تسجيل الدخول

مشاهدة النسخة كاملة : حكايتي وين لحقت

مشكلتي
2014-03-06, 16:31
السلام عليكم

خاوتي انا صاحبة هذه المشكلة

http://www.djelfa.info/vb/showthread.php?t=1537650

حابة نخبركم وين لحقت لحكاية

صاحبتي بعد مانصحتها ولقيتها ماحبتش تسمع مني قولت لازم عليا مانزيدش ندخل في حياتها

لكن هي كانت تجي وتقعد وتحكيلنا ولله العظيم مانقدر نسمع لحكايتها لي يندبلها الجبين

ماقدرتش نسكت ونتحمل ورجعت نحاول فيها انها تبعد على هاذ الطفل وحاولت نقوللها انو راهو ماهوش ولد ناس ومنافق حاولت حاولت لكن ماكاين حتى فايدة

في هذيك لعشية لي نصحتها فيها وكل وحدة راحت لدارهم

صونا تيلفون نتاعي بعد عدة مكالمات رفدت
قالي سلام قولتلو سلام شكون معيا قالي معاك فلان ( طفل لي راهي صاحبتي دايرة معاه علاقة ) ,,,, مزالني نقولها صاحبتي لاحول ولا قوة الا بالله
المهم انا مصدومة كيفاش تمد نيمرو نتاعي انا الرقم نتاعي مانمدو لحتي واحد عند غير صحاباتي في 3 و دارنا برك

لبنات ومانمدلهمش الرقم نتاعي يا مابالك هي مداتو لواحد كيما هذاك

تعرفو وش قالي

قالي عيشي حياتك ماتعيشيليش حياتي

مادخليش روحك فينا

انا مصدومة :confused:

مانيش مصدقة طفلة كنت خايفة عليها تروح وتحكيلو كلشي وش قولتلها كي لبهلولة

هذا جزائي بعد مانصحتها

انا درك قطعت علاقتي بيها وقولتلها انسايي لي بيناتنا من اليوم لي بيني وبينك خلاص

وماعودتي تهميني في حتى حاجة

هي لدرك شايفة روحها مش غالطة في حقي وقالتلي هذي بينك وبينو

تعيشو قولولي كيفاش بيني وبينو انا مانعرفوش هو نعرف صاحبتي وهي خرجت روحها

قولولي وش ندير بعد هذا

وهل القرار لي اتخذتو صحيح ولالا
عطر الجوري
2014-03-09, 23:11
غير اجبدي روحك وبعدي الي عطاتلو رقمك غدوة تعطيلو تصويرتك ويبقى يهدد فيك نصيحتي ماتخلطي في **** ماتجيك الريحة الهاي في قرايتك واخطيك من فلان وعلان
dotnet
2014-03-10, 10:26
اقول لك شيئا واحدا فقط

اذا زدتي حكيتي معاها فاعلمي أنك انتي المخطئة لأن الصاحب ساحب ان لم تسحبه الى الخير سيسحبك الى الشر حتما

والسلام
oumhana
2014-03-10, 10:38
لا حول ولا قوة إلا بالله هذي مشي صاحبة أجبدي روحك منها قد ما تقدري ومتهدري عليها متجبديها مع لبنات هذي قادره تأذيك و تروح معاك بعيدبلاكي وردي بالك ردي بالك من هذا النوع يا لطيف
naamane3
2014-03-10, 16:34
كيما قالو الاخوة بارك الله فيهم
لكن يبقى شيئ مهم
وهو الدعاء لها غيبا
عسي ان تستجاب دعواتك وينصلح حالها
la fleur bleue
2014-03-10, 20:22
la hawla wala kowata illa biha hatha chaytan stadrajha meskina mais tkhafi tkamli m3aha kach mayediroulek rabi yostor
lachiche
2014-03-11, 00:02
انت درتي الواجب نتاعك و ربي يجازيك ان شاء الله و هي راهي في الحرام و يجي النهار و يتفارقوا و تعرف قيمة الصديقة الوفية لي نصحتها و انت ديري صديقة جديدة و بنت فاميليا و تستمر الحياة
فارس وجواد
2014-03-11, 12:06
أختي أنت ينطبق عليك المثل من تدخل في ما لا يعنيه سمع كلاما لا يرضيه .
صديقتك هذه كبيرة و تعرف صلاحها و اختارت طريق اللهو و المجون بمحض ارادتها فلماذا التدخل في شؤونها .
حتى اصبحت عالقة مع شخص آخر بسببها و حتى لو كان هذا الشخص ما يسواش كيما نقولو و رغم هذا ظلمتيه .
لذا يا أختي كان الأولى عليك هجر هذه الفتاة عوض مسايرتها و النتيجة رقم هاتفك عند من هب و دب .
و ترقبي قريبا اتصال هاتفي من مجهول......
chamam
2014-03-11, 12:22
السلام عليكم ........انت فتاة ...كتيرة الاختلاط ...وهدا شئ غير صحي ...لن اقول لك الا اقطعي جميع اصحاب السوء ...وتدكري

