عااجل : من لديها غسالة ملابس جيدة تدخل

[أم تسنيم ومعاد]

رجاءا نحن في الانتظار .............هكذا تعم الفائدة بيننا ونتفادى الوقوع في الأخطاء التي وقع فيها الآخرون .
وشكرا ..........رجاءا المشاركة تكون بالإجابة كما يلي :

1- العلامة التجارية : او الماركة تع الماشينة
2- سعرها : يعني السومة
3- نوعها : من البلاستيك أو الإينوكس
4- تفتح من فوق أو من الجانب
5- أوتوماتيكية : يعني برمجيها وخليها تخدم وحدها ولا ميكانيكية اي لها بابين منفصلين .
6- من أين اشتريتيها
7- ما هي العيوب التي وجدتيها فيها .

[momo99]

انا شريت مشينة عندها 4 او 5سنوات اسمها ماكس تور ووزن الملابس فيهل 12.5 ب1300 بتلطاعش ميا بلاستيك تفتح من فوق جهة الغسيل وحدها والعصر وحدها اشتريتها من الجلفة لا اعتقد انوفيها عيوب مع انها منض شهر اسبحت تسرب الماء لجهة الرياشة بصح راه عندها 4او5سنوات يعني هدا شئ عادي لعباد وتموت وين يامشيتة رها شدت وقت الله بارك وشوفي الاخوات ممكن يساعدوك باحسن منها

[أم تسنيم ومعاد]

شكرا على المشاركة .

[ام مهدي 03]

1- العلامة التجارية : careera
2- سعرها : 1400
3- نوعها : من البلاستيك
4- تفتح من فوق
5ميكانيكية اي لها بابين منفصلين .
6- من باتنة
7- عندها 3 سنوات ما شكاتش .المشكلة فيا انا مرة لى ما حطيتش الشباك الى يقفل جهة العصير حتى فات تريكو وفسد بزاف بياسات. خدمتها ب 120 . . الحمولة نتاعها 12كغ

[أم تسنيم ومعاد]

1- العلامة التجارية : Careera
2- سعرها : 1400
3- نوعها : من البلاستيك
4- تفتح من فوق
5ميكانيكية اي لها بابين منفصلين .
6- من باتنة
7- عندها 3 سنوات ما شكاتش .المشكلة فيا انا مرة لى ما حطيتش الشباك الى يقفل جهة العصير حتى فات تريكو وفسد بزاف بياسات. خدمتها ب 120 . . الحمولة نتاعها 12كغ



بالفعل هي غسالة جيدة جدا ........وكانت أول غسالة كسبتهابعد زواجي ..... ..والله غير فرجت عليا بزاف بزاف ........

[سمراء الدنيا]

عندي غسالة سامسونغ تفتح من الامام سعتها 7 كلغ سعرها 3 ملاين و نص .... ما عندهاش سنة فسدتلي و رجعت تضربني فيها تريسيتي قالينا الصانع تحرق فيها الريزيستونس و ما زال ما خدمناهاش
انا كنت باغية ارتور مارتان هي لمخيرة و الله غالب للي وصيناه جابلينا هاذي و قالينا مليحة
راني نغسل في لقديمة نتاع بلاستيك
مركة ال جي سعتها 6 كلغ سعرها مليون و شريتها من العاصمة فيها حوض واحد و تغسل مليح و راهي عندي في 11 سنة عمرها و لا فسدت عيبها انا ما تشلل ما تعصر

[أم تسنيم ومعاد]

عندك الحق ..........ماكة سامسونج ادات الشيعة برك ......بصح ماشي مليحة فالغسالات الاوتوماتيك ..............وكي تشوفي فالأنترنت الغسالات سامسزنج فالعالم تلقايها ما تتشبهش للغسالات سامسونج تع الدزاير ...........على هاذي ما يغسلولناش مليح .....و انا كانت لي تجربة مع غسالة سامسونج البلاستيكية ولكن اوتوماتيكية و سمعت الناس قع يقولو مليحة ..............بصح انا ما عجبتنيش .......بعتها وراني نحوس على غسالة اوتوماتيكية وحدوخرا ........بصح هاذي المرة لازم تكون جيدة ........وعلاه ياك الدراهم رانا نتعبو عليهم .......لازم نجيبو حاجة اللي نستفادو منها .ماشي العكس .

[ياسمين1990]

سلام خوفتوني من الغسالة سامسونج
عندي وحدة جديدة مزال مجربتهاش 7 كيلو
مزال مستعملتهاش وخايفة منها

[ام هاديل وياسين]

السلام عليكم ورحمة الله وبركاته
في الاول كي بغيت نشري الغسالةالاتو ماتكية حوست على ماركة ارتو مارتان قالولي مليحة بزاف بصح كي سالت تاجر الي يبيعهم حذرني منهاوقالي اغتو ماغتان لم تصبح الاصلية بالمعنى راهي مخدوعة فشريت سامسونج ونغسل فيها عادي والحوايج يخرجو روعة سلام

[رحيق الايمان]

ana tani haba nechri wahda we hert kont haba nechri condor 8 kg kima ta3 darna dork fi 8 snin mchkatech bsh ldorof madia wzid na3ref wahda takhdem fihm gatli hadik condor ta3 bekri dork ili yakhdmohm fi dzayer magchochin dork nashoni bsamsung blastique automatique wach raykom wala nechri star light 3la akal ki tefsedd yb3touli piece

[نونة الجزائرية]

