش داوه للراقى رقاه عدة مرات وبفضل الله شفى .انا انصحك تديه الى راقى مليح ويخاف ربى

[/زهرة عصفور الجنة/]

اختي عليك
اخذه للمستشفى
لانه يجب ان يتابع منطرف طبيب اطفال+طبيب اعصاب
لان طبيب الاعصاب هو من يصف له دواء النوبات
ان كنت في العاصمة هذيه لمستشفى حسين داي
المتابعة هناك جيدة من طرف الاخصائيين
وان كنت خارج العاصمة خذيه للخواص

[مغتربة uk]

شوفي اختي ما لازمش تقلقي روحك بزاف لان هاد المرض عندو دواء اللي هو ديباكين لازم ياخذو كل يوم في نفس التوقيت و ان شاء الله راح يشفى لان وليدك مازال صغير و هاذ المرض كل ما داوتيه و هو صغير كل ما الشفاء يكون اسرع
شوفي اختي نصيحة لوجه الله اعطيلو الدواء كبما وصفهولك الطبيب صح الرقية مليحة بصح الدواء لازم
نعرف زوج اطفال كانت عندهم نفس الحالة كانو يتبعو مليح عند الطبيب و ياخذو الدواء في ميعاده و الحمد لله ما طولوش براو كي لحق عمرهم عامين حبس لهم الطبيب الدوا نهائيا و نعرف واحد اخر راه في عشر سنين مازال يشرب ديباكين والسبب ان والديه ما عرفوش يتعاملو مع المرض و يسمعو بزاف للناس واحد يقول لهم اديوه للشيخ الفلاني واحد اديوه للمرابطة الفلانية.. واحد ديرولو لمفاتح في يديه.................اضافة الى لخبطة قي مواعيد اخذ الدواء .
اطلب من الله الشفاء له و لابنك و لجميع ابناء المسلمين .

[ام خليل §]

شكرا لكل الردود و اتمنى المزيد

[sadstar]

أختي الكريمة أدي وليدك عند زوج أطباء مختصين اذا كان رأيهم واحد أعطيلو دواه و راقبيه و اذا كان رأيهم مختلف زيدي شوفي طبيب اخر و ريبي شفائه و يعافيه و كل الأطفال يا رب

[grazza]

السلام عليكم رب يشفي ابنك انشاء الله نصيحة حطي كل يوم قران في البيت و خاصة سورة البقرة راهي شفاء لكل داء و ماتغفليش على الدواء ثاني ، و تاكدي بلي كل دواء مهما كان بسيط راهو عندو اثار جانبية حتى البراسيتامول عندو اثار بصح في حالات لازم نشربوه على خاطر الاثار نتاع المرض اكبر من الاثار نتاع الدواء و توكلي على رب و ادي وليدك عند سبيسياليست . الله يشافي كل اولاد المسلمين .:19:

[امونة الشاوية]

ربي يشفي ابنك

[المكارم]

السلام عليكم ورحمة الله وبركاته

أسأل الله الشفاء العاجل لولدك

حسب ما تفضّلتِ به أعلاه فإن مدة إصابة ولدك بالمرض لا تتعدّى الشهر
ما يعني أن تناوله لدواء ديباكين مازال في مرحلته الأولى ولم يعط بعد النتيجة المرجوة منه
ليكن في علمك أختي أن الديباكين يُعتبر من الأدوية الفعّالة لتقليل عدد نوبات الصرع التي تصيب المريض
وذلك بعمله على التّحكّم في الكهرباء الزائدة في دماغ المريض بالصرع ..

التزمي جيدا بعدد الجرعات التي وصفها الطبيب والتزمي كذلك بالوقت المحدد لإعطاء الدواء لابنك
لا تغفلي عن الملاحظة المُبكّرة لأي تغيّر صحي يطرأ على ابنك ، لأن الديباكين يُسبّب بعض الأعراض
الجانبية عند أغلب المرضى المُعالجين به ، كالشعور بالغثيان وتشنّج المعدة والرعاش واالنوم
في حالة ملاحظتك لأي أعراض غير عادية ، لا تتردّدي في استشارة الطبيب

اللهم اشف مرضانا و مرضى المسلمين

[رحمانى جلول]

1-التزمي بالدواء
2-كعلاج تكميلي هناك عشبة تدعى الحنتيت رائحتها كريهة ذويبي قليلا منها في الماء وشمميها لابنك

[rimora]

يا اختي ماتقلقيش روحك خلاص

بنت خويا كانت تشرب ديباكين

صح كان يرقدها يعني فقط نعاس لي يجيها

والحمد لله ربي العالمين بعد المتابعة مع الطبيب وبعد مدة من اخذ هذا الدواء تحسنت وماعادوش يديرولها لي كريز

والان حبسهولها خلاص وراهي في صحة جيدة ولعقوبة لوليدك ان شاء الله


وماعندو حتى اعراض جانبية

[*جوري*]

السلام عليكم اختي من الافضل لو وضعتي موضوعك في قسم الصحة و الطب لأنو هناك تجدين اجابة من أطباء

المهم أنا نعرف واحدة حكمتها الحمة مثل ابنك و عمرها مثل عمره تماما و هنا الخطأ خطأ الام لأنو لازم تعس ابنها من الحمى لأنها هي لي دير الصرع

و لما اخذوها للطبيب اعطاها ديباكين بقات تمشي بيه حتى اصبح سنها 5 او 6 سنوات لا اتذكر جيدا و الان عمرها 11 سنة راها في صحة جيدة صحيح انو تعاني شوية من التاخر في عقلها و لكن الاطباء طمنوهم انها تتحسن مع الوقت

ربي يشفي وليدك اختي

[bibicha]

