تعيشو عاونوني قريب نزيد و معرفتش واش نوجد [الأرشيف] - منتديات الجلفة لكل الجزائريين و العرب

marwa50

2014-03-03, 11:03

راني في الاسبوع 36 يعني دخلت للتاسع ومعرفتش واش ندي معايا للسبيطار وكيفاش ندير

ومتى يمكن للمراة ان تولد اي اسبوع بالنسبة للمولود الاول

melissa lola

2014-03-03, 11:24

السلام اختي ربي يطلعك على خير خملي حقيبتك من الان ماتخليش روحك لاخر لحظة على خاطر قادرة تزيدي في الاسبوع الاول ولا الرابع من الشهر التاسع هي عموما الولادة الاولى حتى تكملي تسعة اشهر بالنسبة واش لازم تدي معاك حوايج البيبي ادي زوج تبديلات قادر يتوسخو حوايجو باه تبدليله ومايبقاش مشمخ وبردان ليكوش كوفيرطة لحاف انتاع البيبي تالك ولانجات و بالنسبة ليك جبة اللي تولدي بيها ملابس داخلية بيجامة كي تسلكي تلبسيها بينوار وطبعا فوط صحية اختي نسيت بالنسبة للبيبي وجدي من قبل رضاعة غليها واشري حليب اطفال واديه معاك عسة قادر مايحطش فيك الحليب تم تم مايبقاش وليدك يبكي وجيعان الله يفرحك اختي وقفة ساهلة انشاء الله

sarfai

2014-03-03, 16:29

rabi ya3tik wa9fa sahla yakheti ana rani kima enti 3ada sana oula omoma fe osbo3i 22 diri kima gatelek 5ti me9bel yetraba fe 3zek

nadia info

2014-03-03, 19:54

ان شاء الله يعاونك هذا الرابط اختي
http://ana7amel.net/%D9%82%D8%A7%D8%A6%D9%85%D8%A9-%D8%AA%D8%AD%D8%B6%D9%8A%D8%B1-%D8%AD%D9%82%D9%8A%D8%A8%D8%A9-%D8%A7%D9%84%D9%88%D9%84%D8%A7%D8%AF%D8%A9/%D8%A7%D9%84%D9%88%D9%84%D8%A7%D8%AF%D8%A9/%D8%A7%D9%84%D8%A7%D8%B3%D8%AA%D8%B9%D8%AF%D8%A7%D 8%AF-%D9%84%D9%84%D9%88%D9%84%D8%A7%D8%AF%D8%A9

marwa50

2014-03-04, 09:05

rabi yjazikommmmmmmmmmmmmmmmmm akhwati sahitou

mira mira02

2014-03-04, 09:18

ربي يعطيك وقفة ساهلة

غزة في عيوني

2014-03-04, 09:46

ربي يعطيك وقفة ساهلة ارجووووووووووووك ادعيلي ربي يرزقني الزوج الصالح ارجووووووووووك

salima14

2014-03-04, 10:15

ربي يتمملك بخير إن شاء الله راكي سابقتني أنا راني فالاسبوع 32 مازال عليا
لحال بصح وجدت التروسو هكا نكون واجدة كي يلحق لوقت مانبقاش مشلوشة
لازم تخملي قشك من درك
للبيبي
2تريكو جلد
2بيجامات
2بونيات
فوطة ولو دو تواليت وكرام باش تنقيه ولي كوش
وتيتين ودرا وكوات صغيرة تلميه فيها

salima14

2014-03-04, 10:24

ونتي لازمك تبديلة كاملة
سوفاتمو 2
فيزو
عباية تكون تتحل من قدام تسهل عليك الرضاعة
وفولار صغير تعصبي بيه راسك
ولانجات تنقي بيهم روحك
وديو دورون وكرام للوجه بعد الولادة راكي تولي صفرة هههه
وكحلي عويناتك

salima14

2014-03-04, 10:34

ننصحك اختي بالرضاعة الطبيعية راها مليحة ليك وللبيبي
منها انتي تنقسي فالمزان ومنها لبيبي يخرج بصحتو هذي عن تجربة
انا هذا حملي الثالث ربي يتمم على خير يارب
واول مرة تجيك صعيبة الرضاعة يوجعك صدرك واكثر النسا يحبسو على
هاذ الشي وباش تتفاداي هذا المشكل اشري هاذ البوماد اذا كانت
متوفرة تم والا سقسي لفارماسيان علي مركة اخرى والله تنفعك بزاااااف

