الاختبارات ههه [الأرشيف] - منتديات الجلفة لكل الجزائريين و العرب

marambest

2014-03-07, 15:37

عستنا نهار الاربعاء في الاجتماعيات استاذة واش نقلكم باين عليها مزيرة كي دخلنا بعد حكمت الطاولات اكل تخزر فيهم كاشي تنقال والجدران تاني ومبعد لي تلقة في طاولة تنقال تمسحو بالماء والبابي مشوار تقولي سكانار يا ربي وممبعد قعدنا وبدينا وناض واحد الطفل قلها استاذة نزيب الفاست نتاعي من عند انيس قاتلو روح وكي راح لباسها ونحة منها بابي مشوار فيها دروس تاع الاجتماعيات وشفاتو جات قاتلو اعطيني المشوارة وهو ماعنديش استاذة ومبعد عطاهالها حطتها فوق البيرو ومبعد جاراح يخرج هادا انيس وقالها استاذة نجيب الفاست نتاعي من عندو قاتلو لالا قالها بصح لوكان نخرج هاكدا نمرض قاتلو امرض على روحك المهم قبل مانكملو البيرو اكل معمر بالورق تاع التنقال
واذا عجبتكم لحكاية احكولنا مغامراتكم تاع الاختبارات ههههههه

لينة العنابية

2014-03-07, 15:47

مرسي تهبل
انا نهار الخميس كانت وحدة تقرا معايا حطت في لكالكيلاتريس الهامش تاع ورقة مكتةب فيه الزووم ولصقاتو وهي كانت قاعدة في الطابلة الاخيرة و ما قدرتش الاستا\ة تشوفها مي هاديك الاستادة تعرف تعس بصح فلاخير نقلت و ربحت هههههههههههههههه

aya douaa

2014-03-07, 17:45

شكرا رائعة وانا تاني رايحةنحكيلكم
امالا نهار الخميس لي عدات تاع الامتحانات كنا داخلين نجوزو الامتحان تاع العلوم قعدنا كلنا في بلايصنا و قاعدين انحلو في السوجي عدات نص ساعة امالا الاستاذة لي عست اعلينا قاعدة تدور بين الصفوف كاش ما تلقا التنقال عند التلاميذ و كانت لابسة الكعب كنا كلنا مركزين في الاوراق تاعنا حتى انطق واحد قاعد في الطابلة الاخيرة حدا الجدار و قاله بكل جدية استادة تحسس بزاف شافت معاه الاستا>ة وقالتلو والله ما اسمعتك يا ولدي انا انحسس بزاف قالها هاه استادة باصباط انتاعك امالا اكل شفنا معاه و بدينا نضحكو مستغربين من الجراة انتاعو امالا هي احمارت و ضحكت امعانا و قالتلو والله يا ولدي عندك الحق صح صح انديرلكم التوتر و هي مسكينة حمرا و عدات الحصة كاملة و هي تتفكر الموقف هدك و تولي تضحك مع روحها

همس19المطر

2014-03-07, 18:03

7na f la classe ta3na 3andna ro7 l oukhowa ...lafahem yefhem

w les compo kamel jazou fi jaw mina tadamoun malgrééé l3assa wa3ra

أَحمــد

2014-03-07, 18:06

هذه مكانها قسم التعازي فقد ماتت المدرسة الجزائرية

وليس من النكتة في شيئ

ana hia

2014-03-07, 18:16

احنا عندنا اليسي نتاعنا كل قسم يقسموه على زوج في الاختبارات .. المهم انا في الفوج ١ ... و احنا الكوبياج يمشي في دمنا .. ملا خطرة في اختبار نتاع الونجلي جانا وحد الاستاذ هبلناه .. قالنا بلي كامل الاساتذة وحد ما حب يجيكم استغربنا قلنالو علاه .. قالنا نتوما تغشو بزاف .. بصح اسمحلي كل ورقة فوتو كوبي على لوخرى .. لي تعجبني نعقبوها ضحك و تمسخير ... تقول مانا في اختبار ... و الطاولات لاصقين في بعضاتهم خاصة الوسطانيين .. ههههه
ههههههههههههههههبالمناسبة حكاياتكم هاااايلين ... ههههههههههههههه

♫مريومة♫

2014-03-07, 18:33

سلام
حنا في قسمنا عقبنا غير الاوائل تاع المدرسة
اقسم بالله غير الاستاذة اللي عستنا نهار الخميس رقدت وحنا بقينا نضحكوا مي واحد ما نقل على الاخر لاانو كامل حافظين ولكن في الاقسام الاخيرين حكاولي لعجب

Just.Girl~

2014-03-07, 20:44

ههههههـــــ
كملنا الاختبارات نهار الاربعاء الحمد الله على كل شيء مي صعاب بزاف لدرجة بففففف
المهم نهار الاربعـــاء كان عندنا مات وتاريخ مام احنا في ليسي تاعنا القسم يديروه على زوج افواج كل فوج في قسم وواحد في الطابلة
المهــــم الي عستنا في المات حكمت عند واحد يقــرى معايا 9 وراقي تشوكت المات يكوبوها ياعباد ربي والتاريخ حكمت عند واحد اخر شوفو والله الا ماكذبنيش ربي فابت 20 ورقة داير حسابه للاحتباط كل خطرى تروح عنده تجيب هاديك الورقة يعطيهالي تلاقاته مكوبي في بابي موشوار في الالة حاسبة في الطاولة في يده في الحيـط وهو يجمع بحدا المدفئة تلافــــاتها معمرة وراقي حيا وصــاي المهم صراو مواقف بزاف يهبلو بالضحك كي نتفكرهم نقولهم .......كيما صراو مواقف ماشي ملاح واحد يقرى معايا ضرب اسـتاذ تاع الفيزياء زرقلو عينو متامنوش كيفاه رجع الاستاذ بويسك سبلو في باباه وباباه ميت وديجا هداك الطفل دمو حامي ..:/

abdou senfour

2014-03-07, 20:59

احنا عندنا اليسي نتاعنا كل قسم يقسموه على زوج في الاختبارات .. المهم انا في الفوج 1 ... و احنا الكوبياج يمشي في دمنا .. ملا خطرة في اختبار نتاع الونجلي جانا وحد الاستاذ هبلناه .. قالنا بلي كامل الاساتذة وحد ما حب يجيكم استغربنا قلنالو علاه .. قالنا نتوما تغشو بزاف .. بصح اسمحلي كل ورقة فوتو كوبي على لوخرى .. لي تعجبني نعقبوها ضحك و تمسخير ... تقول مانا في اختبار ... و الطاولات لاصقين في بعضاتهم خاصة الوسطانيين .. ههههه
ههههههههههههههههبالمناسبة حكاياتكم هاااايلين ... ههههههههههههههه

هههههههههههه حكاية فوور و ركزيلي على ... و احنا الكوبياج يمشي في دمنا هههههههههههههههههههه

مهابل صح :]