حبيت اتنفس في هذا الموضوع (خلاص ما قدرتش.......)

[حسان الجلفاوي]

السلام عليكم ورحمة الله
اسمحولي يا جماعة لاني راح فرغ القش الي فيا من هذا البلاد وهذا التسير
ممكن انا واحد جزائري راح اطرح موضوع مش باش نذم بلادي بل بالعكس انا حاب الخير لبلادي
ممكن راح هذا الموضوع يحرك بعض القلوب او بعض المسؤلين او بعض الي راح يصيرو مسؤلين
اما موضوعي هو ان مرضت او هبلت اذا صح القول من هذا التسير انتاع البلديات اذا كنت راح تخرج ورقة من هذه المؤسسة يقولولك
1 الي يخدم هذه الورقة مش هنا تروح وترجع من بعديقلولك

2الي يكاشي مش هنا

3 - اذا جاء الي يخدم الورقة يقول هذا النوع من الورق ما يخدموهش هنا روح الى البلدية الاصلية او البلدية الام

4- اذا روحت البلدية الاصلية يقولولك هات الكواغط الي تثبت انك الشخص المعني او اي حجه المهم يذكرلك مشكل

5- ....................................

6-......................

7-.........

8-....

وفي الاخير اذا خدمولك هذه الورقة تلقا فيها الف خطأ
وهذا الورقة ما تستهلش اقل من 4 دقائق
وانا عندي اكثر من اسبوع ما خدمتهاش
واش هو الحل راني كرهت
واش نقول حسبنا الله ونعم الوكيل ورانا صابرين
اسمحولي اسمحولي
سلام

[ع.جمال]

السلام عليكم.
مازال حاجات لم تذكرها.
الشخص المسؤول عن الإمضاء في عطلة أو مازال مالحقش أو ماكانش واحد أيجي في بلاستو.......................
كوب الشاي أو القهوة أمام الكاتب والسيجارة مشتعلة وإذا تكلمت قول على نفسك يارحمن يا رحيم ..حتى الناس تلوم عليك أوتصبح أنت الغالط........
البورتابل شغال وإذا تكلمت تسمع: واش ماكش حاب تفهم خويا راني نخدم.................
سجل الشكاوى موجود ولكن لا يمكنك الحصول عليه حاب تشكي روح وين حبيت.......................
أوزيد يا بوعلام زيد...............................
وبارك الله فيك أخي الكريم على طرح المشكل الذي لا حل له في دنيا الغرائب والعجائب...................
واستحمحك عذرا أنت والأعضاء لأنني استعملت العامية في ردي وهذا ليس من طبعي................

[مارس]

حسبنا الله ونعم الوكيل

[madjid-307]

بلاد ميكي بلاد الشيكي والبيكي

[مارس]

بلاد ميكي بلاد الشيكي والبيكي



ماشي البلاد حاشة البلاد جنة فوق الارض و غاليه ماعرفوش إيسيروها

[madjid-307]

ماشي البلاد حاشة البلاد جنة فوق الارض و غاليه ماعرفوش إيسيروها


شكراً أخي أنا كي قلت البلاد ماشي قصدي التراب بلادنا مليحة وتاع خير مي الغاشي لي حاكمينها هاذا هو قصدي أخي

بارك الله فيك (شوف التوقيع تعرف بلي أنا نحب بلادي)

[سلاف26]

ربي يكون في العون هذه مشكلة الجميع و أنا لا أكره شيئا مثل الذهاب للبلدية لإستخراج الأوراق "السكر و الضغط يحكم الواحد"
مشكور على الموضوع و ربي يفرج

[نينا الجزائرية]

العيب ليس في بلادنا حشاها لكن في الناس الي تسيرها اذا كنتو مشي قادرين تخدمو خلو الناس لتحب تخدم تخدم والله تغبنونا وتخدمو السكارة ومن بعد يشكو من الخلاص ما يكفيناش وما لحقناش ياو هاذو دراهمكم مفيهمش البركة خطاش متخدموش كامل

[rafika1988]

يا خويا هذه الظاهرة البلاد كاملة راهي عايشتها والله ما تجي تخرج الورقة غير بسيف وزيد بزيادة كي تسقسيهم على حاجة يشنفوا عليك تقول يخدموا من فوق قلوبهم ......
بصح واش نقولك نوكلوا عليهم ربي برك ................................نشكروك على الطرح

[بورمله]

اعطى مقترحات لعل وعسى
كيفاش حب يكون التسيير فى البلديات ؟

[ღ كبريـاء أنثـى ღ]

عندك الحق خويا ظواهر منتشرة في كل مكان
رحيل

[حسان الجلفاوي]