السلام عليكم رب يشفي ابنك انشاء الله

[أيمن عبد الله]

طبيبة المنتدى ام مازن وهي تخصص طب اطفال
من خلال هذا الرابط (( طبيبة المنتدى (http://www.djelfa.info/vb/showthread.php?t=1186793) ))

[ساندريلا]

شفى الله اطفالنا
اختي لا تقلقي و في نفس الوقت لا تتهاوني
ابن اختي كان يشرب ديباكين جرعة على 8صباحا و اخرى 8مساءا و الان وقفها الطبيب بعد انقاص الجرعات لكنه بقي متابع عند طبيب اعصاب مدة5سنوات و الحمد لله شفي تماما
لا تقلقي من الاثار الجانبية لكن لا توقفي او تنقصي الجرعات من دون راي الطبيب

[أم محمد تاج]

آسفة على تدخلي الغير مجدي دخلت فقط للدعاء لابنك بالشفاء العاجل يارب ويكون معاك آمين

[أم أحمد عبد الصمد]

ربي يشافيلك ابنك في القريب العاجل ان شاء الله

[ميمي2012]

السلام عليكم ورحمة الله وبركاته

ربي يشافي وليدك في القريب العاجل إن شاء الله ،وننصحك أختي الكريمة مع الدواء متنسيش تمسحي على رأسه وتدعيله وتقراي عليه قرآن ولو كان سور القصيرة مثل الفاتحة
ربي يحفض وليدك ويشافيه .

[**افنان**]

ربي يشفي ابنك
اختي ابني شرب الدواء لمدة عام ونصف تقريبا عندما كان عمره 7سنوات والحمد لله شفي تماما ولا اثار جانبية ولانقص لدية بسم الله ماشاء الله عليه راه راجل 22 سنة كنت نتابع مع طبيب اطفال

[ام خليل §]

شكرااااااااااااااااااااااا جزيلا على كل الردود

[ام البنوتة]

السلام عليكم
الشهر اللي فات مرض ولدي عندو عام و شهرين حكماتو الحمى حتى 40 تطلعلو و صراتلو crize منها و صراتلو 4 مرات في شهر واحد و درنالو راديو نتاع الرأس و قالنا الطبيب عندو un petit masse و عطاتلو الطبيبة دواء الديباكين نتاع الصرع راني نشربولو بصح راني خايفة عندو اعراض جانبية
اللي عندو فكرة و لا فات بهذا المرض و لا تناول الديباكين يفيدني

ادعوا لولدي بالشفاء

شقيقتي كان لها رضيع يبلغ من العمر سنة و نص ارتفعت حرارته و بدا يتشنج و اللعاب يسيل من فمه لا اراديا و عند الكشف ظهر انه عندو كهرباء في المخ مثلما ذكرت و هذا بسبب تعسر الولادة الطبيعية و هذا حدث سنة 2003 ومن ذلك الوقت الى غاية 2013 و هو يتناول دواء لاديباكين يوميا دائما في نفس الوقت و كانت حريصة جداااااااااااااااااا على قياس حرارته عدة مرات في اليوم لانها ترتفع فجاة فيبقى خطر التشنج وارد و بتوفيق من الله ثم حرصها الشديد عليه لم يتشنج الا ثلاث مرات طول السنوات التي كان يتعاطى فيها الدواء لكن اؤكد لك انها كانت متفانية معه جدا خوفا عليه
المهم هو اليوم طفل عادي و توقف عن الدواء من سنة و نص
احببت ان انبهك اختي ليس دواء لاديباكين هو من له مضاعفات على ابنك الرضيع لكن ارتفاع الحرارة الى مستوى اكثر من 38.5 درجة يشكل عليه خطر عودة التشنج و مع ما يتبع التشنج من مضاعفات يمثل بلع اللسان او تضرر المخ بسبب الحرارة.. كوني حريصة على خفض حرارته و خصوصا اوقات ما يكون مريض
كلما قل عدد نوبات التشنج سيكون الدواء انجح معه....خفض الحرارة حسب ما كنت ارى اختي بالتحميلات و الشراب الخافض للحرارة من نوعين مختلفين اي العامل الكيميائي و اذا لم تنزل بسرعة تضعه في حوض ماء فاتر مائل للبرودة اي العامل الفيزيائي
المهم ان اردت الطبيب الذي كان يتابع حالته فهو الدكتور ولباني قسنطينة

[ام نهوله]

والله والله سعدت للردود المطمئنه
اسال الله العظيم رب العرش العظيم ان يشفي ابنك

[ام خليل §]

شكرا جزيلا على كل الردود

[فرح حياتي]

طهورا ان شاء الله

[fadi02]

وليدك على حساب الطبيب عنده كريز ديبيليبسي و ديباكين هو دواها هو لازم له مدة طويلة يشربو من 3 حتى 5 سنوات طبيب احددها بلاكي تحبسي له الدواء نهار واحد اثر عليه و ارجعو للور بالشفا عليه المهم مرض عنده الدواء قولي الحمد لله و لا المرض ولا الدواء عنده عوارض جانبية ما تخافيش رايح يكبر نوغمال و هده على تجربة

[اسينة]

انا بنتي صرالها نفس المشكل و4مرات ادتها للراقي عدة مرات واخر مرة طلبهاوقلي رديهالي نزيد نرقيها وكان في عمرها 6 سنين واليوم عمرها 15 سنة والحمد لله انها بخير

[chouchou w]

rabi ichafiholak

[kikimnarim2]

عادي انو ابنك يكرز من الحرارة برك ما تحبسيش depakine وابقاي ديما عسي السخانة عندو بصح اللي ما فهمتوش هذيك la masse منين جات ليه لازم متابعة عليها عند طبيب اعصاب اذا كانت صح كاينة