خيانة من نوع آخر

[مشكلتي]

السلام عليكم
ما لقيت مين نبدا حكايتي ؟؟؟ عروسة جديدة سمعت راجلي يحكي في الهاتف مع واحدة يقولها و الله ما نخليك و راح نبقى وراك يا لوكان من بعيد ماشي قدامك .و و الله ما نخليك تتهـناي ؟؟؟؟؟؟؟؟؟؟؟؟؟؟
مخي حبس عريس و يخون
صارحتو طلعت هاذي فتاة كان يحبها قبل مدة و تفارقو لعدة اسباب و هي رفضت الرجوع ليه يعد عدة محاولا منهو

قلتو علاه تخدع فيا علاه تلعب بيا و انا واش ذنبي

اقسم بالله انو ماهوش مازال يحبها انما حاب يبـرد قلبـو ؟؟؟؟؟؟

يا خاوتو انا حاسة رغبتو بالانتقام صورة اخرى لحبو ليها ؟؟؟؟ يعني مازال يحبها و الا علاه ينتقم اذا فعلا انتقام ؟؟؟
يا خاوتي لي نسى واحدة علاه يبقى يتبع فيها بالخير و الا بالشر ؟؟؟

هو يقسم انو صار يكرهها لكن اللي عريس و يخمم في الاخرى حتى كره نظن نوع من الحب لا ؟؟؟؟؟؟؟؟

قبل عرسي بايام تذكرت حكاية انو تحدث في الهاتف و سمعت يقول نشوفك مرة برك و الله ما نزيد نطلبها مرة اخرى و شكيتو مع راجل مي درك فهمت

ماشي علا خاطر راجلي مي علابالي اللي يكره واحد ما يخممش فيه لا بالخير لا بالشر و الا لا ؟؟؟؟؟؟؟؟؟؟؟

عريس و يحكي مع اخرى و عوض راح فرحان قاعد يخمم كيفاه يخلص حقو في الاولى على قوله

يا ربي كاين واحدة مرت بهكذا ؟؟؟

انا راني نشوف في روحي في فيلم عندي ؟؟

[* الحلم سكر *]

و عليكم السلام
هي موقف صعيب صح لكن حاولي احكي معاه و قنعيه لي فات وقت التمسخير و راه بنى اسرة و احكي معاه بالعقل
و ربي يوفقك و يكون معاك يا رب

[imene12]

لا حول و لا قوة إلا بالله.. حاولي تحكي معاه بجدية و أقنعيه بأنك تزوجته لأنك تثقين فيه.

[طريق الهدى]

لاحول ولا قوة الا بالله

يا وخيتي ماتحيري ماوالو

بالاك راه صح مش ناسيها بالصح هذيك خدمتك انتي، حاولي تنسيه فيها و ديما تفكري انك نتيا حلالو و حاجة اخرى راه يغضب في ربي بيها

انتي توكلي على ربي سبحانو و مايكون غير الخير ان شالله

[7anine 87]

اختى ربي يهز معاك ماتياسيش وماكش وحد لصرتلها كيما هك كل واحد يعانى من جاهة انتى اتمسكي بحقك وبزوجك وبدارك ماتخليش الغش يعمي عينيك ينساها وينسي خيرها وشرها ولا يصح الا الصحيح حاولى تتقربو تفهميه تحتويه متعانديش وتعاركى بالسياسية وبربي انتى لتبقى المراة الوحيدة فى قلبو ادعى واسعى وبربي مايكون غير الخير

[عطر الجوري]

لاحول ولا قوة الا بالله ربي معاك والله في بلاصتك نهبل المهم اهدري معاه وقوليلو ربي ماكتبش بيناتكم علاش تخربلها في حياتها حرام عليك وربي راح يخلص فيه عاجلا ام اجلا الاكيد انو مانساهاش ومازالت في خاطرو لانو من النوع الي يطلبها لازم تجاب ربي يهديهلك و يسخرولك راكي في اول امتحان زواج صعييييييييييييييييييييب

[oumhana]

انا نقول على حساب فهامتي اصبري وتوكلي على ربي و هو نعم الوكيل و استغفري ربي وهو يتولاك و سورتو مشي غير يدخل راجلك و لا يخرج تبدايه بالأسئله خليه شويه في حالو باه ميحسش بلي راكي تخنقيه باأسئله ديالك و أطلبي ربي يرزقكم بصابي ولا صبيه و يلتها فيه و ينسيه آمين

[*أم جابر*]

اختي في الله السلام عليكم والله مشكلتك اثرت فيا واذلك تقبلي مني هذه النصائح
اولا اظهري لزوجك انك صدقتيه ولا تبدي له اهتمامك بهذه المسالة لكن ابقي مراقبة للوضع دون ان يشعر هو بذلك
ثانيا اثبتي له ان كل ما يقوله تصدقينه حتى ولو بداخلك العكسس وبيني له انه هو كل شيىء في حياتك
ثالثا اياك والاهتمام بالمسالة اكثر من اللزوم
رابعا لاتاخذي قرار تندمي عليه كان تذهبين لبيت عائلتك فحتى لو كان يفكر فيها ستفتحين له المجال بذلك
خامسا لاتحكي قصتك لاحد فكثرة التدابير تدمر
الرجل كالطفل اكسبيه بالحب والثقة
ارجو اختي ان تنجحي وفكري بمستقبلك واربحي زوجك كان الله بعونك واكثري من الدعاء ان يصرف الله هطه المراة عن زوجك سلام

[bibicha]

لاحول ولا قوة الا بالله ربي معاك

[fati 17]