السلام عليكم
واخيرا راني خدمت هذا الورقة وكتاش بعد ما جبت اسم هذا السيد الي يخدم هذا الورقة والمشكل انو كاين غير واحد يخدم هذه الورقة
الورقة
وبعد الاسم انتاعو جبت نيمروه وكلمتو وقالي الغدو ارواح ونخدمهالك
ولله الحمد خدمتها وكتاش بعد اكثر من 8 ايام
واسمحولي على هذا الموضوع ولكن انا حاب الجيل الجاي يخدم ويطلع هذا البلاد
واخيرا سلام

[اسد الاسلام81]

الله يقدرك يااخي.......والله يكون في عونك.......والله يهدي هادو الناس الي ما راهمش حاسين بالمسؤولية..........حسبنا الله ونعم الوكيل..

[beta17]

الحاج دحمان واش قاصبوا كما يقول المثل
الصيف طويل وفي قردك وعلى رسلك المحبة تجي حبة حبة كيما يقولوا ناس بكري
rak fi l algrie

[B.Badis]

نقولك حاجة يا أخي ....و الله الحق يقال .... صراحة أغلبهم راهم يطبقو في القوانين لكن حنا تجينا غريبة و نقولو راهم يظلمو و يشقيو فينا ... أنا الحمد لله لما أقرى أمام المكتب اللي قاصدو أو في البلدية القوانين و نطبقها نلقاهم يقضولي حاجتي بدون تردد و الحمد لله ...إلا إذا أنا نسيت مادرتش شرط من الشروط كنسيان وثيقة معينة فيمكن يتساهلو و يمكن لا .... و من المفروض لا يتساهلو لأنها القوانين ...لكن بالنسبة للضرف نتاعك الله أعلم و ربي يكون معاك
و شكرا ....رأيي

[** مريم **]

السلام عليكم و رحمة الله . اذا شفتو حلقة الحاج لخضر تاع الادارة كي كانت الموظفة تخدم في البوراك :: ههههههههه و الله ضحكت بصح قلت هذا راو مرڨها !! لكن و الله صدقوني ههههههههههههه رحت نخرج ورقة من مصلحة الضرائب ... بقيت نستنا المادام تكتب و تڨصر و تضحك ... اومباعد جاء موسيو بالكاسكروط يهدر و الماكلة في فمو !!! ڨصرو ڨصرو ... اومباعد قالتلو ارواح نديرليك شويا زيت زيتون في الكاسكروط !! والله !!! هههههههههه
راني نحكي و ماشي حاكمة روحي بالضحك وراهي ال 5 تاع صباح !!!
اومباعد قاللها نتي وقتاش جيبيلنا لمحاجب ؟!!! اومباعد بقاو يهدرو امور ... طيحو القدر ماكاله نحكيلكم ...
كنت مع اختي الصغرى ... خرجنا مدهوشات وما خدمولناش الورق كاملين ... قالتلي اختي لوكان عرفت هكذا نجيب كاميرا و نفضحهم في انترنات !!!
هههههههه
اخي، صدقني، انا جد جد جد حريصة على امور الوثائق و الملفات و حاجة ما تخص .... وما قدرتلهمش !!! لا حول و لا قوة الا بالله.
اخي، لكن نعطيلك حل صغير انا نعمل بيه و عادة نتهنا !!
ـ لازملك الكوارط كامل اللي تقدر تكون خاصة بيك و كل ميدان تعمل فيه او تدرس
( المطلوبة و الغير مطلوبة باش ما يجبدولكش السبا)
ـ لازملك من هذه الوثائق نسخ عديدة
ـ نهار تعوّل تخرج ورقة لازم تجي قبل كامل الخدامين . نوض بكري و كون انت الاول باش اذا رجعوك يكون عندك الوقت تولي في نفس اليوم .
ـ كي يقولولك روح خص هذي و كذ وكذا .... سمّط عليهم شويا !! بصح بالقدر و الاحترام . اقتلهم بالقدر اذا قدرت هههههههههه باش ماتموتش انت بالقنطة ... يتحاماو عليك حتى واذا حقوقك كامل عندك . حذار !! واعرين !!
انا هكذا ندير وفي غالب الاحيان نبقى مهنيا و الحمد لله .
انا انتظر ردك و اسمحلي طولت وخذيت راحتي حكيت

[تَــــــيْمَـــــآءْ ,]

ماشي البلاد حاشة البلاد جنة فوق الارض و غاليه ماعرفوش إيسيروها

ذرك عاد كل حاجة تصرالو يقول بلادي ماشي مليحة

علاه كل هذا

سلام