هل انا صواب !!!!!!!!!!!

[مشكلتي]

السلام عليكم ورحمة الله وبركاته
اخوتي لم اجد حلا لمشكلتي ولم ارى الا هدا القسم لعلى اجد حلا
انا فتاة مخطوبة وهنا تكمن مشكلتي ارجو منكم قراءة قصتي وان
القى منكم الرد
قبل اشهر تقدم لخطبتي شاب ولما تبين حسن سلوك وسيرتك
وافقت عائلتي مع العلم اني لا اعرفه اطلاقا لكن كان هناك مشكل في عمله
اذ انه يبيت في عمله ليالي قبل ان توافق عائلتي عليه اخبره والدي انه لا يمكن
ان يوافق على يزوجني من شاب يعمل اثناء الليل وفي الحقيقة هدا راي انا كدلك
لكن الشاب طمانه بانه سيغير طبيعة عمله ولنه سيعمل ساعات النهار فقط وتمت الخطبة
ولقد كانت تجري بينه وبيني محادثات عن عملي وتناقشنا حول بعض الامور
لكن....في الايام القليلة الماضية سالته متى سيطلب تغيير عمله فرد عليا
انه سيفعل دلك وربما سيوافقون وربما لا ويقول لي (بل انا مناكد )
والكارثة هنا انه اخبرني انه من الممكن ان يطلبو منه في العمل العودة للعمل اثناء الليل او ينقل لولاية اخرى
قد يكون هدا بعد زواجنا ام بعد عام او عامين حينها اخبرته ان ما لا اقبله ان اتزوج من رجل ينام في عمله
ثم يقول لي ((لا انا اقول للك احتمال فقط ربما يحصل ربيما لا)
انا الان اشعر انه خدعنا ولم يفهمنا جيدااا طبيعة عملك
لا انا ولا عائلتي سنقبل بهده الحالة
لا ادري مادا افعل افكر حاليا بالانفصال عنه الان افضل من ان اتزوج به
وتحدث المشاكل وبعدها الطلاق
وفسخ الخطبة ليس امرا سهلا لدى عائلتي بل هو عندهم كارثة
اصبحت افكر دائما لو اني اتزوج به وبعدها يعود للعمل ليلا هل ابقى
ام اعود لبقاء عندي اهلي ام مادا
خاصة واني رايت اختي الكبرى ومعانتها مع زوجها الشرطي فهو لم يحضر ولا
لولادة احد من اطفاله
لم اطلب في هده الحياه الازوجا وصالحا وان استقر معه
فمادا افعل

[عطر الجوري]

وعلاش تكبرو في الامور الله يهديكم وش تقول الي زوجها يعمل شهر وشهر يريح او شهر ونص عمل و15 يوم كونجي ولا هادوك الرجال مايتزوجوش الله يهديكم والله هادا مانقول

[عطر الجوري]

نزيدك حاجة ماراكيش على صواب نهائيااااااااااااااااااااااااااااااااااااا

[بنت لبحر]

انا بانثلي راكي تكبري في الحالة و راكي ديري في السبايب. الراجل راهو خدام واش فيها كي يخدم في الليل الناس راهي تحوس على الخدمة و قابلين يخدمو 24/24 و انت تحوسي على الوقت

راكي غالطة

[dilaboni]

من اول مرة كذب
افسخي خطوبتك داوم الحال من المحال

[feriel1989]

ana tanik marakich 3la sawab 100% raki tetkebri kima kalat al okht wli yekhdem chhar b chhar
w li yekhdem 3 mois w yriyeh 15 jr nssitihom hadouk nti rah kalek rah ysayi w diri fi belek mm houwa marahch tekhrej 3lih yekhdem ghir ellil wahdo y7awwess khedma te3 nhar
3andi hbibti tzewjet wahad yjiha ghir bel week end toul al3am hakda w nzidlek mzewja b3ida 3la darhom ya3ni fi wilaya wahdoukhra w nrml lebess biha yhabo ba3dhom w koulech

[جويرية الإيمان]