1- العلامة التجارية : samsung
2- سعرها : 40000دج
3- نوعها : الإينوكس
4- تفتح من الجانب
5- أوتوماتيكية : يعني برمجيها وخليها تخدم وحدها
6- من أين اشتريتها : لا اعرف اشتراها زوجي
7- ما هي العيوب التي وجدتيها فيها : حاليا ولا عيب

[نونة الجزائرية]

سلام خوفتوني من الغسالة سامسونج
عندي وحدة جديدة مزال مجربتهاش 7 كيلو
مزال مستعملتهاش وخايفة منها

املك وحدة من 3 سنوات تغسلي مليح ولا مرة خسرتلي

[anfal_42]

السلام عليكم انا عن نفسي استعمل ماركة سامسونغ نتاع بلاستيك عندها deux bassins راهي في عشر 10 سنين محبستش المهم حطيها في مكان مهوي باش مايتآكلش غطاءها الخارجي (من الجوانب) والله معاونتني بزاف وماهيش غالية .

[نور الملاك]

واش رايكم في غسالة كوندور البلاستيكية وادا حبيت نشري واش تنصحوني بخصوص غسلات البلاستيك ؟

[souad07]

اختي عليك و على هدا الماسينة ماتقولش اه راسي
lg
سعرها 45000 7 كلغ
ماهيش بلاستيك
تفتح من الجانب
كل حاجة فيها اوتوماتيك
تشدلك اكثر من 10 سنيين وما تقولش يا راسي

[azych]

حبيت نشارك بتجربتي
عندي ماشينة لافي lg من البلاستيك وعندها بابين من فوق .وعندها 5 سنين وهي تغسل وعمرها ما قالت يا راسي
. شريتها 1200000 سنتيم .سعت 7كغ .في الحقيقة لضرك مزال تغسل مليح عيبها الوحيد لازم تبقاي واقفة عليها
حبيت نشري وحدة اتوماتيك واحترت في احسن ماركة
نتمنى من لي مجربة وحدة مليحة تفيدنا

[ميمي 180]

jbart wahda marque carera major cara en plastique besah tben solide geli 1milion800
chkoun andha kifha svp fiha 2bassin

[لجين وفاء]

انا عندي سامسونج تتفتح من الجنب تاع 7 كيلو شريتها 37000منا من قسنطينة اوتوماتيك نحطها ونخليها تدبر راسها حتى تصوني عليا وتقولي راني خلصت عندها 4 سنين وهي عندي ما شكات من والو والحمد لله

[ورود ياسمين]

راني حايرة وش نشري

[،،ايمان،،]

يعني بالاجماع lg و كاريرا هما احسن ماركة

[hobbio]

عندي غسالة star laght عندها عامين ما عرفتش البرنامج انتاعها لي تعرف ما تبخلش عية اكون شاكرة

[hobbio]

عندي غسالة star laght عندها عامين ما عرفتش البرنامج انتاعها لي تعرف ما تبخلش عية اكون شاكرة

[عائشة بنت الهضاب]

الة الغسيل انتاعنا هى arthur martin عندها 5 سنين ولحد الان تغسل و تغسل حت الزور ومتفزدش لحوايج سعرها نسيتو سمعت الناس تشكر فى انتاع lg

[La perle rare]

3andna wahda LG automatique hdid terfed 7kg dir 50000 3andha garantie ta3 le moteur 10 ans mafiha hatta probleme w elhamdoulillah

[ام جزائرية]

1- العلامة التجارية : Lg
2- سعرها : 4 ملايين و600 بالتقسيط
3- نوعها : الإينوكس 7 كيلو
4- تفتح من الامام
5- أوتوماتيكية : يعني برمجيها وخليها تخدم وحدها
6- من أين اشتريتها : من عند تاجر يبيع بالتقسيط
7- ما هي العيوب التي وجدتيها فيها : ماشاء الله حاليا ولا عيب اشتريتها في الصيف هذا برك
ماشاء الله تقتصد في الماء .اكتشفت هذا بعد ماشريتها بلي كنت اكبر مبذرة ماء في غسل الثياب .بلا تعب الظهر كي نوظ من القصعة انتاع القش والله غا كنت نوظ عوووووووجة
ضرك الحمد لله كي تخلص اتسونيلي انجي نفرح وانا ننشر في القش ونشكرها ونهدر معاها ونقول ماشاء الله
حتى ماما لما انجيب قشها ونغسلولها اتقلي ساليلي اعليها .انا حاسبتها اختي لعزيزة والله ماي خسارة خصوصا اللي يعود ظهرو يوجعو وعندو الاولاد
وحتى هي ملتستهلكش الكهرباء بزاف وحتى الماء ماش لازم يكون قاوي
انا بالستارنة اللي فوق السطح تغسلي
ياااااااااااااارب ارزق كل واحدة ماشينة لافي تهنيها من التعب آميييييييين يارب العالمين

[amoulabougoufa]

انا عندي brend غسالة اتومتيكية تزن 7كغ دير كلش وحدها عنها 5 سنين الحمدلله و تتفتح من الامام راها دير 45000

[ام محمد28]

حبيت نشارك بتجربتي
عندي ماشينة لافي كريرا من البلاستيك وعندها بابين من فوق .وعندها حوالي8 ولا اكثرسنين وهي تغسل وخدمتها عدة مرات
. شريتها 1500000 سنتيم .سعت 9كغ .في الحقيقة لضرك مسكينة مزالت تقاوم و تغسل مليح عيبها الوحيد لازم تبقاي واقفة عليها .انا تاني
حبيت نشري وحدة اتوماتيك واحترت في احسن ماركة
نتمنى من لي مجربة وحدة مليحة تفيدنا