salima14

2014-03-04, 10:37

ان شاء الله مانكون نسيت والو ويزيدو لبنات يعاونوك ربي يسهل
وتفكري ادعيلنا معاك اي استفسار راني هنا

salima14

2014-03-04, 11:01

http://www.pharmashopdiscount.com/24414-8909-large/lansinoh-creme-pour-allaitement-40ml.jpg

marwa50

2014-03-06, 09:28

http://www.pharmashopdiscount.com/24414-8909-large/lansinoh-creme-pour-allaitement-40ml.jpg
شكرا اختى راكي افدتيني ونبهتيني لعفايس نسيتهم ربي يجازيك ويعطيك وقفة ساهلة

ربي يعطيك وقفة ساهلة ارجووووووووووووك ادعيلي ربي يرزقني الزوج الصالح ارجووووووووووك

شكرا اختي وان شاء الله ربي يفرحك عن قريب ويرزقك بالزوج الصالح لي يسعد قلبك ان شاااااااااااء الله

ربي يعطيك وقفة ساهلة

شكرا اختي لربي يجازيك

**همسة حنين**

2014-03-07, 17:39

بارك الله فيكن

ربي يسهللكم ان شاء الله

انا هاداوين رانب فب وسط المشوااااااااااااااار
راني غير في الشهر الخامس

مي حبيت نقرعج

سلامي

بصمة قلم

2014-03-09, 09:21

السلام اختي ربي يطلعك على خير خملي حقيبتك من الان ماتخليش روحك لاخر لحظة على خاطر قادرة تزيدي في الاسبوع الاول ولا الرابع من الشهر التاسع هي عموما الولادة الاولى حتى تكملي تسعة اشهر بالنسبة واش لازم تدي معاك حوايج البيبي ادي زوج تبديلات قادر يتوسخو حوايجو باه تبدليله ومايبقاش مشمخ وبردان ليكوش كوفيرطة لحاف انتاع البيبي تالك ولانجات و بالنسبة ليك جبة اللي تولدي بيها ملابس داخلية بيجامة كي تسلكي تلبسيها بينوار وطبعا فوط صحية اختي نسيت بالنسبة للبيبي وجدي من قبل رضاعة غليها واشري حليب اطفال واديه معاك عسة قادر مايحطش فيك الحليب تم تم مايبقاش وليدك يبكي وجيعان الله يفرحك اختي وقفة ساهلة ان شاء الله

السلام عليكم بالنسبة للرضاعة سمعت طبيبة اطفال تنصح احدى الامهات ان لا تستعمل الحليب الصناعي الا بعد 4 ايام ، يعني حتى تيأس من عدم ادرار الحليب ، ونصحتها ان تعطي ابنتها ثديها ولو لم يكن به حليب لان ذلك يحفز ادرار الحليب، ولاسكات الرضيعة طلبت منها ان تعطيها الماء ومستخلص الاعشاب المخفف(تيزانة)

محبة رسول الله

2014-03-09, 22:36

ربي يسهلك أختي
انا عندي شهرين من لي زيدت ادي معاك تبديلة ليك ومتنسايش الكوش ليك اهم حاجة ننصحك ادي الكوش الكبار هادوك لي يلصقو كيما تاع البيبي والله روعة حاجة ما تقيسك وقشك يقعد نظيف ولولدك ادي زوج تبديلات وبوني زوج ولي كوش تاوعو طبعا وادي طراف يمسحولك بيهم للبيبي كي يزيد وادي ريحة وصابون ولانجات وربي يسهلك اختي وتكون زيادتك ساهلة يا ربي
ومتنسايش البيبرو تعطيلو ما وسكر حتى القابلات ينصحوك يقولولك اعطيه كي يبكي شوية ما وسكر مالا ادي معاك بيبرو صغير
ربي يسهلك

امونة الشاوية

2014-03-09, 23:17

ربي يعطيك وقفة ساهلة

salima14

2014-03-11, 12:36

ربي فرح كل وحدة ويعطيها وقفة ساهلة