شوفي ختي انت من حقك تعيشي حياتك كيما حبيتيها بصح انت (اسمحيلي ننصحك كيما ختي) درت مشكلة و كبرتيها في راسك حتى أصبحت تفكري في الإنفصال بعد الزواج أو فسخ الخطبة . لالا أختي الدنيا راهي أبسط مما تتخيلي سهليها تسهال , صعبيها تصعاب و توليلك كي الجبل الراجل لا يعيبه شيء إلا الصلاح و الصلاة و الحمد لله خطيبك خدام و لاباس بيه م ناحية الأخلاق كيما قلتي . بالنسبة للعمل إن شاء بعد الزواج راه هو يولي يجري باش يبدل الليل بالنهار و ثانيا يخي مش شهر كامل و هو يخدم في الليل . و زيد كي عود هو يخدم روحي لدار باباك باتي عندهم النسبة للسفر إذا قدرت تسافري معاه و ترحلي للمدينة لممكن روح يخدم فيها روحي وين راه المشكل أنا راجلي كان يخدم في ورقلة رحت معاه و قعدت 5 سنين تم و كل شهرين نجو للبلاد نقعدو غير سمانة نروحو المهم هو يشوف والديه و أنا نشوف والديا نزيد نقلك ما تكبريش الحاجة في راسك حتى تولي مشكل و نهار ربي يرزقك بالذرية ما تحسيش أبدا بغياب زوجك في الليل . انت ما تنسايش الإستخارة و لعني الشيطان و ربي يفرحك براجلك و زواجك .

[*أم جابر*]

السلام عليكم اختي في الله اولا عليك بالاستخارة في هذا الامر اذا ارتحت ما شاء الله اذا حدث العكس اتخذي الصواب الاساس هو الدين والخلق
و الرجل هذا لم يكذب وانما اعطى لك احتمال فقط ارجو ان يكتب الله لكما كل الخير

[نورسين.داية]

السلام عليكم

سمحيلي اختي لكن سبحان الله و لله في خلقه شؤون ، يعني هو يبات الليل في العمل من اجل تاميم لقمة العيش و أنتي تقوليلي نفسخ الخطبة ........سبحان الله ....راكي واعية يروحك ...............؟؟؟

و الله صدقيني أكثر الناس الدين أحترمهم في حياتي كلها هم العمال و الموظفين الذين يسهرون اليالي من اجل تاميم لقمة عيش أسرهم .....و أنتي تقولي لي نفسخ الخطبة ؟؟؟؟؟؟؟؟
و ماذا تقولين من من لم يرى و لم يتربي مع والده أصلا إلا بعد أن أعيل على التقاعد ............؟؟؟؟؟؟
و ماذا تقولين عن من لا ترين أزواجهن بالأشهر ...و حتى لما يعود الى منزله ........من كثرة ما سهر اليل .....يصعب عليه التأقلم مع حياة النهار من الصباح الى المساء حتى تفكيره .....لا يركز في شيئ .............؟؟؟؟؟؟؟


و الله صدقيني أقف وقفة إحترام و تقدير لكل من أخلص نفسه و إقتطع على نفسه أن يسهر اليالي من اجل شيئ واحد هو رزق الحلال ....و لقمة عيش أسرته

وفقكي الله عزيزتي

[محمد جديدي التبسي]

ما تكبريش المشكلة هو أكيد سيبحث عن راحته وراحتك أكثر منك
من يريد العمل ليلا وهو يستطيع أن يعمل نهارا ؟!!
إلى يوم الزواج ربما يجد حلا أو يجد عملا آخر هذه أرزاق ولابد فيها من تعب وجهد .. أكثري من الدعاء بالرزق الحلال لزوجك ولا تفسدي زواجك بمخاوفك هذه ما دام هذا الرجل على خلق ودين..ربي يفتح عليكم

[فارس وجواد]

متى كان عمل الزوج سببا في معاناة الزوجة .
يا أختي كل الجزائريين مثل بعضهم فهذا حارس و هذا تاجر و هذا شرطي و الآخر دركي ووو....
و أين المشكل اذا كان صالحا و ذا أخلاق .
توكلي على الله و ادعي الله عز و جل أن تكوني فألا حسنا عليه و يرزقه الله بعمل نهاري كما تريدين.