يجب ان تعترفي ..حتى تعرفي ....انت فتاة ايضا سيئة ....وهنا يجب ان تراجعي كتير من امور حياتك ...لا تحطمي حياتك يا اختي

فما تضنيه صغيرا ...يأتي يوم وتتفاجئين بانه كبيرا ..والجبال من حصى ... تقبلي صراحتي ومروري .
نزهة الربيع
2014-03-12, 22:12
غيري شريحة هاتفك وماتمديهش لحتى واحد وبعدي على الشر
مواطنة جزائرية
2014-03-12, 22:20
الشيء اللي خاطيك خاطي يعييك


ربي يستر عليك وعلى صديقتك و على كامل بنات المسلمين و المسلمات
اميرة13
2014-03-12, 23:17
الله المستعان
miss-khadij
2014-03-13, 00:16
بارك الله فيك فيكي اختي لي بحالك قلال اليوم انتي لي عليك درتيه والله يهديها هاد الطفلة وفرايي جبدي روحك عليها وادا احتاجتك وندمت لاحقا كوني معاها
فاتي المحجبة
2014-03-14, 09:32
لا حول ولا قوة الابالله العلي العظيم
استغفر الله العظيم
حقا واذا لم تستحي فافعل ما شئت
اجرك على الله
prf
2014-03-14, 15:06
Rodi balak
prf
2014-03-14, 15:11
Golii man tosahib agolo la a man ant
bellaluna
2014-03-15, 01:02
السلام عليكم ........انت فتاة ...كتيرة الاختلاط ...وهدا شئ غير صحي ...لن اقول لك الا اقطعي جميع اصحاب السوء ...وتدكري

يجب ان تعترفي ..حتى تعرفي ....انت فتاة ايضا سيئة ....وهنا يجب ان تراجعي كتير من امور حياتك ...لا تحطمي حياتك يا اختي

فما تضنيه صغيرا ...يأتي يوم وتتفاجئين بانه كبيرا ..والجبال من حصى ... تقبلي صراحتي ومروري .

كيف عرفت ؟
sanax
2014-03-15, 16:11
انت درتي لي عليك غير بعدي وعن تجربة نقولك يعي يدور الزمان وتعود صديقتك تطلب السماح
biti
2014-03-19, 23:31
بارك الله فيك وكثر من امثالك
نصيحة بعدي عليها وارتاحي هي اختارت طريقها وانتي اخترتي ايضا
حميد أبو نوفل
2014-03-20, 00:04
إنك لن تهدي من أحببت ولكن الله يهدي من يشاء
koka27
2014-03-20, 22:08
الطفلة هاذيك راهي باغية
على روحها الله يسهل عليها
انتي اخطيك منهم
ام امـــــــنــــــة
2014-03-21, 01:07
اخطيك منها اختي واياكي ورفيقات السوء انت الي اخطات من المرة الاولى كنت مالازمكش تخالطي عبد كيما هدي ربي شاف ليك وبعدك عندها
sissi yasmine
2014-03-21, 12:03
ana 3andi hadi khyrato howa 3lik rebi yhdiha nti drti li 3lik w ejbdi rohak khir balak hiya tani mskina taht f wahd wa3r bzf w 9n3ha bach tmdlou num ta3k y9der y9n3ha bah tmdlou haja wahdokhra mala ejbdi rohak khir lk okhti
haytoo82
2014-03-21, 13:03
اخطيك منها اذا بقيتي مصاحباتيها رايحة تجرك بلا ما تدركي وهذا من واقعنا المعاش وليس كلام فقط انت ديري اللي ترضيك امام ربي وخلي عليها ربي يهديها