شوفي خيتي كبري عقلك ووسعي قلبك وكوني مرا فحلة ذركة راهو راجلك انت اعرفي كيفاه تنسيه فيها وفي هذا الانتقام وزيد منعرف واش راها ديرتلو كوني صديقة ليه برك من الحكمة مكان لاه انهار كامل وانت تحاسبي فيه وتعاودي في نفس الاسطوانة

[fati 17]

ونزيد نقلك عيشي حياتك اصنعي سعادتك بيدك كوني واثقة من روحك وكوني قوية حتى هو كي يشوفك تغيري عليه يزيد عليك ممكن راهو نسيها خلاص برك يتمتع بالغيرة انتاعك

[منارالقلوب]

ربي معاك حنونة اصبري واكثري من استغفار في كل وقت والله العظيم ربي يفرج عليك
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ، وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ )

[أم شروفة]

لو كنت مكانك حينها لن اصارحه لأنه اصبح الان زوجي و زوجي أنا وفقط.سأنسيه هذه المراة وأنسيه أمه إن أدعت الضرورة.فهمتيني حنونتي.ما تبكي ما تحسبي روحك في فيلم.الفيلم نتاعك الان وأنتي اللي تكتبي نهايتو.مرينا باكثر من هاك والحمد لله .لا تذكريها له ومع الوقت راح ينساها

[naamane3]

]علميه انه كما تدين تدان
يعني ما سوف يفعله في تلك المرأة
سوف يراه في فلذة كبده
وكان اولي به ان يستغفر ويتوب من ذنبة
لا ان يفكر في الانتقام
اما انت فالزمي اذكار الصباح والمساء
وأكثري من الااستغفار
والله المستعان

[la fleur bleue]

la hawla wala kowata illa billah thok tzawjti lazem twajhi hath lmochkil w jih min bab lin wa erahma balak habha wkhad3ato bessah nti hiya essah thok hafidhi 3la baytek w3awnih bah yansa madhih hathi wijhat nadhari bark

[فارس وجواد]

للأسف من شب على شيء شاب عليه .

[lachiche]

املاي قلبوا بالحنان و متسمحيش في راجلك و حني عله برك و قوليلوا نحبك و قلشيه بالاك ينساها
ربي يجيب الخير

[first first]

اختي نضن ماهوش متعلق بيها ...ولا مازال بعض الامور مخلطة عليه....من قصتك تباني قدرتي تتقبلي مبدئيا الامر وماراكيش مشوكيا 100/100...مالا نقولك ديري بنصائح الاعضاء. وتهلاي في روحك وفي حياتك الجديدة...وماتنسايش تستعيني بالله...وربي يسعدك اختي ان شاء الله هدي هي اول مشاكل الزوجية واخرها ان شاء الله.
حاولي ان لا تكون الخاسرة....وانت واش قدرك ربي.
ربي يسعدك.

[chamam]

السلام عليكم .... أقول لك شيئا ..والله العظيم هو لايحبها ..بل هو ...

يمقتها ..أعرف هده القصة جيدا ...زوجك مجروح في كبريائه فقط ..

أعرف الكتيرين ...متزوجين ..ويسألون عن الماضي ..منهم فضول ...

ومنهم ..شماتة ..ومنهم ومنهم ومنهم ...وهو أنا واحد منهم ..صدقيني ..
أنا متزوج ..كان عندي ماضي ..سطحي جدا ..ولكنه جرحني ...

في أول فرصة وتخلى عني بدافع مادي بحت ...أنا اليوم من حين ..

لآخر اسال عنها ..هي الآن تلات سنوات ونصف مخطوبة ..فقط

بدون زواج ... هنا الدرس وهنا انا ..هي المادة التي تتبعت طريقها

لم توصلها لشئ ...ولكن أنا متزوج ..والحمد للله ..وجدت من وجدني

ولا اخفيك سرا ...هنا في الأول يكون إحساس جميل (شماتة) ولكن

في بعد ..وبعد الإنجاب يتغير كل شئ ..سوف يتغير تفكير زوجك

تماما ..وإنما أولادنا أكبادنا تمشي على الأرض لو هبت الريح على

بعضهم لامتنعت عيني من الغمض .......... سوف يترك السخافات ..

الفكرية ..الى العطايا الوجدانية ..أحب زوجتي ..وكبدي فقط ..ولا

يهمني اليوم ..من داك شيئا ..وكأنه لم يكن . صدقيني .

[moucha rayane]

لا حول ولا قوة الا بالله

[sara201]

اختي في ميزك ختي لفكر بشخص وفي يوم عرسه بذات لازم يكون كليا لعروسته هذا باين مانساااش بنت وانتى بدورك تنسيه ايااها وما كان لها تهتمى بهذى مسالة قداامه بينى روحك ماكيش مهتمة ومع وقت راح يدرك ويتغير بنفسه ماتخافيش ماضي صعيب يتنسااا بين ليلة وضحااها برك اصبري وان ساء الله مايكون غير لخير

[فهيمة 7]

عزيزتي مرحبا ،ماذكرتيش كيفاش تلاقيتو او تزوجتو قصدي زواج مدبر تاع الاهل نتمنى تجاوبيني على هاذ السؤال المهم ؟ حبيبتي صلي او ادعي ربي يهديه انت الان متزوجة وهذه اول مراحل الزواج والزواج مسيرة طويلة من العقبات لازم تفوتيها بصبر اصبري وكافحي ما تزديش تذكريها في دارك علابالي بلي حاجة ماشي ساهلة مي لازم تكوني قوية في وقتنا هذا انا متاكدة بلي راكي رايحة تنسيه فيها او ما تنسايش تجاوبيني على سؤالي في امان الله