[ام محمد 05]

والله عندك الحق

[سطايفي1]

ربي معاك انت حقا في مشكلة

[halouma88]

السلام عليكم
أختي هذه ليست مشكلة ليس ذنبه أنه يعمل ليلا هذا نصيبه كتب له , لا تكوني سبب طرده من عمله أو أن تجعليه يخير بينك و بين عمله , العمل مشكل الشباب قليل منهم من يجد عملا في هذا الوقت الصعب يجب أن تقفي معه في محنته إنه يشقى و يتعب ضعي نفسك مكانه يجب أن تكوني مثالا للزوجة الحسنة التي ترضى بنصيبها و تقف مع زوجها في الصراء و الضراء مدام خاطيبك حسن السمعة و صالح مصلي يخاف الله كوني خير زوجة له ان شاء الله يبارك لكم في حياتكم

[ღصمتـﮯ~ لغتـﮯღ]

السّلآم عليكم؛،
يآ أختِي هو يسعى لكسب لقمة العيش و يحآول جآهدآ أن يوفر لك أسبآب الحيآة الرغيدة لذلك أرى أن من حقه أن يلقآك سندآ و أن تكوني متفهمة ووآعية لأنّ الله يزرق من يشآء و هو الأقدآر بيده وحده سبحآنه..
استخيري و أدعو من الله أن يفرج همومَك

[زهرة الربيع25]

وفقك الله لما يحبه و يرضاه

[sissi yasmine]

bsraaha ya okhet nti li ghalta psk rajelk ybat bra hada chi 3adi bzff en+ yak rah ykhedem marahch yrouh lkach plassa w tani lwa9t li rana fih chofi brk f les hopital kayn mm nsa li rahoum ykhedmou flil n3ref bzf nsaa ykhedmou flil w li ykhedmou f ljaych l watani yb9a 3 mois bra w yji 3la 15 jour hada chi normall

[●|التّوَابٌ إلى الَلّه|●]

اذا كان عمله وكسبه حلال فمالمشكلة ؟؟ يعني لي شهر بشهر معندوش الحق يزوج ؟؟


مشكلتك يسيرة فلا تعسّريها .. وفقك الله لما يحبه ويرضاه

[hodahodahoda]

مادام خدام في الليل او النهار لا مشكل
المهم الاخلاق

[نورالهدى بيولوجيست]

وحدكم يا البنات
تخممو في فسخ الخطبة لأتفه الامور و تخمو فالطلاق قبل ماتتزوجو
علابيها واحد ماهو حامد ربي اللي مش مخطوبة
تقلك ربي يرزقني واحد بن حلال برك يالوكان مش خدام
و المخطوبة تتشرط على امور ثانوية ماعندها حتى معنى!!!!!
يا وخيتي سمي باسم الله و توكلي على ربي و بركاي ماتعقدي فالامور

[ام امـــــــنــــــة]

يااختي هدا ماش عذر خلااااااااااااااااااااااااه انا راجلي يخدم شهر بشهر وساعات يروح شهر كامل ويجي غير 15 يوم الله غالب الخبزة جات كيما هك وانت لازمك تتعلمي تكوني مع راجلك في الحلوة والمرة لانك كنت قادرة تدي واحد يكون يخدم في النهار ومن بعد يصرا مشكل ويبدل خدمتو ويبعد ويولي ماتشوفيهش لاكثر من يوم وكيما قادر تديه خدام ومن يعد لا قدر الله يبطل ,,,, وغيرها وغيرها اتقي الله واعرفي بانو المراة هي الي تكون سند لراجلها في الحلوة والمرة ....وانا الشيء الي محيرني موقف باباك ربي يهديه

المهم كي يكون الطفل ناس ملاح ومتربي اداك هو الصح